Bearta sriantacha i bhfianaise na staide i Háítí

 

ACHOIMRE AR:

Cinneadh (CBES) 2022/2319 maidir le bearta sriantacha i bhfianaise na staide i Háítí

Rialachán (AE) 2022/2309 a bhaineann le bearta sriantacha i bhfianaise na staide i Háítí

CAD IS AIDHM LEIS AN GCINNEADH AGUS LEIS AN RIALACHÁN?

• Tá an cinneadh agus an rialachán ina gcuid de bhosca uirlisí chomhbheartas eachtrach agus slándála (CBES) an Aontais Eorpaigh (AE), lena gcuirtear cuspóirí CBES chun cinn tríd an mbonn dlíthiúil le haghaidh “smachtbhannaí” AE i bhfianaise na staide sa limistéar euro a sholáthar.
• Neartaítear leo smachtbhannaí na Náisiún Aontaithe (NA) i gcoinne Háití a cuireadh i bhfeidhm i mí Dheireadh Fómhair 2022.

PRÍOMHPHOINTÍ

Toirmisc agus srianta

Áirítear leis an gcinneadh agus leis an rialachán réimse toirmeasc agus srianta.

• Srianta spriocdhírithe ar dhaoine agus ar eintitis a meastar go bhfuil baint acu le foréigean, le gníomhaíochtaí coiriúla nó le mí–úsáidí as cearta an duine lena gcuirtear bagairt ar shíocháin, ar shábháilteacht agus ar shlándáil Háítí. Áirítear leis na srianta sin:
  • toirmeasc ar dhíol, ar sholáthar, ar onnmhairiú nó ar aistriú trealaimh nó ábhair a bhaineann le gníomhaíochtaí míleata, amhail airm thine, armlón agus feithiclí, chuig na daoine nó na heintitis sin;
  • toirmeasc ar chúnamh teicniúil a sholáthar do na daoine nó do na heintitis sin maidir le húsáid trealaimh dá leithéid nó cúnamh airgeadais a sholáthar dóibh;
  • diúltú do ligean isteach i gcríoch an Aontais Eorpaigh;
  • reo cistí agus acmhainní eacnamaíocha.
• Go ndéanfaidh Ballstáit AE cigireacht ar gach soitheach agus aerárthach a bheidh ar a mbealach go Háití nó ag teacht ó Háití má tá amhras ann go bhfuil earraí toirmiscthe á n–iompar orthu;

Tá liosta de na daoine agus de na heintitis atá faoi réir na srianta spriocdhírithe, arna n–ainmniú ag Comhairle Slándála na Náisiún Aontaithe nó ag Coiste Smachtbhannaí, leagtha amach sna hiarscríbhinní a ghabhann leis an gcinneadh agus leis an rialachán. Féadfaidh Comhairle an Aontais Eorpaigh an liosta a leasú ar bhonn cinntí arna ndéanamh ag na comhlachtaí céanna sin de chuid na Náisiún Aontaithe.

Ba cheart a thabhairt faoi deara, agus na hiarscríbhinn á n–ullmhú, go bhféadfaidh an Chomhairle, an Coimisiún Eorpach agus Ardionadaí an Aontais do Ghnóthaí Eachtracha agus don Bheartas Slándála, más infheidhme, sonraí ábhartha a bhaineann le cionta coiriúla, ciontuithe agus bearta slándála a bhaineann leo siúd atá sin liostaithe a phróiseáil, sa mhéid gur gá próiseáil den sórt sin amháin. Tá an Chomhairle, an tseirbhís de chuid an Choimisiúin atá liostaithe in Iarscríbhinn II a ghabhann leis an rialachán agus an tArdionadaí ainmnithe mar “rialaitheoirí” de réir bhrí Rialachán (AE) 2018/1725 (féach an achoimre), lena áirithiú gur féidir leo siúd lena mbaineann a gcearta a fheidhmiú faoin rialachán sin.

Eisceachtaí

Tá roinnt eisceachtaí leis an rialachán agus leis an gcinneadh ar na toirmisc agus ar na srianta sin, agus áirítear leo sin:

• scaoileadh sócmhainní reoite áirithe chun críocha dleathacha;
• taisteal ar fhorais daonnúla nó i gcás go gcuirfí aidhm na síochána agus na cobhsaíochta i Háítí chun cinn leis.

Díolúintí daonnúla

De thoradh ar Rún 2664 (2022) ó Chomhairle Slándála na Náisiún Aontaithe, le Rialachán (AE) 2023/331 ón gComhairle agus le Cinneadh (CBES) 2023/338 ón gComhairle, tugtar isteach i ndlí an Aontais díolúine ó na smachtbhannaí i bhfoirm reo sócmhainní le haghaidh cúnamh daonnúil agus gníomhaíochtaí eile lena dtacaítear le riachtanais bhunúsacha dhaonna, is infheidhme maidir le daoine nó eintitis áirithe.

CÉN UAIR ATÁ TOSACH FEIDHME AN CHINNIDH AGUS AN RIALACHÁIN?

Tá feidhm ag Cinneadh (CBES) 2022/2319 agus Rialachán (AE) 2022/2309 ón 28 Samhain 2022.

CÚLRA

Le haghaidh tuilleadh faisnéise, féach:

• Toscaireacht AE chuig Háití (An tSeirbhís Eorpach Gníomhaíochta Seachtraí)

PRÍOMHDHOICIMÉID

Cinneadh (AE) 2022/2319 ón gComhairle an 25 Samhain 2022 maidir le bearta sriantacha i bhfianaise na staide i Veiniséala (IO L 307, 28.11.2022, lgh. 135-141).

Rinneadh leasuithe comhleanúnacha ar Chinneadh (CBES) 2022/2319 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (AE) 2022/2309 ón gComhairle an 25 Samhain 2022 a bhaineann le bearta sriantacha i bhfianaise na staide i Háítí (IO L 307, 28.11.2022, lgh. 17-28).

Féach an leagan comhdhlúite.

DOICIMÉID GHAOLMHARA

Leagan comhdhlúite den Chonradh ar an Aontas Eorpach — Teideal V — Forálacha ginearálta maidir le gníomhaíochtaí seachtracha an Aontais agus forálacha faoi leith maidir leis an gcomhbheartas eachtrach agus slándála — Caibidil 2 — Forálacha faoi leith maidir leis an gcomhbheartas eachtrach agus slándála — Roinn 1 — Forálacha comhchoiteanna — Airteagal 29 (sean–Airteagal 15 CAE) (IO C 202, 7.6.2016, lch. 33).

Leagan comhdhlúite den Chonradh ar Fheidhmiú an Aontais Eorpaigh — Cuid a Cúig — Gníomhaíochtaí seachtracha an Aontais — Teideal IV — Bearta sriantacha — Airteagal 215 (sean–Airteagal 301 CCE) (IO C 202, 7.6.2016, lch. 144).

Nuashonraithe 17.02.2023