1.   Is é cuspóir an Chomhaontaithe seo:

2.   Sa chomhthéacs sin, dearbhaíonn na Páirtithe go bhfuil siad tiomanta don idirphlé polaitiúil ardleibhéil a threisiú, agus athdhearbhaíonn siad na comhluachanna agus na comhphrionsabail atá mar bhonn agus mar thaca dá gcaidreamh déthaobhach agus atá mar bhonn don chomhar.

1.   Comhaontaíonn na Páirtithe a gcaidreamh straitéiseach a neartú agus an comhar a threisiú ar an leibhéal déthaobhach, réigiúnach agus domhanda, ar bhonn comhluachanna agus comhleasanna.

2.   Deimhníonn na Páirtithe a dtiomantas do phrionsabail an daonlathais, do chearta an duine agus do shaoirsí bunúsacha agus don smacht reachta. Tá urraim do phrionsabail an daonlathais agus do chearta an duine agus do shaoirsí bunúsacha mar a leagtar síos i nDearbhú Uilechoiteann Chearta an Duine , mar a chuirtear in iúl sa Chúnant Idirnáisiúnta ar Chearta Sibhialta agus Polaitiúla agus sa Chúnant Idirnáisiúnta maidir le Cearta Eacnamaíocha, Sóisialta agus Cultúrtha, agus ionstraimí idirnáisiúnta eile maidir le cearta an duine atá daingnithe ag na Páirtithe nó ar aontaigh siad dóibh, agus do phrionsabal an smachta reachta, mar bhonn agus mar thaca ag beartais intíre agus idirnáisiúnta na bPáirtithe agus is gné bhunriachtanach den Chomhaontú seo í.

3.   Dearbhaíonn na páirtithe go dtacaíonn siad go láidir le Cairt na Náisiún Aontaithe agus leis na comhluachanna a chuirtear in iúl inti.

4.   Athdhearbhaíonn na Páirtithe a dtiomantas gach gné den fhorbairt inbhuanaithe agus den fhás inbhuanaithe a chur chun cinn, rannchuidiú le baint amach na spriocanna forbartha a comhaontaíodh go hidirnáisiúnta agus comhoibriú chun aghaidh a thabhairt ar dhúshláin dhomhanda chomhshaoil, lena n-áirítear an t-athrú aeráide.

5.   Cuireann na Páirtithe i dtábhacht a dtiomantas comhroinnte do chineál cuimsitheach a gcaidrimh dhéthaobhaigh agus do chomhleanúnachas foriomlán a choinneáil i ndáil leis sin, ar bhonn an Chomhaontaithe seo.

6.   Beidh cur chun feidhme an Chomhaontaithe seo bunaithe ar phrionsabail an idirphlé, na hurraime frithpháirtí, na comhpháirtíochta comhionainne, na comhthola agus na hurraime don dlí idirnáisiúnta.

1.   Comhaontaíonn na Páirtithe go gcuirfidh siad feabhas ar an idirphlé rialta polaitiúil.

2.   Beidh sé d’aidhm ag an idirphlé polaitiúil an méid seo a leanas a dhéanamh:

3.   Is sna foirmeacha seo a leanas, go háirithe, a dhéanfar idirphlé idir na Páirtithe:

1.   Athdhearbhaíonn na Páirtithe go bhfuil siad tiomanta don chomhar agus an tsíocháin agus an tslándáil idirnáisiúnta á gcur chun cinn.

2.   Chuige sin, féachfaidh siad ar bhealaí chun gníomhaíochtaí bainistithe géarchéime a chomhordú, lena n-áirítear comhar a d’fhéadfadh a bheith ann in oibríochtaí bainistithe géarchéime.

3.   Oibreoidh na Páirtithe chun an Comhaontú idir an tAontas Eorpach agus an Astráil lena mbunaítear creat do rannpháirtíocht na hAstráile in oibríochtaí bainistithe géarchéime an Aontais Eorpaigh a chur chun feidhme.

1.   Is é breith na bPáirtithe gurb é atá in iomadú na n-arm ollscriosta (“AOS”), agus na bealaí lena seachadadh, ar ghníomhaithe Stáit agus gníomhaithe neamhstáit araon, ceann de na bagairtí is tromchúisí ar an gcobhsaíocht agus ar an tslándáil idirnáisiúnta.

2.   Comhaontaíonn na Páirtithe go n-oibreoidh siad i gcomhar le chéile agus go rannchuideoidh siad le hiomadú na n-arm ollscriosta agus a modhanna seachadta a chomhrac trí na hoibleagáidí atá orthu cheana féin faoi chonarthaí agus comhaontuithe idirnáisiúnta maidir le dí-armáil agus neamhleathadh agus faoi chomhaontuithe ábhartha eile a dhaingnigh na Páirtithe nó a d’aontaigh na Páirtithe dóibh a chur chun feidhme ina n-iomláine. Comhaontaíonn na Páirtithe gur gné bhunriachtanach den Chomhaontú seo í an fhoráil seo.

3.   Comhaontaíonn na Páirtithe thairis sin go n-oibreoidh siad i gcomhar le chéile agus go rannchuideoidh siad le hiomadú na n-arm ollscriosta agus a modhanna seachadta a chosc trí an méid seo a leanas a dhéanamh:

4.   Comhaontaíonn na Páirtithe idirphlé polaitiúil rialta a chothabháil a ghabhfaidh leis na gnéithe sin agus a chomhdhlúthófar iad.

1.   Aithníonn na Comhpháirtithe an bhagairt thromchúiseach don tsíocháin agus don tslándáil idirnáisiúnta a bhaineann le monarú, aistriú agus scaipeadh aindleathach mionairm agus armáin éadroma (SALW), agus a n-armlón, agus an iomarca díobh a charnadh, droch-bhainistiú a dhéanamh orthu, stoc-chairn díobh a dhaingniú go míchuí agus iad a leathadh gan rialú.

2.   Comhaontaíonn na Páirtithe a n-oibleagáidí a urramú agus a chur chun feidhme go hiomlán chun déileáil leis an trádáil aindleathach i SALW, agus a n-armlón, faoi chomhaontuithe idirnáisiúnta atá ann cheana a dhaingnigh an Astráil agus an tAontas agus/nó a Bhallstáit nó a d’aontaigh siad dóibh, i gcomhréir lena n-inniúlachtaí agus le rúin ó Chomhairle Slándála na Náisiún Aontaithe.

3.   Aithníonn na Páirtithe an tábhacht a bhaineann le córais bhaile rialaithe chun gnáth-airm a aistriú i gcomhréir leis na caighdeáin idirnáisiúnta atá ann cheana. Aithníonn na Páirtithe an tábhacht a bhaineann le rialuithe den chineál sin a chur i bhfeidhm ar bhealach freagrach, mar rannchuidiú don tsíocháin, don tslándáil agus don chobhsaíocht idirnáisiúnta agus réigiúnach agus chun fulaingt an chine dhaonna a laghdú, agus chun seachrán gnáth-arm a chosc.

4.   Gabhann na Comhpháirtithe ar láimh i ndáil leis sin féachaint leis an gConradh Trádála Arm a chur chun feidhme go hiomlán agus comhoibriú lena chéile faoi chreat an Chonartha, lena n-áirítear maidir le huiliú agus cur chun feidhme iomlán an Chonartha a chur chun cinn sna Ballstáit NA uile.

5.   Gabhann na Páirtithe orthu féin comhoibriú lena chéile agus comhordú, comhlántacht agus sineirgíocht a áirithiú ina n-iarrachtaí chun déileáil leis an trádáil aindleathach in SALW agus a n-armlón, ar an leibhéal domhanda, réigiúnach, foréigiúnach agus náisiúnta, chun cur chun feidhme éifeachtach trádbhaic arm, arna gcinneadh ag Comhairle Slándála na Náisiún Aontaithe, a áirithiú i gcomhréir le Cairt na Náisiún Aontaithe.

1.   Athdhearbhaíonn na Páirtithe nár cheart na coireanna is tromchúisí ar údar imní iad don phobal idirnáisiúnta ina iomláine a bheith gan phionós agus gur cheart a áirithiú go ndéanfar iad a ionchúiseamh go héifeachtach trí bhearta a dhéanamh ar an leibhéal baile nó ar an leibhéal idirnáisiúnta, lena n-áirítear tríd an gCúirt Choiriúil Idirnáisiúnta.

2.   Comhaontaíonn na Páirtithe oibriú le chéile chun aidhmeanna agus cuspóirí Reacht na Róimhe a chur chun cinn agus chuige sin comhaontaíonn siad an méid seo a leanas a dhéanamh:

1.   Athdhearbhaíonn na Páirtithe a thábhachtaí atá sé an sceimhlitheoireacht a chosc agus a chomhrac agus urraim iomlán á tabhairt don smacht reachta agus do chearta an duine agus i gcomhréir leis an dlí idirnáisiúnta is infheidhme, lena n-áirítear Cairt na Náisiún Aontaithe, coinbhinsiúin idirnáisiúnta frithsceimhlitheoireachta, Rúin ábhartha Chomhairle Slándála na Náisiún Aontaithe, an dlí um dhídeanaithe agus an dlí daonnúil idirnáisiúnta.

2.   Sa chomhthéacs sin agus ag cur san áireamh Straitéis Dhomhanda Frithsceimhlitheoireachta na Náisiún Aontaithe, atá i Rún 60/288 ó Chomhthionól Ginearálta na Náisiún Aontaithe an 8 Meán Fómhair 2006 agus sna hathbhreithnithe ar a cur chun feidhme, comhaontaíonn na Páirtithe comhoibriú chun gníomhartha sceimhlitheoireachta a chosc agus a chur faoi chois, go háirithe tríd an méid seo a leanas a dhéanamh:

3.   Athdhearbhaíonn na Páirtithe a thiomanta atá siad oibriú le chéile, i gcás inarb iomchuí, chun cúnamh frithsceimhlitheoireachta forbartha acmhainní a chur ar fáil do stáit eile a bhfuil acmhainní agus saineolas ag teastáil uathu chun gníomhaíocht sceimhlitheoireachta a chosc agus chun freagairt di.

4.   Comhaontaíonn na Páirtithe comhoibriú go dlúth faoi chuimsiú an Fhóraim Frithsceimhlitheoireachta Dhomhanda agus a chuid meithleacha.

5.   Comhaontaíonn na Páirtithe idirphlé rialta a choinneáil ar bun ar leibhéal na n-oifigeach maidir leis an bhfrithsceimhlitheoireacht.

1.   Athdhearbhaíonn na Páirtithe a thiomanta atá siad rannchuidiú leis an bhfás eacnamaíoch inbhuanaithe agus le laghdú na bochtaineachta, leis an gcomhar maidir le forbairt idirnáisiúnta a neartú agus le héifeachtacht cabhrach agus forbartha a chur chun cinn, agus béim ar leith á leagan ar an gcur chun feidhme ar leibhéal na tíre.

2.   Aithníonn na Páirtithe an luach a bhaineann le bheith ag obair le chéile lena áirithiú go mbeidh éifeacht, cumhacht agus tionchar níos mó ag na gníomhaíochtaí forbartha.

3.   Chuige sin, comhaontaíonn na Páirtithe an méid seo a leanas a dhéanamh:

1.   Gabhann na Páirtithe orthu féin comhoibriú chun na coinníollacha le haghaidh breis trádála agus infheistíochta eatarthu a áirithiú agus chun an trádáil agus an infheistíocht sin a chur chun cinn.

2.   Tá na Páirtithe tiomanta d’idirphlé ardleibhéil agus don chomhar i réimsí a bhaineann leis an trádáil agus an infheistíocht chun sreafaí déthaobhacha trádála agus infheistíochta a éascú, constaicí trádála agus infheistíochta nach mbaineann le taraifí a chosc agus a bhaint, trédhearcacht a fheabhsú agus an córas iltaobhach trádála a chur chun cinn.

3.   Áireofar an méid seo a leanas san idirphlé maidir le saincheisteanna trádála agus infheistíochta:

4.   Coinneoidh na Páirtithe a chéile ar an eolas agus malartóidh siad tuairimí maidir le forbairt na trádála agus na hinfheistíochta déthaobhaí agus idirnáisiúnta agus maidir le gnéithe de bheartais eile a bhaineann leis an trádáil agus an infheistíocht, lena n-áirítear saincheisteanna rialála a d’fhéadfadh tionchar a imirt ar an trádáil agus ar an infheistíocht dhéthaobhach.

5.   Malartóidh na Páirtithe faisnéis faoina gcur chuige beartais i leith comhaontuithe saorthrádála agus faoina gcláir oibre maidir le comhaontuithe saorthrádála faoi seach. Ní cheanglaítear ná ní choisctear leis an gComhaontú seo caibidlíocht agus tabhairt i gcrích comhaontaithe saorthrádála idir na Páirtithe amach anseo chun na forálacha eacnamaíocha sa Chomhaontú seo a chomhlánú agus a leathnú.

6.   Á aithint dóibh an luach a bhaineann le léirscaoileadh trádála mar spreagadh fáis eacnamaíoch dhomhanda agus a thábhachtaí atá sé é sin a shaothrú trí chóras iltaobhach trádála atá bunaithe ar rialacha, dearbhaíonn na Páirtithe go bhfuil siad tiomanta oibriú le chéile laistigh den Eagraíocht Dhomhanda Trádála chun tuilleadh léirscaoileadh trádála a bhaint amach.

1.   Athdhearbhaíonn na Páirtithe go bhfuil siad tiomanta do chreataí oscailte trédhearcacha soláthair phoiblí lena ndéantar, i gcomhréir lena n-oibleagáidí idirnáisiúnta, luach ar airgead, margaí iomaíocha agus cleachtais neamh-idirdhealaitheacha ceannaigh a chur chun cinn agus, ar an gcaoi sin, lena ndéantar trádáil idir na Páirtithe a fheabhsú.

