—

Cinneadh (CBES) 2021/2181 ón gComhairle an 9 Nollaig 2021 a neamhniú (1), a mhéid a choimeádtar leis an t-iarratasóir faoi Uimh. 7 den iarscríbhinn a ghabhann leis an gCinneadh sin;

—

Rialachán Cur Chun Feidhme (AE) 2021/2177 ón gComhairle an 9 Nollaig 2021 (2) a neamhniú, a mhéid a choimeádtar leis an t-iarratasóir faoi Uimh. 7 d’Iarscríbhinn I a ghabhann leis an Rialachán sin;

—

a ordú don Chomhairle na costais a íoc.

1.

An chéad saincheist dlí lena maítear go ndearnadh sárú ar chearta na cosanta. I ndáil leis sin, déanann an t-iarratasóir roinnt gearán maidir le sárú a chearta le linn na nósanna imeachta a raibh mar thoradh orthu gur ghlac an Chomhairle na bearta sriantacha ina choinne agus gur athnuaigh sí iad agus, go háirithe, sárú ar a cheart chun éisteacht a fháil faoi choinníollacha inghlactha.

2.

An dara saincheist dlí lena maítear go bhfuil earráid fhollasach measúnaithe déanta ag an gComhairle maidir le rannpháirtíocht an iarratasóra i ngníomhartha ar sáruithe tromchúiseacha iad ar chearta an duine i bPoblacht Dhaonlathach an Chongó. Cáineann an t-iarratasóir comhthéacs an athbhreithnithe roimh an athnuachan chonspóidte ar na bearta sriantacha agus conspóideann sé go bhfuil aon bhaint aige faoi láthair leis na fíorais ar a bhfuil an cinneadh chun é a áireamh ar liosta na ndaoine a chumhdaítear le Cinneadh 2010/788/CBES bunaithe.