AN COIMISIÚN EORPACH

An Bhruiséil,25.11.2021

COM(2021) 723 final

2021/0378(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena mbunaítear ionad Eorpach ilfhreastail aonair lena soláthraítear rochtain láraithe ar fhaisnéis ábhartha atá ar fáil go poiblí maidir le seirbhísí airgeadais, le margaí caipitil agus le hinbhuanaitheacht

(Téacs atá ábhartha maidir le LEE)

{SEC(2021) 572 final} - {SWD(2021) 344 final} - {SWD(2021) 345 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Tá bunú Pointe Rochtana Aonair Eorpach (ESAP) faoi 2024 ina bheart suaitheanta de chuid Phlean Gníomhaíochta Aontas na Margaí Caipitil (CMU) a ghlac an Coimisiún Eorpach i Meán Fómhair 2020 1 . Rannchuideoidh ESAP le cuspóirí CMU a bhaint amach trí rochtain uile-Aontais a sholáthar ar ghníomhaíochtaí faisnéise agus ar tháirgí na gcatagóirí éagsúla eintiteas is gá chun faisnéis den sórt sin a nochtadh, rud is ábhartha maidir le margaí caipitil, seirbhísí airgeadais agus maoiniú inbhuanaithe. Soláthróidh ESAP rochtain ar an bhfaisnéis sin ar bhealach éifeachtúil neamh‑idirdhealaitheach.

Tá faisnéis faoi ghníomhaíochtaí agus táirgí na n‑eintiteas fíor-riachtanach chun gur féidir leis na soláthraithe caipitil cinntí a dhéanamh. Rannchuideoidh ESAP leis na seirbhísí airgeadais agus na margaí caipitil a chomhtháthú a thuilleadh sa mhargadh aonair, le caipiteal a leithdháileadh ar bhealach níos éifeachtúil ar fud an Aontais agus le forbairt na margaí caipitil agus na mbonneagar náisiúnta níos lú a chur chun cinn trí infheictheacht níos mó a thabhairt dóibh. Cuirfidh ESAP ar chumas eintiteas neamhliostaithe, lena n‑áirítear Fiontair Bheaga agus Mheánmhéide (FBManna) faisnéis a sholáthar ar bhonn deonach. Éascófar leis sin an rochtain atá acu ar chaipiteal.

Tá an togra seo ina chuid de phacáiste ina gcuimsítear na nithe seo a leanas:

·togra le haghaidh Rialachán lena mbunaítear Pointe Rochtana Aonair Eorpach (an togra seo);

·togra le haghaidh Treoir lena leasaítear Treoracha áirithe; agus

·togra le haghaidh Rialachán lena leasaítear Rialacháin áirithe.

Tá ESAP ina chuid de spásanna sonraí airgeadais de chuid na hEorpa a chuirtear i láthair i Straitéis Airgeadais Dhigitigh an Choimisiúin a foilsíodh i Meán Fómhair 2020 2 . Leagtar amach sa Straitéis Airgeadais Dhigitigh an cuspóir gur cheart an fhaisnéis a nochtar don phobal de bhun reachtaíocht an Aontais maidir leis na seirbhísí airgeadais a nochtadh i bhformáidí caighdeánaithe agus meaisín‑inléite faoi 2024.

Dírítear ESAP go príomha ar úsáideoirí amhail infheisteoirí, anailísithe airgeadais agus idirghabhálaithe margaidh, e.g. bainisteoirí sócmhainní, comhairleoirí nó comhbhailitheoirí. D’fhéadfadh leas a bheith ag cineálacha éagsúla úsáideoirí, amhail an tsochaí shibhialta, rialtóirí, agus aon údarás poiblí eile amhail údaráis staidrimh, i rochtain a fháil ar fhaisnéis trí ESAP.

•Comhsheasmhacht le forálacha beartais atá sa réimse beartais cheana

Cuireann an togra seo le ceanglais na reachtaíochta atá ann cheana i réimse na seirbhísí airgeadais, na margaí caipitil agus an mhaoinithe inbhuanaithe. Ionas gur féidir leis na margaí airgeadais feidhmiú go héifeachtúil, tá sé fíor-riachtanach sreabhadh rialta faisnéise a bhaineann leis an gcuideachta agus atá ábhartha, iontaofa, iomlán, tráthúil agus inchomparáide a threorú chuig rannpháirtithe sa mhargadh agus chuig páirtithe leasmhara eile. Cuirfidh ESAP éifeachtacht reachtaíocht an Aontais Eorpaigh chun cinn i réimse na seirbhísí airgeadais agus na margaí caipitil. 

Ní chruthaíonn an togra seo aon oibleagáid tuairiscithe nua i dtéarmaí ábhair ach cuireann sé leis na ceanglais maidir le nochtadh atá ann cheana a leagtar amach i ngníomhartha dlíthiúla an Aontais Eorpaigh a shainaithnítear san Iarscríbhinn a ghabhann leis an togra.

Tógfar ESAP go leithleach ó Chóras Idirnasctha na gClár Gnó (BRIS) a forbraíodh i gcomhréir leis an Treoir maidir le Dlí na gCuideachtaí 3 , rud a fhágann gur féidir leis an dá chóras a gcaighdeáin agus a gcuspóirí féin a shaothrú, bunaithe ar a rialachas féin. Beidh ESAP comhlántach le BRIS lena gcuirtear faisnéis i ndáil le cuideachtaí faoi dhliteanas teoranta ar fáil don phobal ar an Tairseach Eorpach don r-Cheartas 4 . Beidh forluí ar na sonraí a bhailítear chun críocha BRIS agus ESAP teoranta do dhoiciméid chuntasaíochta áirithe (ráitis airgeadais, tuarascálacha iniúchóra, tuarascálacha bainistithe lena n‑áirítear tuairisciú corparáideach inbhuanaitheachta agus tuairisciú de réir tíre de réir tionscal eastóscach).

•Comhsheasmhacht le beartais eile de chuid an Aontais

Tá an togra seo comhsheasmhach le cur chun feidhme na Straitéise Eorpaí maidir le Sonraí a leagtar amach sa Teachtaireacht ón gCoimisiún i mí Feabhra 2020 agus rannchuidíonn sé leis an gcur chun feidhme sin 5 , de dhroim go bhfuil ESAP ina chuid den spás coiteann Eorpach sonraí airgeadais a fógraíodh sa straitéis sin.

Sa Straitéis maidir le Maoiniú an Aistrithe chuig Geilleagar Inbhuanaithe 6 , chuir an Coimisiún maoiniú inbhuanaithe i gcroílár an chórais airgeadais agus mar réamhchoinníoll i ndáil le creat cumasúcháin a chruthú d’infheistíochtaí príobháideacha i dtionscadail agus gníomhaíochtaí inbhuanaithe.

Rannchuideoidh ESAP le cuspóirí na Straitéise maidir le Maoiniú an Aistrithe chuig Geilleagar Inbhuanaithe agus cuspóirí an Chomhaontaithe Ghlais don Eoraip a bhaint amach 7 trí fhaisnéis atá ar fáil go héasca agus faisnéis inúsáidte faoi inbhuanaitheacht ghníomhaíochtaí eintitis na hEorpa a chur ar fáil. Dá bharr sin, beidh na húdaráis phoiblí, na páirtithe leasmhara agus an tsochaí shibhialta in ann measúnú níos fearr a dhéanamh ar inbhuanaitheacht na n‑eintiteas Eorpach, agus ar bhonn níos ginearálta, ar an dul chun cinn atá déanta i ndáil le cuspóirí beartais an Aontais maidir le forbairt inbhuanaithe lena n‑áirítear straitéis aeráide an Aontais agus spriocanna.

Ar deireadh, tacaítear le ESAP sa Phlean Gníomh maidir le hAontas na Margaí Caipitil a glacadh i mí Mheán Fómhair 2020 8 .

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Dá mbeadh idirghabháil ar leibhéal an Aontais ann chun ilroinnt a laghdú, trí bhíthin pointe rochtana aonair, rannchuideodh sé tuilleadh le comhtháthú an mhargaidh aonair trí dheireadh a chur le bacainní ar scaipeadh faisnéise laistigh den Aontas. Leis an gConradh ar Fheidhmiú an Aontais Eorpaigh (CFAE) tugtar an inniúlacht do na hinstitiúidí Eorpacha forálacha iomchuí a leagan síos a bhfuil bunú agus feidhmiú an mhargaidh inmheánaigh mar chuspóir acu (Airteagal 114 CFAE).

•Coimhdeacht (maidir le hinniúlacht neamheisiach)

Ní féidir leis na Ballstáit leo féin cuspóirí an tionscnaimh a bhaint amach go leordhóthanach. Tá saoirse áirithe ag na Ballstáit faoi láthair rialacha a cheapadh maidir le sásraí agus formáidí na gceanglas um thuairisciú corparáideach a leagtar amach i reachtaíocht an Aontais agus tá siad ag brath go mór ar na córais náisiúnta. Dá thoradh sin, tá ilroinnt gheografach agus théamach na sásraí agus na bhformáidí nochta ann go forleathan san Aontas, rud a chuireann le costais rochtana agus próiseála d’úsáideoirí faisnéise corparáidí. Dá ndéanfadh na Ballstáit tuilleadh gníomhaíochtaí ar bhonn aonair, ní laghdófaí an ilroinnt sin ach amháin dá mbogfaidís sa treo céanna chun pointe rochtana aonair a bhunú agus chun aghaidh a thabhairt ar roinnt bacainní, rud nach dócha gan cur chuige comhordaithe a bheith ann.

An cuspóir i dtaca le rochtain níos fearr ar fhaisnéis a éascú ar leibhéal an Aontais Eorpaigh, agus an scála agus na héifeachtaí a bhaineann le tionscadal den sórt sin á gcur san áireamh, is fearr is féidir an cuspóir sin a bhaint amach ar leibhéal an Aontais Eorpaigh. Ina theannta sin, chun formáidí oiriúnacha, téarmaí úsáide, sonraíochtaí teanga, etc. a dhearadh, tá gá le méid áirithe comhchuibhithe ar leibhéal an Aontais chun idir-inoibritheacht agus rochtain agus úsáid trasteorann a chumasú. Tá tacaíocht fhorleathan ann don tionscnamh sin ó na Ballstáit, ó Pharlaimint na hEorpa, ó rialtóirí, ó rannpháirtithe margaidh réigiúnacha nó náisiúnta, ó úsáideoirí, ón tsochaí shibhialta etc. Dá bhrí sin, féadfaidh an tAontas bearta a ghlacadh i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach.

•Comhréireacht

I gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach, ní théann an tionscnamh seo thar a bhfuil riachtanach chun cuspóirí an tionscnaimh seo a ghnóthú. Leis an togra seo ní chuirfear oibleagáidí tuairiscithe nua leis ná ní dhéanfar iad a mhodhnú i dtéarmaí ábhair. Chun an t‑ualach ar eintitis agus ar údaráis náisiúnta a íoslaghdú, cuireann ESAP leis na bealaí tuairiscithe sonraí agus leis an mbonneagar atá ann cheana, a mhéid is féidir.

•An rogha ionstraime

Meastar gurb é Rialachán an ionstraim dlí is iomchuí chun ESAP a bhunú, ós rud é gur chuig an Údarás Eorpach um Urrúis agus Margaí (ÚEUM) a dhéanfaidh an t‑ardán a thógáil agus a rialú a dhírítear formhór na bhforálacha inti, agus chuig na comhlachtaí bailithe freisin. Is údarás neamhspleách de chuid an Aontais Eorpaigh é ÚEUM a rannchuidíonn le cobhsaíocht chóras airgeadais an Aontais a chosaint trí fheabhas a chur ar chosaint infheisteoirí agus margaí airgeadais cobhsaí agus ordúla a chur chun cinn. Sa chomhthéacs sin, cuirtear de chúram ar ÚEUM ESAP a bhunú agus a oibriú toisc go rannchuidíonn sé go háirithe le sláine, trédhearcacht, éifeachtúlacht agus feidhmiú ordúil na margaí airgeadais a áirithiú.

Ina theannta sin, le Rialachán cuirfear deireadh leis an riosca go mbeidh éagsúlachtaí móra ann idir dlíthe náisiúnta a mhéid a bhaineann le saintréithe na faisnéise a bheidh le cur san áireamh agus le cur ar fáil, mar aon leis na cúraimí a bheidh le déanamh ag na comhlachtaí bailiúcháin.

3.TORTHAÍ Ó MHEASTÓIREACHTAÍ EX POST, Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

Sa mheasúnú tionchair a ghabhann leis an togra seo – inter alia – baintear leas as seiceáil oiriúnachta ar chreat an Aontais Eorpaigh don tuairisciú poiblí a dhéanann eintitis a d’fhoilsigh an Coimisiún i mí Aibreáin 2021 9 . Toradh ríthábhachtach ar an tseiceáil oiriúnachta seo is ea an gá leas a bhaint as acmhainneacht na n‑uirlisí digiteacha chun rochtain ar fhaisnéis rialáilte arna nochtadh ag eintitis, chomh maith le húsáid agus athúsáid na faisnéise sin a fheabhsú. Go háirithe, sa tseiceáil oiriúnachta cuireadh i dtábhacht nach raibh aon phointe rochtana aonair uile-Aontais ann maidir le faisnéis rialáilte agus ó thaobh a theoranta atá meaisín‑inléiteacht na faisnéise arna nochtadh ag eintitis ar fud an Aontais.

•Comhairliúcháin leis na páirtithe leasmhara

Déantar achoimre ar an bpróiseas comhairliúcháin agus ar na príomhchonclúidí ar a bhfuil an togra seo bunaithe in Iarscríbhinn 2 den Mheasúnú Tionchair 10 . Ar na nithe sin, bhí comhairliúchán spriocdhírithe ar líne, ceardlanna i gcomhar le catagóirí éagsúla páirtithe leasmhara ábhartha, agus ionchur ó ghrúpaí saineolaithe ábhartha arna mbunú ag an gCoimisiún, go háirithe an Fóram Ardleibhéil maidir le hAontas na Margaí Caipitil 11 .

Tríd is tríd, chuir na grúpaí páirtithe leasmhara uile a ndeachthas i gcomhairle leo fáilte roimh thionscnamh an Choimisiúin maidir le ESAP agus chuir siad in iúl go dtacaíonn siad le cur chun feidhme de réir a chéile chun an fhaisnéis ar ESAP a chur ar fáil i gcéimeanna éagsúla agus tús áite a thabhairt di. Leag na páirtithe leasmhara béim freisin ar a thábhachtaí atá sé leas a bhaint as prionsabal ‘comhadú uair amháin’. Leag ullmhaitheoirí na faisnéise atá le tuairisciú go poiblí agus FBManna béim freisin ar an ngá atá ann ualaí breise riaracháin a sheachaint, lena n‑áirítear gan oibleagáidí tuairiscithe nua a thabhairt isteach le haghaidh eintiteas.

Thacaigh formhór na bpáirtithe leasmhara le raon leathan faisnéise atá le cur san áireamh in ESAP lena gcumhdaítear faisnéis airgeadais agus faisnéis a bhaineann le hinbhuanaitheacht araon. Chreid formhór mór na bpáirtithe leasmhara go mbeadh caighdeánú na faisnéise faoi chomhchreat tuairiscithe ina bhfuil scéimeanna coiteanna agus meiteashonraí coiteanna úsáideach chun aghaidh a thabhairt ar na dúshláin a bhaineann le hinchomparáideacht, iontaofacht, agus in‑athúsáideacht faisnéise. Luaigh siad freisin i dtaca leis an easpa atá ann maidir le caighdeáin choiteanna den sórt sin, go bhfuil sé ar cheann de na príomhbhacainní ar úsáideoirí agus ar an tsochaí nuair a thugann siad aghaidh ar fhaisnéis shóisialta agus rialachais, chomh maith le faisnéis a bhaineann leis an gcomhshaol agus airgeadas a phróiseáil.

Tá tuairimí comhchosúla ag formhór na bpáirtithe leasmhara maidir le gné an bhonneagair agus maidir leis an gcaoi ar cheart do ESAP faisnéis a bhailiú, agus tugann siad le fios gur cheart do ESAP cur leis na bealaí tuairiscithe náisiúnta nó Eorpacha atá ann cheana. Ina theannta sin, d’iarr páirtithe leasmhara go gcuirfí faisnéis ar fáil trí ESAP nuair a fhoilsítear í in aon mheán nó aon bhealach eile, is é sin san am céanna.

Tacaíonn gach grúpa páirtithe leasmhara leis go ginearálta gur cheart do ESAP saor-rochtain ar fhaisnéis a thairiscint agus ba cheart faisnéis a bheith ar fáil gan aon íocaíocht ag teastáil. Bhí roinnt páirtithe leasmhara ann a thacaigh leis an smaoineamh go bhféadfadh eisitheoirí (agus an fhaisnéis á cur isteach) nó iad siúd a úsáidfidh an fhaisnéis roinnt táillí a íoc (e.g. síntiús bliantúil), fiú má moladh go láidir an tsamhail rochtana oscailte/saor in aisce. An sochar a chruthódh ESAP do na soláthraithe nó do na húsáideoirí sin, d’fhéadfadh sé údar a thabhairt leis an gcinneadh táillí de chineál éigin a chur i bhfeidhm maidir le seirbhísí sonracha.

Chuir tromlach mór na bpáirtithe in iúl gurbh fhearr leo samhail phoiblí, mar shampla, faoi bhainistíocht ÚEUM, le rannpháirtíocht fhéideartha an Údaráis Baincéireachta Eorpaigh (ÚBE) agus an Údaráis Eorpaigh um Árachas agus Pinsin Cheirde (ÚEÁPC).

•Bailiú agus úsáid saineolais

An measúnú tionchair a ghabhann leis an togra seo, baineann sé leas freisin as sonraí atá ar fáil ó thaighde deisce agus go háirithe as na staidéir agus an saineolas seo a leanas:

·Staidéar ar ‘Regulatory framework analysis for potential integration into the European Electronic Access Point (EEAP)’ [Anailís ar an gcreat rialála le haghaidh comhtháthú a d’fhéadfaí a dhéanamh sa Phointe Rochtana Leictreonach Eorpach (EEAP)] 12 ;

·Staidéar ar ‘Governance for a DLT / Blockchain enabled European Electronic Access Point (EEAP)’ [Rialachas um Pointe Rochtana Leictreonach Eorpach atá cumasaithe ag DLT/Blocshlabhra (EEAP)] 13 ;

·‘Impact Assessment study on the list of High Value Datasets to be made available by the Member States under the Open Data Directive’ [Staidéar ar Mheasúnú Tionchair ar liosta na dTacar Sonraí Ardluacha atá le cur ar fáil ag na Ballstáit faoin Treoir maidir le Sonraí Oscailte] 14 ;

·Saineolas arna soláthar ag Business Reporting – Advisory Group (BR-AG), cuideachta atá faoi chonradh go sonrach chun cabhrú leis an gCoimisiún le haghaidh an tionscnaimh seo.

Bhí an t‑ábhar a bailíodh agus a úsáideadh chun an measúnú tionchair a chothú fíorasach nó tháinig sé ar bhealach eile ó fhoinsí aitheanta a bhfuil dea-chliú orthu agus a fheidhmíonn mar thagarmharcanna agus mar phointí tagartha le haghaidh an ábhair. Tríd is tríd, rinneadh ionchur a fuarthas ó pháirtithe leasmhara le linn na ngníomhaíochtaí comhairliúcháin a láimhseáil mar thuairimí, ach amháin más ionchur de chineál fíorasach a bhí ann.

•Measúnú tionchair

Scrúdaigh an Bord um Ghrinnscrúdú Rialála an Measúnú Tionchair a ghabhann leis an togra seo an 22 Iúil 2021. Thug an Bord tuairim dhearfach ina raibh roinnt tuairimí, agus thug an Coimisiún aghaidh orthu sin sa leagan críochnaitheach den Mheasúnú Tionchair (tá mionsonraí in Iarscríbhinn 1 de).

Sa Mheasúnú Tionchair, déantar anailís ar roinnt roghanna beartais chun na cuspóirí sonracha a bhaint amach maidir le rochtain chomhtháite gan bhriseadh a chumasú ar fhaisnéis phoiblí na n‑eintiteas ábhartha ar bhealach lena méadófar cúrsaíocht na faisnéise sin laistigh den Aontas, agus chun úsáid dhigiteach (agus athúsáid) na faisnéise sin a mhéadú. Sainaithníodh na roghanna beartais bunaithe ar na cúig phríomhghné seo a leanas de ESAP: (1) raon feidhme na faisnéise a bhfuil rochtain uirthi trí ESAP; (2) formáid na faisnéise a bhfuil rochtain uirthi trí ESAP; (3) bailiú na faisnéise a bhfuil rochtain uirthi trí ESAP agus idirnascadh na bpointí bailiúcháin atá ann cheana; (4) sonraí oscailte agus; (5) rialachas. Seo na príomhghnéithe ó thaobh aghaidh a thabhairt ar na fadhbanna a sainaithníodh agus is iad príomhchinntithigh na gcostas iad freisin.

Rinneadh measúnú freisin ar na gnéithe seo a leanas, cé go meastar go bhfuil siad níos teicniúla agus nach bhfuil siad chomh tábhachtach céanna chun cuspóirí sonracha ESAP a bhaint amach: (i) feidhmiúlachtaí ESAP; (ii) tráthúlacht maidir le hinrochtaineacht faisnéise trí ESAP (iii) sláine na sonraí agus creidiúnacht na foinse a áirithiú; (iv) cáilíocht sonraí a áirithiú; (v) aghaidh a thabhairt ar bhacainní teanga; (vi) bacainní áirithe ar rochtain a bhaint; (vii) prionsabal ‘comhadú uair amháin’; (viii) marthanú; (ix) tréimhse coinneála; (x) prionsabail maidir le ‘faisnéis dheonach’ a mbeidh rochtain uirthi trí ESAP. 

•Oiriúnacht Rialála agus simpliú

Leagtar amach na rialacha maidir le bunú ESAP sa tionscnamh seo. Trí bhealaí nochta a chuíchóiriú, tiocfaidh simpliú agus éifeachtúlacht fheabhsaithe as ESAP, ar thaobh an éilimh (úsáideoirí) den chuid is mó, agus beidh costais chuardaigh agus phróiseála laghdaithe ann chomh maith, agus go pointe áirithe d’eintitis ó thaobh oibleagáidí comhdaithe de.

•Cearta bunúsacha

Leis an togra seo urramaítear cearta bunúsacha agus comhlíontar na prionsabail a aithnítear go háirithe le Cairt um Chearta Bunúsacha an Aontais Eorpaigh. Cuirfidh ESAP feabhas ar an rochtain ar fhaisnéis ina n‑áirítear sonraí pearsanta. Tá gá leis sin chun nuálaíocht shonraíbhunaithe sa réimse airgeadais a chur chun cinn, chun cuidiú le margaí caipitil na hEorpa a chomhtháthú, chun infheistíochtaí a threorú chuig gníomhaíochtaí inbhuanaithe agus chun éifeachtúlachtaí a chruthú do thomhaltóirí agus do ghnólachtaí. An tráth céanna, ní chuirfidh ESAP feabhas ar rochtain ach amháin i gcás sonraí pearsanta is gá a phróiseáil de bhun dhlí an Aontais nó bunús dlí eile de bhun Rialachán (AE) 2016/679 15 , toisc nach dtugtar isteach ceanglais nua maidir le tuairisciú sonraí i dteannta na gceanglas atá ann cheana.

4.IMPLEACHTAÍ BUISÉADACHA

Chun cuspóirí an tionscnaimh seo a bhaint amach ar an mbealach is fearr, tá impleachtaí ag gabháil leis an togra ó thaobh costas agus ualach riaracháin do ÚEUM, do chomhlachtaí bailiúcháin náisiúnta agus do chomhlachtaí bailiúcháin de chuid an Aontais go háirithe na Sásraí a Cheapfar go hOifigiúil, na hÚdaráis Inniúla Náisiúnta (NCAnna), na hÚdaráis Mhaoirseachta Eorpacha agus a gComhchoiste. Beidh méid beacht agus dáileadh na gcostas sin ag brath ar shonraíochtaí deiridh an bhonneagair TF agus ar mhéid agus uainiú na gcúraimí rialála, rialachais agus faireacháin lena mbaineann, ar cúraimí iad a bheidh ag brath go páirteach ar chinntí a dhéanfar tar éis an gníomh seo a ghlacadh.

Sa ráiteas airgeadais reachtach a ghabhann leis an tionscnamh seo tugtar forléargas mionsonraithe ar na costais atá i gceist do ÚEUM maidir le rialachas ESAP. Beidh triúr fostaithe lánaimseartha (FTE) ag teastáil le haghaidh ÚEUM le himeacht ama chun tabhairt faoi na cúraimí maidir le forbairt agus oibríochtaí an tionscadail seo a mhaoirsiú agus a bhainistiú. Is suas le EUR 30 825 milliún a bheidh sna hacmhainní airgeadais iomlána is gá chun an togra a chur chun feidhme sa tréimhse 2022-2027, acmhainní ar a n‑áirítear EUR 2.3 milliún de chostais riaracháin agus suas le EUR 14.2 milliún i gcaiteachas oibríochtúil, a dtabharfadh an tAontas Eorpach EUR 9.6 milliún de faoin gCreat Airgeadais Ilbhliantúil atá i bhfeidhm faoi láthair (2022-2027). Chumhdófaí EUR 5 mhilliún den mhéid sin leis an gClár don Eoraip Dhigiteach sna blianta 2022-2023 16 . Thar an tréimhse 2024-2027, b’ionann na costais ÚEUM a bhaineann le ESAP agus EUR 11.5 milliún. Dhéanfaí 40 % de na costais sin a mhaoiniú trí bhuiséad an Aontais, arb ionann é agus EUR 4.6 milliún, agus d’iarrfaí ar Údaráis Inniúla Náisiúnta EUR 6.9 milliún a mhaoiniú trína ranníocaíocht le ÚEUM.

Tacóidh an maoiniú le costais a bhaineann leis na feidhmeanna coimhdeacha agus na dualgais choimhdeacha i ndáil le ESAP a fhorbairt, a choinneáil ar bun, a oibriú agus tacú leo, lena n‑áirítear gníomhaíochtaí faireacháin bliantúla a chur i gcrích.

Maidir le gníomhaíochtaí rialála atá intuigthe ó ESAP, beidh gá le roinnt gníomhartha cur chun feidhme a fhorbairt. Seachadtar ar bhonn céimnithe iad leis an Rialachán. I gcás gníomhartha áirithe, tugtar sainordú sa Rialachán do Chomhchoiste na nÚdarás Maoirseachta Eorpach (ÚEUM, ÚBE agus ÚEÁPC) a bhforbairt a dhéanamh. Chomh maith leis sin, d’oibreodh ÚBE agus ÚEÁPC i gcomhar le ÚEUM chun cúraimí áirithe a chur i gcrích i ndáil le feidhmiú agus faireachán ESAP. Le linn dóibh na cúraimí sin a chur i gcrích, leanfaidh ÚEUM, ÚBE agus ÚEÁPC faoi seach lena gcuid oibre chun an leas is fearr is féidir a bhaint as sineirgí agus gnóthachain éifeachtúlachta agus déanfaidh siad faireachán ar an ualach oibre breise agus ar FTE a bhaineann leis an togra seo i gcomhthéacs a gcúraimí foriomlána.

I gcás na gcomhlachtaí bailiúcháin, meastar gur thart ar EUR 50 800 ar an leibhéal aonair (aonuaire) a bheidh na costais a bhaineann leis an Aontas/comhlachtaí bailithe náisiúnta a idirnascadh le ESAP (agus sin bunaithe go príomha ar chomhéadain feidhmchláir a fhorbairt), agus san am céanna gur thart ar EUR 6 500 a bheidh na costais athfhillteacha bliantúla. I gcásanna áirithe, tá sineirgí láidre ann le cúraimí atá ann cheana féin nó le tionscadail atá pleanáilte cheana féin ag comhlachtaí bailiúcháin, amhail an togra le déanaí chun Rialachán (AE) Uimh. 575/2013 17 a leasú chun ÚBE a chumhachtú chun foilsiú nochtadh stuamachta bliantúil, leathbhliantúil agus ráithiúil na n‑institiúidí a lárú. Feidhmeoidh ÚBE mar chomhlacht bailiúcháin i ndáil leis an bhfaisnéis sin i gcomhthéacs ESAP 18 . Cuireann an togra seo freisin leis na Sásraí a Cheapfar go hOifigiúil atá ann cheana agus a bhailíonn faisnéis rialáilte faoi láthair ó eisitheoirí urrús inaistrithe atá liostaithe ar mhargaí rialáilte an Aontais de bhun na Treorach um Trédhearcacht 19 .

Cuireann an Coimisiún saineolas saincheaptha ar fáil trí Thionscnamh Tacaíochta Teicniúla (TSI) chun cabhrú le Ballstáit de chuid an Aontais athchóirithe feabhsaithe fáis a cheapadh agus a chur chun feidhme i raon leathan réimsí beartais. Leis an gclár sonraíochtaí teicniúla don idir-inoibritheach ón gCoimisiún, is féidir an tacaíocht theicniúil le haghaidh cur chun feidhme ESAP ag na húdaráis inniúla náisiúnta a mhaoiniú go páirteach, arna iarraidh sin dóibh. Trí chlár TSI, déanfaidh an Coimisiún ionchur a sholáthar maidir le gnéithe praiticiúla na n‑athchóirithe freisin. D’fhéadfadh sin a bheith i bhfoirm comhairle straitéisí nó dlí, staidéir, oiliúna agus misin intíre ag saineolaithe. Tá an maoiniú a sholáthraítear tríd an STI bunaithe ar na babhtaí iarratais bliantúla. 

5.EILIMINTÍ EILE

•Pleananna cur chun feidhme agus socruithe faireacháin, meastóireachta agus tuairiscithe

Ní éilítear plean cur chun feidhme leis an togra seo ach áirítear ann forálacha sonracha le haghaidh ÚEUM chun faireachán a dhéanamh ar chur chun feidhme agus ar éifeachtacht ESAP.

Áirítear sa togra seo ceanglas go dtuairisceodh an Coimisiún do Pharlaimint na hEorpa agus don Chomhairle maidir le feidhmiú agus feidhmiú ESAP tráth nach déanaí ná 5 bliana tar éis theacht i bhfeidhm Rialachán ESAP. Le linn meastóireacht a dhéanamh ar an tionscnamh seo, beidh an Coimisiún ag brath ar chomhairliúchán poiblí agus ar phlé le ÚEUM, ÚBE, ÚEÁPC agus comhlachtaí bailiúcháin. Déanfar an mheastóireacht a reáchtáil i gcomhréir le treoracha rialála níos fearr an Choimisiúin 20 .

•Míniúchán mionsonraithe ar fhorálacha sonracha an togra

Le hAirteagal 1 tugtar sainordú do ÚEUM, faoin 31 Nollaig 2024, ESAP a bhunú chun rochtain phoiblí a chur ar fáil ar an bhfaisnéis nach mór d’eintitis a nochtadh don phobal de bhun na reachtaíochta a liostaítear san Iarscríbhinn a ghabhann leis an Rialachán seo, agus de bhun catagóirí breise faisnéise, lena n‑áirítear faisnéis airgeadais nó faisnéis a bhaineann le hinbhuanaitheacht, a chinnfidh eintitis a áireamh ar bhonn deonach in ESAP.

Le hAirteagal 2 leagtar amach na sainmhínithe chun críocha an Rialacháin seo.

Leagtar amach in Airteagal 3 na coinníollacha agus na ceanglais ar dá mbun is féidir le heintitis faisnéis a thíolacadh, ar bhonn deonach, ar faisnéis í a chuirfear ar fáil trí ESAP.

Le hAirteagal 4 ceanglaítear ar ÚEUM liosta cothrom le dáta a choinneáil de na comhlachtaí bailiúcháin a bheidh freagrach as glacadh le faisnéis arna nochtadh ag eintitis, an liosta sin a fhoilsiú ar thairseach gréasáin ESAP agus fógra a thabhairt don Choimisiún faoi sin.

Leagtar amach in Airteagal 5 róil agus cúraimí na gcomhlachtaí bailiúcháin, lena n‑áirítear na caighdeáin theicniúla a bheidh infheidhme chun a dheimhniú go gcomhlíonann an fhaisnéis arna cur isteach ag na heintitis na sonraíochtaí a cheanglaítear leis an Rialachán seo agus leis na leasuithe a ghabhann leis an reachtaíocht earnálach. Leagtar síos leis freisin an tréimhse choinneála i gcomhair na faisnéise ar féidir rochtain a fháil uirthi trí ESAP, tréimhse a mhairfidh 10 bliana mura sonrófar a mhalairt sa ghníomh dlí de chuid an Aontais is infheidhme ón Iarscríbhinn. Tá foráil shonrach san airteagal freisin chun comhlíonadh na reachtaíochta maidir le cosaint sonraí pearsanta a áirithiú.

