(1)

I gcomhréir le hAirteagal 7 de Threoir 2006/42/CE, innealra a monaraíodh i gcomhréir le caighdeán comhchuibhithe, caighdeán ar foilsíodh an tagairt dó in Iris Oifigiúil an Aontais Eorpaigh, glacfar leis go gcomhlíonann sé na buncheanglais sláinte agus sábháilteachta a chumhdaítear faoin gcaighdeán comhchuibhithe sin.

(2)

Le litir M/396 an 19 Nollaig 2006, rinne an Coimisiún iarraidh ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) (‘an Iarraidh’) go ndéanfaí caighdeáin chomhchuibhithe a dhréachtú agus a athbhreithniú chun tacú le Treoir 2006/42/CE, agus go gcuirfí an obair ar na caighdeáin sin i gcrích, ionas go gcuirfí athruithe san áireamh a tugadh isteach leis an Treoir sin i gcomparáid le Treoir 98/37/CE ó Pharlaimint na hEorpa agus ón gComhairle (3).

(3)

Ar bhonn na hIarrata, dhréachtaigh CEN na caighdeáin chomhchuibhithe nua seo a leanas – EN 1459-5:2020 i ndáil le ceanglais sábháilteachta maidir le comhéadain forbhaill le haghaidh trucailí ar féidir an síneadh atá astu a athrú, agus EN 16808:2020 i ndáil le ceanglais sábháilteachta maidir le hardaitheoirí láimhe i dtionscail an pheitriliam, na bpeitriceimiceán agus an gháis nádúrtha.

(4)

Ar bhonn na hiarrata sin, d’athbhreithnigh CEN agus Cenelec na caighdeáin chomhchuibhithe a bhí ann cheana, caighdeáin ar foilsíodh na tagairtí dóibh i sraith C d’Iris Oifigiúil an Aontais Eorpaigh le Teachtaireacht 2018/C092/01 (4) ón gCoimisiún, chun iad a oiriúnú don dul chun cinn sa teicneolaíocht. Is é an toradh a bhí air sin gur glacadh na caighdeáin chomhchuibhithe nua seo a leanas: EN 12312-7:2020 i ndáil le ceanglais shonracha maidir le trealamh tacaíochta ar an talamh le haghaidh aerárthaí; EN 13586:2020 i ndáil le ceanglais maidir le rochtain ar chraenacha; EN 15011:2020 i ndáil le craenacha droichid agus túir freastail; EN 15571:2020 i ndáil le ceanglais sábháilteachta maidir le meaisíní bailchríochnnaithe dromchla le haghaidh clocha de chineál nádúrtha; EN 16564:2020 i ndáil le ceanglais maidir le meaisíní sábhadóireachta/muilleála ar chineál de shábh droichid nó de mhuileann droichid iad, meaisíní a rialaítear go huimhriúil san áireamh; EN 1804-1:2020 i ndáil le haonaid tacaíochta agus ceanglais ghinearálta maidir le tacaí dín faoi chumhacht hiodrálach; EN 1804-2:2020 i ndáil le cosa agus reithe a shocraítear go meicniúil le haghaidh tacaí dín faoi chumhacht hiodrálach; EN 1804-3:2020 i ndáil le córais rialúcháin hiodrálacha agus leictri-hiodrálacha le haghaidh tacaí dín faoi chumhacht hiodrálach; EN 1837:2020 i ndáil le soilsiú lárnach meaisíní; EN 1974:2020 i ndáil le ceanglais sábháilteachta agus sláinteachais maidir le hinnealra próiseála bia; EN 81-40:2020 i ndáil le cathaoireacha staighre agus ardáin chlaonta ardúcháin le haghaidh daoine nach bhfuil an tsoghluaisteacht ach go lag acu; EN 1175:2020 i ndáil le ceanglais leictreacha agus leictreonacha maidir le trucailí tionsclaíocha; EN 12312-3:2017+A1:2020 i ndáil le feithiclí creasa iompair; EN ISO 16092-2:2020 i ndáil le ceanglais sábháilteachta maidir le fáisceáin mheicniúla; EN ISO 16092-4:2020 i ndáil le ceanglais sábháilteachta maidir le fáisceáin neomatacha; EN 16307-1:2020 i ndáil le ceanglais fhorlíontacha maidir le trucailí tionsclaíocha féinghluaiste, cé is moite de thrucailí gan tiománaí, de thrucailí sínidh inathraithe agus de thrucailí iompartha ualaí; EN 16808:2020 i ndáil le hardaitheoirí láimhe; EN ISO 19085-10:2019/A11:2020 i ndáil le sábha le haghaidh láithreáin tógála; EN ISO 20430:2020 i ndáil le meaisíní um múnlú trí bhíthin an insteallta; EN IEC 62841-2-6:2020 i ndáil le ceanglais shainiúla maidir le casúir láimhe, maille le leasú ar an gcaighdeán sin in EN IEC 62841-2-6:2020/A11:2020; chomh maith le EN ISO 11553-1:2020 i ndáil le ceanglais sábháilteachta maidir le léasair, maille le leasú ar an gcaighdeán sin in EN ISO 11553-1:2020/A11:2020.