2.   Comhaontaíonn na Páirtithe a gcomhairliúchán, a gcomhar agus a malartú taithí agus dea-chleachtas a neartú a thuilleadh i réimse an tsoláthair phoiblí maidir le saincheisteanna leasa fhrithpháirtigh, lena n-áirítear maidir lena gcreataí rialála faoi seach.

3.   Comhaontaíonn na Páirtithe féachaint ar bhealaí chun rochtain ar mhargaí soláthair a chéile a chur chun cinn agus chun tuairimí a mhalartú maidir le bearta agus cleachtais a d’fhéadfadh dochar a dhéanamh do thrádáil soláthair eatarthu.

1.   Tá na Páirtithe den tuairim gur príomhghné é tuilleadh comhoiriúnachta idir caighdeáin, rialacháin theicniúla agus nósanna imeachta um measúnú comhréireachta chun trádáil a éascú.

2.   Aithníonn na Páirtithe a leas frithpháirteach ó thaobh bacainní teicniúla ar an trádáil a laghdú agus, chuige sin, comhaontaíonn siad comhoibriú faoi chuimsiú Chomhaontú EDT maidir le Bacainní Teicniúla ar an Trádáil agus trí bhíthin an Chomhaontaithe maidir le haitheantas frithpháirteach i ndáil le measúnuithe, deimhnithe agus marcálacha comhréireachta idir an Comhphobal Eorpach agus an Astráil.

1.   Comhaontaíonn na Páirtithe comhar maidir le saincheisteanna sláintíochta agus fíteashláintíochta a neartú chun beatha nó sláinte an duine, ainmhithe nó plandaí ar chríoch na bPáirtithe a chosaint, agus cearta agus oibleagáidí na bPáirtithe faoi Chomhaontú EDT maidir le Bearta Sláintíochta agus Fíteashláintíochta a Chur i bhFeidhm (“Comhaontú SPS”) á dtabhairt dá n-aire.

2.   Faoi chuimsiú Chomhaontú SPS agus chaighdeáin idirnáisiúnta ábhartha Codex Alimentarius, an Choinbhinsiúin Idirnáisiúnta Cosanta Plandaí agus na hEagraíochta Domhanda um Shláinte Ainmhithe, comhroinnfidh na Páirtithe faisnéis chun an tuiscint fhrithpháirteach ar a mbearta SPS faoi seach a fheabhsú agus trádáil idir na Páirtithe a éascú trí na nithe seo a leanas a dhéanamh:

3.   Comhaontaíonn na Páirtithe comhoibriú agus faisnéis a chomhroinnt maidir le saincheisteanna leasa ainmhithe.

4.   Comhoibreoidh na Páirtithe freisin maidir le saincheisteanna SPS agus leasa ainmhithe trí bhíthin creataí iltaobhacha ábhartha, lena n-áirítear EDT, an Coimisiún Codex Alimentarius, an Coinbhinsiún Idirnáisiúnta Cosanta Plandaí agus an Eagraíocht Dhomhanda um Shláinte Ainmhithe.

1.   Athdhearbhaíonn na Páirtithe a thábhachtaí atá a gcearta agus a n-oibleagáidí maidir le cearta maoine intleachtúla, lena n-áirítear cóipcheart agus cearta gaolmhara, trádmharcanna, tásca geografacha, dearaí tionsclaíocha, cearta agus paitinní maidir le cineálacha plandaí, agus forfheidhmiú na gcearta sin, i gcomhréir leis na caighdeáin idirnáisiúnta is airde lena gcloíonn gach Páirtí faoi seach.

2.   Comhaontaíonn na Páirtithe faisnéis a mhalartú agus taithí a chomhroinnt maidir le saincheisteanna maoine intleachtúla a bhaineann le riaradh, cosaint agus forfheidhmiú ceart maoine intleachtúla trí bhíthin foirmeacha iomchuí comhair.

1.   D’fhonn gníomhaíochtaí eacnamaíocha a neartú agus a fhorbairt agus an gá atá le creat iomchuí rialála á chur san áireamh ag an am céanna, aithníonn na Páirtithe prionsabail an dea-rialachais i réimse na cánach, lena n-áirítear trédhearcacht, malartú faisnéise agus cleachtais chánach dhíobhálacha a sheachaint, agus tugann siad gealltanas go gcuirfidh siad na prionsabail sin chun feidhme.

2.   I gcomhréir lena n-inniúlachtaí faoi seach, oibreoidh na Páirtithe le chéile, lena n-áirítear trí bhíthin fóraim idirnáisiúnta iomchuí, chun an comhar idirnáisiúnta i réimse na cánach a fheabhsú agus chun bailiú ioncaim dhlisteanaigh cánach a éascú, agus prionsabail an dea-rialachais a luaitear i mír 1 á n-urramú.

1.   Aithníonn na Páirtithe gurb é cur chuige trédhearcach margadhbhunaithe an bealach is fearr chun timpeallacht a chruthú atá fabhrach don infheistíocht i dtáirgeadh agus i dtrádáil amhábhar, agus chun leithdháileadh agus úsáid éifeachtúil amhábhar a chothú.

2.   Comhaontaíonn na Páirtithe, agus a mbeartais agus a gcuspóirí eacnamaíocha faoi seach á gcur san áireamh acu agus d’fhonn trádáil a chothú, an comhar a neartú maidir le saincheisteanna a bhaineann le hamhábhair d’fhonn creat domhanda riailbhunaithe a neartú le haghaidh trádáil amhábhar agus trédhearcacht a chur chun cinn i margaí domhanda amhábhar.

3.   Féadfar na nithe seo a leanas, inter alia, a áireamh ar na hábhair sin:

4.   Comhoibreoidh na Páirtithe trí bhíthin idirphlé déthaobhach nó laistigh de shuíomhanna iltaobhacha nó institiúidí idirnáisiúnta ábhartha.

1.   Athdhearbhaíonn na Páirtithe a thiomanta atá siad forbairt na trádála agus na hinfheistíochta idirnáisiúnta a chur chun cinn ar bhealach a rannchuideoidh le cuspóir na forbartha inbhuanaithe agus déanfaidh siad a ndícheall lena áirithiú go mbainfear an cuspóir sin amach sna réimsí ábhartha dá gcaidreamh eacnamaíoch.

2.   Aithníonn na Páirtithe ceart gach Páirtí a leibhéil féin a bhunú maidir le cosaint intíre an chomhshaoil agus ceart oibrithe, agus a dhlíthe agus a bheartais ábhartha a ghlacadh nó a mhodhnú, i gcomhréir lena dtiomantas do chaighdeáin agus do chomhaontuithe a aithnítear go hidirnáisiúnta.

3.   Aithníonn na Páirtithe freisin nár cheart dóibh trádáil ná infheistíocht a spreagadh trí na leibhéil cosanta a chuirtear ar fáil i ndlíthe intíre comhshaoil agus saothair a ísliú nó trí ísliú na leibhéal sin a thairiscint.

4.   Malartóidh na Páirtithe faisnéis agus comhroinnfidh siad taithí maidir lena ngníomhaíochtaí chun comhleanúnachas agus tacaíocht fhrithpháirteach idir cuspóirí trádála, cuspóirí sóisialta agus cuspóirí comhshaoil a chur chun cinn, lena n-áirítear na gnéithe a leagtar amach i dTeideal VIII, agus neartóidh siad an t-idirphlé agus an comhar maidir le saincheisteanna forbartha inbhuanaithe a d’fhéadfadh teacht chun cinn i gcomhthéacs an chaidrimh trádála.

1.   Spreagfaidh na Páirtithe naisc níos láidre idir gnólachtaí agus cuirfidh siad feabhas ar naisc idir gnólachtaí agus rialtais trí bhíthin cuairteanna agus gníomhaíochtaí sa dá threo ina mbeidh gnólachtaí páirteach, lena n-áirítear i gcomhthéacs ASEM.

2.   Beidh sé d’aidhm ag an gcomhar sin, go háirithe, iomaíochas fiontar beag agus meánmhéide (“FBManna”) a fheabhsú. Féadfar na nithe seo a leanas, inter alia, a áireamh sa chomhar sin:

3.   Comhaontaíonn na Páirtithe idirphlé agus comhar a éascú agus a fhorbairt idir a ngníomhaireachtaí inniúla um chur chun cinn na trádála agus na hinfheistíochta.

1.   Aithníonn na Páirtithe a thábhachtaí atá an dlí idirnáisiúnta príobháideach agus an comhar dlíthiúil agus breithiúnach in ábhair shibhialta agus thráchtála chun tacú le timpeallacht lena n-éascaítear trádáil agus infheistíocht idirnáisiúnta agus soghluaisteacht daoine. Comhaontaíonn na Páirtithe a gcomhar a neartú, lena n-áirítear trí chomhaontuithe idirnáisiúnta a chaibidil, a dhaingniú agus a chur chun feidhme, amhail na comhaontuithe sin arna nglacadh faoi chuimsiú Chomhdháil na Háige um an Dlí Idirnáisiúnta Príobháideach.

2.   Comhaontaíonn na Páirtithe réiteach eadrána ar dhíospóidí idirnáisiúnta tráchtála, idir dhíospóidí sibhialta agus díospóidí príobháideacha, a éascú agus a spreagadh, i gcás inarb iomchuí, i gcomhréir leis na hionstraimí idirnáisiúnta is infheidhme.

3.   Maidir le comhar breithiúnach in ábhair choiriúla, feabhsóidh na Páirtithe an comhar maidir le cúnamh dlíthiúil frithpháirteach, bunaithe ar ionstraimí idirnáisiúnta ábhartha. D’áireofaí leis sin, i gcás inarb iomchuí, aontachas le hionstraimí ábhartha na Náisiún Aontachas agus cur chun feidhme na n-ionstraimí sin. D’áireofaí leis freisin, i gcás inarb iomchuí, tacaíocht d’ionstraimí ábhartha Chomhairle na hEorpa, chomh maith le comhar idir údaráis ábhartha na hAstráile agus Eurojust.

1.   Comhaontaíonn na Páirtithe comhoibriú chun an sceimhlitheoireacht a chosc agus a chur faoi chois, mar a leagtar amach in Airteagal 9.

2.   Athdhearbhaíonn na Páirtithe a thiomanta atá siad comhoibriú chun an choireacht eagraithe, eacnamaíoch agus airgeadais, an t-éilliú, an góchumadh agus idirbhearta neamhdhleathacha a chosc agus a chomhrac, trí na hoibleagáidí idirnáisiúnta frithpháirteacha atá acu cheana sa réimse sin a chomhlíonadh go hiomlán, lena n-áirítear maidir le comhar éifeachtach chun sócmhainní nó cistí arna n-eascairt as gníomhartha éillitheacha a aisghabháil.

3.   I gcomhthéacs cionta sceimhlitheoireachta nó coireacht thromchúiseach thrasnáisiúnta a chosc, a bhrath, a imscrúdú agus a ionchúiseamh, aithníonn na Páirtithe a thábhachtaí atá an Comhaontú idir an tAontas Eorpach agus an Astráil maidir le sonraí na dTaifead Ainmneacha Paisinéirí (PNR) a bheith á bpróiseáil agus á n-aistriú chuig Seirbhís Custaim agus Cosanta Teorann na hAstráile ag aeriompróirí.

4.   Cuirfidh na Páirtithe cur chun feidhme Choinbhinsiún na Náisiún Aontaithe in aghaidh Coireachta Eagraithe Trasnáisiúnta agus na bPrótacal Forlíontach a ghabann leis chun cinn, lena n-áirítear sásraí athbhreithnithe láidre agus éifeachtúla.

5.   Cuirfidh na Páirtithe cur chun feidhme Choinbhinsiún na Náisiún Aontaithe in aghaidh an Éillithe chun cinn freisin, lena n-áirítear oibriú sásra láidir athbhreithnithe, agus prionsabail na trédhearcachta agus rannpháirtíocht na sochaí sibhialta á gcur san áireamh.

1.   Faoi chuimsiú a gcumhachtaí agus a n-inniúlachtaí faoi seach, oibreoidh na Páirtithe i gcomhar le chéile chun cur chuige cothrom comhtháite a áirithiú maidir leis an díobháil a dhéanann drugaí mídhleathacha do dhaoine aonair, do theaghlaigh agus do phobail a íoslaghdú. Díreofar beartais agus gníomhaíochtaí drugaí ar struchtúir a threisiú chun drugaí mídhleathacha a chomhrac, soláthar drugaí mídhleathacha a laghdú, an gháinneáil ar dhrugaí mídhleathacha agus an t-éileamh orthu a laghdú, aghaidh a thabhairt ar iarmhairtí sláinte agus sóisialta na mí-úsáide drugaí, téarnamh ón andúil a chothú, chomh maith le comhar leanúnach a dhéanamh chun atreorú na réamhtheachtaithe ceimiceacha a úsáidtear i monarú mídhleathach drugaí támhshuanacha agus substaintí síceatrópacha a chomhrac ar bhealach éifeachtach.

2.   Comhoibreoidh na Páirtithe d’fhonn na líonraí coiriúla trasnáisiúnta a bhfuil baint acu le gáinneáil ar dhrugaí a dhíchóimeáil, inter alia, trí eolas agus faisnéis a mhalartú, trí oiliúint nó trí dhea-chleachtais a roinnt, lena n-áirítear teicnící imscrúdaithe speisialta. Déanfar iarracht faoi leith dul i bhfód na gcoirpeach sa gheilleagar dleathach a chosc.

3.   Oibreoidh na Páirtithe i gcomhar le chéile chun aghaidh a thabhairt ar shaincheist na substaintí sícighníomhacha nua, lena n-áirítear trí eolas agus faisnéis a mhalartú, de réir mar is iomchuí.