Le hAirteagal 6 ceanglaítear ar ÚEUM beartas slándála TF éifeachtach a fhorbairt do ESAP.

Leagtar amach in Airteagal 7 feidhmiúlachtaí ESAP trínar féidir le húsáideoirí rochtain a fháil ar fhaisnéis agus í a chuardach.

Leagtar síos in Airteagal 8 na coinníollacha faoina mbeidh rochtain ag úsáideoirí ar an bhfaisnéis atá ar fáil faoi ESAP, rud a bheidh saor in aisce de ghnáth. Féadfaidh ÚEUM táillí a ghearradh ar úsáideoirí a éilíonn méideanna an‑mhór sonraí nó faisnéis a thugtar cothrom le dáta go tráthrialta. Mar sin féin, beidh saor-rochtain dhíreach láithreach ag institiúidí, gníomhaireachtaí agus comhlachtaí an Aontais, agus ag raon comhlachtaí náisiúnta agus údarás inniúil ar ESAP i gcónaí chun go mbeidh siad in ann a bhfreagrachtaí, a sainorduithe agus a n‑oibleagáidí féin a chomhlíonadh.

Le hAirteagal 9 ceanglaítear ar ÚEUM a áirithiú nach sáróidh úsáid agus athúsáid na faisnéise ar féidir rochtain a fháil uirthi ar ESAP cearta bunachar sonraí sui generis agus nach mbeidh sé faoi réir aon choinníoll maidir le húsáid agus athúsáid mura gcomhlíonfar coinníollacha áirithe.

Le hAirteagal 10 ceanglaítear ar ÚEUM bailíochtú uathoibrithe áirithe a dhéanamh chun a fhíorú go gcomhlíonann an fhaisnéis a fhaigheann sé ó chomhlachtaí bailiúcháin ceanglais an Rialacháin agus ceanglais na reachtaíochta earnála is infheidhme dá dtagraítear san Iarscríbhinn.

Sonraítear in Airteagal 11 cúraimí ÚEUM, ag gníomhú i ndlúthchomhar le ÚBE agus ÚEÁPC, chun ESAP a bhainistiú.

Leagtar síos in Airteagal 12 ceanglais a chuirfidh ÚEUM chun feidhme, i gcomhar le ÚBE agus ÚEÁPC, chun faireachán a dhéanamh ar fheidhmiú ESAP, bunaithe ar tháscairí cáilíochtúla agus cainníochtúla áirithe. Ceanglaítear leis freisin ar ÚEUM, i gcomhairle le ÚBE agus ÚEÁPC, tuarascáil bhliantúil a fhoilsiú faoi ESAP. Déantar foráil san Airteagal seo freisin maidir leis an gcomhairliúchán leis an gGrúpa Geallsealbhóirí um Urrúis agus Margaí de chuid ÚEUM i ndáil leis an tuarascáil bhliantúil.

Sonraítear in Airteagal 13 go ndéanfaidh an Coimisiún athbhreithniú ar fheidhmiú agus ar éifeachtacht ESAP 5 bliana tar éis theacht i bhfeidhm an Rialacháin seo.

De réir Airteagal 14, tiocfaidh an Rialachán seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.

D’fhonn ardán ESAP fónta éifeachtúil a bhunú lena gcumhdófar an fhaisnéis atá ar fáil go poiblí maidir le seirbhísí airgeadais a sholáthraítear san Aontas, margaí caipitil an Aontais agus inbhuanaitheacht, leasófar roinnt Treoracha agus Rialachán sna réimsí sin le Treoir Omnibus agus le Rialachán Omnibus chun foráil neamhspleách ESAP a chur leis maidir le formáid na faisnéise agus maidir lena cur faoi bhráid comhlacht bailiúcháin. Beidh gá le raon feidhme ESAP a fhorbairt ar bhealach comhréireach agus de réir a chéile ó 2024 go 2026, rud a chiallaíonn bailiú agus cur isteach na faisnéise ar an ardán a mhéadú go hidirthréimhseach. Maidir le faisnéis ESG, amhail an fhaisnéis a thagann as an Rialachán maidir le Tacsanomaíocht agus an fhaisnéis a sholáthraíonn eisitheoirí urrúis faoi raon feidhme na Treorach um Thrédhearcacht agus an Rialacháin Réamheolaire, cuireadh i dtábhacht mar spreagadh ríthábhachtach i dtoradh chomhairliúchán spriocdhírithe ESAP gur cheart rochtain a bheith ar an bhfaisnéis sin a luaithe a shuífear sin. Tá léiriú ar an méid sin sa togra ón gCoimisiún. Ina theannta sin, tá sé beartaithe ag an gCoimisiún tosú freisin le bailiú agus cur isteach píosaí faisnéise ar ESAP atá ar fáil cheana féin, bunaithe ar an reachtaíocht earnálach, i bhformáid mheaisín‑inléite. Leathnófar formáidí meaisín‑inléite chun faisnéis bhreise a chumhdach ag brath ar chinntí a dhéanfaidh an Coimisiún amach anseo trí ghníomhartha tarmligthe ar bhonn cás ar chás.

2021/0378 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena mbunaítear ionad Eorpach ilfhreastail aonair lena soláthraítear rochtain láraithe ar fhaisnéis ábhartha atá ar fáil go poiblí maidir le seirbhísí airgeadais, le margaí caipitil agus le hinbhuanaitheacht

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 21 ,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)I bPlean Gníomhaíochta Aontas na Margaí Caipitil (CMU) 22 , mhol an Coimisiún feabhas a chur ar rochtain an phobail ar fhaisnéis airgeadais agus neamhairgeadais de chuid eintiteas trí Ionad Eorpach Ilfhreastail Aonair (ESAP) a thógáil. Le Straitéis Airgeadais Dhigitigh an Choimisiúin 23 , leagadh amach línte ginearálta maidir leis an gcaoi is féidir leis an Eoraip tacú leis an gclaochlú digiteach airgeadais sna blianta atá le teacht, agus go háirithe chun airgeadas sonraíbhunaithe a chur chun cinn. Sa Straitéis maidir leis an Aistriú chuig Geilleagar Inbhuanaithe a Mhaoiniú 24 , chuir an Coimisiún maoiniú inbhuanaithe i gcroílár an chórais airgeadais mar bhealach lárnach chun aistriú glas gheilleagar an Aontais a bhaint amach mar chuid den Chomhaontú Glas 25 . 

(2)Tá sé tábhachtach go mbíonn rochtain éasca ar shonraí chun gur féidir le cinnteoirí sa gheilleagar agus sa tsochaí cinntí fónta a dhéanamh a fhreastalaíonn ar fheidhmiú éifeachtúil an mhargaidh. Dá rollfaí amach spásanna coiteanna sonraí Eorpach in earnálacha ríthábhachtacha, lena n‑áirítear an earnáil airgeadais, d’fhreastalófaí ar an gcuspóir sin. Tá an earnáil airgeadais ag dul faoi chlaochlú digiteach, a bhfuil coinne ann go leanfaidh an claochlú sin ar aghaidh sna blianta atá le teacht, agus ba cheart don Aontas tacú leis an gclaochlú sin, go háirithe trí airgeadas sonraíbhunaithe a chur chun cinn. Ina theannta sin, nuair a chuirtear maoiniú inbhuanaithe i gcroílár an chórais airgeadais, is bealach lárnach é chun aistriú glas gheilleagar an Aontais a bhaint amach. Ionas go n‑éireoidh leis an aistriú glas trí airgeadas inbhuanaithe, tá sé fíor-riachtanach go mbeidh rochtain éasca ag infheisteoirí ar an bhfaisnéis a bhaineann le hinbhuanaitheacht gnólachtaí chun go mbeidh siad níos eolaí agus cinntí á ndéanamh acu faoi infheistíochtaí. Chun na gcríoch sin, ní mór feabhas a chur ar rochtain an phobail ar fhaisnéis airgeadais agus neamhairgeadais na n‑eintiteas amhail cuideachtaí, gnólachtaí, institiúidí airgeadais. Is modh éifeachtúil é chun é sin a dhéanamh ar leibhéal an Aontais ardán láraithe, Ionad Eorpach Ilfhreastail Aonair (‘ESAP’), a bhunú, lena dtabharfar rochtain leictreonach ar an bhfaisnéis ábhartha uile.

(3)Le ESAP, ba cheart a sholáthar don phobal rochtain láraithe éasca ar fhaisnéis maidir le heintitis agus a dtáirgí, faisnéis a chuirtear ar fáil go poiblí i ndáil le seirbhísí airgeadais, le margaí caipitil agus le hinbhuanaitheacht. Le ESAP, ba cheart a sholáthar freisin rochtain ar fhaisnéis a bhaineann le seirbhísí airgeadais agus margaí caipitil a chuirtear ar fáil go poiblí ar bhonn deonach ag aon eintiteas a rialaítear faoi dhlí Bhallstáit, i gcás ina roghnóidh an t‑eintiteas sin an fhaisnéis sin a chur ar fáil ar ESAP. Mar a chuirtear i láthair sa Straitéis Airgeadais Dhigitigh, ba cheart ESAP a bhunú ó 2024 ar aghaidh.

(4)Maidir leis an bhfaisnéis atá le cur ar fáil go poiblí ar ESAP, ba cheart do chomhlachtaí bailithe í a bhailiú, comhlachtaí arna n‑ainmniú chun an fhaisnéis a bhailiú a bhfuil na heintitis faoi oibleagáid í a chur ar fáil go poiblí. D’fhonn feidhmiú éifeachtúil ESAP a áirithiú, ba cheart do chomhlachtaí bailithe an fhaisnéis a chur ar fáil do ESAP i mbealaí uathoibrithe trí chomhéadan feidhmchláir aonair. Chun gur féidir an fhaisnéis a úsáid go digiteach, ba cheart d’eintitis an fhaisnéis sin a chur ar fáil i bhformáid ónar féidir sonraí a asbhaint atá oscailte nó i gcás ina gceanglaítear a leithéid le dlí an Aontais, i bhformáid atá inléite ag meaisín. I gcomparáid le formáidí ónar féidir sonraí a asbhaint, is éard atá i gceist le formáidí atá inléite ag meaisín formáidí comhaid atá struchtúrtha sa dóigh gur féidir le feidhmeanna bogearraí sonraí ar leith a shainaithint, a aithint agus a asbhaint astu gan dua, lena n‑áirítear ráitis aonair fíoras, agus a struchtúr inmheánach. Chun a áirithiú go gcuirfidh na heintitis an fhaisnéis isteach san fhormáid cheart agus chun aghaidh a thabhairt ar shaincheisteanna teicniúla a d’fhéadfadh a bheith ag na heintitis, ba cheart do na comhlachtaí bailithe cúnamh a thabhairt do na heintitis sin.

(5)Cé is moite den fhaisnéis i ndáil le seirbhísí airgeadais, le margaí caipitil agus le hinbhuanaitheacht nach mór a chur ar fáil go poiblí faoi dhlí an Aontais, d’fhéadfadh suim a bheith ag infheisteoirí, ag rannpháirtithe margaidh, ag comhairleoirí agus ag an bpobal i gcoitinne faisnéis eile a fháil is mian le heintiteas eile a chur ar fáil. D’fhéadfadh fonn a bheith ar fhiontair bheaga agus mheánmhéide tuilleadh faisnéise a chur ar fáil go poiblí chun go mbeidís níos infheicthe d’infheisteoirí ionchasacha agus dá bhrí sin chun maoiniú a mhéadú agus deiseanna maoinithe a éagsúlú. Ina theannta sin, d’fhéadfadh fonn a bheith ar rannpháirtithe margaidh tuilleadh faisnéise a sholáthar ná an fhaisnéis atáthar a iarraidh de réir an dlí nó an fhaisnéis atáthar a iarraidh de réir dlí náisiúnta ach nach bhfuil ar fáil ar leibhéal an Aontais a chur ar fáil go poiblí chun go gcomhlánódh an fhaisnéis a sholáthrófaí don phobal ar leibhéal an Aontais. Dá bhrí sin ba cheart cead a bheith ag aon eintiteas faisnéis airgeadais, faisnéis a bhaineann le hinbhuanaitheacht agus aon fhaisnéis ábhartha eile a chur ar fáil ar ESAP. De bhun phrionsabal an íoslaghdaithe sonraí, ba cheart d’eintitis a áirithiú nach n‑áirítear aon sonraí pearsanta, seachas i gcás gur cuid riachtanach iad na sonraí sin den fhaisnéis maidir lena ngníomhaíochtaí eacnamaíocha, lena n‑áirítear i gcás ina mbíonn ainm an eintitis i gcomhthráth le hainm an úinéara. I gcás ina bhfuil sonraí pearsanta san fhaisnéis sin, ba cheart do na heintitis a áirithiú gur féidir leo, i leith nochtadh den sórt sin, muinín a chur i gceann de na forais dhleathacha phróiseála a leagtar amach in Airteagal 6 de Rialachán (AE) 2016/679 ó Pharlaimint na hEorpa agus ón gComhairle 26 .

(6)Is é is cuspóir don Údarás Eorpach um Urrúis agus Margaí (ÚEUM) leas an phobail a chosaint trí rannchuidiú a thabhairt maidir le cobhsaíocht agus éifeachtacht an chórais airgeadais ar mhaithe le geilleagar an Aontais, lena shaoránaigh agus lena ghnóthaí. Sa chomhthéacs sin, rannchuideoidh ÚEUM go háirithe le sláine, le trédhearcacht, le héifeachtúlacht agus le feidhmiú ordúil na margaí airgeadais a áirithiú. Tá an cúram aige, i measc cúraimí eile, feabhas a chur ar chosaint infheisteoirí. Mar gheall ar na cúiseanna sin, ba cheart an cúram maidir le ESAP a bhunú agus a oibriú a thabhairt d’ÚEUM.

(7)Chun é a chur ar a gcumas d’eintitis agus don phobal na comhlachtaí bailithe a sholáthróidh faisnéis do ESAP a shainaithint, ba cheart do ÚEUM liosta na gcomhlachtaí bailithe a fhoilsiú ar a shuíomh gréasáin agus é a choinneáil cothrom le dáta.

(8)Tá an baol ann go mbeidh ESAP faoi réir sárú rúndachta, rioscaí sláine nó rioscaí maidir le hinfhaighteacht an chórais agus leis an bhfaisnéis arna próiseáil in ESAP. Áirítear ar na bagairtí sin tionóiscí, earráidí, ionsaithe d’aon ghnó agus imeachtaí nádúrtha, agus ní mór iad a aithint mar rioscaí oibriúcháin. Ba cheart do ÚEUM beartais iomchuí agus chomhréireacha a chur chun feidhme chun a áirithiú go gcosnódh ESAP an fhaisnéis arna próiseáil agus na feidhmeanna de réir mar is gá.

(9)Chun go n‑éascófaí sonraí a chuardach, a aimsiú, a aisghabháil agus a úsáid, ba cheart do ÚEUM a áirithiú go gcuirfí ar fáil le ESAP tacar feidhmiúlachtaí, lena n‑áirítear feidhm chuardaigh, meaisínaistriúchán, agus féidearthachtaí chun an fhaisnéis a bhaint. Ba cheart na feidhmeanna cuardaigh a chur ar fáil i dteangacha oifigiúla uile an Aontais agus go gcuirfí ar a laghad leis na meiteashonraí dá bhforáiltear de bhun na dtreoracha agus na rialachán a liostaítear san Iarscríbhinn. Faoin 31 Nollaig 2024, ba cheart do ÚEUM a áirithiú go gcuirfear ar fáil le ESAP íos‑tacar feidhmiúlachtaí d’úsáideoirí atá le comhlánú faoin 31 Nollaig 2025.

(10)Tríd an bhfaisnéis atá le fáil ar ESAP a athúsáid, is féidir feabhas a chur ar fheidhmiú an mhargaidh inmheánaigh agus forbairt seirbhísí nua a chomhcheanglaíonn agus a úsáideann an fhaisnéis sin a chur chun cinn. Is gá dá bhrí sin athúsáid na faisnéise atá le fáil ar ESAP a cheadú chun críoch eile seachas na críocha a tarraingíodh suas an fhaisnéis ina leith i gcás ina mbeidh údar maith leis ar bhonn. Mar sin féin, ba cheart úsáid agus athúsáid na faisnéise sin a bheith faoi réir coinníollacha oibiachtúla, comhréireacha agus neamh‑idirdhealaitheacha. Chun na críche sin, ba cheart feidhm a bheith ag coinníollacha a bhaineann leis na coinníollacha a leagtar síos i dTreoir (AE) 2019/1024 ó Pharlaimint na hEorpa agus ón gComhairle 27 . Le téarmaí ceadúnúcháin na gceadúnas caighdeánach sin, ba cheart saor-rochtain ar shonraí agus ábhar a bheith ag aon duine agus ba cheart don duine sin a bheith in ann na gníomhaíochtaí a úsáid, a mhodhnú agus a roinnt chun aon chríche. Níor cheart do ÚEUM a bheith faoi aon dhliteanas maidir le húsáid agus le hathúsáid na faisnéise atá le fáil ar ESAP. Níor cheart an fhaisnéis a chuireann na comhlachtaí bailithe isteach a bheith faoi réir coinníollacha ná faoi réir ceadúnais chaighdeánaigh oscailte lena gcuirtear chun feidhme na téarmaí ceadúnúcháin lena ndéantar iarratas ar fhaisnéis atá le fáil in ESAP.

(11)Ba cheart an fhaisnéis atá le fáil ar ESAP a bheith ar fáil don phobail ar bhealach tráthúil. I ndáil leis sin, ba cheart tréimhse réasúnta ama a bheith i gceist idir an fhaisnéis a bhailiú agus í a chur ar fáil don phobal agus in aon chás ba cheart an t‑am sin a bheith chomh gearr agus is féidir go teicniúil. Chun cáilíocht faisnéise aonfhoirmeach a áirithiú, ba cheart do na comhlachtaí bailithe bailíochtaithe uathoibrithe a chomhlíonadh agus faisnéis neamhbhailí a dhiúltú. 

(12)Le ESAP ba cheart rochtain saor in aisce ar fhaisnéis a sholáthar d’úsáideoirí agus é a dhéanamh gan idirdhealú agus ba cheart a chur ar chumas na n‑úsáideoirí sin faisnéis a chuardach, rochtain a fháil uirthi agus í a íoslódáil trí ESAP. Mar sin féin, nuair a chuirtear san áireamh an gá le ÚEUM a chosaint ó ualach airgeadais iomarcach i ndáil le costais a thabhaítear chun freastal ar riachtanais na ndian‑úsáideoirí, más ann dóibh, ba cheart do ÚEUM a bheith in ann ioncaim a ghiniúint. Dá bhrí sin, de mhaolú ar an bprionsabal gur cheart rochtain saor in aisce ar fhaisnéis a bheith ag duine, ba cheart cead a bheith ag ÚEUM táillí arda a ghearradh as na seirbhísí áirithe sin, lena n‑áirítear seirbhísí a bhfuil costais chothabhála arda i gceist leo de bharr na gcuardach ar mhéideanna móra faisnéise nó rochtain rialta ar ESAP. Mar sin féin, níor cheart aon táille a bheadh níos mó ná costas na seirbhíse dá bhforáiltear a ghearradh.

(13)Le ESAP ba cheart feabhas a chur ar rochtain ar fhaisnéis lena n‑áirítear sonraí pearsanta chun nuálaíocht shonraíbhunaithe san earnáil airgeadais a chur chun cinn, cuidiú le margaí caipitil a chomhtháthú san Aontas Eorpach, infheistíochtaí a threorú chuig gníomhaíochtaí inbhuanaithe agus éifeachtúlachtaí a thabhairt do thomhaltóirí agus do ghnólachtaí. Mar sin féin, níor cheart a dhéanamh le ESAP feabhas a chur ach amháin ar rochtain a bheith ag duine ar na sonraí pearsanta sin nach mór iad a phróiseáil de bhun dhlí an Aontais, ná na sonraí pearsanta sin a phróiseáiltear ar bhonn deonach ar choinníoll go bhfuil foras dlíthiúil ann le haghaidh próiseála den sórt sin de bhun Rialachán (AE) 2016/679 ó Pharlaimint na hEorpa agus ón gComhairle. I gcás aon phróiseáil ar shonraí pearsanta i gcomhthéacs faisnéis a sholáthar trí ESAP, ba cheart do na comhlachtaí bailithe, agus ÚEUM ina cháil mar oibreoir ESAP, a áirithiú go gcomhlíontar Rialachán (AE) 2016/679 agus Rialachán (AE) 2018/1725 ó Pharlaimint na hEorpa agus ón gComhairle 28 .

(14)Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé a thuairim uaidh an [cuir isteach an dáta].

(15)Chun muinín an phobail in ESAP a chothú agus a choinneáil ar bun agus chun gach eintiteas a chosaint ó athrú míchuí a fhaisnéise, ba cheart a áirithiú le ESAP sláine sonraí agus inchreidteacht fhoinse na faisnéise arna cur faoi bhráid na gcomhlachtaí bailithe. Dá bhrí sin, ba cheart a chuimsiú san fhaisnéis arna cur isteach ag na heintitis ríomhshéala cáilithe atá ceangailte leis an bhfaisnéis arna cur isteach mar a shainmhínítear in Airteagal 3(20) de Rialachán (AE) Uimh. 910/2014 ó Pharlaimint na hEorpa agus ón gComhairle 29 . Féadfaidh aitheantóir eintitis dhlítheanaigh shonraigh a bheith ina shaintréith éigeantach den teastas sin. Ba cheart an séala sin nó an síniú sin a fuair ESAP a chur ar fáil d’úsáideoirí.

(16)Chun go mbeidh an fhaisnéis inchomparáide le himeacht ama, ba cheart rochtain a bheith ag úsáideoirí ar fhaisnéis a bhí ann roimhe seo. Dá bhrí sin, is gá a cheangal ar ESAP rochtain ar fhaisnéis a sholáthar le haghaidh tréimhse réasúnta ama a mhéid a bhfuil sí ag luí le forálacha eile is infheidhme de chuid dhlí an Aontais. Chun na críche sin, ba cheart do ÚEUM a áirithiú nach gcuirfear aon sonraí pearsanta ar fáil le haghaidh tréimhse nach faide ná mar is gá mar a dhéantar foráil maidir leo faoi dhlí an Aontais. Chun go gcuirfí ar chumas ÚEUM agus na gcomhlachtaí bailithe oibríocht ESAP a ullmhú, níor cheart le ESAP rochtain a sholáthar ach amháin ar an bhfaisnéis arna cur isteach ón 1 Eanáir 2024 ar aghaidh.

(17)Chun go mbeadh próiseáil rianúil ar an bhfaisnéis a fuarthas nó a tarraingíodh suas ag na comhlachtaí bailithe agus a cuireadh ar fáil do ESAP, is gá ceanglais áirithe a leagan síos lena sonraítear formáid agus meiteashonraí na faisnéise sin agus cé acu comhlachtaí bailithe ba cheart faisnéis den sórt sin a bhailiú. Chun go n‑áiritheofaí cáilíocht na faisnéise sin arna cur faoi bhráid ESAP ag na comhlachtaí bailithe is gá freisin na saintréithe bailíochtaithe uathoibrithe atá le déanamh a shainiú maidir le gach faisnéis a théann chuig na comhlachtaí bailithe, agus saintréithe an ríomhshéala cáilithe atá le ceangal leis an bhfaisnéis sin ag na heintitis. Chun úsáid agus athúsáid na sonraí ar ESAP a áirithiú, bheadh gá le liosta na gceadúnas caighdeánach oscailte atá ainmnithe a shainiú. Chun go n‑éascófaí sonraí a chuardach, a aimsiú, a aisghabháil go tráthúil, beidh gá le saintréithe an chomhéadain feidhmchláir agus saintréithe na meiteashonraí atá le cur chun feidhme a cheapadh. Beidh gá le ceanglais bhreise a mhéid a bhaineann le feidhmeanna cuardaigh éifeachtúla a chur chun feidhme amhail an t‑aitheantóir eintitis dhlítheanaigh shonraigh, an t‑aicmiú ar an gcineál faisnéise, agus catagóirí mhéideanna na n‑eintiteas. Chun na críche sin, ba cheart do Chomhchoiste na nÚdarás Maoirseachta Eorpach dréachtchaighdeáin theicniúla cur chun feidhme a fhorbairt. Ina theannta sin, d’fhéadfadh ÚEUM dréachtchaighdeáin theicniúla cur chun feidhme a fhorbairt chun cineál agus méid na seirbhísí áirithe a bhféadfadh táillí a ghearradh ina leith agus struchtúr na dtáillí lena mbaineann a chinneadh. Ba cheart an chumhacht a thabhairt don Choimisiún na caighdeáin theicniúla cur chun feidhme sin a ghlacadh trí bhíthin gníomhartha a chur chun feidhme de bhun Airteagal 291 CFAE agus i gcomhréir le hAirteagal 15 de Rialachán (AE) Uimh. 1093/2010 ó Pharlaimint na hEorpa agus ón gComhairle 30 , Uimh. 1094/2010 ó Pharlaimint na hEorpa agus ón gComhairle 31 agus Uimh. 1095/2010 ó Pharlaimint na hEorpa agus ón gComhairle 32 .

(18)Is é is cuspóir don Rialachán seo cur leis na seirbhísí airgeadais Eorpach agus na margaí caipitil a chomhtháthú trí rochtain láraithe éasca a sholáthar ar fhaisnéis an phobail maidir le heintitis agus a dtáirgí. Ós rud é nach féidir leis na Ballstáit an cuspóir sin a ghnóthú go leordhóthanach agus, de bharr a fhairsinge agus a éifeachtaí, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú,

TAR ÉIS AN RIALACHÁN SEO A GHLACADH:

Airteagal 1

An tIonad Eorpach Ilfhreastail Aonair (ESAP)

1.Faoin 31 Nollaig 2024 a bhunóidh agus oibreoidh an tÚdarás Eorpach um Urrúis agus Margaí (ÚEUM) ionad Eorpach ilfhreastail aonair (‘ESAP’) lena soláthrófar rochtain láraithe leictreonach ar an bhfaisnéis seo a leanas:

(a)faisnéis atá le cur ar fáil go poiblí de bhun na bhforálacha ábhartha atá sna treoracha agus sna rialacháin a liostaítear san Iarscríbhinn agus de bhun aon ghníomh eile ón Aontas atá ceangailteach ó thaobh dlí de a fhoráiltear maidir le rochtain láraithe leictreonach ar fhaisnéis trí ESAP;

(b)faisnéis eile is ábhartha do sheirbhísí airgeadais a sholáthraítear san Aontas nó do mhargaí caipitil an Aontais nó maidir leis an inbhuanaitheacht is mian le heintitis a chur ar fáil ar ESAP ar bhonn deonach maidir lena ngníomhaíochtaí eacnamaíocha i gcomhréir le hAirteagal 3(1).

2.Ní sholáthrófar le ESAP rochtain ar fhaisnéis arna cur isteach roimh an 1 Eanáir 2024. 

Airteagal 2

Sainmhínithe

Chun críocha an Rialacháin seo, tá feidhm ag na sainmhínithe seo a leanas:

(1)ciallaíonn ‘eintiteas’ aon duine nádúrtha nó dlítheanach a bhfuil ceanglas air faisnéis a chur ar fáil go poiblí de bhun aon cheann de na gníomhartha dlí dá dtagraítear in Airteagal 1(1), pointe (a), nó aon duine nádúrtha nó dlítheanach a chuireann an fhaisnéis dá dtagraítear in Airteagal 1(1), pointe (b) faoi bhráid comhlacht bailithe, ar bhonn deonach i gcomhréir le hAirteagal 3(1) chun an fhaisnéis a chur ar fáil ar ESAP;

(2)ciallaíonn ‘comhlacht bailithe’ aon chomhlacht de chuid an Aontais nó aon chomhlacht náisiúnta nó aon údarás nó aon chlár a ainmnítear amhlaidh de bhun aon cheann de na gníomhartha dlí dá dtagraítear in Airteagal 1(1), pointe (a) nó trí bhíthin na gcaighdeán teicniúil cur chun feidhme dá dtagraítear in Airteagal 3(2);

(3)ciallaíonn ‘formáid ónar féidir sonraí a asbhaint atá oscailte’ aon fhormáid leictreonach oscailte mar a shainmhínítear in Airteagal 2 pointe (14) de Threoir (AE) 2019/1024 a úsáidtear go forleathan nó atáthar a iarraidh de réir an dlí lenar féidir sonraí a asbhaint ag meaisín, agus nach amháin a bhfuil sí inléite ag duine;

(4)ciallaíonn ‘formáid atá inléite ag meaisín’ formáid mar a shainmhínítear in Airteagal 2 pointe (13) de Threoir (AE) 2019/1024;

(5)ciallaíonn ‘ríomhshéala cáilithe’ ríomhshéala cáilithe mar a shainmhínítear in Airteagal 3, pointe (27) de Rialachán (AE) 910/2014;

(6)ciallaíonn ‘comhéadan feidhmchláir’ (‘API’) tacar feidhmeanna, nósanna imeachta, sainmhínithe agus prótacal ó thaobh cumarsáid meaisín le meaisín agus malartú faisnéise gan uaim de;

(7)ciallaíonn ‘meiteashonraí’ faisnéis struchtúrtha lena mbíonn sé níos éasca acmhainn faisnéise a aisghabháil, a úsáid nó a bhainistiú, lena n‑áirítear tuairisc a thabhairt ar an acmhainn faisnéise sin, nó í a mhíniú nó a aimsiú.

Airteagal 3

Faisnéis a chur isteach go deonach le haghaidh inrochtaineacht ar ESAP

1.Féadfaidh aon duine nádúrtha nó dlítheanach an fhaisnéis dá dtagraítear in Airteagal 1(1), pointe (b) a chur faoi bhráid comhlacht bailithe chun an fhaisnéis sin a chur ar fáil ar ESAP. Nuair a chuireann an duine nádúrtha nó dlítheanach an fhaisnéis sin isteach, déanfaidh siad na gníomhaíochtaí seo a leanas:

(a)meiteashonraí a sholáthar don chomhlacht bailithe maidir leis an bhfaisnéis arna cur isteach;

(b)a aitheantóir eintitis dhlítheanaigh féin a sholáthar don chomhlacht bailithe mar a shonraítear de bhun Airteagal 7(4);

(c)formáid ónar féidir sonraí a asbhaint atá oscailte a úsáid chun an fhaisnéis sin a tharraingt suas;

(d)a áirithiú nach n‑áirítear aon sonraí pearsanta, cé is moite de chás inar cuid riachtanach den fhaisnéis iad na sonraí pearsanta maidir lena gníomhaíochtaí eacnamaíocha.

2.Forbróidh Comhchoiste na nÚdarás Maoirseachta Eorpach dréachtchaighdeáin theicniúla cur chun feidhme chun na nithe uile seo a leanas a shonrú:

(a)na meiteashonraí atá le soláthar maidir leis an bhfaisnéis arna cur isteach;

(b)na formáidí sonracha atá le húsáid chun an fhaisnéis a tharraingt suas;

(c)ainmniú na gcomhlachtaí bailithe a gcuirfear an fhaisnéis faoina bhráid.

Cuirfidh Comhchoiste na nÚdarás Maoirseachta Eorpach na dréachtchaighdeáin theicniúla cur chun feidhme sin faoi bhráid an Choimisiúin faoi [Oifig na bhFoilseachán: cuir isteach trí bliana tar éis an teacht i bhfeidhm].

Tugtar cumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1093/2010, Airteagal 15 de Rialachán (AE) Uimh. 1094/2010 agus Airteagal 15 de Rialachán (AE) Uimh. 1095/2010.

3.I gcás ina gcuimseofar sonraí pearsanta san fhaisnéis dá dtagraítear i mír 1, áiritheoidh na heintitis go mbraithfidh an phróiseáil ar cheann amháin de na forais dhleathacha phróiseála a liostaítear in Airteagal 6(1) de Rialachán (AE) 2016/679 ó Pharlaimint na hEorpa agus ón gComhairle. Leis an Rialachán seo, ní chruthaítear bunús dlí maidir le próiseáil na sonraí pearsanta ag na heintitis sin.

Airteagal 4

Liosta na gcomhlachtaí bailithe

Ar an tairseach ghréasáin dá dtagraítear in Airteagal 7(1), pointe (a), foilseoidh ÚEUM liosta na gcomhlachtaí bailithe lena n‑áirítear an fhaisnéis maidir le hAimsitheoir Aonfhoirmeach Acmhainne (URL) gach comhlachta bailithe.

Áiritheoidh ÚEUM go gcoinneofar cothrom le dáta an liosta dá dtagraítear sa chéad fhomhír agus tabharfaidh sé freagra don Choimisiún maidir le haon athruithe ar an liosta sin.

Airteagal 5

Cúraimí na gcomhlachtaí bailithe 

1.Beidh na cúraimí seo a leanas ag na comhlachtaí bailithe:

(a)an fhaisnéis arna cur isteach ag na heintitis a bhailiú agus a stóráil;

(b)bailíochtaithe uathoibrithe a chur i gcrích maidir leis an bhfaisnéis arna cur isteach chun a dheimhniú go gcomhlíonfar san fhaisnéis na ceanglais uile seo a leanas:

(i)cuireadh an fhaisnéis isteach agus úsáid á baint as formáid i ónar féidir sonraí a asbhaint atá oscailte nó, i gcás inarb iomchuí, as formáid atá inléite ag meaisín in aon cheann de na gníomhartha dlí dá dtagraítear in Airteagal 1(1), pointe (a) de bhun faoina bhráid a chuirtear an fhaisnéis nó sna caighdeáin theicniúla cur chun feidhme dá dtagraítear in Airteagal 3(2), pointe (b); 

(ii)tá na meiteashonraí mar a shonraítear de bhun mhír 6, pointe(d) ar fáil agus iomlán;

(iii)tá ríomhshéala cáilithe san fhaisnéis;

(c)déanfaidh siad a áirithiú nach mbeidh úsáid agus athúsáid na faisnéise a sholáthrófar do ESAP faoi réir aon choinníollacha, ná go mbeidh sé faoi réir ceadúnais chaighdeánacha oscailte atá coibhéiseach leis na téarmaí ceadúnúcháin dá dtagraítear in Airteagal 9;

(d)an comhéadan feidhmchláir a chur chun feidhme agus an fhaisnéis, na meiteashonraí le haghaidh na faisnéise sin agus, i gcás inarb ábhartha, an ríomhshéala cáilithe a sholáthar do ESAP, agus iad saor in aisce agus laistigh de na teorainneacha ama is infheidhme;

(e)cúnamh teicniúil a sholáthar do na heintitis a chuireann an fhaisnéis isteach;

(f)déanfaidh siad a áirithiú go mbeidh an fhaisnéis dá dtagraítear in Airteagal 1(1) fós ar fáil do ESAP go ceann tréimhse 10 mbliana ar a laghad, mura sonraítear a mhalairt sna gníomhartha dlí dá dtagraítear in Airteagal 1(1), pointe (a). Ní choinneofar sonraí pearsanta san fhaisnéis arna cur isteach de bhun Airteagal 1(1) agus ní bheidh siad ar fáil go ceann tréimhse is faide ná 5 bliana, mura sonraítear a mhalairt sna gníomhartha dlí dá dtagraítear in Airteagal 1(1), pointe (a).

Chun críoch phointe (f), glacfaidh na comhlachtaí bailithe:na bearta teicniúla agus eagraíochtúla iomchuí chun a áirithiú nach gcoinneofar an fhaisnéis ná nach gcuirfear an fhaisnéis ar fáil go ceann tréimhse níos faide ná an tréimhse dá bhforáiltear i bpointe (f) sin.

2.Diúltóidh na comhlachtaí bailithe an fhaisnéis arna cur isteach ag na heintitis i ngach ceann de na cásanna seo a leanas:

(a)i gcás ina nochtfar sna bailíochtaithe uathoibrithe dá dtagraítear i mír 1, pointe (b) nach gcomhlíonann an fhaisnéis na ceanglais a leagtar síos i bpointe (b) sin;

(b)i gcás ina bhfuil an fhaisnéis mí‑iomchuí go follasach, mí‑úsáideach nó inar léir go bhfuil sí lasmuigh de raon feidhme na faisnéise dá dtagraítear in Airteagal 1(1).

3.Ní fhéadfaidh eintitis faisnéis dá dtagraítear in Airteagal 1(1), pointe (a) a chur faoi bhráid ceachtar de na comhlachtaí bailithe ábhartha ach uair amháin.

4.Áiritheoidh eintitis cruinneas na faisnéise a chuireann siad faoi bhráid na gcomhlachtaí bailithe.

5.A mhéid a bhaineann leis an bhfaisnéis a thagann faoin Rialachán seo, ní dhéanfaidh na comhlachtaí bailithe an ceart atá ag déantóir bunachair sonraí a fheidhmiú, ar ceart é dá dtagraítear in Airteagal 7(1) de Threoir 96/9/CE ó Pharlaimint na hEorpa agus ón gComhairle 33 , lena gcuirtear cosc nó srian ar athúsáid ábhar an bhunachair sonraí nó lena gcuirtear srian ar athúsáid na n‑ábhar sin.

6.Forbróidh Comhchoiste na nÚdarás Maoirseachta Eorpach dréachtchaighdeáin theicniúla cur chun feidhme chun an méid seo a leanas a shonrú: 

(a)an chaoi a bhfuil na bailíochtaithe uathoibrithe dá dtagraítear i mír 1, pointe (b) le cur i gcrích le haghaidh gach saghas faisnéise arna cur isteach ag na heintitis;

(b)saintréithe an ríomhshéala cháilithe dá dtagraítear i mír 1, pointe (b)(iii);

(c)na ceadúnais chaighdeánacha oscailte dá dtagraítear i mír 1, pointe (c);

(d)saintréithe an chomhéadain feidhmchláir atá le cur chun feidhme de bhun mhír 1, pointe (d), agus na meiteashonraí dá dtagraítear sa phointe sin;

(e)na teorainneacha ama dá dtagraítear i mír 1, pointe (d).

Cuirfidh an Comhchoiste na dréachtchaighdeáin theicniúla cur chun feidhme sin faoi bhráid an Choimisiúin a mhéid a bhaineann le pointí (b), (c) agus (d) faoi [Oifig na bhFoilseachán: cuir isteach bliain amháin tar éis an teacht i bhfeidhm] agus a mhéid a bhaineann le pointí (a) agus (e) faoi [Oifig na bhFoilseachán: cuir isteach 2 bhliain tar éis an teacht i bhfeidhm].

Tugtar cumhacht don Choimisiún chun na caighdeáin theicniúla chur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialacháin (AE) Uimh. 1093/2010, (AE) Uimh. 1094/2010 agus (AE) Uimh. 1095/2010.

Airteagal 6

An Chibearshlándáil

Cuirfidh ÚEUM beartas slándála ríomhaireachta i bhfeidhm le haghaidh ESAP, ar beartas é atá éifeachtach agus comhréireach, agus áiritheoidh sé leibhéil iomchuí barántúlachta, infhaighteachta, sláine agus neamhshéanta i ndáil leis an bhfaisnéis arna cur ar fáil ar ESAP agus i ndáil le sonraí pearsanta a chosaint.

Airteagal 7

Feidhmiúlachtaí ESAP

1.Áiritheoidh ÚEUM go ndéanfar le ESAP foráil ar a laghad maidir leis na feidhmiúlachtaí seo a leanas:

(a)tairseach ghréasáin ina bhfuil comhéadan soláimhsithe i dteangacha oifigiúla uile an Aontais chun rochtain ar an bhfaisnéis in ESAP a sholáthar;

(b)comhéadan feidhmchláir lena gcumasaítear rochtain éasca ar an bhfaisnéis in ESAP;

(c)feidhm chuardaigh i dteangacha oifigiúla uile an Aontais;

(d)amharcóir faisnéise;

(e)seirbhís mheaisínaistriúchán le haghaidh na faisnéise a fhaightear;

(f)seirbhís íoslódála, lena n‑áirítear seirbhís le haghaidh cainníochtaí móra sonraí;

(g)seirbhís fógraíochta lena gcuirtear úsáideoirí ar an eolas maidir le haon fhaisnéis nua in ESAP.

2.Áiritheoidh ÚEUM go ndéanfar le ESAP foráil maidir leis na feidhmiúlachtaí dá dtagraítear i mír 1, pointí (e) agus (g) faoin 31 Nollaig 2025.

3.Féadfar cuardach a dhéanamh leis an bhfeidhm chuardaigh dá dtagraítear i mír 1; pointe (c) ar bhonn na meiteashonraí seo a leanas:

(a)ainmneacha an eintitis a chuir an fhaisnéis isteach;

(b)aitheantóir eintitis dhlítheanaigh an eintitis a chuir an fhaisnéis isteach;

(c)cineál na faisnéise arna cur isteach ag an eintiteas a chuir an fhaisnéis isteach;

(d)an bhliain agus an mhí inar cuireadh an fhaisnéis isteach ag an eintiteas a chuir an fhaisnéis isteach;

(e)méid an eintitis a chuir an fhaisnéis isteach;

(f)foinse na faisnéise a cuireadh isteach.

4.Forbróidh Comhchoiste na nÚdarás Maoirseachta Eorpach dréachtchaighdeáin theicniúla cur chun feidhme chun an méid seo a leanas a shonrú:

(a)saintréithe an chomhéadain feidhmchláir dá dtagraítear i mír 1, pointe (b);

(b)an t‑aitheantóir eintitis dhlítheanaigh shonraigh dá dtagraítear i mír 3, pointe (b);

(c)aicmiú ar na cineálacha faisnéise dá dtagraítear i mír 3, pointe (c);

(d)catagóirí mhéideanna na n‑eintiteas dá dtagraítear i mír 3, pointe (e).

Cuirfidh Comhchoiste na nÚdarás Maoirseachta Eorpach na dréachtchaighdeáin theicniúla cur chun feidhme sin faoi bhráid an Choimisiúin faoi [Oifig na bhFoilseachán: cuir isteach bliain amháin tar éis an teacht i bhfeidhm].

Tugtar cumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1093/2010, de Rialachán (AE) Uimh. 1094/2010 agus de Rialachán (AE) Uimh. 1095/2010. 

Airteagal 8

Rochtain ar an bhfaisnéis atá le fáil ar ESAP

1.Áiritheoidh ÚEUM go soláthrófar rochtain ar ESAP gan idirdhealú.

2.Áiritheoidh ÚEUM go mbeidh rochtain dhíreach agus láithreach atá saor in aisce ag aon duine ar an bhfaisnéis atá le fáil ar ESAP. 

Féadfaidh ÚEUM áfach táillí a ghearradh ar sheirbhísí sonracha lena mbaineann cuardaigh le haghaidh méid an‑mhór faisnéise nó faisnéis a thugtar cothrom le dáta go tráthrialta. Ní bheidh na táillí sin níos mó ná an costas a thabhaíonn ÚEUM chun an tseirbhís a chur ar fáil. 

3.D’ainneoin mhír 2, an dara fomhír, tabharfaidh ÚEUM cead do na heintitis uile seo a leanas rochtain dhíreach agus láithreach ar ESAP atá saor in aisce a bheith acu a oiread agus is gá chun go gcomhlíonfadh na heintitis sin a bhfreagrachtaí féin, a sainorduithe féin agus a n‑oibleagáidí féin:

(a)aon institiúid nó aon ghníomhaireacht de chuid an Aontais, nó aon chomhlacht Aontais eile;

(b)aon údarás inniúil náisiúnta a ainmníonn Ballstát de bhun na ngníomhartha dlí dá dtagraítear in Airteagal 1(1), pointe (a);

(c)aon bhall den Chóras Staidrimh Eorpach mar a shainmhínítear in Airteagal 4 de Rialachán (CE) Uimh. 223/2009 ó Pharlaimint na hEorpa agus ón gComhairle 34 ;

(d)aon bhall den Chóras Eorpach Banc Ceannais;

(e)na húdaráis réitigh arna n‑ainmniú faoi Airteagal 3 de Threoir 2014/59/AE ó Pharlaimint na hEorpa agus ón gComhairle 35 .

4.Chun críocha mhír 2, an dara fomhír, féadfaidh ÚEUM dréachtchaighdeáin theicniúla cur chun feidhme a fhorbairt chun cineál agus méid na seirbhísí áirithe a bhféadfadh táillí a ghearradh astu agus struchtúr na dtáillí lena mbaineann a chinneadh.

Cuirfidh ÚEUM na dréachtchaighdeáin theicniúla cur chun feidhme sin faoi bhráid an Choimisiúin.

Tugtar an chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1095/2010.

Airteagal 9

Úsáid agus athúsáid na faisnéise atá le fáil ar ESAP

Áiritheoidh ÚEUM nach ndéanfar úsáid agus athúsáid na faisnéise atá le fáil ar ESAP sárú ar na cearta ar bhunachar sonraí sui generis de bhun Airteagal 7(1) de Threoir 96/9/CE agus nach mbeidh sí faoi réir aon choinníollacha mura gcomhlíonfaidh na coinníollacha sin na ceanglais uile a leanas:

(a)tá na coinníollacha oibiachtúil agus neamh‑idirdhealaitheach;

(b)tá údar leis na coinníollacha ar fhorais cuspóra ar mhaithe le leas an phobail;

(c)comhfhreagraíonn na coinníollacha leis na coinníollacha a leagtar síos i gceadúnais chaighdeánacha oscailte laistigh de shainmhíniú Airteagal 2(5) de Threoir (AE) 2019/1024, lena gceadófar saorúsáid, modhnú agus comhroinnt na faisnéise sin ag aon duine agus chun aon chríche.

Airteagal 10

Cáilíocht na faisnéise

1.Comhlíonfaidh ÚEUM bailíochtaithe uathoibrithe chun comhlíonadh na faisnéise arna cur isteach ag na comhlachtaí bailithe a dheimhniú leis na ceanglais a leagtar síos in Airteagal 5(1), pointe (b).

2.Cuirfidh ÚEUM na próisis theicniúla iomchuí chun fógra uathoibríoch a thabhairt do chomhlacht bailithe nach gcomhlíonann an fhaisnéis arna cur isteach leis na ceanglais a leagtar síos in Airteagal 5(1), pointe (b).

Airteagal 11

Cúraimí ÚEUM

1.Déanfaidh na heintitis, i ndlúthchomhar leis an Údarás Baincéireachta Eorpach (ÚBE) agus leis an Údarás Eorpach um Árachas agus Pinsin Cheirde (ÚEÁPC), na cúraimí seo a leanas a chur i gcrích:

(a)áiritheoidh sé go gcuirfear an fhaisnéis arna haisghabháil ag na comhlachtaí bailithe ar fáil ar ESAP ar bhealach tráthúil;

(b)soláthróidh sé tacaíocht seirbhíse do chomhlachtaí bailithe;

(c)áiritheoidh sé go mbeidh rochtain ar ESAP ar a laghad 95 % den am in aghaidh na míosa;

(d)rachaidh sé i gcomhairle leis na comhlachtaí bailithe de réir mar is cuí chun dul i ngleic le saincheisteanna coitianta agus prionsabail chomhchoiteanna iompair, agus go háirithe chun na saincheisteanna seo a leanas a phlé:

(i)bainistíocht laethúil ESAP;

(ii)beartas cáilíochta a fhorbairt agus a chur chun feidhme agus, i gcás inarb iomchuí, comhaontuithe ar leibhéal seirbhíse idir ÚEUM agus na comhlachtaí bailithe a fhorbairt agus a chur chun feidhme;

(iii)coinníollacha cistiúcháin ESAP, lena n‑áirítear na cásanna ina bhféadfadh táillí a ghearradh agus ríomh na dtáillí sin;

(iv)bagairtí i ndáil leis an gcibearshlándáil.

(e)faireachán a dhéanamh ar chur chun feidhme agus ar fheidhmiú ESAP mar a shonraítear in Airteagal 12, agus tabharfaidh sí tuarascáil bhliantúil ina thaobh sin don Choimisiún.

2.Chun críocha mhír 1, rachaidh ÚEUM i gcomhairle leis an nGrúpa Geallsealbhóirí um Urrúis agus Margaí dá dtagraítear in Airteagal 37 de Rialachán (AE) Uimh. 1095/2010.

3.Ní stórálfaidh ÚEUM faisnéis ina bhfuil sonraí pearsanta cé is moite de phróiseáil uathoibrithe, idirmheánach agus neamhbhuan, lena n‑áirítear stóráil na faisnéise sin a mhéid a bhfuil fíorghá leis chun rochtain a thabhairt ar fhaisnéis a sholáthróidh na comhlachtaí bailithe.

Airteagal 12

Faireachán a dhéanamh ar chur chun feidhme agus ar fheidhmiú ESAP

1.Déanfaidh ÚEUM faireachán ar fheidhmiú ESAP, i ndlúthchomhar le ÚBE agus ÚEÁPC, bunaithe ar a laghad ar na táscairí cáilíochta agus cainníochtúla a leagtar síos i mír 2, agus foilseoidh sé tuarascáil bhliantúil maidir le feidhmiú ESAP.

2.Is iad seo a leanas na táscairí cáilíochta agus cainníochtúla dá dtagraítear i mír 1:

(a)líon na gcuairteoirí agus na gcuardach;

(b)céatadán na gcuardach a thiocfaidh amharc nó íoslódáil astu dá mbarr;

(c)méid agus céatadán na faisnéise atá inléite ag meaisín atá le fáil ar ESAP agus méid agus céatadán na n‑amharc agus na n‑íoslódálacha atá inléite ag meaisín;

(d)cion na bhfógraí de bhun na mbailíochtaithe uathoibrithe dá dtagraítear in Airteagal 10;

(e)aon mhífheidhm shuntasach nó aon theagmhas suntasach;

(f)measúnú ar inrochtaineacht, cháilíocht, úsáideacht agus thráthúlacht na faisnéise in ESAP;

(g)measúnú ar an gcomhlíonfadh ESAP a chuspóirí, agus éabhlóid a úsáide agus na sreafaí faisnéise laistigh den Aontas a chur san áireamh;

(h)measúnú ar shásamh úsáideora deiridh;

(i)comparáid le córais chomhchosúla i dtríú tíortha.

3.Rachaidh ÚEUM i dteagmháil leis an nGrúpa Geallsealbhóirí um Urrúis agus Margaí dá dtagraítear in Airteagal 37 de Rialachán (AE) Uimh. 1095/2010 sula gcuirfidh siad an tuarascáil dá dtagraítear i mír 1 isteach.

Airteagal 13

Athbhreithniú

Faoin [Oifig na bhFoilseachán, cuir isteach an dáta 5 bliana tar éis theacht i bhfeidhm an Rialacháin seo], déanfaidh an Coimisiún athbhreithniú ar fheidhmiú ESAP agus déanfaidh sé measúnú ar a éifeachtaí atá sé. Tuairisceoidh an Coimisiún do Pharlaimint na hEorpa agus don Chomhairle maidir le torthaí an athbhreithnithe seo.

Airteagal 14

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

RÁITEAS AIRGEADAIS REACHTACH

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh

1.2.Réimsí beartais lena mbaineann

1.3.Baineann an togra le 

☑ beart nua

◻ gníomhaíocht nua a leanann treoirthionscadal/réamhghníomhaíocht 36  

◻ síneadh ar ghníomhaíocht atá ann cheana 

◻ beart nó bearta a chumasc i dtreo beart eile/beart nua 

1.4.Cuspóirí

1.4.1.Cuspóirí ginearálta 

1.4.2.Cuspóirí sonracha 

1.4.3.An toradh agus an tionchar a bhfuil coinne leo

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.4.4.Táscairí feidhmíochta 

Sonraigh na táscairí chun faireachán a dhéanamh ar an dul chun cinn agus ar ghnóthachain.

1.5.Forais an togra/tionscnaimh 

1.5.1.Na ceanglais atá le comhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme an tionscnaimh ar bhonn céimneach

1.5.2.Breisluach a bhaineann le rannpháirteachas an Aontais (d’fhéadfadh an breisluach a bheith ann mar thoradh ar fhachtóirí éagsúla, e.g. gnóthachain mar thoradh ar chomhordú, deimhneacht dhlíthiúil, breis éifeachtachta nó comhlántachtaí). Chun críocha an phointe seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais ar luach é atá sa bhreis ar an luach a bheadh ann dá mbeadh na Ballstáit ag feidhmiú leo féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht don chreat airgeadais ilbhliantúil agus sineirgíochtaí a d’fhéadfadh a bheith ann le hionstraimí iomchuí eile

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

1.6.Fad agus tionchar airgeadais an togra/tionscnaimh

◻ tréimhse theoranta

◻    Togra/tionscnamh i bhfeidhm ón [LL/MM]BBBB go dtí an [LL/MM]BBBB

◻    Tionchar airgeadais ó BBBB go BBBB

☑ tréimhse neamhtheoranta

Cuirfear chun feidhme é le linn na tréimhse tosaigh 2022 go dtí 2026,

agus cuirfear ag feidhmiú go hiomlán ina dhiaidh sin é.

1.7.Modhanna bainistíochta atá beartaithe 45  

◻ Bainistíocht dhíreach a dhéanann an Coimisiún trí

◻    na gníomhaireachtaí feidhmiúcháin

◻ Bainistíocht chomhroinnte leis na Ballstáit

☑ Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

◻ eagraíochtaí idirnáisiúnta agus a ngníomhaireachtaí (le sonrú);

◻an Banc Eorpach Infheistíochta (BEI) agus an Ciste Eorpach Infheistíochta;

☑ comhlachtaí dá dtagraítear in Airteagail 70 agus 71;

◻ comhlachtaí dlí poiblí;

◻ comhlachtaí a rialaítear leis an dlí príobháideach agus a bhfuil misean seirbhíse poiblí acu sa mhéid go soláthraíonn siad ráthaíochtaí leordhóthanacha airgeadais;

◻ comhlachtaí a rialaítear leis an dlí príobháideach Ballstáit, a bhfuil sé de chúram orthu comhpháirtíochtaí príobháideacha poiblí a chur chun feidhme agus a sholáthraíonn ráthaíochtaí leordhóthanacha airgeadais;

◻ daoine a gcuirtear de chúram orthu bearta sonracha a chur chun feidhme sa Chomhbheartas Eachtrach agus Slándála de bhun Theideal V CAE, ar daoine iad a aithnítear sa bhunghníomh ábhartha.

Nótaí

2.BEARTA BAINISTÍOCHTA 

2.1.Rialacha faireacháin agus tuairiscithe 

Sonraigh minicíocht na mbeart agus na coinníollacha atá leo.

2.2.Córais bhainistíochta agus rialúcháin 

2.2.1.An bonn cirt atá leis na modhanna bainistíochta, le sásraí cur chun feidhme an chistithe, leis na módúlachtaí íocaíochta agus leis an straitéis rialúcháin atá beartaithe

2.2.2.Faisnéis faoi na rioscaí a aithníodh agus na córais rialúcháin inmheánacha a cuireadh ar bun chun na rioscaí a mhaolú

2.2.3.Meastachán ar chost‑éifeachtúlacht na rialuithe agus an bonn cirt atá leis sin (cóimheas ‘costais rialúcháin ÷ luach na gcistí gaolmhara arna mbainistiú’) agus measúnú ar an leibhéal riosca earráide a mheastar a bheidh ann (tráth an íocaíocht a dhéanamh agus tráth an clár a dhúnadh) 

2.3.Bearta chun calaois agus neamhrialtachtaí a chosc 

Sonraigh na bearta coisctheacha agus cosanta atá ann cheana nó atá beartaithe, e.g. ón Straitéis Frithchalaoise.

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid ar a n‑imreofar tionchar 

Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

Línte nua bhuiséid atáthar a iarraidh

In ord cheannteidil agus línte buiséid an chreata airgeadais ilbhliantúil.

3.2.An tionchar a mheastar a bheidh ag an togra/tionscnamh ar chaiteachas 

3.2.1.Achoimre ar an tionchar a mheastar a bheidh ag an togra/tionscnamh ar chaiteachas 

EUR milliúin (go dtí an tríú deachúil)

EUR milliúin (go dtí an tríú deachúil)

EUR milliúin (go dtí an tríú deachúil)

3.2.2.An tionchar a mheastar a bheidh ag an togra/tionscnamh ar leithreasuithe ÚEUM 

◻    Ní éilítear leis an togra/tionscnamh go n‑úsáidfear leithreasuithe faoi chomhair oibríochtaí

☑    Éilítear leis an togra/tionscnamh go n‑úsáidfear leithreasuithe faoi chomhair oibríochtaí, mar a mhínítear thíos:

Leithreasuithe faoi chomhair gealltanas in EUR milliúin (go dtí an tríú deachúil)

3.2.3.An tionchar a mheastar a bheidh ag an togra/tionscnamh ar acmhainní daonna ÚEUM 

3.2.3.1.Achoimre

◻    Ní éilítear leis an togra/tionscnamh go n‑úsáidfear leithreasuithe de chineál riaracháin

☑    Éilítear leis an togra/tionscnamh go n‑úsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

Riachtanais foirne (FTE):

3.2.3.2.Ceanglais mheasta na n‑acmhainní daonna a mheastar don (mháthair)‑Ard‑Stiúrthóireacht

☑    Ní éilíonn an togra/tionscnamh go n‑úsáidfear acmhainní daonna.

◻    Éilítear leis an togra/tionscnamh go n‑úsáidfear acmhainní daonna mar a mhínítear thíos:

Sloinnfear an meastachán i méideanna iomlána (nó go dtí ionad deachúlach amháin ar a mhéad)

Baill foirne ón Ard-Stiúrthóireacht atá sannta cheana do bhainistiú an bhirt agus/nó atá athshannta laistigh den Ard‑Stiúrthóireacht a chuirfidh na hacmhainní daonna is gá ar fáil, mar aon le haon leithdháileadh breise a d’fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Tuairisc ar na cúraimí a bheidh le déanamh:

Ba cheart tuairisc ar ríomh na gcostas le haghaidh aonaid FTE a áireamh in Iarscríbhinn V, roinn 3.

3.2.4.Comhoiriúnacht don chreat airgeadais ilbhliantúil reatha 

◻    Tá an togra/tionscnamh comhoiriúnach leis an gcreat airgeadais ilbhliantúil reatha.

☑    Is éard a bheidh sa togra/tionscnamh athshannadh an cheannteidil ábhartha sa chreat airgeadais ilbhliantúil.

◻    Éilítear leis an togra/tionscnamh go gcuirfear an ionstraim sholúbthachta i bhfeidhm nó go ndéanfar athbhreithniú ar an gcreat airgeadais ilbhliantúil 59 .

3.2.5.Ranníocaíochtaí ó thríú páirtithe 

Ní dhéantar foráil sa togra/tionscnamh maidir le cómhaoiniú le tríú páirtithe.

Déantar foráil sa togra/tionscnamh maidir leis an gcómhaoiniú atá measta thíos:

EUR milliúin (go dtí an tríú deachúil)

3.3.An tionchar a mheastar a bheidh ag an togra/tionscnamh ar ioncam 

☑    Ní bheidh aon tionchar airgeadais ag an togra ar ioncam.

◻    Beidh an tionchar airgeadais seo a leanas ag an togra/tionscnamh:

◻    ar acmhainní dílse

◻    ar ioncam eile

◻    má tá an t‑ioncam sannta do línte caiteachais, sonraigh sin

EUR milliúin (go dtí an tríú deachúil)

I gcás ioncam ilghnéitheach atá ‘sannta’, sonraigh na línte buiséid caiteachais dá ndéanfar difear.

Sonraigh an modh chun an tionchar a mheastar a bheidh ag an togra/tionscnamh ar ioncam a ríomh.

Iarscríbhinn a ghabhann leis an Ráiteas Airgeadais Reachtach

Rinneadh meastachán ar an tionchar a thuartar ar bhuiséad an Aontais tar éis theacht i bhfeidhm na reachtaíochta atá beartaithe go luath in 2024 ar an mbonn seo a leanas:

Teideal I – Caiteachas ar phearsanra

An triúr gníomhairí sealadacha breise a mheastar a bheith ag teastáil ó ÚEUM chun maoirseacht a dhéanamh ar fhorbairt, ar chothabháil agus ar oibriú ESAP, déanfar iad a fhostú ag an ngrád iontrála AD5. Glactar leis (ar an meán) go rachaidh siad i mbun poist ag tús mhí Iúil agus, dá bhrí sin, buiséadaítear iad ar feadh 6 mhí in 2024 agus ar feadh blianta iomlána ina dhiaidh sin.

Ríomhadh costas measta gach Gníomhaire Sealadach mar mheánchostas caighdeánach na nGníomhairí Sealadacha a bhí le húsáid sna meastacháin ar chostais phearsanra sna Ráitis Airgeadais Reachtacha a ullmhaíodh in 2021 (EUR 152 000) lúide an liúntas caighdeánach (EUR 25 000) le haghaidh costas tógála agus TF (‘habillage’) a chuirtear san áireamh sa mheánchostas caighdeánach sin (i.e. EUR 127 000) arna choigeartú ag an gcomhéifeacht cheartúcháin is infheidhme maidir le Páras (120.5) agus arna choigeartú le haghaidh boilsciú toimhdithe 2 % tar éis 2022 62 .

Teideal II – Caiteachas bonneagair agus oibríochtúil

Measadh na costais tríd an líon baill foirne a iolrú faoi chomhréir na bliana a fhostaítear iad faoin gcostas caighdeánach le haghaidh ‘habillage’, i.e. EUR 25 000 móide EUR 2 500 in aghaidh an bhaill foirne chun costais riaracháin eile a chlúdach, agus rinneadh an dá rud a choigeartú chun boilsciú toimhdithe 2 % tar éis na bliana 2022 a chur san áireamh.

Teideal III – Caiteachas oibríochtúil

Comhfhreagraíonn caiteachas do bhonneagar lenar cheart na feidhmiúlachtaí agus na sonraíochtaí a leagtar síos le reachtaíocht le haghaidh ESAP a chumasú, agus idir-inoibritheacht theicniúil 63 an chórais a áirithiú. Ba cheart go n‑áiritheofar leis cáilíocht seirbhíse rianúil ar ardchaighdeán, slándáil stórála agus cumarsáide, rochtain iontaofa, etc. Beidh dearadh teicniúil an bhonneagair mar shaincheart ag comhlacht rialaithe ESAP, agus dá bhrí sin soláthraítear leis an Iarscríbhinn seo cúpla bealach réalaíoch molta a choinnítear mar bhonn do na toimhdí costas.

Is iad na costais tháscacha na costais sin a leagtar amach i gcúig chéim atá le cur chun feidhme ó lár na bliana 2022 go dtí 2027, lena n‑áirítear: Cruthúnas Coincheapa, Obair ar fheidhmiúlachtaí agus ar an bhforbairt cumas, Táillí ceadúnais, cothabháil an chórais, costais Néalríomhaireachta/ stórála /líonra.

Rinneadh na costais mheasta a choigeartú i gcomhair boilsciú toimhdithe 2 % tar éis 2022.

(1)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Aontas na margaí caipitil do dhaoine agus do ghnólachtaí – plean gníomhaíochta nua, 24.9.2020, COM/2020/590 final.

(2)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Straitéis Airgeadais Dhigitigh don Aontas Eorpach, 24.9.2020, COM/2020/591 final.

(3)    Treoir (AE) 2017/1132 ó Pharlaimint na hEorpa agus ón gComhairle an 14 Meitheamh 2017 a bhaineann le gnéithe áirithe de dhlí na gcuideachtaí. (IO L 169, 30.6.2017, lch. 46).

(4)     https://e-justice.europa.eu/489/EN/business_registers__search_for_a_company_in_the_eu  

(5)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, dar teideal An Straitéis Eorpach maidir le Sonraí, 19.02.2020, COM/2020/66 final.

(6)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Straitéis maidir le maoiniú an aistrithe chuig geilleagar inbhuanaithe, 06.7.2021, COM/2021/390 final .

(7)    Teachtaireacht ón gCoimisiún chuig Parlaimint na hEorpa, chuig an gComhairle Eorpach, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, An Comhaontú Glas don Eoraip, 11.12.2019, COM/2019/640 final.

(8)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Aontas na margaí caipitil do dhaoine agus do ghnólachtaí – plean gníomhaíochta nua, 24.9.2020, COM/2020/590 final.

(9)    SWD(2021) 81 final, an 21 Aibreán 2021.

(10)    SWD(2021)344.

(11)    Mhol an Fóram Ardleibhéil gur cheart do ESAP rochtain a sholáthar ar ‘fhaisnéis phoiblí airgeadais agus neamhairgeadais na n‑eintiteas, chomh maith le rochtain ar fhaisnéis phoiblí maidir le táirgí airgeadais nó maidir le gníomhaíocht ábhartha […], faisnéis ar féidir leis an bpobal saor-rochtain a fháil uirthi agus í saor ó tháillí nó ó úsáid ceadúnais.’ Féach Tuarascáil Chríochnaitheach an Fhóraim Ardleibhéil maidir le hAontas na Margaí Caipitil: A New Vision for Europe’s Capital markets [Fís Nua do Mhargaí Caipitil na hEorpa], Meitheamh 2020.

(12)    ISBN 978-92-76-13304-9.

(13)    ISBN 978-92-76-13305-6.

(14)    ISBN 978-92-76-25267-2.

(15)    Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n‑aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1).

(16)    Tá an phleanáil sin gan dochar do phróiseas glactha an Chláir Oibre seo a leanas (2023-2024), agus go háirithe, do mheasúnuithe maidir le tosaíocht a thabhairt do chistiú agus do chomhaontú Choiste an Chláir lena mbaineann.

(17)    Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglais stuamachta i gcomhair institiúidí creidmheasa agus gnólachtaí infheistíochta, agus lena leasaítear Rialachán (AE) Uimh. 648/2012 (IO L 176, 27.6.2013, lch. 1).

(18)    Féach na tograí ón gCoimisiún le haghaidh Rialachán lena leasaítear Rialachán (AE) Uimh. 575/2013 maidir le ceanglais le haghaidh riosca creidmheasa, riosca luachála creidmheasa, riosca oibriúcháin, riosca margaidh agus íoslaghdaithe an aschuir, go háirithe na leasuithe ar Airteagal 433.

(19)    Féach Airteagal 21 de Threoir 2004/109/CE ó Pharlaimint na hEorpa agus ón gComhairle an 15 Nollaig 2004 arna leasú.

(20)    SWD(2021) 305 final, an 3 Samhain 2021;

(21)    IO C […], […], lch. […].

(22)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Aontas na Margaí Caipitil do dhaoine agus do ghnólachtaí – plean gníomhaíochta nua, 24.9.2020, COM/2020/590 final.

(23)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Straitéis airgeadais dhigitigh don Aontas Eorpach, 24.9.2020, COM/2020/591 final.

(24)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Straitéis maidir leis an aistriú chuig geilleagar inbhuanaithe a mhaoiniú, 6.7.2021, COM/2021/390 final.

(25)    Teachtaireacht ón gCoimisiún chuig Parlaimint na hEorpa, chuig an gComhairle Eorpach, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, An Comhaontú Glas don Eoraip, 11.12.2019, COM/2019/640 final.

(26)    Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n‑aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1).

(27)    Treoir (AE) 2019/1024 ó Pharlaimint na hEorpa agus ón gComhairle an 20 Meitheamh 2019 maidir le sonraí oscailte, agus maidir le faisnéis ón earnáil phoiblí a athúsáid (IO L 172, 26.6.2019, lch. 56).

(28)    Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n‐aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

(29)    Rialachán (AE) Uimh. 910/2014 ó Pharlaimint na hEorpa agus ón gComhairle an 23 Iúil 2014 maidir le ríomh‑shainaitheantas agus seirbhísí iontaoibhe le haghaidh ríomh‑idirbheart sa mhargadh inmheánach agus lena n‑aisghairtear Treoir 1999/93/CE (IO L 257, 28.8.2014, lch. 73).

(30)    Rialachán (AE) Uimh. 1093/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Baincéireachta Eorpach), lena leasaítear Cinneadh Uimh. 716/2009/CE agus lena n‑aisghairtear Cinneadh 2009/78/CE ón gCoimisiún (IO L 331, 15.12.2010, lch. 12).

(31)    Rialachán (AE) Uimh. 1094/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (an tÚdarás Eorpach um Árachas agus Pinsin Cheirde) lena leasaítear Cinneadh Uimh. 716/2009/CE agus lena n‑aisghairtear Cinneadh 2009/79/CE ón gCoimisiún (IO L 331, 15.12.2010, lch. 48).

(32)    Rialachán (AE) Uimh. 1095/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (an tÚdarás Eorpach um Urrúis agus Margaí), lena leasaítear Cinneadh Uimh. 716/2009/CE agus lena n‐aisghairtear Cinneadh 2009/77/CE ón gCoimisiún (IO L 331, 15.12.2010, lch. 84).

(33)    Treoir 96/9/CE ó Pharlaimint na hEorpa agus ón gComhairle an 11 Márta 1996 maidir le cosaint dhlíthiúil bunachar sonraí (IO L 77, 27.3.1996, lch. 20).

(34)    Rialachán (CE) Uimh. 223/2009 ó Pharlaimint na hEorpa agus ón gComhairle an 11 Márta 2009 maidir le Staidreamh Eorpach agus lena n‑aisghairtear Rialachán (CE, Euratom) Uimh. 1101/2008 ó Pharlaimint na hEorpa agus ón gComhairle maidir le tarchur na sonraí atá faoi réir rúndachta staidrimh chuig Oifig Staidrimh na gComhphobal Eorpach, Rialachán (CE) Uimh. 322/97 ón gComhairle maidir le Staidreamh Comhphobail, agus Cinneadh 89/382/CEE, Euratom ón gComhairle lena mbunaítear Coiste um Chláir Staidrimh na gComhphobal Eorpach (IO L 87, 31.3.2009, lch. 164).

(35)    Treoir 2014/59/AE ó Pharlaimint na hEorpa agus ón gComhairle an 15 Bealtaine 2014 lena mbunaítear creat le haghaidh institiúidí creidmheasa agus gnólachtaí infheistíochta a théarnamh agus a réiteach agus lena leasaítear Treoir 82/891/CEE ón gComhairle, agus Treoracha 2001/24/CE, 2002/47/CE, 2004/25/CE, 2005/56/CE, 2007/36/CE, 2011/35/AE, 2012/30/AE agus 2013/36/AE, agus Rialacháin (AE) Uimh. 1093/2010 agus (AE) Uimh. 648/2012, ó Pharlaimint na hEorpa agus ón gComhairle (IO L 173, 12.6.2014, lch. 190).

(36)    Dá dtagraítear in Airteagal 58(2)(a) nó (b) den Rialachán.

(37)    Áirítear ar na formáidí a shonraítear ar leibhéal an Aontais na formáidí a leagtar síos i Rialachán Tarmligthe (AE) 2019/815 ón gCoimisiún an 17 Nollaig 2018 maidir leis an bhFormáid Leictreonach Aonair Eorpach (ESEF).

(38)    De réir na Straitéise Airgeadais Dhigitigh: ‘Ba cheart an fhaisnéis a scaoilfear go poiblí faoi reachtaíocht an Aontais maidir leis na seirbhísí airgeadais a nochtadh i bhformáidí caighdeánaithe agus meaisín‑inléite faoi 2024’ – Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún maidir le Straitéis Airgeadais Dhigitigh don Aontas Eorpach, COM/2020/591 final.

(39)    Tosaíochtaí an Choimisiún le haghaidh 2019-2024, Eoraip atá oiriúnach don Aois Dhigiteach .

(40)     Teachtaireacht: An Straitéis Eorpach maidir le Sonraí , An Coimisiún Eorpach, 19.02.2020.

(41)    COM(2020)591 final an 24.9.2020.

(42)    Teachtaireacht: An Comhaontú Glas don Eoraip , An Coimisiún Eorpach, 11.12.2019.

(43)    Pacáiste Airgeadais, Teachtaireacht: Straitéis Airgeadais Dhigitigh , An Coimisiún Eorpach, 24.09.2020.

(44)    Teachtaireacht : Aontas na Margaí Caipitil le haghaidh daoine agus gnólachtaí – plean gníomhaíochta nua , 24.09.2020.

(45)    Tá mionsonraí ar na modhanna bainistíochta agus tagairtí don Rialachán Airgeadais le fáil ar shuíomh gréasáin Ard‑Stiúrthóireacht an Bhuiséid: https://myintracomm.ec.europa.eu/budgweb/GA/man/budgmanag/Pages/budgmanag.aspx .

(46)    LD = Leithreasuithe difreáilte / LN = Leithreasuithe neamhdhifreáilte.

(47)    CSTE: Comhlachas Saorthrádála na hEorpa.

(48)    Tíortha is iarrthóirí agus, i gcás inarb iomchuí, tíortha ó na Balcáin Thiar a d’fhéadfadh a bheith ina n‑iarrthóirí.

(49)    Mar a fhoráiltear i roinn 2.2.1.9 ‘Gníomhaíochtaí ullmhúcháin don Spás Sonraí Airgeadais’ den Iarscríbhinn a ghabhann leis an gCinneadh Cur Chun Feidhme ón gCoimisiún maidir le maoiniú an Chláir don Eoraip Dhigiteach agus glacadh an chláir oibre ilbhliantúil do 2021-2022, 10.11.2021, C(2021) 7914 final.

(50)    Chun críocha pleanála, tuartar go bhféadfaí costais ÚEUM in 2023 (i.e. sula dtiocfaidh an reachtaíocht atá beartaithe i bhfeidhm) a mhaoiniú trí chomhaontú ranníocaíochta idir an Coimisiún agus ÚEUM le cistiú ón gClár don Eoraip Dhigiteach. Tá an phleanáil sin gan dochar do phróiseas glactha an Chláir Oibre seo a leanas (2023-2024), agus go háirithe, do mheasúnuithe maidir le tosaíocht a thabhairt do chistiú agus do chomhaontú Choiste an Chláir lena mbaineann.

(51)    Cúnamh agus caiteachas teicniúil agus/nó riaracháin chun tacú le cláir agus/nó bearta de chuid an Aontais (seanlínte ‘BA’) a chur chun feidhme, taighde indíreach, taighde díreach.

(52)    Is éard atá i gceist le haschuir táirgí agus seirbhísí atá le soláthar (e.g.: an líon malartuithe mac léinn a mhaoinítear, líon km de bhóithre a thógtar, etc.).

(53)    An costas a bhaineann le buiséad an Aontais, cé is moite de ranníocaíocht na nÚdarás Inniúil Náisiúnta, agus gan ranníocaíocht réamh‑mheasta ón gClár don Eoraip Dhigiteach a chur san áireamh.

(54)    Costas iomlán (lena n‑áirítear ranníocaíocht pinsin) 3 CA ar feadh 12 mhí, gan dochar do chinnteoireacht agus do ghlacadh an Chinnidh Maoinithe atá riachtanach agus a bheidh ann amach anseo, glactar leis, chun críocha oibre, go bhfuil sé clúdaithe ag comhaontú ranníocaíochta arna mhaoiniú ag an gClár don Eoraip Dhigiteach.

(55)    Earcaíocht atá beartaithe do mhí Iúil agus dá réir sin cuirtear 50 % den mheánchostas san áireamh le haghaidh 2024.

(56)    AC = Ball foirne ar conradh; AL = Ball foirne áitiúil; END = Saineolaí náisiúnta ar iasacht; INT = Ball foirne gníomhaireachta; JPD = Saineolaithe sóisearacha i dtoscaireachtaí.

(57)    Fo-uasteorainneacha d’fhoireann sheachtrach arna gcumhdach ag leithreasuithe faoi chomhair oibríochtaí (seanlínte ‘BA’).

(58)    Le haghaidh Chistí Bheartas Comhtháthaithe an Aontais Eorpaigh, an Chiste Eorpaigh Talmhaíochta um Fhorbairt Tuaithe (CETFT) agus an Chiste Eorpaigh Mhuirí, Iascaigh agus Dobharshaothraithe (CEMID) go príomha.

(59)    Féach Airteagail 12 agus 13 de Rialachán (AE, Euratom) Uimh. 2093/2020 ón gComhairle an 17 Nollaig 2020 ina leagtar síos an creat airgeadais ilbhliantúil i gcomhair na mblianta 2021 go 2027.

(60)    i.e. 40 % Ranníocaíocht ón Aontas go dtí 60 % Ranníocaíocht ó Údarás Inniúil Náisiúnta an Bhallstáit mar aon le sciar an Údaráis Inniúil Náisiúnta de ranníocaíochtaí pinsin fostóirí.

(61)    Maidir le hacmhainní dílse traidisiúnta (dleachtanna custaim, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána agus 20 % de na costais bhailiúcháin a bheith bainte astu.

(62)    Sa mheastachán ar ranníocaíochtaí na nÚdarás Inniúil Náisiúnta i roinn 3.2.5 den Ráiteas Airgeadais Reachtach (LFS), cuireadh san áireamh an sciar de ranníocaíochtaí pinsin an fhostóra a chomhfhreagraíonn do chion na ranníocaíochtaí ó Údarás Inniúil Náisiúnta an Bhallstáit mar a fhoráiltear in aithris 68 de Rialachán bunaidh ÚEUM 1095/2010.

(63)    Cumhdaítear le ‘Idir-inoibritheacht theicniúil’ na feidhmchláir agus na bonneagair a nascann córais agus seirbhísí, lena n‑áirítear gnéithe amhail sonraíochtaí comhéadain, seirbhísí idirnaisc, cur i láthair agus malartú sonraí, agus prótacail chumarsáide shlána.

AN COIMISIÚN EORPACH

An Bhruiséil,25.11.2021

COM(2021) 723 final

IARSCRÍBHINN

a ghabhann leis an

Togra le haghaidh Rialachán ó Pharlaimint na hEorpa agus ón gComhairle

lena mbunaítear pointe rochtana aonair Eorpach lena soláthraítear rochtain láraithe ar eolas atá ar fáil go poiblí agus atá ábhartha i ndáil le seirbhísí airgeadais, margaí caipitil an inbhuanaitheacht

{SEC(2021) 572 final} - {SWD(2021) 344 final} - {SWD(2021) 345 final}

IARSCRÍBHINN

Liosta reachtaíocht an Aontais i raon feidhme an Ionaid Eorpaigh Ilfhreastail Aonair (ESAP) dá dtagraítear faoi Airteagal 1(1)(a)

1.CUID A — RIALACHÁIN

1. Rialachán (CE) Uimh. 1060/2009 maidir le gníomhaireachtaí rátála creidmheasa 1

2. Rialachán (AE) Uimh. 236/2012 maidir le díol folamh agus gnéithe áirithe de bhabhtálacha mainneachtana creidmheasa 2

3. Rialachán (AE) Uimh. 648/2012 maidir le díorthaigh thar an gcuntar, contrapháirtithe lárnacha agus stórtha trádála 3

4. Rialachán (AE) Uimh. 345/2013 maidir le cistí caipitil fiontair Eorpacha 4

5. Rialachán (AE) Uimh. 346/2013 maidir le cistí fiontraíochta sóisialta Eorpacha 5

6. Rialachán (AE) Uimh. 575/2013 maidir le ceanglais stuamachta i gcomhair institiúidí creidmheasa agus gnólachtaí infheistíochta 6

7. Rialachán (AE) Uimh. 537/2014 maidir le ceanglais shonracha a bhaineann le hiniúchóireacht reachtúil ar eintitis leasa phoiblí 7

8. Rialachán (AE) Uimh. 596/2014 maidir le drochúsáid mhargaidh (an rialachán maidir le drochúsáid mhargaidh) 8

9. Rialachán (AE) Uimh. 600/2014 maidir le margaí in ionstraimí airgeadais 9

10. Rialachán (AE) Uimh. 909/2014 maidir le socraíocht urrús san Aontas Eorpach a fheabhsú agus maidir le taisclanna lárnacha urrús 10

11. Rialachán (AE) Uimh. 1286/2014 maidir le doiciméid um fhaisnéis bhunriachtanach do tháirgí infheistíochta miondíola pacáistithe agus táirgí infheistíochta atá árachas‑bhunaithe (PRIIPanna) 11

12. Rialachán (AE) Uimh. 2015/760 maidir le cistí infheistíochta fadtéarmaí Eorpacha 12

13. Rialachán (AE) 2015/2365 maidir le trédhearcacht idirbheart maoinithe urrús agus athúsáide 13

14. Rialachán (AE) Uimh. 2016/1011 maidir le hinnéacsanna a úsáidtear mar thagarmharcanna in ionstraimí airgeadais agus i gconarthaí airgeadais nó chun feidhmíocht cistí infheistíochta a thomhas 14

15. Rialachán (AE) 2017/1129 maidir leis an réamheolaire atá le foilsiú nuair a thairgtear urrúis don phobal nó nuair a ligtear isteach iad chun a dtrádála ar mhargadh rialáilte 15

16. Rialachán (AE) 2017/1131 maidir le cistí margaidh airgid 16

17. Rialachán (AE) 2019/1238 maidir le Táirge Pinsin Phearsanta Uile-Eorpach (PEPP) 17

18. Rialachán (AE) 2019/2033 maidir leis na ceanglais stuamachta ar ghnólachtaí infheistíochta 18

19. Rialachán (AE) 2019/2088 maidir le nochtaí ó thaobh na hinbhuanaitheachta de san earnáil airgeadais 19

20. Rialachán (AE) 2020/852 maidir le creat a bhunú chun infheistíocht inbhuanaithe a éascú 20

21. Rialachán (AE) 2021/23 maidir le creat le haghaidh téarnamh agus réiteach contrapháirtithe lárnacha 21

CUID B - TREORACHA

1. Treoir 2002/87/CE maidir le maoirseacht fhorlíontach ar institiúidí creidmheasa, ar ghnóthais árachais agus ar ghnólachtaí infheistíochta in ilchuideachta airgeadais 22