(5)

Ina theannta sin, ar bhonn na hiarrata, d’athbhreithnigh CEN agus Cenelec EN 12999:2011+A2:2018, caighdeán a gcuimsítear an tagairt dó in Iarscríbhinn I a ghabhann le Cinneadh Cur Chun Feidhme (AE) 2019/436 ón gCoimisiún (5), agus is é EN 12999:2020 maidir le craenacha lódála an caighdeán athbhreithnithe – ba ar mhaithe le EN 12999:2011+A2:2018 a oiriúnú don dul chun cinn teicneolaíoch an t-athbhreithniú sin.

(6)

Leasaigh CEN agus Cenelec na caighdeáin chomhchuibhithe seo a leanas freisin, caighdeáin ar foilsíodh na tagairtí dóibh le Teachtaireacht 2018/C092/01 – EN 16851:2017 maidir le córais craenach éadroime, caighdeán arb é EN 16851:2017+A1:2020 maidir le córais craenach éadroime an leasú a rinneadh air, agus EN 16486:2014 maidir le comhbhrúiteoirí, caighdeán arb é 16486:2014+A1:2020 maidir le comhbhrúiteoirí an leasú a rinneadh air.

(7)

Na caighdeáin a rinne CEN agus Cenelec a dhréachtú, a athbhreithniú agus a leasú, rinne an Coimisiún measúnú i gcomhar le CEN agus Cenelec féachaint an gcomhlíonann na caighdeáin sin an iarraidh.

(8)

Na caighdeáin chomhchuibhithe a rinne CEN agus Cenelec a dhréachtú, a athbhreithniú agus a leasú, sásaíonn siad na ceanglais sábháilteachta is aidhm dóibh a chumhdach, ceanglais a leagtar amach i dTreoir 2006/42/CE. Dá bhrí sin, is iomchuí na tagairtí do na caighdeáin sin a fhoilsiú in Iris Oifigiúil an Aontais Eorpaigh, i dteannta leis na tagairtí d’aon chaighdeán ábhartha lena leasaítear nó lena gceartaítear iad.

(9)

Le Cinneadh Cur Chun Feidhme (AE) 2015/27 ón gCoimisiún (6), an tagairt don chaighdeán EN 474-1:2006+A4:2013, foilsíodh í in Iris Oifigiúil an Aontais Eorpaigh maille le srian lena ndearnadh an toimhde comhréireachta dá bhforáiltear sa chaighdeán a eisiamh a mhéid a bhaineann le buncheanglais sláinte agus sábháilteachta 1.2.2 agus 3.2.1 d’Iarscríbhinn I a ghabhann le Treoir 2006/42/CE.

(10)

Tá caighdeán EN 474-1:2006+A4:2013 tarraingthe siar ó bhí an 19 Meán Fómhair 2020 ann, mar a fhoráiltear le Cinneadh Cur Chun Feidhme (AE) 2019/436 ón gCoimisiún. Dá bhrí sin, is iomchuí Cinneadh Cur Chun Feidhme (AE) Uimh. 2015/2014 a aisghairm.

