(1)

De bhun Airteagal 5 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach (CAE) agus leis an gConradh ar Fheidhmiú an Aontais Eorpaigh (CFAE), go dtí an 30 Meitheamh 2022, ní raibh an Danmhairg rannpháirteach i ndréachtú, glacadh ná cur chun feidhme cinntí agus gníomhaíochtaí de chuid an Aontais bunaithe ar Airteagal 26(1), Airteagal 42, agus Airteagail 43 go 46 de CAE a raibh impleachtaí cosanta acu. Go dtí an dáta céanna, níor rannchuidigh an Danmhairg le maoiniú an chaiteachais oibríochtúil a thig ó na bearta sin agus níor chuir sí cumais mhíleata ar fáil don Aontas.

(2)

An 1 Meitheamh 2022, reáchtáladh reifreann sa Danmhairg maidir le cúlghairm na díolúine i gcinntí agus i ngníomhaíochtaí de chuid an Aontais a bhfuil impleachtaí cosanta acu a a leagtar síos in Airteagal 5 de Phrótacal Uimh. 22.

(3)

An 20 Meitheamh 2022, trí bhíthin litreach óna hAire Gnóthaí Eachtracha, i gcomhréir le hAirteagal 7 de Phrótacal Uimh. 22, chuir an Danmhairg in iúl do na Ballstáit eile nach mian léi leas a bhaint a thuilleadh as Airteagal 5 de Phrótacal Uimh. 22 ón 1 Iúil 2022.

(4)

De bhun Airteagal 7 de Phrótacal Uimh 22, ón 1 Iúil 2022, cuireann an Danmhairg i bhfeidhm go hiomlán na bearta ábhartha uile a bhí i bhfeidhm ar an dáta sin arna nglacadh i gcreat an Aontais agus tá an seasamh céanna aici agus atá ag na Ballstáit eile a mhéid a bhaineann le dréachtú, glacadh agus cur chun feidhme cinntí agus gníomhaíochtaí de chuid an Aontais a bhfuil impleachtaí cosanta acu. Ón dáta céanna, tá an seasamh céanna ag an Danmhairg agus atá ag na Ballstáit eile a mhéid a bhaineann lena rannchuidiú le maoiniú caiteachais a thig ó na bearta sin agus a mhéid a bhaineann le cumais mhíleata a chur ar fáil don Aontas.

(5)

Dá réir sin, ón 1 Iúil 2022, cuireann an Danmhairg na cinntí arna nglacadh ag an gComhairle i bhfeidhm ar bhonn na n-airteagal ábhartha de Theideal V, Caibidil 2, CAE. Ar an gcaoi chéanna, ón dáta sin, cuireann an Danmhairg i bhfeidhm na cinntí arna nglacadh ag an gCoiste Polaitiúil agus Slándála de bhun Airteagal 38, an tríú mír, CAE a bhaineann le rialú polaitiúil agus stiúradh straitéiseach na n-oibríochtaí bainistíochta géarchéime, dá dtagraítear in Airteagail 42 agus 43 CAE, a bhfuil impleachtaí cosanta acu.

(6)

Chun deimhneacht dhlíthiúil a áirithiú laistigh den Aontas, ba cheart a shoiléiriú, ón 1 Iúil 2022, nach bhfuil feidhm a thuilleadh ag gach tagairt d’Airteagal 5 de Phrótacal Uimh. 22 i gcinntí ón gComhairle arna nglacadh faoi Theideal V, Caibidil 2 CAE agus atá i bhfeidhm ar an dáta sin.

(7)

Ar an gcúis chéanna, ba cheart forálacha ábhartha i gcinntí ón gComhairle arna nglacadh faoi Theideal V, Caibidil 2, CAE agus atá i bhfeidhm tráth glactha an Chinnidh seo, agus lena gcuirtear Airteagal 5 de Phrótacal Uimh. 22 chun feidhme, a scriosadh,

—

Ón 1 Iúil 2022, ní bheidh feidhm a thuilleadh ag aon tagairt do sheasamh na Danmhairge atá bunaithe ar Airteagal 5 de Phrótacal Uimh. 22 i gcinntí arna nglacadh ag an gComhairle de bhun Theideal V, Caibidil 2, CAE;

—

Ón 1 Iúil 2022, ní bheidh feidhm a thuilleadh ag aon tagairt do sheasamh na Danmhairge bunaithe ar Airteagal 5 de Phrótacal Uimh. 22 i gcinntí arna nglacadh ag an gCoiste Polaitiúil agus Slándála de bhun Airteagal 38, an tríú mír, CAE maidir le rialú polaitiúil agus stiúradh straitéiseach na n-oibríochtaí bainistíochta géarchéime dá dtagraítear in Airteagail 42 agus 43 CAE, a bhfuil impleachtaí cosanta acu.

(1)

in Airteagal 5, scriostar mír 4;

(2)

in Airteagal 26, cuirtear an méid seo a leanas in ionad mhír 3:

(3)

in Airteagal 45, cuirtear an méid seo a leanas in ionad mjír 1:

(4)

in Airteagal 52, cuirtear an méid seo a leanas in ionad mhír 7:

(1)

in Airteagal 10, cuirtear an méid seo a leanas in ionad mír 3:

(2)

Scriostar Airteagal 17.