(1)

Ir-Regolament tal-Kunsill (UE) Nru 269/2014 (2) jagħti effett lill-miżuri restrittivi previsti fid-Deċiżjoni 2014/145/PESK.

(2)

Fl-24 ta’ Frar 2025, il-Kunsill adotta d-Deċiżjoni (PESK) 2025/388 (3), li temenda d-Deċiżjoni 2014/145/PESK.

(3)

Id-Deċiżjoni (PESK) 2025/388 tintroduċi wkoll żewġ kriterji oħra għall-elenkar ta’ persuni fiżiċi jew ġuridiċi, entitajiet jew korpi soġġetti għall-iffriżar tal-fondi u r-riżorsi ekonomiċi tagħhom u għall-projbizzjoni fuq it-tqegħid għad-dispożizzjoni tagħhom ta’ fondi u riżorsi ekonomiċi. L-ewwel kriterju japplika għal persuni, entitajiet jew korpi li jippossjedu, jikkontrollaw, jamministraw jew joperaw bastimenti involuti f’ċerti attivitajiet jew li b’xi mod ieħor jipprovdu appoġġ materjali, tekniku jew finanzjarju għall-operazzjonijiet ta’ tali bastimenti. It-tieni kriterju japplika għal persuni, entitajiet jew korpi li huma parti mill-kumpless militari u industrijali tar-Russja, jew jappoġġawh, materjalment jew finanzjarjament, jew jibbenefikaw minnu. Id-Deċiżjoni (PESK) 2025/388 ukoll testendi deroga eżistenti mid-diżinvestiment għal tliet individwi elenkati addizzjonali, tinkludi deroga għall-forniment ta’ oġġetti u servizzi speċifiċi meħtieġa għas-sistema tal-metro ta’ Budapest u testendi l-kamp ta’ applikazzjoni ta’ żewġ derogi eżistenti b’rabta ma’ ċerti trasferimenti ta’ fondi u pagamenti.

(4)

Id-dħul Russu mill-esportazzjonijiet taż-żejt li jinġarr bil-baħar jammonta għal parti sinifikanti mill-baġit tar-Russja u għalhekk jixpruna l-gwerra illegali ta’ aggressjoni tiegħu kontra l-Ukrajna. Għall-finijiet ta’ dawk l-esportazzjonijiet taż-żejt, ir-Russja qed tiddependi dejjem aktar fuq flotta ta’ bastimenti involuta fi prattiki ta’ tbaħħir ta’ standard inferjuri u ta’ riskju għoli bħal li topera b’assigurazzjoni inadegwata jew ineżistenti (“flotta mistura”). Dawk il-bastimenti joħolqu riskji sinifikanti għas-sikurezza marittima u għall-ambjent għall-Unjoni, għall-Istati Membri kostali tagħha u għall-istati kostali terzi. Dawk ir-riskji ġew identifikati b’mod partikolari mill-Organizzazzjoni Marittima Internazzjonali fir-riżoluzzjoni A.1192(33) tal-Assemblea Ġenerali tagħha adottata fis-6 ta’ Diċembru 2023, li appellat lill-Istati Membri tagħha u lil partijiet ikkonċernati rilevanti oħra biex jiżviluppaw kapaċitajiet u prattiki ta’ diliġenza dovuta għall-prevenzjoni, id-detezzjoni u r-rapportar tal-operat ta’ bastimenti tal-flotot mistura u attivitajiet illegali ffaċilitati minn tali bastimenti. L-iskoraġġiment ta’ persuni u entitajiet milli jwettqu u jiffaċilitaw prattiki ta’ tbaħħir b’riskju għoli meta jittrasportaw żejt ta’ oriġini Russa u t-tfixkil ta’ operazzjonijiet tal-flotta mistura għaldaqstant jikkontribwixxu biex tiddgħajjef il-ġenerazzjoni tad-dħul għall-isforzi tal-gwerra Russa filwaqt li fl-istess ħin jappoġġaw miżuri internazzjonali biex tiġi ppreservata u mtejba l-kwalità tal-ambjent. Tali sforzi biex jiġu indirizzati l-attivitajiet tal-flotot mistura jenħtieġ li jiġu implimentati b’mod immirat, filwaqt li jitqies il-livell ta’ responsabbiltà tal-operaturi rilevanti fit-teħid ta’ deċiżjonijiet u fl-operazzjonijiet. Barra minn hekk, jenħtieġ li s-servizzi ta’ pilotaġġ meħtieġa għal raġunijiet ta’ sikurezza marittima ma jiġux imfixkla.

