EUR-Lex Access to European Union law
This document is an excerpt from the EUR-Lex website
Document 31979R2806
Commission Regulation (EEC) No 2806/79 of 13 December 1979 on the exchange between the Member States and the Commission of certain information concerning pigmeat and repealing Regulation (EEC) No 2330/74
Ir-Regolament tal-Kummissjoni (KEE) Nru 2806/79 tat-13 ta’ Diċembru 1979 fuq il-bdil bejn l-Istati Membri u l-Kummissjoni ta’ ċerta informazzjoni dwar il-laħam tal-majjal u li jħassar r-Regolament (KEE) Nru 2330/74
Ir-Regolament tal-Kummissjoni (KEE) Nru 2806/79 tat-13 ta’ Diċembru 1979 fuq il-bdil bejn l-Istati Membri u l-Kummissjoni ta’ ċerta informazzjoni dwar il-laħam tal-majjal u li jħassar r-Regolament (KEE) Nru 2330/74
ĠU L 319, 14.12.1979, p. 17–18
(DA, DE, EN, FR, IT, NL) Dan id-dokument ġie ppubblikat f’edizzjoni(jiet) speċjali
(EL, ES, PT, FI, SV, CS, ET, LV, LT, HU, MT, PL, SK, SL, BG, RO)
No longer in force, Date of end of validity: 25/09/2006; Imħassar b' 32006R1319
Relation | Act | Comment | Subdivision concerned | From | To |
---|---|---|---|---|---|
Repeal | 31974R2330 |
Relation | Act | Comment | Subdivision concerned | From | To |
---|---|---|---|---|---|
Modified by | 31986R3574 | Sostituzzjoni | artikolu 2 | 25/11/1986 | |
Modified by | 31986R3574 | Emenda | artikolu 1.1 | 25/11/1986 | |
Repealed by | 32006R1319 |
Official Journal L 319 , 14/12/1979 P. 0017 - 0018
Finnish special edition: Chapter 3 Volume 11 P. 0157
Greek special edition: Chapter 03 Volume 27 P. 0104
Swedish special edition: Chapter 3 Volume 11 P. 0157
Spanish special edition: Chapter 03 Volume 17 P. 0019
Portuguese special edition Chapter 03 Volume 17 P. 0019
Ir-Regolament tal-Kummissjoni (KEE) Nru 2806/79 tat-13 ta’ Diċembru 1979 fuq il-bdil bejn l-Istati Membri u l-Kummissjoni ta’ ċerta informazzjoni dwar il-laħam tal-majjal u li jħassar r-Regolament (KEE) Nru 2330/74 IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabilixxi l-Komunità Ekonomika Ewropea, Wara li kkunsidrat ir-Regolament tal-Kunsill (KEE) Nru 2759/75 tad-29 ta’ Ottubru 1975 dwar l-organizzazzjoni komuni tas-suq fil-laħam tal-majjal [1], kif emendat l-aħħar mir-Regolament (KEE) Nru 1423/78 [2], u b’mod partikolari l-Artikolu 22 tiegħu, Billi l-Artikolu 22 tar-Regolament (KEE) Nru 2759/75 jipprovdi illi l-Istati Membri u l-Kummissjoni għandhom jikkomunikaw ma’ xulxin l-informazzjoni neċessarja għall-implimentazzjoni ta’ dak ir-Regolament; billi huwa neċessarju, jekk l-informazzjoni meħtieġa biex jaħdem is-suq organizzat għandha tkun disponibbli fuq bażi standard u meta jkun wasal il-waqt, biex ikunu stabiliti l-obbligazzjonijiet ta’ l-Istati Membri fir-rigward tal-komunikazzjoni ta’ informazzjoni; Billi l-applikazzjoni tal-miżuri ta’ intervent provduti fl-Artikolu 3 tar-Regolament (KEE) Nru 2759/75 jeħtieġu fehma preċiża tas-suq; billi, sabiex jinkiseb l-għola grad ta’ tqabbil, il-prezzijiet għal majjali maqtulin li għandhom ikunu kkunsidrati għandhom ikunu dawk għall-gradi importanti kollha fuq is-skala tal-Komunità għall-kwalità tal-karkassi kif imfasslin fir-Regolament tal-Kunsill (KEE) Nru 2760/75 [3] fl-istadju tal-marketing kif spjegat fir-Regolament tal-Kummissjoni (KEE) Nru 1229/72 [4] u fuq is-swieq imniżżlin fl-Anness tar-Regolament tal-Kunsill (KEE) Nru 2762/75 [5]; billi, b’mod partikolari, għall-iskopijiet tar-reviżjoni regolari msemmija fl-Artikolu 3 tar-Regolament tal-Kunsill (KEE) Nru 2765/75 [6] u sabiex il-miżuri ta’ intervent jistgħu jkunu preparati fi żmien suffiċjenti, tali informazzjoni għandha tkun disponibbli dwar il-prezzijiet tal-majjali żgħar biex jippermetu t-tibdiliet futuri fis-suq li għandu jiġi stmat; billi, madankollu, l-Italja preżentement mhijiex f’pożizzjoni li tipprovdi l-informazzjoni kollha meħtieġa; Billi jista’ jiġri illi l-Kummissjoni ma tkunx irċievet kwotazzjonijiet; billi trid tkun evitata sitwazzjoni fejn in-nuqqas ta’ kwotazzjoni tikkawża evoluzzjoni anormali fil-prezzijiet tas-suq kalkolati mill-Kummissjoni; billi l-kwotazzjoni jew kwotazzjonijiet neqsin għandhom ikunu mibdulin bl-aħħar kwotazzjoni disponibbli; billi l-użu ta’ l-aħħar kwotazzjoni disponibbli m’għadiex iktar possibbli wara ċertu perjodu mingħajr kwotazzjonijiet, li jistgħu jwasslu għall-presunzjoni ta’ sitwazzjoni anormali fis-suq konċernat; Billi sabiex wieħed ikun jista’ josserva s-suq b’retta kemm jista’ jkun huwa mixtieq illi informazzjoni regolari fuq il-prodotti l-oħra tas-settur tal-laħam tal-majjal tkun disponibbli lill-Kummissjoni, kif ukoll informazzjoni oħra li jkollhom l-Istati Membri għad-dispożizzjoni tagħhom; Billi dan ir-Regolament jinkorpora d-dispożizzjonijiet tar-Regolament tal-Kummissjoni (KEE) Nru 2330/74 [7], kif emendat l-aħħar mir-Regolament (KEE) Nru 1188/77 [8]; billi r-Regolament (KEE) Nru 2330/74 jista’ għalhekk jiġi mħassar; Billi l-miżuri pprovduti f’dan ir-Regolament huma skond l-opinjoni tal-Kumitat ta’ Ġestjoni għall-Laħam tal-Majjal, ADOTTAT DAN IR-REGOLAMENT: Artikolu 1 1. L-Istati Membri għandhom jikkomunikaw lill-Kummissjoni l-iktar tard nhar ta’ Ħamis ta’ kull ġimgħa dwar il-ġimgħa ta’ qabel: (a) il-kwotazzjonijiet kif determinati skond ir-Regolament (KEE) Nru 2760/75 għal kull 100 kilogramma ta’ majjali maqtulin tal-grad kummerċjali II fl-istadju tal-marketing kif imfisser fir-Regolament (KEE) Nru 1229/72 u rrekordjat fis-swieq imniżżlin fl-Anness tar-Regolament (KEE) Nru 2762/75; (b) il-kwotazzjonijiet rappreżentattivi għall-majjali żgħar għal kull ras ta’ piż ħaj medju ta’ 20 kilogrammi. 2. Fejn waħda jew iżjed kwotazzjonijiet ma jkunux irċevuti mill-Kummissjoni din ta’ l-aħħar għandha tikkunsidra l-aħħar kwotazzjoni disponibbli. Fejn kwotazzjoni jew kwotazzjonijiet ikunu neqsin għat-tielet ġimgħa konsekuttiva, il-Kummissjoni m’għandiex tibqa’ tikkunsidra dik jew dawk il-kwotazzjonijiet. Artikolu 2 L-Istati Membri għandhom jikkomunikaw lill-Kummissjoni darba fix-xahar għax-xahar ta’ qabel il-prezz tas-suq medju għall-majjali maqtulin għall-gradi kummerċjali E sa IV kif speċifikat fl-Anness I tar-Regolament (KEE) Nru 2760/75. Madankollu, fir-rigward ta’ l-Italja, l-informazzjoni riferita fis-subparagrafu preċedenti għandha tiġi komunikata biss b’effett mill-1 ta’ Jannar 1983. Artikolu 3 L-Istati Membri għandhom, fuq talba tal-Kummissjoni, jikkomunikaw l-informazzjoni li ġejja, fejn disponibbli dwar prodotti koperti mir-Regolament (KEE) Nru 2759/75: (a) il-prezzijiet tas-suq fl-Istati Membri għall-prodotti importati minn pajjiżi li mhumiex membri; (b) il-prezzijiet dwar is-suq rappreżentattiv f’pajjiżi li mhumiex membri. Artikolu 4 Il-Kummissjoni għandha tevalwa l-inforamazzjoni trasmessa mill-Istati Membri u għandha tikkomunikha lill-Kumitat ta’ Ġestjoni għall-Laħam tal-Majjal. Artikolu 5 Regolament (KEE) Nru 2330/74 qiegħed hawnhekk jiġi mħassar. Artikolu 6 Dan ir-Regolament jidħol fis-seħħ fl-ewwel ta’ Jannar 1980. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-13 ta’ Diċembru 1979. Għall-Kummissjoni Finn Gundelach Viċi-President [1] ĠU L 282, ta’ l-1.11.1975, p. 1. [2] ĠU L 171, tat-28.6.1978, p. 19. [3] ĠU L 282, ta’ l-1.11.1975, p. 10. [4] ĠU L 136, ta’ l-14.6.1972, p. 9. [5] ĠU L 282, ta’ l-1.11.1975, p. 17. [6] ĠU L 282, ta’ l-1.11.1975, p. 23. [7] ĠU L 249, tat-12.9.1974, p. 13. [8] ĠU L 138, ta’ l-4.6.1977, p. 12. --------------------------------------------------