21973A1123(01)

Skambju ta' ittri

li jemendaw l-Artikolu 7 ta' l-Anness 6 mal-Protokoll Addizzjonali anness mal-Ftehim li jistabbilixxi l-Assoċjazzjoni bejn il-Komunità Ekonomika Ewropea u t-Turkija

Brussel, …

Sinjur,

Matul in-negozjati li saru fit-22 ta' Mejju 1973, il-partijiet tal-Ftehim li jistabbilixxi Assoċjazzjoni bejn il-Komunità Ekonomika Ewropea u t-Turkija qablu li jissostitwixxu t-test ta' l-Artikolu 7 ta' l-Anness 6 mal-Protokoll Addizzjonali anness mal-Ftehim imsemmi.

Kien miftiehem li l-Artikolu 7 l-ġdid ta' l-Anness 6 mal-Protokoll Addizzjonali għandu jidħol fis-seħħ fl-ewwel jum tax-xahar wara l-jum li fih il-Partijiet Kontraenti jinnotifikaw lil xulxin li l-proċeduri meħtieġa għal dan il-għan kienu ntemmu.

Inkunlek grat jekk tikkonferma l-irċevuta ta' din l-ittra u li l-Gvern tiegħek jaqbel mal-kontenut ta' din l-ittra.

Nitolbok taċċetta, Sinjur, l-assigurazzjoni ta' l-ogħla stima tiegħi.

Għall-Kunsill tal-Komunitajiet Ewropej

ANNESS

L-Artikolu 7 ġdid ta' l-Anness 6 mal-Protokoll Addizzjonali anness mal-Ftehim li jistabbilixxi Assoċjazzjoni bejn il-Komunità Ekonomika Ewropea u t-Turkija

"1. Sakemm it-Turkija tapplika ħlas ta' esportazzjoni speċjali fuq żejt taż-żebbuġa barra minn żejt taż-żebbuġa rraffinat, li jaqa' fis-subtitolu Nru 15.07 A II tat-Tariffa Doganali Komuni, u sakemm dan il-ħlas speċjali jkun rifless fil-prezz ta' importazzjoni, il-Komunità għandha tieħu l-miżuri meħtieġa biex tiżgura li:

(a) it-taxxa fuq importazzjonijiet fil-Komunità ta' l-imsemmi żejt totalment prodott fit-Turkija u ttrasportat dirett minn dak il-pajjiż lejn il-Komunità tkun it-taxxa kkalkolata skond l-Artikolu 13 tar-Regolament Nru 136/66/KEE dwar l-istabbiliment ta' l-organizzazzjoni komuni tas-suq fi żjut u xaħmijiet, u applikabbli wara l-importazzjoni, bi tnaqqis ta' 0.50 unita ta' kontijiet għall-100 kilogramma;

(b) l-ammont tat-taxxa kkalkolat skond (a) jitnaqqas b'ammont ugwali għal dak tal-ħlas speċjali filwaqt li ma jeċċedix 4.5 unita ta' kontijiet għall-100 kilogramma.

2. Jekk it-Turkija ma tapplikax il-ħlas speċjali li jirreferi għalih il-paragrafu 1, il-Komunità għandha tieħu l-miżuri meħtieġa biex tiżgura li t-taxxa fuq importazzjonijiet fil-Komunità ta' żejt taż-żebbuġa barra minn żejt taż-żebbuġa rraffinat, li jaqa' fis-subtitolu Nru 15.07 A II tat-Tariffa Doganali Komuni, tkun it-taxxa kkalkolata skond l-Artikolu 13 tar-Regolament Nru 136/66/KEE dwar l-istabbiliment ta' l-organizzazzjoni komuni tas-suq fi żjut u xaħmijiet (grassijiet), u applikabbli wara l-importazzjoni, bi tnaqqis ta' 0.50 unita ta' kontijiet għall-100 kilogramma.

3. Kull Parti Kontraenti għandha tieħu l-miżuri meħtieġa għall-implimentazzjoni tal-paragrafu 1 u, fil-każ ta' diffikultajiet jew wara t-talba tal-Parti l-oħra, għandha tforni l-informazzjoni meħtieġa għall-operat kif xieraq ta' l-arranġamenti.

4. Konsultazzjonijiet dwar l-operat ta' l-arranġamenti pprovduti f'dan l-Artikolu jistgħu jsiru fil-Kunsill ta' Assoċjazzjoni."