(11)

Le leagan EN 474-1:2006+A5:2018 rinne CEN an caighdeán sin a fheabhsú. Mar sin féin, ní dheachaigh an leagan nua i ngleic leis na húdair imní ó thaobh na hinfheictheachta de a d'eascair as an idirghníomhú idir EN 474-1:2006+A5:2018 agus cuid 5 de shraith EN 474, sraith faoina gcumhdaítear ceanglais shainiúla maidir le tochaltóirí hiodrálacha. Dá bhrí sin, na buncheanglais sláinte agus sábháilteachta a leagtar amach i bpointí 1.2.2 agus 3.2.1 d’Iarscríbhinn I a ghabhann le Treoir 2006/42/CE, níor chomhlíon caighdeán EN 474-1:2006+A5:2018 na buncheanglais sin go hiomlán. Trí bhíthin EN 474-5:2006+A3:2013 i ndáil le ceanglais maidir le tochaltóirí hiodrálacha, foilsíodh an caighdeán comhchuibhithe sin maille le srian nua maidir lena chur i bhfeidhm in Iris Oifigiúil an Aontais Eorpaigh, rud a rinneadh le Cinneadh Cur Chun Feidhme (AE) 2019/436.

(12)

Lean CEN air ag feabhsú EN 474-1 agus thíolaic sé leagan leasaithe den chaighdeán comhchuibhithe, mar atá EN 474-1:2006+A6:2019. Rinne an Coimisiún measúnú i gcomhar le CEN agus Cenelec féachaint an gcomhlíonann na caighdeáin EN 474-1:2006+A6:2019 na buncheanglais sláinte agus sábháilteachta a leagtar amach i bpointí 1.2.2 agus 3.2.1 d’Iarscríbhinn I a ghabhann le Treoir 2006/42/CE, agus is é an chonclúid ar ar tháinig sé gurbh fhéidir an srian a bhí ann a bhaint, srian de bharr údar imní ó thaobh na hinfheictheachta de a bhí ag eascairt as an gcaighdeán.

(13)

Mar sin féin, nuair a bhí ionadaithe thar ceann an choiste a bunaíodh le hAirteagal 22 de Threoir 2006/42/CE i mbun scrúdú ar an gcaighdeán EN 474-1, chuir siad údair imní nua in iúl maidir leis an sásra um chúpláil thapa dá bhforáiltear in Iarscríbhinn B.2 den chaighdeán, sásra a cheadaíonn uirlisí éagsúla a cheangal de mheaisíní crécharta. Go háirithe, thaifead na Ballstáit líon ard gortuithe tromchúiseacha agus básanna arb é ba chúis leo gur glasáladh uirlisí go mícheart agus nach raibh córais rabhaidh ghníomhaigh nó córais faireacháin ghníomhaigh ann don oibreoir agus é ag oibriú an mheaisín tráth a bhí uirlisí ceangailte go mícheart de, buicéid chúlghrafóige, alpairí, agus plátaí creathánacha mar shampla. Is díol suntais a airde atá líon na dtionóiscí i gcás meaisíní áirithe ar nós tochaltóirí ar minic na huirlisí cumhachtaithe éagsúla a n-úsáidtear leo á n-athrú ó lá go lá.

(14)

Tar éis dó scrúdú a dhéanamh ar EN 474-1:2006+A6:2019, is é an chonclúid ar ar tháinig an gCoimisiún nach gcomhlíonann an caighdeán sin na buncheanglais sláinte agus sábháilteachta a leagtar amach i bpointí 1.2.2 agus 3.2.1 d’Iarscríbhinn I a ghabhann le Treoir 2006/42/CE, mar atá an ceanglas maidir le comhtháthú na sábháilteachta agus an ceanglas gurb acmhainn don tiománaí an t-innealra agus na huirlisí a ghabhann leis a oibriú sna dálaí ina meastar go n-úsáidfear iad, ar bhealach a bheidh go hiomlán sábháilte don tiománaí agus do dhaoine neamhchosanta. Dá bhrí sin, ba cheart EN 474-1:2006+A6:2019 a fhoilsiú in Iris Oifigiúil an Aontais Eorpaigh maille le srian maidir lena chur i bhfeidhm in éineacht leis na codanna seo a leanas – EN 474-4:2006+A2:2012 i ndáil le lódairí cúlghrafóige agus EN 474-5:2006+A3:2013 i ndáil le ceanglais maidir le tochaltóirí hiodrálacha.

