(1)

Chuir na Ballstáit liosta na suiteálacha laistigh dá gcríoch faoi bhráid an Choimisiúin de bhun Airteagal 11(1) de Threoir 2003/87/CE (2).

(2)

I gcomhréir le hAirteagal 2 de Chinneadh (AE) 2021/355 ón gCoimisiún (3), ní dhearna an Coimisiún aon agóid i gcoinne liostaí na suiteálacha a chumhdaítear le Treoir 2003/87/CE faoi mar a thíolaic an Bheilg, an Bhulgáir, an tSeicia, an Danmhairg, an Ghearmáin, an Eastóin, Éire, an Ghréig, an Spáinn, an Fhrainc, an Chróit, an Iodáil, an Chipir, an Laitvia, an Liotuáin, Lucsamburg, an Ungáir, an Ísiltír, an Ostair, an Pholainn, an Phortaingéil, an Rómáin, an tSlóivéin, an tSlóvaic, an Fhionlainn agus an tSualainn, seachas mar a leagtar amach in Airteagal 1 den Chinneadh sin agus na hIarscríbhinní a ghabhann leis.

(3)

Maidir le réamh-mhéideanna bliantúla na lamháltas saor in aisce in aghaidh na suiteála, rinne na Ballstáit iad a chinneadh agus thug siad fógra ina leith trí úsáid a bhaint as na luachanna tagarmhairc athbhreithnithe arna gcinneadh i Rialachán Cur Chun Feidhme (AE) 2021/447 ón gCoimisiún (4), de bhun Airteagal 14(5) de Rialachán Tarmligthe (AE) 2019/331 ón gCoimisiún (5).

(4)

In Airteagal 1 de Chinneadh Cur Chun Feidhme (AE) 2021/927 ón gCoimisiún (6), ba é an cinneadh ann nár ghá aon choigeartú a chur i bhfeidhm ar réamh-mhéideanna bliantúla na lamháltas saor in aisce de bhun Airteagal 10a(5) de Threoir 2003/87/CE, toisc nár mhó an t-éileamh ná an t-uasmhéid.

(5)

Thug an tSeicia fógra maidir le hathruithe ar a tábla náisiúnta leithdháilte, le litir dar dáta an 6 Iúil 2022. Rinneadh suiteáil CZ-127 a thuairisciú sa tábla náisiúnta leithdháilte tosaigh leis an uimhir aitheantais mhícheart le haghaidh chuntas na clárlainne. Cuirtear an uimhir cheart bhuan in ionad uimhir aitheantais CZ-126.

(6)

Thug an Danmhairg fógra maidir le hathruithe ar a tábla náisiúnta leithdháilte, le litir dar dáta an 2 Nollaig 2022. Ceartaíodh leibhéil ghníomhaíochta stairiúla na bhfoshuiteálacha teasa a bhaineann le suiteálacha DK-265, DK-305 agus DK-375.

(7)

