(1)

Tá sé ríthábhachtach neamhspleáchas, ardcháilíocht eolaíoch, trédhearcacht agus éifeachtúlacht an Údaráis Eorpaigh um Shábháilteacht Bia (“EFSA”) a áirithiú. Ina theannta sin, tá sé fíor-riachtanach comhar EFSA leis na Ballstáit a áirithiú.

(2)

Tá sé de cheangal le hAirteagal 25(1) de Rialachán (CE) Uimh. 178/2002 go n-ainmneoidh gach Ballstát comhalta agus comhalta malartach mar a ionadaithe ar Bhord Bainistíochta EFSA. Ceapann an Chomhairle na comhaltaí agus na comhaltaí malartacha arna n-ainmniú mar sin go ceann tréimhse 4 bliana, ar tréimhse í a fhéadfar a athnuachan, agus beidh ceart vótála acu.

(3)

Cheap an Chomhairle, trí bhíthin Chinneadh uaidh an 7 Aibreán 2022 (2), ionadaithe ó na Ballstáit ina gcomhaltaí agus ina gcomhaltaí malartacha de Bhord Bainistíochta EFSA don tréimhse ón 1 Iúil 2022 go dtí an 30 Meitheamh 2026.

(4)

An 1 Bealtaine 2022, fuair Georgi GEORGIEV, an comhalta don Bhulgáir, bás.

(5)

Le litir dár dáta an 23 Lúnasa 2022, thíolaic Patricia REILLY, an comhalta malartach d’Éirinn, go raibh sí ag éirí as oifig.

(6)

Le litir dár dáta an 15 Meán Fómhair 2022, thíolaic Jitka GÖTZOVÁ, an comhalta malartach don tSeicia, go raibh sí ag éirí as oifig.

(7)

Dá bhrí sin, ba cheart triúr ionadaithe nua a cheapadh ar feadh a bhfuil fágtha de théarma oifige a réamhtheachtaithe faoi seach.

(8)

Tá taithí agus saineolas forleathan ag na hionadaithe arna n-ainmniú ag an mBulgáir, an tSeicia agus Éire i réimse dhlí agus bheartas an bhiashlabhra, lena n-áirítear measúnú riosca, agus i réimsí ábhar bainistíochta, riaracháin, airgeadais agus dlí chomh maith. Dá bhrí sin, lena gceapacháin, baintear amach i mBord Bainistíochta EFSA na caighdeáin is airde inniúlachta agus an raon is leithne taithí ábhartha atá ar fáil,

—

Koycho KOEV (an Bhulgáir).

—

Martin ŠTĚPÁNEK (an tSeicia),

—

Geraldine Duffy (Éire).