1.   Ar an mbonn go nglacann an tSomáil le feidhmiú dlínse ag na Ballstáit nó ag tríú Stáit, ar thaobh amháin, agus le hAirteagal 105 de Choinbhinsiún na Náisiún Aontaithe maidir le Dlí na Farraige, ar an taobh eile, déanfar daoine a bhfuil amhras ann go bhfuil sé ar intinn acu, mar a thagraítear in Airteagail 101 agus 103 de Choinbhinsiún na Náisiún Aontaithe maidir le Dlí na Farraige, gníomhartha píoráideachta nó robála armtha a dhéanamh, go bhfuil siad á ndéanamh acu nó go ndearna siad iad, in uiscí teorann nó inmheánacha na Somáile nó ar an mórmhuir, agus a ngabhtar agus a gcoinnítear iad, d'fhonn iad a ionchúiseamh, mar aon le cibé maoin a úsáideadh chun na gníomhartha sin a dhéanamh, déanfar iad a aistriú:

2.   Daoine a bhfuil amhras ann go bhfuil sé ar intinn acu, mar a thagraítear in Airteagail 101 agus Airteagal 103 de Choinbhinsiún na Náisiún Aontaithe maidir le Dlí na Farraige, gníomhartha píoráideachta nó robála armtha a dhéanamh, go bhfuil siad á ndéanamh acu nó go ndearna siad iad, a ngabhann agus a gcoinníonn Atalanta iad, d'fhonn iad a ionchúiseamh, in uiscí teorann, uiscí inmheánacha, nó in uiscí oileánacha Stát eile sa réigiún i gcomhaontú leis na Stáit sin, mar aon le cibé maoin a úsáideadh chun na gníomhartha sin a dhéanamh, féadfar iad a aistriú chuig údaráis inniúla an Stáit lena mbaineann, nó, le toiliú an Stáit lena mbaineann, chuig údaráis inniúla Stáit eile.

3.   Ní fhéadfar aon daoine dá dtagraítear i míreanna 1 agus 2 a aistriú chuig tríú Stát murar comhaontaíodh coinníollacha an aistrithe leis an tríú Stát sin ar bhealach atá comhchuí leis an dlí idirnáisiúnta is ábhartha, go háirithe an dlí idirnáisiúnta maidir le cearta an duine, chun a ráthú go háirithe nach gcuirfear aon duine faoi phionós an bháis, faoi chéastóireacht ná faoi aon íde chruálach, mhídhaonna nó tháireach.”;

1.   Chun rannchuidiú le cur chun feidhme thrádbhac arm na Náisiún Aontaithe ar an tSomáil i gcomhréir leis na Rúin ábhartha ó UNSC, go háirithe Rún 2182 (2014), déanfaidh Atalanta, mar a leagtar amach sna doiciméid phleanála agus laistigh de Limistéar comhaontaithe na nOibríochtaí ar an mórmhuir amach ó chósta na Somáile, cigireachtaí ar shoithí atá faoi cheangal chun na Somáile agus uaithi, i gcás ina bhfuil forais réasúnacha ann chun a chreidiúint go bhfuil airm nó trealamh míleata á n-iompar ag soithí den sórt sin go dtí an tSomáil, go díreach nó go hindíreach, de shárú ar an trádbhac arm ar an tSomáil nó go bhfuil airm nó trealamh míleata ar iompar acu chuig daoine aonair nó eintitis arna n-ainmniú ag an gCoiste a bunaíodh de bhun Rúin 751 (1992) agus 1907 (2009) ó UNSC. Urghabhálfaidh Atalanta na nithe sin, déanfaidh sé iad a thaifeadadh agus a dhiúscairt, agus féadfaidh sé soithí den sórt sin agus a bhfoirne a atreorú chuig calafort oiriúnach chun an diúscairt sin a éascú, i gcomhréir le Rúin ábhartha ó UNSC, lena n-áirítear Rún 2182 (2014), agus le socruithe atá leagtha amach sa Phlean Oibríochta.

2.   Chun rannchuidiú le cur i gcoinne na gáinneála ar dhrugaí támhshuanacha amach ó chósta na Somáile, gníomhóidh Atalanta i gcomhréir leis na socruithe agus laistigh de limistéar comhaontaithe na nOibríochtaí ar an mórmhuir amach ó chósta na Somáile, mar a leagtar amach sna doiciméid phleanála:

3.   A luaithe a bheidh an Plean Oibríochta leis na socruithe riachtanacha formheasta, gníomhachtóidh an Coiste Polaitiúil agus Slándála na cúraimí feidhmiúcháin tánaisteacha nuair a thuairisceoidh an Ceannasaí Oibríochta de chuid AE go bhfuil na sócmhainní is gá ag Atalanta chun na cúraimí sin a chomhlíonadh agus, a mhéid a bhaineann le trádbhac arm na Náisiún Aontaithe, nuair a thuairisceoidh an tSeirbhís Eorpach Gníomhaíochta Seachtraí go ndearnadh na fógraí a cheanglaítear faoi mhír 15 de Rún 2182 (2014) ó UNSC.

4.   Maidir le fianaise a fuarthas a bhaineann le hiompar ítimí a thoirmisctear faoin trádbhac arm ar an tSomáil agus drugaí támhshuanacha, go háirithe le linn cigireachtaí arna ndéanamh i gcomhréir le míreanna 1 agus 2, féadfaidh Atalanta iad a stóráil a mhéid a bhaineann le hiompar arm agus féadfaidh na Ballstáit atá toilteanach agus ábalta déanamh amhlaidh a mhéid a bhaineann le drugaí támhshuanacha a iompar. I gcomhréir leis an dlí is infheidhme, féadfar sonraí pearsanta, go háirithe, a bhailiú agus a stóráil maidir le daoine a bhfuil baint acu le hiompar arm nó drugaí támhshuanacha, ar sonraí iad a bhaineann le saintréithe ar dócha go gcabhróidís leis na daoine sin a shainaithint, lena n-áirítear méarloirg, mar aon leis na sonraí seo a leanas, cé is moite de shonraí pearsanta eile: sloinne, sloinne roimh phósadh, túsainmneacha agus aon ailiasanna nó ainmneacha bréige; dáta breithe agus áit bhreithe, náisiúntacht, inscne, áit chónaithe, gairm agus an áit a bhfuil an duine atá i gceist; ceadúnais tiomána, doiciméid aitheantais agus sonraí pas. Féadfar sonraí den sórt sin, chomh maith le sonraí a bhaineann leis na soithí agus leis an trealamh a úsáideann na daoine sin, agus an fhaisnéis ábhartha a fuarthas agus na cúraimí faoin Airteagal seo á gcomhlíonadh acu, a chur in iúl d’údaráis ábhartha forfheidhmithe dlí na mBallstát. Féadfaidh Atalanta, a mhéid a bhaineann le hairm a iompar, agus féadfaidh Ballstáit thoilteanacha, a mhéid a bhaineann le hiompar drugaí támhshuanacha, é sin a chur in iúl freisin do thríú Stáit ar mian leo a ndlínse a fheidhmiú ar na daoine agus ar an maoin sin, agus do chomhlachtaí inniúla de chuid AE i gcomhréir leis an dlí is infheidhme.

5.   Féadfar comhaontuithe a thabhairt i gcrích le tríú Stáit, ar bhonn údaruithe arna ndeonú cás ar chás ag an gComhairle, chun aistriú na ndaoine a ghabhtar agus a choinnítear faoina dhlí náisiúnta, as páirt a ghlacadh i sáruithe ar thrádbhac arm na Náisiún Aontaithe ar an tSomáil nó as gáinneáil ar dhrugaí támhshuanacha amach ó chósta na Somáile, a éascú do Bhallstát, d’fhonn daoine den sórt sin a ionchúiseamh. Áireofar sna comhaontuithe sin coinníollacha maidir le daoine den sórt sin a aistriú i gcomhréir leis an dlí idirnáisiúnta ábhartha, go háirithe an dlí idirnáisiúnta maidir le cearta an duine, chun a áirithiú go háirithe nach gcuirfear na daoine lena mbaineann faoi phionós an bháis, faoi chéastóireacht ná faoi aon íde atá cruálach, mídhaonna nó táireach.”;