(5)

Fejn meħtieġ biex tiġi miġġielda ċ-ċirkomvenzjoni tal-projbizzjonijiet stabbiliti fir-Regolament (UE) Nru 269/2014, jenħtieġ li l-Kummissjoni tkun tista’ tiskambja informazzjoni dwar kummerċ, tranżazzjonijiet u operaturi ta’ pajjiżi terzi mal-awtoritajiet kompetenti ta’ pajjiżi sħab kif imsemmi fl-Anness VIII tar-Regolament (UE) Nru 833/2014 (4) li japplikaw miżuri restrittivi simili.

(6)

Skont id-Direttiva (UE) 2015/849 tal-Parlament Ewropew u tal-Kunsill (5), ċertu tip ta’ entitajiet, prinċipalment, entitajiet marbutin b’obbligu kif stabbilit fl-Artikolu 2(1) tagħha, huma meħtieġa jirrapportaw tranżazzjonijiet suspettużi lill-Unitajiet tal-Intelligence Finanzjarja (UIF) tal-Istati Membri. Skont id-Direttiva (UE) 2024/1226 tal-Parlament Ewropew u tal-Kunsill (6) il-ksur tal-miżuri restrittivi tal-Unjoni żdied mal-lista ta’ reati predikati stabbilita fl-Artikolu 2, il-punt (1), tad-Direttiva (UE) 2018/1673 tal-Parlament Ewropew u tal-Kunsill (7). B’riżultat ta’ dik iż-żieda, u skont l-Artikolu 33 tad-Direttiva (UE) 2015/849 minn Mejju 2025, l-entitajiet marbutin b’obbligu se jkunu meħtieġa jirrapportaw lill-UIF it-tranżazzjonijiet suspettużi kollha relatati ma’ attività kriminali suspettata marbuta mal-ksur tal-miżuri restrittivi tal-Unjoni. Barra minn hekk, l-Artikolu 8 tar-Regolament (UE) Nru 269/2014 jirrikjedi li l-persuni fiżiċi u ġuridiċi, l-entitajiet u l-korpi jipprovdu kwalunkwe informazzjoni li tiffaċilita l-implimentazzjoni ta’ dak ir-Regolament lill-awtorità kompetenti tal-Istat Membru li fih ikunu residenti jew fejn jinsabu fi żmien ġimagħtejn minn meta jiksbu dik l-informazzjoni u jikkooperaw ma’ dik l-awtorità kompetenti fi kwalunkwe verifika ta’ tali informazzjoni. Sabiex jiġi evitat rapportar doppju, l-Istati Membri jistgħu jiddeċiedu li dawk il-persuni, l-entitajiet u l-korpi mhumiex meħtieġa li jirrapportaw l-istess informazzjoni lil awtoritajiet kompetenti għajr l-UIF.

(7)

Huwa xieraq li tiżdied il-kooperazzjoni bejn l-awtoritajiet nazzjonali kompetenti, inkluż billi jissaħħaħ ir-rwol tal-UIF fl-iskambju ta’ informazzjoni li hija rilevanti għall-finijiet tal-implimentazzjoni u l-infurzar tal-miżuri restrittivi stabbiliti fir-Regolament (UE) Nru 269/2014.

(8)

Minħabba li l-konformità tal-operaturi tal-Unjoni hija essenzjali għall-effettività tal-miżuri restrittivi, jenħtieġ li l-Kummissjoni tipprovdilhom assistenza biex tiffaċilita l-konformità tagħhom, speċjalment fejn tali konformità tkun teħtieġ riżorsi sinifikanti u fejn appoġġ ċentralizzat jista’ jtejjeb l-effiċjenza. Dak huwa partikolarment il-każ fir-rigward tad-diliġenza dovuta meħtieġa mill-operaturi tal-Unjoni fir-rigward tas-sħab kummerċjali potenzjali. Jenħtieġ li l-Kummissjoni tkun tista’ tipproċessa d-data personali meħtieġa għal dak l-għan.

(9)

Sabiex jiġu żgurati l-implimentazzjoni korretta tal-miżuri restrittivi u l-protezzjoni adegwata tal-operaturi tal-Unjoni, huwa xieraq li, skont l-Artikolu 11a tar-Regolament (UE) Nru 269/2014, l-operaturi tal-Unjoni jkunu intitolati li jfittxu, fi proċedimenti ġudizzjarji quddiem il-qrati kompetenti ta’ Stat Membru, kumpens fir-rigward ta’ ċerti danni diretti jew indiretti mġarrba b’riżultat ta’ talbiet ippreżentati mill-entitajiet jew mill-persuni msemmija fl-Artikolu 11(1), il-punt (a) jew (b), ta’ dak ir-Regolament, inkluż danni mġarrba minn persuni ġuridiċi, entitajiet jew korpi li dawk l-operaturi tal-Unjoni huma sidien tagħhom jew li jikkontrollaw, soġġett għar-regoli nazzjonali dwar il-projbizzjoni tal-irkupru doppju. Barra minn hekk, jenħtieġ li l-operaturi tal-Unjoni jkunu jistgħu jfittxu danni minn persuni, entitajiet jew korpi li huma s-sidien jew li jikkontrollaw l-entitajiet jew il-korpi msemmija fl-Artikolu 11(1), il-punt (a) jew (b), tar-Regolament (UE) Nru 269/2014. F’sitwazzjonijiet fejn ir-Russja jew pajjiż terz ieħor jieħdu miżuri biex ixekklu l-konformità mar-Regolament (UE) Nru 269/2014, l-operaturi tal-Unjoni jistgħu jitqiesu bħala li huma de facto mċaħħda milli jkollhom aċċess effettiv għar-rimedji f’dawk il-ġuriżdizzjonijiet domestiċi.

(10)

Sabiex jiġu żgurati l-implimentazzjoni effettiva tal-miżuri restrittivi u jiġu rimedjati sitwazzjonijiet possibbli ta’ ċaħda ta’ ġustizzja, huwa xieraq li jiġi previst forum necessitatis biex jippermetti lil qorti ta’ Stat Membru, fuq bażi eċċezzjonali, tiddeċiedi dwar talba għad-danni mressqa skont l-Artikolu 11a tar-Regolament (UE) Nru 269/2014 meta l-liġi tal-Unjoni jew il-liġi ta’ Stat Membru ma tistabbilixxix il-ġuriżdizzjoni tal-qorti ta’ kwalunkwe Stat Membru partikolari. Madankollu, il-ġuriżdizzjoni bbażata fuq il-forum necessitatis jenħtieġ li tiġi eżerċitata biss meta kawża tkun konnessa biżżejjed mal-Istat Membru tal-qorti invokata, pereżempju meta r-rikorrent ikun domiċiljat fi, jew inkorporat taħt il-liġi ta’, dak l-Istat Membru.

(11)

Ir-Regolament (UE) Nru 269/2014 japplika biss fil-limiti ġuriżdizzjonali definiti fl-Artikolu 17 tiegħu. Fl-istess ħin, jekk l-operaturi tal-Unjoni jkunu jistgħu u jasserixxu b’mod effettiv influwenza deċiżiva fuq it-tmexxija ta’ persuna ġuridika, entità jew korp stabbiliti barra mill-Unjoni, dawn jistgħu jkunu responsabbli għall-azzjonijiet ta’ dik il-persuna fiżika, l-entità jew il-korp li jfixklu l-miżuri restrittivi u jenħtieġ li jużaw l-influwenza tagħhom biex jipprevjenu dawk l-azzjonijiet milli jseħħu.

(12)

Tali influwenza tista’ tirriżulta mis-sjieda jew mill-kontroll fuq il-persuna ġuridika, l-entità jew il-korp. Sjieda tfisser il-pussess ta’ 50 % jew aktar tad-drittijiet proprjetarji tal-persuna ġuridika, l-entità jew il-korp, jew interess maġġoritarju fihom. L-elementi li jindikaw kontroll jinkludu: id-dritt jew is-setgħa li tinħatar jew titneħħa maġġoranza tal-membri tal-korp amministrattiv, maniġerjali jew superviżorju; id-dritt li jintużaw l-assi kollha tal-persuna ġuridika, l-entità jew il-korp, jew parti minnhom; il-ġestjoni tan-negozju tal-persuna ġuridika, l-entità jew il-korp fuq bażi unifikata, filwaqt li jiġu ppubblikati kontijiet konsolidati; jew id-dritt li tiġi eżerċitata influwenza dominanti fuq il-persuna ġuridika, l-entità jew il-korp.

(13)

Huwa xieraq li l-operaturi tal-Unjoni jkunu meħtieġa jagħmlu mill-aħjar tagħhom biex jiżguraw li l-persuni ġuridiċi, l-entitajiet u l-korpi stabbiliti barra mill-Unjoni li jkollhom fis-sjieda jew li jikkontrollaw ma jipparteċipawx f’attivitajiet li jfixklu l-miżuri restrittivi previsti fir-Regolament (UE) Nru 269/2014. Tali attivitajiet huma dawk li jirriżultaw f’effett li dawk il-miżuri restrittivi jfittxu li jipprevjenu, pereżempju, li fondi jew riżorsi ekonomiċi jitqiegħdu għad-dispożizzjoni ta’ persuna elenkata fl-Anness I tar-Regolament (UE) Nru 269/2014.

(14)

Jenħtieġ li l-aħjar sforzi jinftiehmu li jkunu l-azzjonijiet kollha xierqa u meħtieġa għall-kisba tar-riżultat li jkun il-prevenzjoni tat-tfixkil tal-miżuri restrittivi fir-Regolament (UE) Nru 269/2014. Dawk l-azzjonijiet jistgħu jinkludu, pereżempju, l-implimentazzjoni ta’ politiki, kontrolli u proċeduri xierqa għall-mitigazzjoni u l-immaniġġar effettivi tar-riskju, waqt li jitqiesu fatturi bħall-pajjiż terz tal-istabbiliment, is-settur ta’ negozju u t-tip ta’ attività tal-persuna ġuridika, entità jew korp proprjetà tal-operatur tal-Unjoni jew taħt il-kontroll tiegħu. Fl-istess ħin, l-aħjar sforzi jenħtieġ li jinftiehmu bħala li jinkludu biss azzjonijiet li huma fattibbli għall-operatur tal-Unjoni minħabba n-natura tiegħu, id-daqs tiegħu u ċ-ċirkostanzi fattwali rilevanti, b’mod partikolari l-grad ta’ kontroll effettiv fuq il-persuna ġuridika, l-entità jew il-korp stabbiliti barra mill-Unjoni. Tali ċirkostanzi jinkludu s-sitwazzjoni fejn l-operatur tal-Unjoni, minħabba raġunijiet li ma kkawżax huwa stess, bħal-leġiżlazzjoni ta’ pajjiż terz, ma jkunx jista’ jeżerċita kontroll fuq persuna ġuridika, entità jew korp li huwa s-sid tagħhom.

(15)

Huwa xieraq li jsiru għadd ta’ emendi tekniċi sabiex tiġi żgurata ċ-ċarezza ta’ ċerti dispożizzjonijiet tar-Regolament (UE) Nru 269/2014, inklużi dawk li jikkonċernaw dokumenti miżmuma mill-istituzzjonijiet tal-Unjoni u l-ipproċessar ta’ data personali.

(16)

Dawn il-miżuri jaqgħu fil-kamp ta’ applikazzjoni tat-Trattat dwar il-Funzjonament tal-Unjoni Ewropea u għalhekk, b’mod partikolari bil-ħsieb li tiġi żgurata l-applikazzjoni uniformi tagħhom fl-Istati Membri kollha, hija meħtieġa azzjoni regolatorja fil-livell tal-Unjoni.

(17)

Għalhekk, ir-Regolament (KE) Nru 269/2014 jenħtieġ li jiġi emendat skont dan,

(1)

fl-Artikolu 3(1), jiżdiedu l-punti li ġejjin:

;

(2)

l-Artikolu 6a huwa emendat kif ġej:

(3)

l-Artikolu 6b huwa emendat kif ġej:

(4)

l-Artikolu 8 huwa emendat kif ġej:

(5)

jiddaħħal l-Artikolu li ġej:

(6)

l-Artikolu 11a huwa sostitwit b’dan li ġej:

(7)

jiddaħħal l-Artikolu li ġej:

(8)

fl-Artikolu 12(1), jiżdied il-punt li ġej:

;

(9)

jiddaħħal l-Artikolu li ġej:

(10)

fl-Artikolu 16a, il-paragrafu 2 huwa sostitwit b’dan li ġej: