(1)

Le Rialachán (AE) Uimh. 269/2014 (2) ón gComhairle, tugtar éifeacht do bhearta sriantacha dá bhforáiltear i gCinneadh 2014/145/CBES.

(2)

An 24 Feabhra 2025, ghlac an Chomhairle Cinneadh (CBES) 2025/388 (3), lena leasaítear Cinneadh 2014/145/CBES.

(3)

Le Cinneadh (CBES) 2025/388 tugtar isteach freisin dhá chritéar breise maidir le daoine nádúrtha nó dlítheanacha, eintitis nó comhlachtaí atá faoi réir reo a gcistí agus a n-acmhainní ecanamaíochaa liostú agus maidir leis an toirmeasc ar chistí agus acmhainní eacnamaíocha a chur ar fáil dóibh. Tá feidhm ag an gcéad chritéar maidir le daoine, eintitis nó comhlachtaí a rialaíonn, a bhainistíonn nó a oibríonn soithí a bhfuil baint acu le gníomhaíochtaí áirithe, nó a bhfuil na soithí sin i seilbh acu, nó a sholáthraíonn tacaíocht ábhartha, theicniúil nó airgeadais trí bhíthin eile d’oibríochtaí soithí den sórt sin. Tá feidhm ag an dara critéar maidir le daoine, eintitis, nó comhlachtaí atá mar chuid de choimpléasc míleata agus tionsclaíoch na Rúise agus a thugann tacaíocht ábhartha nó airgeadais dó, nó a bhaineann tairbhe as. Le Cinneadh (CBES) 2025/388, leathnaítear maolú dífheistithe atá ann cheana chuig triúr daoine aonair liostaithe breise, áirítear maolú maidir le soláthar earraí agus seirbhísí sonracha is gá do chóras meitreo Bhúdaipeist agus leathnaítear raon feidhme dhá mhaolú atá ann cheana maidir le haistrithe áirithe cistí agus íocaíochtaí.

(4)

Is cuid shuntasach de bhuiséad Stát na Rúise é ioncam onnmhairí ola muiriompartha na Rúise agus, dá bhrí sin, cuireann sé lena chogadh foghach neamhdhleathach ar an Úcráin. Chun críocha na n-onnmhairí ola sin, tá an Rúis ag brath níos mó agus níos mó ar chabhlach soithí a bhfuil baint aige le cleachtais loingseoireachta faoi bhun caighdeáin agus a bhfuil ardriosca ag baint leo, mar shampla ag obair le hárachas neamhleor nó easpa iomlán árachais (‘scáthchabhlach’). Baineann rioscaí suntasacha sábháilteachta muirí agus comhshaoil leis na soithí sin don Aontas, dá Bhallstáit chósta agus do stáit chósta tríú thíortha eile. Luaigh an Eagraíocht Mhuirí Idirnáisiúnta na rioscaí sin go háirithe ina rún A.1192(33) ón gComhthionól Ginearálta a glacadh an 6 Nollaig 2023, ina n-iarrtar ar a Ballstáit agus ar pháirtithe leasmhara ábhartha eile cumais agus cleachtais díchill chuí a fhorbairt chun oibriú scáthchabhlaigh agus gníomhaíochtaí neamhdhleathacha arna n-éascú ag na soithí sin a chosc, a bhrath agus a thuairisciú. Comhlíontar an dá chuspóir sin nuair a dhéantar daoine agus eintitis a dhíspreagadh ó chleachtais loingseoireachta a bhfuil ardriosca ag baint leo a dhéanamh agus a éascú agus ola de thionscnamh na Rúise á hiompar acu. Dá bhrí sin, trí chur isteach ar oibríochtaí an scáthchabhlaigh, cuidítear leis an mbonn a bhaint de ghiniúint ioncaim ar son iarrachtaí cogaidh na Rúise agus ag an am céanna tacaítear le bearta idirnáisiúnta chun cáilíocht an chomhshaoil a chaomhnú agus a fheabhsú. Ba cheart na hiarrachtaí sin chun aghaidh a thabhairt ar ghníomhaíochtaí scáthchabhlach a chur chun feidhme ar bhealach spriocdhírithe, agus leibhéal freagrachta na n-oibreoirí ábhartha sa chinnteoireacht agus in oibríochtaí á chur san áireamh. Thairis sin, níor cheart bac a chur ar sheirbhísí píolótacha atá riachtanach ar chúiseanna sábháilteachta muirí.

(5)

I gcás inar gá chun nach féidir teacht timpeall ar na toirmisc a leagtar amach i Rialachán (AE) Uimh. 269/2014, ba cheart don Choimisiún a bheith in ann faisnéis a bhaineann le trádáil, idirbhearta agus oibreoirí tríú tír a mhalartú le húdaráis inniúla tíortha comhpháirtíochta dá dtagraítear in Iarscríbhinn VIII a ghabhann le Rialachán (AE) Uimh. 833/2014 (4) a chuireann bearta sriantacha comhchosúla i bhfeidhm..

(6)

De bhun Threoir (AE) 2015/849 ó Pharlaimint na hEorpa agus ón gComhairle (5), ceanglaítear ar chineálacha áirithe eintiteas, eadhon eintitis faoi oibleagáid a leagtar amach in Airteagal 2(1) de, idirbhearta amhrasacha a thuairisciú d’Aonaid um Fhaisnéis Airgeadais na mBallstát (AFAnna). De bhun Threoir (AE) 2024/1226 ó Pharlaimint na hEorpa agus ón gComhairle (6), cuireadh an sárú ar bhearta sriantacha an Aontais ar an liosta de chionta preideacáide a leagtar amach in Airteagal 2, pointe (1), de Threoir (AE) 2018/1673 ó Pharlaimint na hEorpa agus ón gComhairle (7). Mar thoradh ar an méid sin a chur leis, agus de bhun Airteagal 33 de Threoir (AE) 2015/849 amhail ó mhí na Bealtaine 2025, ceanglófar ar eintitis faoi oibleagáid na hidirbhearta amhrasacha uile a bhaineann le gníomhaíocht choiriúil amhrasta a bhaineann le sárú ar bhearta sriantacha an Aontais a thuairisciú do AFAnna. Thairis sin, ceanglaítear le hAirteagal 8 de Rialachán (AE) Uimh. 269/2014 ar dhaoine nádúrtha agus dlítheanacha, ar eintitis agus ar chomhlachtaí aon fhaisnéis lena n-éascófaí cur chun feidhme an Rialacháin sin a chur ar fáil d’údarás inniúil an Bhallstáit ina bhfuil cónaí orthu nó ina bhfuil siad lonnaithe laistigh de 2 sheachtain tar éis dóibh an fhaisnéis sin a fháil agus comhoibriú leis an údarás inniúil in aon fhíorú ar an bhfaisnéis sin. Chun tuairisciú dúbailte a sheachaint, féadfaidh na Ballstáit a chinneadh nach gceangalaítear ar na daoine, na heintitis agus na comhalachtaí an fhaisnéis chéanna a thuaraisciú d’údaráis inniúla eile seachas AFAnna.

(7)

Is iomchuí an comhar idir na húdaráis inniúla náisiúnta a mhéadú, lena n-áirítear trí ról na nAonad um Fhaisnéis Airgeadais (AFAnna) a threisiú maidir le malartú faisnéise atá ábhartha chun na bearta sriantacha a leagtar amach i Rialachán (AE) Uimh. 269/2014 a chur chun feidhme agus a fhorfheidhmiú.

(8)

Ós rud é go bhfuil comhlíonadh na n-oibreoirí de chuid an Aontais fíor-riachtanach d’éifeachtacht na mbeart sriantach, ba cheart don Choimisiún cúnamh a chur ar fáil dóibh chun a gcomhlíonadh a éascú dóibh, go háirithe i gcás ina n-éileofaí acmhainní suntasacha chun na bearta sin a chomhlíonadh agus i gcás ina bhféadfaí feabhas a chur ar éifeachtúlacht le tacaíocht láraithe. Go háirithe maidir leis an dícheall cuí a cheanglaítear ar oibreoirí de chuid an Aontais i ndáil lena gcomhpháirtithe gnó féideartha. Ba cheart don Choimisiún a bheith in ann na sonraí pearsanta is gá chun na críche sin a phróiseáil.

(9)

Chun cur chun feidhme éifeachtach na na mbeart sriantach agus cosaint leordhóthanach oibreoirí an Aontais a áirithiú, is iomchuí a shoiléiriú gur féidir le hoibreoirí an Aontais, de bhun Airteagal 11a de Rialachán (AE) Uimh. 269/2014, i dteideal cúiteamh a lorg in imeachtaí breithiúnacha os comhair cúirteanna inniúla Ballstáit, i náil le damáistí díreacha nó indíreacha áirithe arna dtabhú mar thoradh ar éilimh áirithe arna dtaisceadh ag na heintitis nó na daoine dá dtagraítear in Airteagal 11(1), pointe (a) nó (b). den Rialachán sin, lena n-áirítear na damáistí sin arna dtabhú acu nó ag daoine dlítheanach, ag eintitis nó comhlachtaí atá i seilbh a nó atá faoin rialú na hoibreoirí sin de chuid an Aontais, atá faoi réir rialacha náisiúnta maidir le haisghabháil dhúbailte a thoirmeasc. Ina theannta sin, ba cheart d’oibreoirí de chuid an Aontais a bheith in ann damáistí a lorg ó dhaoine, eintitis nó comhlachtaí sa Rúis a bhfuil na heintitis nó comhlachtaí dá dtagraítear in Airteagal 11(1), pointe (a) nó (b), de Rialachán (AE) Uimh 269/2014 faoina n-úinéireacht nó faoina rialú. I gcásanna ina ndéanann an Rúisnó tríú tír eile bearta chun bac a chur ar chomhlíonadh Rialachán (AE) 269/2014, is féidir a mheas nach bhfuil rochtain éifeachtach ar na leigheasanna faoi na dlínsí thríú-tír sin de facto ag oibreoirí an Aontais.

(10)

Chun cur chun feidhm éifeachtach na mbeart sriantach a áirithiú agus chun cásanna a d’fhéadfadh a bheith ann ina ndiúltaítear an ceartas a leigheas, is iomchuí foráil a dhéanamh maidir le forum necessitatis lena gceadaítear do chúirt Ballstáit, ar bhonn eisceachtúil, rialú ar éileamh ar dhamáistí de bhun Airteagal 11a de Rialachán (AE) Uimh. 269/2014, i gcás nach gceadaítear dlí an Aontais nó Ballstáit dlíne chúirt aon Bhallstáit a bhunú. Níor cheart dlínse atá bunaithe ar forum necessitatis a fheidhmiú, áfach, ach amháin má tá nasc leordhóthanach ag an gcás le Ballstát na cúirte a dtugtar os a comhair é, mar shampla, i gcás ina bhfuil sainchónaí ar an éilitheoir i ndlí an Bhallstáit sin nó nuair atá sé corpraithe faoi dhlí an Bhallstáit sin.

(11)

Níl feidhm ag Rialachán (AE) Uimh. 269/2014 ach amháin laistigh de na teorainneacha dlínse a shainítear in Airteagal 17 de. Ag an am céanna, má tá oibreoirí an Aontais in ann tionchar cinntitheach a dhearbhú go héifeachtach ar iompar duine dlisteanaigh, eintitis nó comhlachta atá bunaithe lasmuigh den Aontas, féadfaidh siad freagracht a thabhú as gníomhaíochtaí an duine dhlísteanaigh, eintitis nó comhlachta sin a bhaineann an bonn de na bearta sriantacha agus ba cheart dóibh a dtionchar a úsáid chun cosc a chur ar na gníomhaíochtaí sin.

(12)

Is féidir tionchar den sórt sin eascairt as úinéireacht nó rialú ar an duine dlisteanach, eintiteas nó comhlacht. Ciallaíonn úinéireacht 50 % nó níos mó de chearta dílseánaigh an duine dlisteanach, eintitis nó comhlachta a bheith i seilbh an eintitis, nó leas tromlaigh a bheith aige ann. Áirítear an méid a leanas ar na ngnéithe a léiríonn rialú: an ceart nó an chumhacht tromlach de chomhaltaí an chomhlachta riaracháin, bainistíochta nó maoirseachta a cheapadh nó a chur as oifig; an ceart chun sócmhainní uile an duine dhlisteanaigh, eintitis nó comhlachta, nó cuid díobh, a úsáid; gnó an eintitis a bhainistiú ar bhonn aontaithe, agus cuntais chomhdhlúite á bhfoilsiú ag an am céanna; nó an ceart chun tionchar ceannasach a fheidhmiú ar an duine dlisteanach, eintiteas nó comhlacht.

(13)

Is iomchuí a cheangal ar oibreoirí an Aontais a ndícheall a dhéanamh chun a áirithiú nach nglacfaidh daoine dlistenacha, eintitis agus comhlachtaí atá bunaithe lasmuigh den Aontas agus a bhfuil úinéireacht nó rialú acu orthu páirt i ngníomhaíochtaí a chuireann bac ar na bearta sriantacha dá bhforáiltear i Rialachán (AE) Uimh. 269/2014. Is éard atá i gceist le gníomhaíochtaí den sórt sin gníomhaíochtaí a bhfuil mar thoradh orthu go bhféachtar leis na bearta sriantacha sin le cosc a chur, mar shampla, ar chistí nó achmhainní a chur ar fáil do dhuine a liostaítear in Iarscríbhinn I a ghabhann le Rialachán (AE) Uimh. 269/2014.

(14)

Ba cheart a thuiscint gurb é atá sna hiarrachtaí is fearr na gníomhaíochtaí uile atá oiriúnach agus riachtanach chun an toradh a bhaint amach maidir leis an mbonn a bhaint de na bearta sriantacha i Rialachán (AE) Uimh. 269/2014 a chosc. D’fhéadfaí a áireamh ar na gníomhaíochtaí sin, mar shampla, cur chun feidhme beartas, rialuithe agus nósanna imeachta iomchuí chun rioscaí a mhaolú agus a bhainistiú go héifeachtach, agus tosca ar nós an tríú tír bhunaíochta, na hearnála gnó agus cineáil gníomhaíochta an duine dhlítheanaigh, an eintitis nó an chomhlachta atá faoi úinéireacht nó faoi rialú oibreoir an Aontais á gcur san áireamh. San am céanna, ba cheart a thuiscint nach gcuimsíonn na hiarrachtaí is fearr ach gníomhaíochtaí atá indéanta d’oibreoir an Aontais i bhfianaise a chineáil, a mhéide agus na n-imthosca fíorasacha ábhartha, go háirithe méid an rialaithe éifeachtaigh ar an duine dlítheanach, ar an eintiteas nó ar an gcomhlacht atá bunaithe lasmuigh den Aontas. Áirítear ar na himthosca sin an cás nach féidir le hoibreoir an Aontais, ar chúiseanna dosheachanta, ar nós reachtaíocht tríú tír, rialú a fheidhmiú ar dhuine dlítheanach, eintiteas nó comhlacht ar leis.

(15)

Is iomchuí roinnt leasuithe teicniúla a dhéanamh chun soiléireacht forálacha áirithe de Rialachán (AE) Uimh. 269/2014 a áirithiú, lena n-áirítear na forálacha sin a bhaineann le doiciméid atá i seilbh institiúidí an Aontais agus a bhaineann le próiseáil sonraí pearsanta.

(16)

Tagann na bearta sin faoi raon feidhme an Chonartha ar Fheidhmiú an Aontais Eorpaigh agus, dá bhrí sin, tá gá le gníomhaíocht rialála ar leibhéal an Aontais, go háirithe d’fhonn a áirithiú go gcuirfear i bhfeidhm iad go haonfhoirmeach i ngach Ballstát.

(17)

Ba cheart, dá bhrí sin, Rialachán (AE) Uimh. 269/2014 a leasú dá réir sin,

(1)

in Airteagal 3, mír 1, cuirtear na pointí seo a leanas isteach:

;

(2)

leasaítear Airteagal 6a mar a leanas:

(3)

leasaítear Airteagal 6b mar a leanas:

(4)

leasaítear Airteagal 8 mar a leanas:

(5)

cuirtear isteach an t-airteagal seo a leanas:

(6)

Cuirtear an méid seo a leanas in ionad Airteagal 11a:

(7)

cuirtear isteach an t-airteagal seo a leanas:

(8)

in Airteagal 12(1), cuirtear isteach an pointe seo a leanas:

;

(9)

cuirtear an tAirteagal seo a leanas isteach:

(10)

in Airteagal 16a, cuirtear an méid seo a leanas in ionad mhír 2: