1.   Áireofar an fhaisnéis a iarrtar in Iarscríbhinn I a ghabhann leis an Rialachán seo i ndoiciméad aonair sonrúcháin tionscnaimh faoi chosaint nó táisc gheografaigh faoi chosaint dá dtagraítear in Airteagal 8(1), pointe (c), de Rialachán (AE) Uimh. 1151/2012.

Treorófar le tagairt foilseacháin na sonraíochta táirge a fhoilsítear leis an doiciméad aonair chuig an leagan den tsonraíocht táirge a mholtar.

2.   I gcás ina gcuirfidh Ballstát an t-iarratas faoi bhráid an Choimisiúin, tarraingeofar suas an doiciméad aonair i gcomhréir leis an bhfoirm arna cur ar fáil sna córais dhigiteacha dá dtagraítear in Airteagal 12(1), an chéad fhomhír, pointe (a).

I gcás ina gcuirfidh údarás tríú tír nó iarratasóir atá bunaithe i dtríú tír an t-iarratas faoi bhráid an Choimisiúin, tarraingeofar suas an doiciméad aonair i gcomhréir leis an bhfoirm a leagtar amach in Iarscríbhinn I. Féadfaidh an Coimisiún an fhaisnéis a sholáthrófar amhlaidh a iontráil ina chórais dhigiteacha.

3.   Beidh an doiciméad aonair achomair agus ní bheidh sé níos faide ná 2 500 focal, ach amháin i gcásanna a bhfuil údar cuí leo.

4.   Beidh feidhm ag míreanna 1, 2 agus 3 freisin maidir le doiciméad aonair a chumhdaítear le hiarraidh ar fhoilsiú i gcomhréir le hAirteagal 8(1) de Rialachán Tarmligthe (AE) Uimh. 664/2014.

5.   Áireofar an fhaisnéis a iarrtar in Iarscríbhinn II a ghabhann leis an Rialachán seo i sonraíocht táirge sainearra traidisiúnta faoi ráthaíocht dá dtagraítear in Airteagal (19) de Rialachán (AE) Uimh. 1151/2012. Tarraingeofar suas í i gcomhréir leis an bhfoirm dá bhforáiltear san Iarscríbhinn sin.’;

1.   Beidh an méid seo a leanas in iarratas ar fhormheas a dhéanamh ar leasú ar leibhéal an Aontais ar shonraíocht táirge dá dtagraítear in Airteagal 53(2) de Rialachán (AE) Uimh. 1151/2012:

An tuairisc agus na cúiseanna dá dtagraítear sa chéad fhomhír, pointe (e), agus an doiciméad aonair dá dtagraítear sa chéad fhomhír, pointe (f), ní bheidh siad níos faide ná 2 500 focal an ceann, ach amháin i gcásanna a bhfuil údar cuí leo.

2.   Beidh iarratas ar leasú ar leibhéal an Aontais a fhormheas achomair agus ní bheidh sé níos faide ná 5 000 focal, ach amháin i gcásanna a bhfuil údar cuí leo.

3.   Iarratas ó Bhallstát ar fhormheas a dhéanamh ar leasú ar leibhéal an Aontais ar shonraíocht táirge sonrúcháin tionscnaimh faoi chosaint nó táisc gheografaigh faoi chosaint, tarraingeofar suas é i gcomhréir leis an bhfoirm arna cur ar fáil sna córais dhigiteacha dá dtagraítear in Airteagal 12(1), an chéad fhomhír, pointe (a). Iarratas ó Bhallstát ar fhormheas a dhéanamh ar leasú ar leibhéal an Aontais ar shonraíocht táirge sainearra traidisiúnta faoi ráthaíocht, tarraingeofar suas é i gcomhréir leis an bhfoirm a leagtar amach in Iarscríbhinn VI. Féadfaidh an Coimisiún an fhaisnéis a sholáthrófar amhlaidh a iontráil ina chórais dhigiteacha.

Úsáidfidh iarratasóirí ó thríú tíortha an fhoirm a leagtar amach in Iarscríbhinn V le haghaidh leasú ar leibhéal an Aontais ar shonraíocht táirge sonrúcháin tionscnaimh faoi chosaint nó táisc gheografaigh faoi chosaint agus an fhoirm a leagtar amach in Iarscríbhinn VI le haghaidh leasú ar leibhéal an Aontais ar shonraíocht táirge sainearra traidisiúnta faoi ráthaíocht. Féadfaidh an Coimisiún an fhaisnéis a sholáthrófar amhlaidh a iontráil ina chórais dhigiteacha.

4.   An doiciméad aonair leasaithe ina leagtar amach sonrúchán tionscnaimh faoi chosaint nó tásc geografach faoi chosaint agus an tsonraíocht táirge leasaithe le haghaidh sainearra traidisiúnta faoi ráthaíocht, tarraingeofar suas iad gcomhréir le hAirteagal 6. Iarratas ó thríú tír ar leasú ar leibhéal an Aontais i gcás sonrúcháin tionscnaimh faoi chosaint nó táisc gheografaigh faoi chosaint, féadfar an leagan comhdhlúite den tsonraíocht táirge a áireamh ann in ionad na tagartha leictreonaí don tsonraíocht táirge fhoilsithe.

5.   Chun críocha Airteagal 53(2), an cúigiú fomhír, de Rialachán (AE) Uimh. 1151/2012, i gcomhar le hAirteagal 50(2) den Rialachán sin, anuas ar na doiciméid agus an fhaisnéis dá dtagraítear ann, arna leasú, foilseoidh an Coimisiún in Iris Oifigiúil an Aontais Eorpaigh, an t-iarratas ar fhormheas a dhéanamh ar leasú ar leibhéal an Aontais ar an tsonraíocht táirge.

I gcás ina n-áireofar sonraí pearsanta san iarratas, foilseofar iad mar chuid den iarratas sin.’;

1.   Beidh an méid seo a leanas i dteachtaireacht maidir le leasú caighdeánach formheasta ar an tsonraíocht táirge i gcomhréir le hAirteagal 6b(2), an dara fomhír, agus le hAirteagal 6b(3), (7) agus (8) de Rialachán Tarmligthe (AE) Uimh. 664/2014:

2.   I gcás inarb é Ballstát a sheolfaidh an teachtaireacht, áireofar léi dearbhú ón mBallstát sin go measann sé go gcomhlíonann an leasú formheasta ceanglais Rialachán (AE) Uimh. 1151/2012 agus na bhforálacha arna nglacadh dá bhun.

3.   I gcás iarratais a bhaineann le táirgí de thionscnamh tríú tíortha, maidir leis an teachtaireacht ó údaráis an tríú tír nó ó iarratasóir tríú tír a bhfuil leas dlisteanach aige, léireofar inti ainm an tríú tír nó an iarratasóra a bhfuil an teachtaireacht á seoladh aige agus áireofar inti cruthúnas go bhfuil an leasú infheidhme sa tríú tír. Féadfar a áireamh inti an tsonraíocht táirge arna cur ar fáil don phobal in ionad na tagartha leictreonaí dá foilsiú.

4.   Teachtaireacht ó Bhallstát maidir le leasú caighdeánach formheasta, tarraingeofar suas í i gcomhréir leis an bhfoirm arna cur ar fáil sna córais dhigiteacha dá dtagraítear in Airteagal 12(1), an chéad fhomhír, pointe (a). I gcás teachtaireachtaí ó thríú tíortha, úsáidfear an fhoirm a leagtar amach in Iarscríbhinn VI. Iontrálfaidh an Coimisiún an fhaisnéis a sholáthrófar amhlaidh ina chórais dhigiteacha.

5.   Chun críocha Airteagal 6b(5) de Rialachán Tarmligthe (AE) Uimh. 664/2014, foilseofar mar chuid den teachtaireacht ainm an Bhallstáit nó an tríú tír nó an duine nádúrtha nó dhlítheanaigh a bhfuil teachtaireacht maidir le leasú caighdeánach formheasta ar shonraíocht táirge táisc gheografaigh faoi chosaint á cur isteach aige.

1.   Beidh an méid seo a leanas i dteachtaireacht maidir le leasú sealadach formheasta ar an tsonraíocht táirge i gcomhréir le hAirteagal 6d(1) go (4) de Rialachán Tarmligthe (AE) Uimh. 664/2014:

2.   I gcás inarb é Ballstát a sheolfaidh an teachtaireacht, áireofar léi dearbhú ón mBallstát sin go measann sé go gcomhlíonann an leasú formheasta ceanglais Rialachán (AE) Uimh. 1151/2012 agus na bhforálacha arna nglacadh dá bhun.

3.   I gcás iarratais a bhaineann le táirgí de thionscnamh tríú tíortha, maidir leis an teachtaireacht ó údaráis an tríú tír nó ón iarratasóir tríú tír a bhfuil leas dlisteanach aige, léireofar inti ainm an tríú tír nó an iarratasóra a bhfuil an teachtaireacht á seoladh aige agus áireofar inti cruthúnas go bhfuil an leasú infheidhme sa tríú tír. Féadfar a áireamh inti an cinneadh náisiúnta lena bhformheastar an leasú sealadach arna chur ar fáil don phobal in ionad na tagartha leictreonaí don tagairt foilseacháin a bhaineann leis.

4.   Teachtaireacht ó Bhallstát maidir le leasú sealadach formheasta, tarraingeofar suas í i gcomhréir leis an bhfoirm arna cur ar fáil sna córais dhigiteacha dá dtagraítear in Airteagal 12(1), an chéad fhomhír, pointe (a). I gcás teachtaireachtaí ó thríú tíortha, úsáidfear an fhoirm a leagtar amach in Iarscríbhinn VII. Iontrálfaidh an Coimisiún an fhaisnéis a sholáthrófar amhlaidh ina chórais dhigiteacha.

5.   Chun críocha Airteagal 6d(5) de Rialachán Tarmligthe (AE) Uimh. 664/2014, foilseofar mar chuid den teachtaireacht ainm an Bhallstáit nó an tríú tír nó an duine nádúrtha nó dhlítheanaigh a bhfuil teachtaireacht maidir le leasú sealadach formheasta ar shonraíocht táirge sonrúcháin tionscnaimh faoi chosaint nó táisc gheografaigh faoi chosaint á cur isteach aige.’;

1.   Na doiciméid agus an fhaisnéis is gá chun Teidil II agus III de Rialachán (AE) Uimh. 1151/2012 agus na forálacha lena mbaineann a chur chun feidhme, cuirfear chuig an gCoimisiún iad mar a leanas:

Beidh feidhm ag prionsabail agus ceanglais a leagtar síos i Rialachán Tarmligthe (AE) 2017/1183 ón gCoimisiún (*1) agus i Rialachán Cur Chun Feidhme (AE) 2017/1185 ón gCoimisiún (*2) maidir leis an gcumarsáid a dhéanfar faoin gcéad fhomhír, pointe (a).

2.   De mhaolú ar mhír 1, an chéad fhomhír, pointe (a), is le ríomhphost a chuirfidh údaráis inniúla na mBallstát na doiciméid seo a leanas isteach:

3.   Déanfaidh an Coimisiún faisnéis a chur in iúl agus a chur ar fáil d’údaráis inniúla na mBallstát trí na córais dhigiteacha arna gcur ar fáil ag an gCoimisiún i gcomhréir le mír 1, an chéad fhomhír, pointe (a). Faisnéis i gcomhthéacs na nósanna imeachta dá dtagraítear i mír 1, an chéad fhomhír, pointe (b) agus i mír 2, is le ríomhphost a chuirfidh an Coimisiún in iúl í do na Ballstáit, d’údaráis inniúla agus grúpaí iarrthacha tríú tíortha agus do dhaoine nádúrtha nó dlítheanacha a bhfuil leas dlisteanach acu faoi Rialachán (AE) Uimh. 1151/2012.

4.   I gcás cumarsáid theicniúil oifigiúil maidir le sonrúcháin tionscnaimh faoi chosaint, tásca geografacha faoi chosaint agus sainearraí traidisiúnta faoi ráthaíocht, cuirfidh gach Ballstát in iúl don Choimisiún pointe teagmhála amháin arb é atá ann seoladh roinne agus seoladh poist, seoladh bosca ríomhphoist fheidhmiúil agus uimhir theileafóin roinne. Coimeádfaidh na Ballstáit na pointí teagmhála sin cothrom le dáta. Ní shainaithneofar leis na sonraí sin ach feidhmeanna oifigiúla, oifigí agus ranna. Ní shainaithneofar le haon cheann de na sonraí aon duine nádúrtha ná sonra pearsanta a chuimsítear ar bhealach eile i seoltaí, uimhreacha teagmhála nó míreanna sonraí eile.