(15)

Caighdeán comhchuibhithe EN 62841-4-1:2020 i ndáil le ceanglais shainiúla maidir le sábha slabhracha láimhe, is caighdeán é lenar tugadh isteach athruithe móra ar na sonraíochtaí a leagtar amach sa chaighdeán comhchuibhithe EN 60745-2-13:2009. Sábha slabhracha láimhe a chumhdaítear faoi EN 62841-4-1:2020 agus EN 60745-2-13:2009, is innealra iad de chineál a liostaítear in Iarscríbhinn IV a ghabhann le Treoir 2006/42/CE agus ar gá tabhairt faoi nós imeachta deimhniúcháin níos déine ina dtaobh, nós imeachta ina mbítear ag plé le comhlacht faoina dtugtar fógra, toisc nach bhfuil caighdeán comhchuibhithe ann faoina gcumhdaítear na buncheanglais sláinte agus sábháilteachta ar fad. Ós rud é gur gá dearadh na sábhanna slabhracha a chumhdaítear faoi EN 62841-4-1:2020 a mhodhnú go mór agus ó rud é go scoirfidh caighdeán comhchuibhithe EN 62841-4-1:2020 de thoimhde comhréireachta a sholáthar tar éis an 3 Meán Fómhair 2022, d’fhéadfadh sé nach acmhainn do roinnt monaróirí an spriocdháta sin a bhaint amach. Dá bhrí sin, an dáta a tharraingeofar siar caighdeán comhchuibhithe EN 60745-2-13:2009, is iomchuí é a chur siar go heisceachtúil go ceann 8 mí eile. Dá bhrí sin, an iontráil maidir le caighdeán comhchuibhithe EN 60745-2-13:2019 in Iarscríbhinn III a ghabhann le Cinneadh Cur Chun Feidhme (AE) 2019/436, ba cheart í a leasú dá réir.

(16)

An tagairt don chaighdeán comhchuibhithe EN ISO 3743-2:2019 maidir le modhanna i ndáil le seomraí tástála speisialta aisfhuaimniúla, rinneadh an tagairt sin a chuimsiú in Iarscríbhinn I a ghabhann le Cinneadh Cur Chun Feidhme (AE) 2019/436 ón gCoimisiún le Cinneadh Cur Chun Feidhme 2021/377 (7). Mar sin féin, an leagan den chaighdeán sin a bhí ann roimhe seo, mar atá EN ISO 3743-2:2009, foilsíodh é le Teachtaireacht 2018/C092/01 agus tá sé gan tarraingt siar. Ós rud é nach den úrscothacht a thuilleadh caighdeán EN ISO 3743-2:2009, is iomchuí an tagairt don chaighdeán sin a tharraingt siar ó Iris Oifigiúil an Aontais Eorpaigh. Ionas go mbeidh a ndóthain ama ag monaróirí ullmhú le caighdeán EN ISO 3743-2:2019 a chur i bhfeidhm, is gá tarraingt siar EN ISO 3743-2:2009 a chur ar athló.

(17)

In Iarscríbhinn I a ghabhann le Cinneadh Cur Chun Feidhme (AE) 2019/436, tugtar na tagairtí do na caighdeáin chomhchuibhithe faoina dtoimhdítear go bhfuil comhréireacht ann le Treoir 2006/42/CE, agus in Iarscríbhinn II a ghabhann leis an gcinneadh sin tugtar na tagairtí do na caighdeáin chomhchuibhithe faoina dtoimhdítear maille le srian go bhfuil comhréireacht ann. Na tagairtí do na caighdeáin chomhchuibhithe a dréachtaíodh chun tacú le Treoir 2006/42/CE, chun a chinntiú gur in aon ghníomh amháin liostaítear iad, na tagairtí do na caighdeáin a dhéanann CEN agus Cenelec a athbhreithniú nó a leasú, nó a gcuireann CEN agus Cenelec caighdeáin eile ina n-áit, ba cheart na tagairtí sin a chuimsiú i gCinneadh Cur Chun Feidhme (AE) 2019/436.

(18)

In Iarscríbhinn III a ghabhann le Cinneadh Cur Chun Feidhme (AE) 2019/436, liostaítear na tagairtí do na caighdeáin chomhchuibhithe a dréachtaíodh chun tacú le Treoir 2006/42/CE agus atá tarraingthe siar ó shraith C d’Iris Oifigiúil an Aontais Eorpaigh ó bhí na dátaí a leagtar amach san Iarscríbhinn sin ann.