1.   Neartóidh na Páirtithe an comhar chun coireanna ardteicneolaíochta, an chibearchoireacht agus coireanna leictreonacha, agus dáileadh ábhair mhídhleathaigh, lena n-áirítear ábhar sceimhlitheoireachta, ar an idirlíon a chosc agus a chomhrac, trí fhaisnéis agus taithí phraiticiúil a mhalartú i gcomhréir lena reachtaíocht náisiúnta agus lena n-oibleagáidí idirnáisiúnta maidir le cearta an duine, laistigh de theorainneacha a bhfreagrachta.

2.   Malartóidh na Páirtithe faisnéis i réimse an oideachais agus na hoiliúna d’imscrúdaitheoirí cibearchoireachta, réimse an imscrúdaithe ar chibearchoireacht agus réimse na heolaíochta fóiréinsí dhigití.

3.   Cuirfidh na Páirtithe Coinbhinsiún Bhúdaipeist maidir le Cibearchoireacht chun cinn ar gach leibhéal iomchuí mar an caighdeán domhanda in aghaidh na cibearchoireachta.

1.   Athdhearbhaíonn na Páirtithe gur gá oibriú i gcomhar le chéile chun cosc a chur ar úsáid a gcóras airgeadais chun fáltais ó gach gníomhaíocht choiriúil a sciúradh, lena n-áirítear gáinneáil ar dhrugaí agus éilliú, agus chun maoiniú na sceimhlitheoireachta a chomhrac freisin. Cuimsítear leis an gcomhar sin sócmhainní nó cistí a fuarthas ó ghníomhaíochtaí coiriúla a aisghabháil.

2.   Malartóidh na Páirtithe faisnéis ábhartha faoi chuimsiú a gcuid reachtaíochta faoi seach agus cuirfidh siad chun feidhme bearta iomchuí chun an sciúradh airgid agus maoiniú na sceimhlitheoireachta a chomhrac, i gcomhréir le caighdeáin arna nglacadh ag comhlachtaí ábhartha idirnáisiúnta a bhíonn gníomhach sa réimse sin, amhail an Tascfhórsa um Ghníomhaíocht Airgeadais (FATF).

1.   Comhaontaíonn na Páirtithe dlús a chur leis an idirphlé agus leis an gcomhar maidir le saincheisteanna imirce, tearmainn, rannpháirtíochta agus éagsúlachta.

2.   Féadfar a áireamh ar an gcomhar sin faisnéis a mhalartú maidir le cuir chuige i leith na hinimirce neamhrialta, na smuigleála daoine, na gáinneála ar dhaoine, an tearmainn, rannpháirtíocht shóisialta agus eacnamaíoch na n-imirceach, bainistiú teorainneacha, víosaí, na bithmhéadrachta agus na slándála doiciméad.

3.   Comhaontaíonn na Páirtithe comhoibriú chun an inimirce neamhrialta a chosc agus a rialú. Chun na críche sin:

4.   Féachfaidh na Páirtithe, arna iarraidh sin do cheachtar acu, an bhféadfaí comhaontú a thabhairt i gcrích idir an Astráil agus an tAontas Eorpach maidir le hathligean isteach. Áireofar leis sin socruithe iomchuí maidir le náisiúnaigh tríú tír agus daoine gan stát a athligean isteach.

1.   Comhaontaíonn an Astráil go bhféadfaidh údaráis taidhleoireachta agus chonsalacha aon Bhallstáit ag a bhfuil ionadaíocht cosaint chonsalach (1) a fheidhmiú san Astráil thar ceann Ballstáit eile nach bhfuil buanionadaíocht inrochtana acu san Astráil.

2.   Comhaontaíonn an tAontas agus na Ballstáit go bhféadfaidh údaráis taidhleoireachta agus chonsalacha na hAstráile cosaint chonsalach a fheidhmiú thar ceann tríú tír agus go bhféadfaidh tríú tíortha cosaint chonsalach a fheidhmiú thar ceann na hAstráile san Aontas in áiteanna nach bhfuil buanionadaíocht inrochtana ag an Astráil ná ag an tríú tír lena mbaineann.

3.   Tá sé beartaithe le míreanna 1 agus 2 aon cheanglais maidir le fógra a thabhairt nó toiliú a bhféadfadh feidhm a bheith acu thairis sin a chur ar ceal.

4.   Comhaontaíonn na Páirtithe idirphlé maidir le gnóthaí consalachta a éascú idir a n-údaráis inniúla faoi seach.

1.   Comhaontaíonn na Páirtithe comhoibriú d’fhonn a áirithiú go mbeidh na leibhéil chosanta do shonraí pearsanta comhsheasmhach le caighdeáin ábhartha idirnáisiúnta, lena n-áirítear Treoirlínte OECD maidir le Cosaint Príobháideachais agus Sreabha Trasteorann Sonraí Pearsanta.

2.   Féadfar a áireamh leis an gcomhar maidir le cosaint sonraí pearsanta, inter alia, malartú faisnéise agus saineolais. Féadfar comhar a áireamh ann freisin idir contrapháirtithe rialála i gcomhlachtaí amhail Meitheal OECD um Shlándáil agus Príobháideachas Faisnéise agus an Líonra Domhanda Forfheidhmithe Príobháideachais.

1.   Comhaontaíonn na Páirtithe feabhas a chur ar an gcomhar i réimsí na heolaíochta, an taighde agus na nuálaíochta chun tacú leis an gComhaontú a bhaineann le comhar eolaíochta agus teicniúil idir an Comhphobal Eorpach agus an Astráil, nó chun an Comhaontú sin a chomhlánú.

2.   Féachfar leis na nithe seo a leanas, inter alia, a dhéanamh sa chomhar feabhsaithe sin:

3.   Spreagfaidh na Páirtithe, i gcomhréir lena ndlíthe agus lena rialacháin faoi seach, rannpháirtíocht na hearnála príobháidí, na hearnála poiblí agus na sochaí sibhialta gníomhaíochtaí a dhéanamh laistigh dá gcríoch féin lena bhfeabhsófar an comhar.

4.   Díreoidh an comhar feabhsaithe ar gach réimse den taighde sibhialta agus den nuálaíocht shibhialta, lena n-áirítear ach gan a bheith teoranta don mhéid seo a leanas:

1.   Ag aithint dóibh gur príomhghnéithe den saol nua-aimseartha iad teicneolaíochtaí faisnéise agus cumarsáide agus go bhfuil siad ríthábhachtach don fhorbairt eacnamaíoch agus shóisialta, comhaontaíonn na Páirtithe tuairimí a mhalartú maidir lena mbeartais faoi seach sa réimse sin.

2.   Féadfaidh comhar sa réimse sin díriú ar na nithe seo a leanas, inter alia:

1.   Admhaíonn na Páirtithe rannchuidiú ríthábhachtach an oideachais agus na hoiliúna le poist ardcháilíochta agus fás inbhuanaithe a chruthú i gcás geilleagair eolasbhunaithe, agus aithníonn siad go bhfuil leas coiteann acu sa chomhar san oideachas, san oiliúint agus i saincheisteanna a bhaineann leis an óige.

2.   I gcomhréir lena leasanna frithpháirteacha agus le haidhmeanna a mbeartas maidir le hoideachas, gabhann na Páirtithe orthu féin leanúint leis an idirphlé idir an tAontas agus an Astráil maidir le beartais oideachais agus oiliúna agus tacú le gníomhaíochtaí comhoibritheacha iomchuí i réimse an oideachais, na hoiliúna agus na hóige. Baineann an comhar seo le gach earnáil oideachais agus féadfaidh sé a bheith i bhfoirm ceann de na nithe a leanas, inter alia:

1.   Comhaontaíonn na Páirtithe comhar níos dlúithe a chur chun cinn in earnálacha an chultúir agus na cruthaitheachta chun feabhas a chur, inter alia, ar an tuiscint fhrithpháirteach agus ar an eolas ar a gcuid cultúr faoi seach.

2.   Féachfaidh na Páirtithe le bearta iomchuí a ghlacadh chun malartuithe cultúrtha a chur chun cinn agus tionscnaimh chomhpháirteacha a chur i gcrích i réimsí cultúrtha éagsúla, agus leas á bhaint as na hionstraimí agus na creataí comhair atá ar fáil.

3.   Féachfaidh na Páirtithe le soghluaisteacht gairmithe cultúir agus soghluaisteacht saothair ealaíne a chur chun cinn idir an Astráil agus an tAontas agus a Bhallstáit.

4.   Spreagfaidh na Páirtithe comhphlé idirchultúrtha idir eagraíochtaí na sochaí sibhialta agus idir daoine aonair as na Páirtithe chomh maith.

5.   Comhaontaíonn na Páirtithe comhar a dhéanamh, go háirithe trí idirphlé beartais, i bhfóraim idirnáisiúnta ábhartha, go háirithe Eagraíocht Oideachais, Eolaíochta agus Cultúir na Náisiún Aontaithe (UNESCO), chun cuspóirí comhchoiteanna a shaothrú agus éagsúlacht chultúrtha a chothú, lena n-áirítear trí Choinbhinsiún UNESCO ar Éagsúlacht Léirithe Cultúir a Chosaint agus a Chur Chun Cinn a chur chun feidhme.

6.   Déanfaidh na Páirtithe malartuithe, comhar agus idirphlé idir institiúidí agus gairmithe i réimse an chlosamhairc agus na meán a spreagadh, a thacú agus a éascú.

7.   Comhaontaíonn na Páirtithe tacaíocht a thabhairt don chomhar cultúrtha faoi chuimsiú ASEM, go háirithe trí ghníomhaíochtaí na Fondúireachta an Áise agus an Eoraip (“ASEF”).

1.   Comhaontaíonn na Páirtithe gur gá acmhainní nádúrtha agus an bhithéagsúlacht a chosaint, a chaomhnú agus a bhainistiú ar bhealach inbhuanaithe, mar bhonn d’fhorbairt na nglúnta atá ann faoi láthair agus na nglúnta atá le teacht.

2.   Neartóidh na Páirtithe a gcomhar maidir le cosaint an chomhshaoil agus maidir le príomhshruthú dálaí an chomhshaoil i ngach earnáil den chomhar, lena n-áirítear i gcomhthéacs idirnáisiúnta agus réigiúnach, go háirithe maidir leis an méid seo a leanas:

1.   Aithníonn na Páirtithe bagairt chomhchoiteann dhomhanda an athraithe aeráide agus nach mór go ngníomhódh gach tír chun astaíochtaí a laghdú chun tiúchan na ngás ceaptha teasa san atmaisféar a chobhsú ar leibhéal a choiscfeadh trasnaíocht antrapaigineach chontúirteach sa chóras aeráide. Laistigh de raon feidhme a n-inniúlachtaí faoi seach, agus gan dochar don phlé i bhfóraim eile, amhail Creat-Choinbhinsiún na Náisiún Aontaithe ar an Athrú Aeráide (UNFCCC), cuirfidh na Páirtithe leis an gcomhar sa réimse sin. Ní bheidh teorainn lenar féidir a áireamh sa chomhar sin ach díreofar ar an méid seo a leanas é:

2.   Chuige sin, comhaontaíonn na Páirtithe idirphlé agus comhar rialta a choinneáil ar bun ar an leibhéal polaitiúil, ar an leibhéal beartais agus ar an leibhéal teicniúil, go déthaobhach agus i bhfóraim plúrathaobhacha agus iltaobhacha.

1.   Féachfaidh na Páirtithe le comhoibriú i ngach réimse ábhartha den bheartas iompair, lena n-áirítear beartas comhtháite iompair, d’fhonn gluaiseacht earraí agus paisinéirí a fheabhsú, d’fhonn sábháilteacht agus slándáil mhuirí agus eitlíochta agus cosaint an chomhshaoil a chur chun cinn, agus d’fhonn éifeachtúlacht a gcóras iompair a mhéadú.

2.   Is é is aidhm don chomhar idir na páirtithe sa réimse seo:

1.   Comhaontaíonn na Páirtithe comhar a spreagadh sa talmhaíocht agus i bhforbairt na tuaithe.

2.   Ar na réimsí ina bhféadfaí breathnú ar ghníomhaíochtaí comhair tá an beartas talmhaíochta agus forbartha tuaithe, tásca geografacha, éagsúlú agus athstruchtúrú earnálacha talmhaíochta agus talmhaíochta inbhuanaithe, ach gan a bheith teoranta dóibh sin amháin.

1.   Neartóidh na Páirtithe an t-idirphlé agus an comhar maidir le saincheisteanna leasa choitinn i réimsí an iascaigh agus na ngnóthaí muirí. Beidh sé mar aidhm ag na Páirtithe caomhnú fadtéarmach agus bainistiú inbhuanaithe beo-acmhainní muirí a chur chun cinn, faisnéis a mhalartú trí eagraíochtaí réigiúnacha bainistithe iascaigh (“ERBIeanna”) agus trí shocruithe dá leithéid, agus trí fhóraim iltaobhacha amhail Eagraíocht Bhia agus Talmhaíochta na Náisiún Aontaithe (“EBT”), iarrachtaí a chur chun cinn chun iascaireacht neamhdhleathach, neamhthuairiscithe agus neamhrialáilte (“iascaireacht NNN”) a chosc, a dhíspreagadh agus a dhíothú, bainistiú atá bunaithe ar éiceachórais a chur chun feidhme, agus comhar taighde maidir le hinbhuanaitheacht na mara agus an iascaigh a chur chun cinn.

2.   Comhoibreoidh na Páirtithe chun an méid seo a leanas a dhéanamh:

3.   Beidh idirphlé rialta tréimhsiúil ag na Páirtithe i gcomhar le cruinnithe eile ar leibhéal na n-oifigeach sinsearach chun idirphlé agus comhar a neartú, chomh maith le faisnéis agus taithí a mhalartú maidir leis an mbeartas iascaigh agus gnóthaí muirí.

1.   Comhaontaíonn na Páirtithe an comhar a fheabhsú i réimse na fostaíochta agus na ngnóthaí sóisialta, lena n-áirítear i gcomhthéacs an domhandaithe agus an athraithe dhéimeagrafaigh. Déanfar iarrachtaí comhar agus malartuithe faisnéise agus taithí maidir le cúrsaí fostaíochta agus saothair a chur chun cinn. Féadfar a áireamh ar na réimsí comhair malartuithe maidir le beartas fostaíochta, comhtháthú réigiúnach agus sóisialta, comhtháthú sóisialta, córais slándála sóisialta, caidreamh tionsclaíoch, forbairt scileanna ar feadh an tsaoil, fostaíocht don aos óg, sláinte agus sábháilteacht san ionad oibre, neamh-idirdhealú agus comhionannas, lena n-áirítear comhionannas inscne, chomh maith le freagracht shóisialta chorparáideach agus obair chuibhiúil.

2.   Athdhearbhaíonn na Páirtithe gur gá fostaíocht iomlán tháirgiúil agus obair chuibhiúil a chur chun cinn mar phríomhghné den fhorbairt inbhuanaithe agus de laghdú na bochtaineachta. Sa chomhthéacs sin, meabhraítear do na Páirtithe Dearbhú na hEagraíochta Idirnáisiúnta Saothair maidir le Ceartas Sóisialta do Dhomhandú Cothrom.

3.   Athdhearbhaíonn na Páirtithe a thiomanta atá siad caighdeáin saothair agus shóisialta a aithnítear go hidirnáisiúnta a urramú, a chur chun cinn agus a fhíorú, mar a leagtar amach i nDearbhú na hEagraíochta Idirnáisiúnta Saothair (EIS) maidir le Prionsabail Bhunúsacha agus Cearta Bunúsacha san Obair.

4.   Féadfar a áireamh sna cineálacha comhair, inter alia, cláir shonracha, tionscadail shonracha agus tionscnaimh shonracha, mar a chomhaontófar go frithpháirteach iad, chomh maith le hidirphlé ar ábhair leasa choitinn ar an leibhéal déthaobhach nó ar an leibhéal iltaobhach.

1.   Féadfaidh na Páirtithe an Comhaontú seo a chomhlánú trí chomhaontuithe nó socruithe sonracha a thabhairt i gcrích in aon réimse comhair a thagann faoina raon feidhme. Beidh comhaontuithe sonracha den sórt sin ina gcuid dhílis den chaidreamh déthaobhach foriomlán arna rialú ag an gComhaontú seo.

2.   Ní dhéanfaidh an Comhaontú seo difear ná dochar do léiriú, oibriú ná feidhmiú comhaontuithe eile idir na Páirtithe. Go háirithe, ní ghabhfaidh forálacha an Chomhaontaithe seo maidir le réiteach díospóide ionad na bhforálacha i gcomhaontuithe eile maidir le díospóidí a réiteach idir na Páirtithe, ná ní dhéanfaidh siad difear dóibh in aon slí.

3.   Aithníonn na Páirtithe go bhféadfadh cás práinne speisialta, mar a shainítear in Airteagal 57(7) é a bheith ina fhoras le comhaontuithe eile idir na Páirtithe a chur ar fionraí nó a fhoirceannadh. In imthosca den sórt sin, cuirfidh na Páirtithe siar na forálacha maidir le réiteach díospóide, fionraí agus foirceannadh na gcomhaontuithe eile sin chun aon díospóid den sórt sin a réiteach.

1.   Bunaíonn na Páirtithe leis seo Comhchoiste ar a mbeidh ionadaithe na bPáirtithe.

2.   Tionólfar comhairliúcháin sa Chomhchoiste chun cur chun feidhme an Chomhaontaithe seo a éascú agus chun cuspóirí ginearálta an Chomhaontaithe seo a chur chun cinn, agus chun comhleanúnachas foriomlán a choimeád sa chaidreamh idir an tAontas agus an Astráil.

3.   Maidir leis an gComhchoiste:

4.   Feidhmeoidh an Comhchoiste trí chomhthoil. Glacfaidh sé a rialacha nós imeachta. Féadfaidh sé fochoistí agus meithleacha a chur ar bun chun déileáil le saincheisteanna sonracha.

5.   Tiocfaidh an Comhchoiste le chéile uair sa bhliain de ghnáth san Aontas agus san Astráil gach re seal. Tionólfar cruinnithe speisialta den Chomhchoiste arna iarraidh sin do cheachtar Páirtí. Beidh an dá Pháirtí ina gcomhchathaoirligh ar an gComhchoiste. Tiocfaidh sé le chéile de ghnáth ar leibhéal na n-oifigeach sinsearach ach féadfaidh sé teacht le chéile ar leibhéal aireachta chomh maith. Féadfaidh an Comhchoiste feidhmiú freisin trí fhís-theagmháil nó ar an teileafón agus trí mhalartú faisnéise le ríomhphost.

1.   De mheon an mheasa fhrithpháirtigh agus an chomhair a chorpraítear sa Chomhaontú seo, déanfaidh na Páirtithe aon bhearta ginearálta nó sonracha is gá chun a n-oibleagáidí faoin gComhaontú a chomhlíonadh.

2.   Comhaontaíonn na Páirtithe dul i gcomhairle chomh tapa agus is féidir, ar iarraidh ó cheachtar Páirtí, i dtaobh nithe easaontais a fhéadfaidh teacht chun cinn le linn chur chun feidhme an Chomhaontaithe seo. Má tá éagsúlacht tuairimí i gcur i bhfeidhm nó i léiriú an Chomhaontaithe seo, féadfaidh ceachtar Páirtí an t-ábhar a chur faoi bhráid an Chomhchoiste. Cuirfidh na Páirtithe an fhaisnéis go léir is gá chun scrúdú críochnúil a dhéanamh ar an tsaincheist faoi bhráid an Chomhchoiste, d’fhonn difríochtaí a réiteach ar bhealach tráthúil cairdiúil.

3.   I gcás práinne speisialta, cuirfidh ceachtar Páirtí an t-ábhar faoi bhráid an Chomhchoiste láithreach, agus tíolacfaidh siad an fhaisnéis go léir is gá chun an cás a scrúdú go críochnúil, d’fhonn réiteach tráthúil a bheidh inghlactha go frithpháirteach a lorg. I gcás nach mbeidh an Comhchoiste ar leibhéal na n-oifigeach sinsearach in ann an cás a réiteach laistigh de thréimhse nach faide ná 15 lá ó thús na gcomhairliúchán, agus tráth nach déanaí ná 30 lá ó dháta tarchurtha an ábhair chuig an gComhchoiste, cuirfear an t-ábhar faoi bhráid na n-airí lena bhreithniú go práinneach ar feadh tréimhse breise 15 lá.

4.   Sa chás neamhdhóchúil gan choinne nach bhfuarthas aon réiteach a bheadh inghlactha go frithpháirteach tar éis 15 lá ó thús na gcomhairliúchán ar leibhéal na n-airí, agus tráth nach déanaí ná 45 lá ón dáta ar cuireadh an t-ábhar faoi bhráid an Chomhchoiste, féadfaidh ceachtar Páirtí a chinneadh na bearta iomchuí a dhéanamh maidir leis an gComhaontú seo, lena n-áirítear forálacha an Chomhaontaithe a chur ar fionraí nó deireadh a chur leis. Aithníonn na Páirtithe go bhféadfaidh cás práinne speisialta a bheith mar fhorais le bearta iomchuí a dhéanamh lasmuigh den Chomhaontú seo, i gcomhréir le cearta agus oibleagáidí na bPáirtithe faoi chomhaontuithe eile idir na Páirtithe nó faoin dlí idirnáisiúnta ginearálta. San Aontas, bheadh aontoilíocht i gceist leis an gcinneadh fionraí. San Astráil, dhéanfadh Rialtas na hAstráile an cinneadh maidir le cur ar fionraí i gcomhréir lena dhlíthe agus lena rialacháin.

5.   Tá na Páirtithe ar aon intinn nach mór bunús cuí a thabhairt le haon chinneadh bearta iomchuí a dhéanamh i gcomhréir le mír 4. Tabharfar fógra don Pháirtí eile i scríbhinn láithreach faoin gcinneadh sin. Comhaontaíonn na Páirtithe go gcaithfidh aon bheart den sórt sin a bheith comhréireach, agus go gcaithfidh siad a bheith i gcomhréir le hAirteagal 55(2), agus le prionsabail ghinearálta an dlí idirnáisiúnta chomh maith.

6.   Má dhéantar aon bheart i gcomhréir le mír 4, cúlghairfear é a luaithe a bhainfear an chúis lena dhéanamh. Déanfaidh an Páirtí a bhfuil mír 4 á agairt aige athbhreithniú leanúnach ar fhorbairt na staide a spreag an cinneadh, agus tarraingeoidh sé siar na bearta a rinneadh a luaithe is gá.

7.   Comhaontaíonn na Páirtithe, chun críche léiriú ceart agus cur i bhfeidhm praiticiúil an Chomhaontaithe seo, go gciallaíonn an téarma ‘cás práinne speisialta’ sárú an-tromchúiseach agus substaintiúil ar na hoibleagáidí a thuairiscítear in Airteagal 2(2) agus 6(2) den Chomhaontú seo ag ceann de na Páirtithe as a n-eascraíonn staid a éilíonn freagairt láithreach ón gceann eile. Measann na Páirtithe nach mór sárú thar a bheith tromchúiseach agus substaintiúil ar Airteagal 2(2) nó ar Airteagal 6(2) de chineál eisceachtúil a bheith i gceist, a chuirfeadh an tsíocháin agus an tslándáil idirnáisiúnta i mbaol.

8.   I gcásanna ina bhféadfaí a mheas go bhfuil cás a tharlaíonn i dtríú tír coibhéiseach ó thaobh tromchúise agus cineáil le cás práinne speisialta, déanfaidh na Páirtithe iarracht comhairliúcháin phráinneacha a reáchtáil, ar iarraidh ó cheachtar Páirtí, chun tuairimí a mhalartú maidir leis an staid agus chun freagairtí a d’fhéadfaí a thabhairt a bhreithniú.

1.   Nuair a bheidh cláir chabhrach á gcur chun feidhme acu i gcomhthéacs a mbeartas maidir le comhar um fhorbairt, comhoibreoidh na Páirtithe le chéile chun neamhrialtachtaí, calaois, éilliú nó aon ghníomhaíochtaí neamhdhleathacha eile a dhéanann dochar do leasanna airgeadais na bPáirtithe a chosc agus a chomhrac.

2.   Chun na críche sin, malartóidh údaráis inniúla an Aontais agus na hAstráile faisnéis, lena n-áirítear sonraí pearsanta, i gcomhréir lena reachtaíocht faoi seach atá i bhfeidhm, agus, ar iarraidh ó cheann de na Páirtithe, seolfaidh siad comhairliúcháin.

3.   Féadfaidh an Oifig Eorpach Frith-Chalaoise agus údaráis inniúla na hAstráile teacht ar chomhaontú maidir le tuilleadh comhair i réimse na frithchalaoise, lena n-áirítear socruithe oibríochtúla a thabhairt i gcrích.

1.   Tabharfaidh na Páirtithe cosaint iomchuí don fhaisnéis a roinntear faoin gComhaontú seo, i gcomhréir le leas an phobail maidir le rochtain ar fhaisnéis.

2.   Ní fhorléireofar aon ní sa Chomhaontú seo mar ní a cheanglaíonn ar na Páirtithe faisnéis a chomhroinnt, ná rochtain a cheadú ar fhaisnéis chomhroinnte, a mbeadh an méid seo a leanas i gceist dá nochtfaí í:

3.   I gcás ina roinntear faisnéis den chineál dá dtagraítear san Airteagal seo, ní dhéanfaidh an Páirtí glactha ach an fhaisnéis sin a scaoileadh nó a nochtadh le toiliú an Pháirtí eile, nó i gcás gur gá a oibleagáidí dlíthiúla a chomhlíonadh.

4.   Níl sé i gceist le haon ní sa Chomhaontú seo maolú a dhéanamh ar chearta, ar oibleagáidí ná ar ghealltanais na bPáirtithe faoi chomhaontuithe déthaobhacha nó faoi shocruithe a bhaineann le faisnéis rúnaicmithe arna malartú idir na Páirtithe.

1.   Tiocfaidh an Comhaontú seo i bhfeidhm tríocha lá tar éis an dáta a thabharfaidh an dá Pháirtí fógra dá chéile gur cuireadh i gcrích na nósanna imeachta dlí is gá chun na críche sin.

2.   D’ainneoin mhír 1, féadfaidh an Astráil agus an tAontas forálacha den Chomhaontú seo, arna gcinneadh go frithpháirteach, a chur i bhfeidhm go sealadach go dtí go dtiocfaidh sé i bhfeidhm. Tosóidh an cur i bhfeidhm sealadach sin 30 lá tar éis an dáta a bheidh fógra tugtha ag an Astráil agus ag an Aontas araon dá chéile á rá go bhfuil a nósanna imeachta inmheánacha faoi seach is gá don chur i bhfeidhm sealadach sin tugtha chun críche acu.

3.   Beidh an Comhaontú seo bailí gan teorainn ama. Féadfaidh ceachtar Páirtí fógra i scríbhinn a thabhairt don pháirtí eile go bhfuil sé ar intinn aige an Comhaontú seo a shéanadh. Tiocfaidh an séanadh in éifeacht 6 mhí tar éis an fógra a thabhairt.