2. Treoir 2004/25/CE maidir le tairiscintí táthcheangail 23

3. Treoir 2004/109/CE maidir le comhchuibhiú ceanglas trédhearcachta i ndáil le faisnéis i dtaobh eisitheoirí a ligtear isteach a gcuid urrús chun a dtrádála ar mhargadh rialáilte 24

4. Treoir 2006/43/CE maidir le hiniúchtaí reachtúla ar chuntais bhliantúla agus ar chuntais chomhdhlúite 25

5. Treoir 2007/36/CE maidir le feidhmiú cearta áirithe scairshealbhóirí i gcuideachtaí liostaithe 26

6. Treoir 2009/65/CE maidir le comhordú dlíthe, rialachán agus forálacha riaracháin a bhaineann le gnóthais le haghaidh comhinfheistíocht in urrúis inaistrithe (GCUI) 27

7. Treoir 2009/138/CE maidir le dul i mbun ghnó an Árachais agus an Athárachais agus leanúint den ghnó sin (Sócmhainneacht II) 28

8. Treoir 2011/61/AE maidir le Bainisteoirí Cistí Infheistíochta Malartacha 29

9. Treoir 2013/34/AE maidir le ráitis airgeadais bhliantúla, ráitis airgeadais chomhdhlúite agus tuarascálacha gaolmhara de chineálacha áirithe gnóthas 30

10. Treoir 2013/36/AE maidir le rochtain ar ghníomhaíocht institiúidí creidmheasa agus maoirseacht stuamachta ar institiúidí creidmheasa agus ar ghnólachtaí infheistíochta 31

11. Treoir 2014/59/AE lena mbunaítear creat do théarnamh agus réiteach institiúidí creidmheasa agus gnólachtaí infheistíochta 32

12. Treoir 2014/65/AE maidir le margaí in ionstraimí airgeadais 33

13. Treoir (AE) 2016/97 maidir le dáileadh árachais 34

14. Treoir (AE) 2016/2341 maidir le gníomhaíochtaí agus maoirsiú institiúidí um chóir ar scor ceirde (IORPanna) 35

15. Treoir (AE) 2019/2034 maidir le maoirseacht stuamachta ar ghnólachtaí infheistíochta 36

16. Treoir (AE) 2019/2162 maidir le heisiúint bannaí faoi chumhdach agus maoirseacht phoiblí ar bhannaí faoi chumhdach 37

(1)    Rialachán (CE) Uimh. 1060/2009 ó Pharlaimint na hEorpa agus ón gComhairle an 16 Meán Fómhair 2009 maidir le gníomhaireachtaí rátála creidmheasa (IO L 302, 17.11.2009, lgh. 1–31)

(2)    Rialachán (AE) Uimh. 236/2012 ó Pharlaimint na hEorpa agus ón gComhairle an 14 Márta 2012 maidir le díol folamh agus gnéithe áirithe de bhabhtálacha mainneachtana creidmheasa (IO L 86, 24.3.2012, lgh. 1-24)

(3)    Rialachán (AE) Uimh. 648/2012 ó Pharlaimint na hEorpa agus ón gComhairle an 4 Iúil 2012 maidir le díorthaigh thar an gcuntar, contrapháirtithe lárnacha agus stórtha trádála (IO L 201, 27.7.2012, lgh. 1–59)

(4)    Rialachán (AE) Uimh. 345/2013 ó Pharlaimint na hEorpa agus ón gComhairle an 17 Aibreán 2013 maidir le cistí caipitil fiontair Eorpacha (IO L 115, 25.4.2013, lgh. 1–17)

(5)    Rialachán (AE) Uimh. 346/2013 ó Pharlaimint na hEorpa agus ón gComhairle an 17 Aibreán 2013 maidir le cistí fiontraíochta sóisialta Eorpacha (IO L 115, 25.4.2013, lgh. 18–38)

(6)    Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglais stuamachta i gcomhair institiúidí creidmheasa agus gnólachtaí infheistíochta, agus lena leasaítear Rialachán (AE) Uimh. 648/2012 (IO L 176, 27.6.2013, lgh. 1-337)

(7)    Rialachán (AE) Uimh. 537/2014 ó Pharlaimint na hEorpa agus ón gComhairle an 16 Aibreán 2014 maidir le ceanglais shonracha a bhaineann le hiniúchóireacht reachtúil ar eintitis leasa phoiblí agus lena n‑aisghairtear Cinneadh 2005/909/CE ón gCoimisiún (IO L 158, 27.5.2014, lgh. 77-112)

(8)    Rialachán (AE) Uimh. 596/2014 ó Pharlaimint na hEorpa agus ón gComhairle an 16 Aibreán 2014 maidir le drochúsáid mhargaidh (an rialachán maidir le drochúsáid mhargaidh) agus lena n‑aisghairtear Treoir 2003/6/CE ó Pharlaimint na hEorpa agus ón gComhairle agus Treoracha 2003/124/CE, 2003/125/CE agus 2004/72/CE ón gCoimisiún (IO L 173, 12.6.2014, lgh. 1-61)

(9)    Rialachán (AE) Uimh. 600/2014 ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Rialachán (AE) Uimh. 648/2012 (IO L 173, 12.6.2014, lgh. 84-148)

(10)    Rialachán (AE) Uimh. 909/2014 ó Pharlaimint na hEorpa agus ón gComhairle an 23 Iúil 2014 maidir le socraíocht urrús san Aontas Eorpach a fheabhsú agus maidir le taisclanna lárnacha urrús agus lena leasaítear Treoracha 98/26/CE agus 2014/65/AE agus Rialachán (AE) Uimh. 236/2012 (IO L 257, 28.8.2014, lgh. 1-72)

(11)    Rialachán (AE) Uimh. 1286/2014 ó Pharlaimint na hEorpa agus ón gComhairle an 26 Samhain 2014 maidir le doiciméid um fhaisnéis bhunriachtanach do tháirgí infheistíochta miondíola pacáistithe agus táirgí infheistíochta atá árachas‑bhunaithe (PRIIPanna) (IO L 352, 9.12.2014, lgh. 1–23)

(12)    Rialachán (AE) 2015/760 ó Pharlaimint na hEorpa agus ón gComhairle an 29 Aibreán 2015 maidir le cistí infheistíochta fadtéarmaí Eorpacha (IO L 123, 19.5.2015, lgh. 98-121)

(13)    Rialachán (AE) 2015/2365 ó Pharlaimint na hEorpa agus ón gComhairle an 25 Samhain 2015 maidir le trédhearcacht idirbheart maoinithe urrús agus athúsáide agus lena leasaítear Rialachán (AE) Uimh. 648/2012 (IO L 337, 23.12.2015, lgh. 1-34)

(14)    Rialachán (AE) 2016/1011 ó Pharlaimint na hEorpa agus ón gComhairle an 8 Meitheamh 2016 maidir le hinnéacsanna a úsáidtear mar thagarmharcanna in ionstraimí airgeadais agus i gconarthaí airgeadais nó chun feidhmíocht cistí infheistíochta a thomhas agus lena leasaítear Treoir 2008/48/CE agus Treoir 2014/17/AE agus Rialachán (AE) Uimh. 596/2014 (IO L 171, 29.6.2016, lgh. 1-65)

(15)    Rialachán (AE) 2017/1129 ó Pharlaimint na hEorpa agus ón gComhairle an 14 Meitheamh 2017 maidir leis an réamheolaire atá le foilsiú nuair a thairgtear urrúis don phobal nó nuair a ligtear isteach iad chun a dtrádála ar mhargadh rialáilte, agus lena n‑aisghairtear Treoir 2003/71/CE (IO L 168, 30.6.2017, lgh. 12–82)

(16)    Rialachán (AE) 2017/1131 ó Pharlaimint na hEorpa agus ón gComhairle an 14 Meitheamh 2017 maidir le cistí margaidh airgid (IO L 169, 30.6.2017, lgh. 8–45)

(17)    Rialachán (AE) 2019/1238 ó Pharlaimint na hEorpa agus ón gComhairle an 20 Meitheamh 2019 maidir le Táirge Pinsin Phearsanta Uile-Eorpach (PEPP) (IO L 198, 25.7.2019, lgh. 1-63)

(18)    Rialachán (AE) 2019/2033 ó Pharlaimint na hEorpa agus ón gComhairle an 27 Samhain 2019 maidir leis na ceanglais stuamachta ar ghnólachtaí infheistíochta agus lena leasaítear Rialacháin (AE) Uimh. 1093/2010, (AE) Uimh. 575/2013, (AE) Uimh. 600/2014, agus (AE) Uimh. 806/2014 (IO L 314, 5.12.2019, lgh. 1-63)

(19)    Rialachán (AE) 2019/2088 ó Pharlaimint na hEorpa agus ón gComhairle an 27 Samhain 2019 maidir le nochtaí ó thaobh na hinbhuanaitheachta de san earnáil airgeadais (IO L 317, 9.12.2019, lgh. 1–16)

(20)    Rialachán (AE) 2020/852 ó Pharlaimint na hEorpa agus ón gComhairle an 18 Meitheamh 2020 maidir le creat a bhunú chun infheistíocht inbhuanaithe a éascú, agus lena leasaítear Rialachán (AE) 2019/2088 (IO L 198, 22.6.2020, lgh. 13–43)

(21)    Rialachán (AE) 2021/23 ó Pharlaimint na hEorpa agus ón gComhairle an 16 Nollaig 2020 maidir le creat le haghaidh téarnamh agus réiteach contrapháirtithe lárnacha agus lena leasaítear Rialacháin (AE) Uimh. 1095/2010, (AE) Uimh. 648/2012, (AE) Uimh. 600/2014, (AE) Uimh. 806/2014 agus (AE) 2015/2365 agus Treoracha 2002/47/CE, 2004/25/CE, 2007/36/CE, 2014/59/AE agus (AE) 2017/1132 (IO L 22, 22.1.2021, lgh. 1–102)

(22)    Treoir 2002/87/CE ó Pharlaimint na hEorpa agus ón gComhairle an 16 Nollaig 2002 maidir le maoirseacht fhorlíontach ar institiúidí creidmheasa, ar ghnóthais árachais agus ar ghnólachtaí infheistíochta in ilchuideachta airgeadais agus lena leasaítear Treoracha 73/239/CEE, 79/267/CEE, 92/49/CEE, 92/96/CEE, 93/6/CEE agus 93/22/CEE ón gComhairle, agus Treoracha 98/78/CE agus 2000/12/CE ó Pharlaimint na hEorpa agus ón gComhairle (IO L 35, 11.2.2003, lgh. 1-27)

(23)    Treoir 2004/25/CE ó Pharlaimint na hEorpa agus ón gComhairle an 21 Aibreán 2004 maidir le tairiscintí táthcheangail (IO L 142, 30.4.2004, lgh. 12-23)

(24)    Treoir 2004/109/CE ó Pharlaimint na hEorpa agus ón gComhairle an 15 Nollaig 2004 maidir le comhchuibhiú ceanglas trédhearcachta i ndáil le faisnéis i dtaobh eisitheoirí a ligtear isteach a gcuid urrús chun a dtrádála ar mhargadh rialaithe agus lena leasaítear Treoir 2001/34/CE (IO L 390, 31.12.2004, lgh. 38-57)

(25)    Treoir 2006/43/CE ó Pharlaimint na hEorpa agus ón gComhairle an 17 Bealtaine 2006 maidir le hiniúchtaí reachtúla ar chuntais bhliantúla agus ar chuntais chomhdhlúite, lena leasaítear Treoracha 78/660/CEE agus 83/349/CEE ón gComhairle agus lena n‑aisghairtear Treoir 84/253/CEE ón gComhairle (IO L 157, 9.6.2006, lgh. 87–107)

(26)    Treoir 2007/36/CE ó Pharlaimint na hEorpa agus ón gComhairle an 11 Iúil 2007 maidir le feidhmiú cearta áirithe scairshealbhóirí i gcuideachtaí liostaithe (IO L 184, 14.7.2007, lgh. 17-24)

(27)    Treoir 2009/65/CE ó Pharlaimint na hEorpa agus ón gComhairle an 13 Iúil 2009 maidir le comhordú dlíthe, rialachán agus forálacha riaracháin a bhaineann le gnóthais le haghaidh comhinfheistíocht in urrúis inaistrithe (GCUI) (IO L 302, 17.11.2009, lgh. 32–96)

(28)    Treoir 2009/138/CE ó Pharlaimint na hEorpa agus ón gComhairle an 25 Samhain 2009 maidir le dul i mbun ghnó an Árachais agus an Athárachais, agus leanúint den ghnó sin (Sócmhainneacht II) (IO L 335, 17.12.2009, lgh. 1–155)

(29)    Treoir 2011/61/AE ó Pharlaimint na hEorpa agus ón gComhairle an 8 Meitheamh 2011 maidir le Bainisteoirí Cistí Infheistíochta Malartacha agus lena leasaítear Treoir 2003/41/CE agus Treoir 2009/65/CE agus Rialachán (CE) Uimh. 1060/2009 agus Rialachán (AE) Uimh. 1095/2010 (IO L 174, 1.7.2011, lgh. 1–73)

(30)    Treoir 2013/34/AE ó Pharlaimint na hEorpa agus ón gComhairle an 26 Meitheamh 2013 maidir leis na ráitis airgeadais bhliantúla, na ráitis airgeadais chomhdhlúite agus tuarascálacha gaolmhara de chineálacha áirithe gnóthas, lena leasaítear Treoir 2006/43/CE ó Pharlaimint na hEorpa agus ón gComhairle agus lena n‑aisghairtear Treoracha 78/660/CEE agus 83/349/CEE ón gComhairle (IO L 182, 29.6.2013, lgh. 19-76)

(31)    Treoir 2013/36/AE ó Pharlaimint na hEorpa agus ón gComhairle an 26 Meitheamh 2013 maidir le rochtain ar ghníomhaíocht institiúidí creidmheasa agus maoirseacht stuamachta ar institiúidí creidmheasa agus ar ghnólachtaí infheistíochta, lena leasaítear Treoir 2002/87/CE agus lena n‑aisghairtear Treoracha 2006/48/CE agus 2006/49/CE Téacs atá ábhartha maidir le LEE, IO L 176, 27.6.2013, lgh. 338–436)

(32)    Treoir 2014/59/AE ó Pharlaimint na hEorpa agus ón gComhairle an 15 Bealtaine 2014 lena mbunaítear creat do théarnamh agus réiteach institiúidí creidmheasa agus gnólachtaí infheistíochta agus lena leasaítear Treoir 82/891/CEE ón gComhairle agus Treoracha 2001/24/CE, 2002/47/CE, 2004/25/CE, 2005/56/CE, 2007/36/CE, 2011/35/AE, 2012/30/AE agus 2013/36/AE, agus Rialacháin (AE) Uimh. 1093/2010 agus (AE) Uimh. 648/2012, ó Pharlaimint na hEorpa agus ón gComhairle (IO L 173, 12.6.2014, lgh. 190-348)

(33)    Treoir 2014/65/AE ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Treoir 2002/92/CE agus Treoir 2011/61/AE (IO L 173, 12.6.2014, lgh. 349–496)

(34)    Treoir (AE) 2016/97 ó Pharlaimint na hEorpa agus ón gComhairle an 20 Eanáir 2016 maidir le dáileadh árachais (IO L 26, 2.2.2016, lgh. 19–59)

(35)    Treoir (AE) 2016/2341 ó Pharlaimint na hEorpa agus ón gComhairle an 14 Nollaig 2016 maidir le gníomhaíochtaí agus maoirsiú institiúidí um chóir ar scoir ceirde (IORPanna) (IO L 354, 23.12.2016, lgh. 37–85)

(36)    Treoir (AE) 2019/2034 ó Pharlaimint na hEorpa agus ón gComhairle an 27 Samhain 2019 maidir le maoirseacht stuamachta ar ghnólachtaí infheistíochta agus lena leasaítear Treoracha 2002/87/CE, 2009/65/CE, 2011/61/AE, 2013/36/AE, 2014/59/AE agus 2014/65/AE (IO L 314, 5.12.2019, lgh. 64-114)

(37)    Treoir (AE) 2019/2162 ó Pharlaimint na hEorpa agus ón gComhairle an 27 Samhain 2019 maidir le heisiúint bannaí faoi chumhdach agus maoirseacht phoiblí ar bhannaí faoi chumhdach agus lena leasaítear Treoir 2009/65/CE agus Treoir 2014/59/AE (IO L 328, 18.12.2019, lgh. 29-57)