Féadfaidh an Coimisiún liosta iomlán na bpointí teagmhála sin a choimeád, a stóráil, a chomhroinnt, a chur ar fáil don phobal agus a scaipeadh go tréimhsiúil, lena n-áirítear chuig a sheirbhísí féin, chuig institiúidí agus comhlachtaí eile an Aontais agus chuig gach pointe teagmhála ar an liosta. Féadfaidh an Coimisiún a cheangal go gcuirfear na sonraí sin isteach trí chórais dhigiteacha arna gcur ar fáil ag an gCoimisiún.

1.   Measfar na teachtaireachtaí agus na haighneachtaí dá dtagraítear in Airteagal 12 a bheith déanta an dáta a gheobhaidh an Coimisiún iad.

2.   Gach teachtaireacht a fuarthas agus gach comhad a cuireadh isteach trí na córais dhigiteacha dá dtagraítear in Airteagal 12(1), an chéad fhomhír, pointe (a), tabharfaidh an Coimisiún deimhniú go bhfuarthas iad d’údaráis inniúla na mBallstát trí na córais dhigiteacha.

Sannfaidh an Coimisiún uimhir chomhaid do gach iarratas nua ar chlárú, gach iarratas ar leasú ar leibhéal an Aontais a fhormheas, gach teachtaireacht maidir le leasuithe caighdeánacha formheasta agus gach teachtaireacht maidir le leasuithe sealadacha formheasta.

Beidh na heilimintí seo a leanas ar a laghad sa deimhniú fála:

Is trí na córais dhigiteacha dá dtagraítear in Airteagal 12(1), an chéad fhomhír, pointe (a), a thabharfaidh an Coimisiún fógra faoi fhaisnéis agus barúlacha maidir le teachtaireachtaí agus aighneachtaí den sórt sin, mar aon le hiad a chur ar fáil.

3.   I gcás teachtaireachtaí arna seoladh le ríomhphost agus i gcás comhaid arna gcur isteach le ríomhphost, is le ríomhphost a dheimhneoidh an Coimisiún go bhfuarthas iad.

Sannfaidh sé uimhir chomhaid do gach iarratas nua ar chlárú, gach iarratas ar leasú ar leibhéal an Aontais a fhormheas, gach teachtaireacht maidir le leasuithe caighdeánacha formheasta agus gach teachtaireacht maidir le leasuithe sealadacha formheasta.

Beidh na heilimintí seo a leanas ar a laghad sa deimhniú fála:

Is le ríomhphost a thabharfaidh an Coimisiún fógra faoi fhaisnéis agus barúlacha maidir le teachtaireachtaí agus aighneachtaí den sórt sin, mar aon le hiad a chur ar fáil.

4.   Beidh feidhm mutatis mutandis ag Airteagal 4 de Rialachán Tarmligthe (AE) 2017/1183 agus ag Airteagail 1 go 5 de Rialachán Cur Chun Feidhme (AE) 2017/1185 maidir le fógra a thabhairt faoi fhaisnéis agus maidir leis an bhfaisnéis sin a chur ar fáil, dá dtagraítear i míreanna 1 agus 2 den Airteagal seo.’;

1.   Na sonraí pearsanta arna bhfáil le linn na nósanna imeachta maidir le leasuithe ar leibhéal an Aontais a fhormheas agus maidir le leasuithe caighdeánacha agus sealadacha a chur in iúl, déanfaidh an Coimisiún agus na Ballstáit iad a phróiseáil agus a chur ar fáil don phobal, de bhun an Rialacháin seo, i gcomhréir le Rialacháin (AE) 2018/1725 ó Pharlaimint na hEorpa agus ón gComhairle (*3) agus (AE) 2016/679 (*4).

2.   Measfar gur rialaitheoir é an Coimisiún de réir bhrí Rialachán (AE) 2018/1725 i ndáil le sonraí pearsanta a phróiseáil sa nós imeachta a bhfuil sé inniúil ina leith i gcomhréir le Rialachán (AE) Uimh. 1151/2012, le Rialachán Tarmligthe (AE) Uimh. 664/2014 agus leis an Rialachán seo.

3.   Measfar gur rialaitheoirí iad údaráis inniúla na mBallstát de réir bhrí Rialachán (AE) 2016/679 i ndáil le sonraí pearsanta a phróiseáil sna nósanna imeachta a bhfuil siad inniúil ina leith i gcomhréir le Rialachán (AE) Uimh. 1151/2012, le Rialachán Tarmligthe (AE) Uimh. 664/2014 agus leis an Rialachán seo.