(19)

An obair a rinne CEN agus Cenelec ar bhonn na hIarrata, is é an toradh atá uirthi go ndearnadh na caighdeáin chomhchuibhithe seo a leanas, caighdeáin a foilsíodh i sraith C d’Iris Oifigiúil an Aontais Eorpaigh, go ndearnadh iad a athbhreithniú nó a leasú, nó gur cuireadh caighdeáin eile ina n-áit: EN 12312-7:2005+A1:2009; EN 13155:2003+A2:2009; EN 13586:2004+A1:2008; EN 15011:2011+A1:2014; EN 15571:2014; EN 15746-2:2010+A1:2011; EN 1804-1:2001+A1:2010; EN 1804-2:2001+A1:2010; EN 1804-3:2006+A1:2010; EN 1837:1999+A1:2009; EN 1974:1998+A1:2009; EN 60745-2-6:2010; EN IEC 62841-2-6:2020; EN ISO 11553-1:2008; EN ISO 11553-1:2020; EN 1175-1:1998+A1:2010; EN 1175-2:1998+A1:2010; EN 1175-3:1998+A1:2010; EN 12312-3:2017; EN 13411-1:2002+A1:2008; EN 13411-2:2001+A1:2008; EN 13411-3:2004+A1:2008; EN 13411-4:2011; EN 13411-5:2003+A1:2008; EN 13411-6:2004+A1:2008; EN 13411-7:2006+A1:2008; EN 13411-8:2011; EN 16307-1:2013+A1:2015; EN 16486:2014; EN 201:2009; agus EN 81-40:2008. Dá bhrí sin, is gá na tagairtí do na caighdeáin sin a tharraingt siar ó Iris Oifigiúil an Aontais Eorpaigh trí na tagairtí sin a chuimsiú in Iarscríbhinn III a ghabhann le Cinneadh Cur Chun Feidhme (AE) 2019/436.

(20)

An tagairt do chaighdeán comhchuibhithe EN 12999:2011+A2:2018, tagairt a foilsíodh le Cinneadh Cur Chun Feidhme (AE) 2019/436, is gá í sin a tharraingt siar freisin ós rud é go ndearnadh an caighdeán a athbhreithniú. Dá bhrí sin, is iomchuí na tagairtí sin a scriosadh as Iarscríbhinn I a ghabhann leis an gCinneadh Cur Chun Feidhme sin.

(21)

Ionas go mbeidh a ndóthain ama ag monaróirí ullmhú le haghaidh chur i bhfeidhm na gcaighdeán nua, na gcaighdeán athbhreithnithe nó na gcaighdeán leasaithe, is gá tarraingt siar na dtagairtí do na caighdeáin chomhchuibhithe seo a leanas a chur ar athló – EN 12999:2011+A2:2018, EN 1175-1:1998+A1:2010, EN 1175-2:1998+A1:2010, EN 1175-3:1998+A1:2010, EN 12312-3:2017, EN 12312-7:2005+A1:2009, EN 13411-1:2002+A1:2008, EN 13411-2:2001+A1:2008, EN 13411-3:2004+A1:2008, EN 13411-4:2011, EN 13411-5:2003+A1:2008, EN 13411-6:2004+A1:2008, EN 13411-7:2006+A1:2008, EN 13411-8:2011, EN 13586:2004+A1:2008, EN 15011:2011+A1:2014, EN 16307-1:2013+A1:2015, EN 16486:2014, EN 16851:2017, EN 1804-1:2001+A1:2010, EN 1804-2:2001+A1:2010, EN 1804-3:2006+A1:2010, EN 1837:1999+A1:2009, EN 1974:1998+A1:2009, EN 201:2009, EN 60745-2-6:2010, EN 81-40:2008, EN ISO 11553-1:2008, agus EN ISO 3743-2:2009.

(22)

Dá bhrí sin, ba cheart Cinneadh Cur Chun Feidhme (AE) 2019/436 a leasú dá réir.

(23)

Ón dáta a fhoilsítear an tagairt do chaighdeán comhchuibhithe in Iris Oifigiúil an Aontais Eorpaigh, is rud é comhlíonadh an chaighdeáin sin a fhágann go nglactar leis go bhfuil comhréir ann leis na buncheanglais chomhfhreagracha a leagtar amach i reachtaíocht chomhchuibhithe an Aontais. Dá bhrí sin, ba cheart an Cinneadh seo a theacht i bhfeidhm lá a fhoilsithe,

(1)

Leasaítear Iarscríbhinn I i gcomhréir le hIarscríbhinn I a ghabhann leis an gCinneadh seo;

(2)

Leasaítear Iarscríbhinn II i gcomhréir le hIarscríbhinn II a ghabhann leis an gCinneadh seo;

(3)

Leasaítear Iarscríbhinn III i gcomhréir le hIarscríbhinn III a ghabhann leis an gCinneadh seo.