Brussel, …

Sinjuri,

Kontu ġentili ħafna li tikkomunikaw miegħi permezz ta' l-ittra li ġejja tagħkom bid-data ta' llum:

"Matul in-negozjati li saru fit-22 ta' Mejju 1973, il-partijiet tal-Ftehim li jistabbilixxi Assoċjazzjoni bejn il-Komunità Ekonomika Ewropea u t-Turkija qablu li jissostitwixxu t-test ta' l-Artikolu 7 ta' l-Anness 6 mal-Protokoll Addizzjonali anness mal-Ftehim imsemmi.

Kien miftiehem li l-Artikolu 7 l-ġdid ta' l-Anness 6 mal-Protokoll Addizzjonali għandu jidħol fis-seħħ fl-ewwel jum tax-xahar wara l-jum li fih il-Partijiet Kontraenti jinnotifikaw lil xulxin li l-proċeduri meħtieġa għal dan il-għan kienu ntemmu.

Inkunlek grat jekk tikkonferma l-irċevuta ta' din l-ittra u li l-Gvern tiegħek jaqbel mal-kontenut ta' din l-ittra."

Għandi l-unur nirrikonoxxi l-irċevuta tal-komunikazzjoni tagħkom u nikkonferma li l-Gvern tiegħi jaqbel mal-kontenut tagħha.

Nitlobkom taċċettaw, Sinjuri, iċ-ċertezza ta' l-ogħla stima tiegħi.

Għall-President tar-Repubblika tat-Turkija

ANNESS

L-Artikolu 7 ġdid ta' l-Anness 6 mal-Protokoll Addizzjonali anness mal-Ftehim li jistabbilixxi Assoċjazzjoni bejn il-Komunità Ekonomika Ewropea u t-Turkija

"1. Sakemm it-Turkija tapplika ħlas ta' esportazzjoni speċjali fuq żejt taż-żebbuġa barra minn żejt taż-żebbuġa rraffinat, li jaqa' fis-subtitolu Nru 15.07 A II tat-Tariffa Doganali Komuni, u sakemm dan il-ħlas speċjali jkun rifless fil-prezz ta' importazzjoni, il-Komunità għandha tieħu l-miżuri meħtieġa biex tiżgura li:

(a) it-taxxa fuq importazzjonijiet fil-Komunità ta' l-imsemmi żejt totalment prodott fit-Turkija u ttrasportat dirett minn dak il-pajjiż lejn il-Komunità tkun it-taxxa kkalkolata skond l-Artikolu 13 tar-Regolament Nru 136/66/KEE dwar l-istabbiliment ta' l-organizzazzjoni komuni tas-suq fi żjut u xaħmijiet, u applikabbli wara l-importazzjoni, bi tnaqqis ta' 0.50 unita ta' kontijiet għall-100 kilogramma;

(b) l-ammont tat-taxxa kkalkolat skond (a) jitnaqqas b'ammont ugwali għal dak tal-ħlas speċjali filwaqt li ma jeċċedix 4.5 unita ta' kontijiet għall-100 kilogramma.

2. Jekk it-Turkija ma tapplikax il-ħlas speċjali li jirreferi għalih il-paragrafu 1, il-Komunità għandha tieħu l-miżuri meħtieġa biex tiżgura li t-taxxa fuq importazzjonijiet fil-Komunità ta' żejt taż-żebbuġa barra minn żejt taż-żebbuġa rraffinat, li jaqa' fis-subtitolu Nru 15.07 A II tat-Tariffa Doganali Komuni, tkun it-taxxa kkalkolata skond l-Artikolu 13 tar-Regolament Nru 136/66/KEE dwar l-istabbiliment ta' l-organizzazzjoni komuni tas-suq fi żjut u xaħmijiet (grassijiet), u applikabbli wara l-importazzjoni, bi tnaqqis ta' 0.50 unita ta' kontijiet għall-100 kilogramma.

3. Kull Parti Kontraenti għandha tieħu l-miżuri meħtieġa għall-implimentazzjoni tal-paragrafu 1 u, fil-każ ta' diffikultajiet jew wara t-talba tal-Parti l-oħra, għandha tforni l-informazzjoni meħtieġa għall-operat kif xieraq ta' l-arranġamenti.

4. Konsultazzjonijiet dwar l-operat ta' l-arranġamenti pprovduti f'dan l-Artikolu jistgħu jsiru fil-Kunsill ta' Assoċjazzjoni."

--------------------------------------------------