Thug an Ghearmáin fógra maidir le hathruithe ar a tábla náisiúnta leithdháilte, le litir dar dáta an 29 Samhain 2022. Tuairiscíodh coigeartuithe ar na sreafaí teasa a mhalartaítear le líonra teasa maidir le suiteálacha DE-43 agus DE-2495, rud a fhágann go bhfuil fachtóirí ceartaithe ann le haghaidh teas neamh-CTA agus go n-aistrítear leithdháileadh saor in aisce idir foshuiteálacha teasa a bhaineann le suiteáil DE-43. Mar thoradh ar cheartúchán maidir le haicéitiléin, ceartaíodh leibhéil ghníomhaíochta stairiúla na foshuiteála breosla agus na foshuiteála astaíochtaí próisis a bhaineann le suiteáil DE-235. Maidir le hearráidí i ríomh an leibhéil gníomhaíochta stairiúil le haghaidh foshuiteálacha teasa i suiteálacha DE-892, DE-941, DE-203778, DE-203812 agus DE-206021, rinneadh iad a shainaithint agus a cheartú. Ceartaíodh na leibhéil ghníomhaíochta stairiúla le haghaidh na foshuiteála teasa agus na foshuiteála breosla a bhaineann le suiteáil DE-205609, tar éis botúin a bhrath i dtomhas an gháis nádúrtha. Rinneadh stádas gineadóra leictreachais shuiteáil DE-4111 a cheartú go gineadóir leictreachais. Tá onnmhaireoir teasa amháin nach cuid é de CTA AE a thuilleadh, rud a rinne laghdú ar an leithdháileadh ar shuiteáil DE-4170. Ceartaíodh earráidí in ídiú leictreachais agus san fhachtóir malartaithe leictreachais maidir le foshuiteáil na hocsaíde eitiléine/na ngliocól eitiléine a bhaineann le suiteáil DE-202606. Ceartaíodh bunús an allmhaire teasa intomhaiste a bhaineann le suiteáil DE-1439 ó shuiteáil CTA AE a bhaineann le suiteáil neamh-CTA. Rinneadh cuid den teas onnmhairithe ó shuiteáil DE-1439 a shainaithint agus a cheartú go stádas sceite carbóin, rud a d’fhág gur cruthaíodh foshuiteáil teasa sceite carbóin. Toisc gur cuireadh dramhtheas neamhthuairiscithe san áireamh, tháinig méadú ar leibhéal gníomhaíochta stairiúil na foshuiteála teasa agus tháinig laghdú ar leibhéal gníomhaíochta stairiúil na foshuiteála breosla a bhaineann le DE-205540. Tar éis imeacht cúirte, tá suiteáil DE-204581 roinnte ina suiteáil DE-204581 agus ina suiteáil DE-493. Tá suiteáil DE-204581 lasmuigh de CTA AE ós rud é nach ndéanann sí aon ghníomhaíocht lena gcruthaítear astaíochtaí gás ceaptha teasa. Cumhdaítear suiteáil DE-493 faoi CTA AE chun teas intomhaiste a tháirgeadh agus a onnmhairiú chuig úsáideoirí éagsúla lena n-áirítear suiteáil DE-204581.

(8)

Thug Éire fógra maidir le hathruithe ar a tábla náisiúnta leithdháilte, le litir dar dáta an 24 Bealtaine 2022. Ceartaíodh stádas gineadóra leictreachais shuiteáil IE-130 go neamhghineadóir leictreachais.

(9)

Thug an Spáinn fógra maidir le hathruithe ar a tábla náisiúnta leithdháilte, le litir dar dáta an 2 Nollaig 2022. Ceartaíodh dáta tosaigh oibriú na foshuiteála dolaimíte sintéaraithe a bhaineann le suiteáil ES-158. Mar thoradh ar thomhais mhíchearta ar shreafaí teasa intomhaiste, rinneadh rómheastachán ar leibhéal gníomhaíochta stairiúil na foshuiteála teasa a bhaineann le suiteáil ES-890. Le tomhais cheartaithe, leagtar amach leibhéal gníomhaíochta stairiúil nua. Earráidí i ríomh na leibhéal gníomhaíochta stairiúil le haghaidh na bhfoshuiteálacha teasa a bhaineann le suiteálacha ES-932 agus ES-201855, rinneadh iad a shainaithint agus a cheartú. Rinneadh teas a onnmhairíodh chuig suiteáil neamh-ETS a shannadh go mícheart don fhoshuiteáil amóinia, teas ar cheart é a shannadh don fhoshuiteáil teasa laistigh de shuiteáil ES-201855. Is éard atá i gceist le ceartúchán maidir leis an teas onnmhairithe freisin coigeartuithe ar astaíochtaí na foshuiteála sin agus ar inmhalartacht an fhachtóra breosla agus leictreachais a bhaineann leis an bhfoshuiteáil amóinia. Le ceartúchán ar chód PRODCOM, athraíodh an stádas sceite carbóin go stádas sceite neamh-charbóin maidir le suiteáil ES-202877.

(10)

Thug an Fhrainc fógra maidir le hathruithe ar a tábla náisiúnta leithdháilte, le litir dar dáta an 1 Nollaig 2022. Ceartaíodh leibhéal gníomhaíochta stairiúil na foshuiteála le tagarmharc teochta a bhaineann le suiteáil FR-1020. Mar thoradh ar cheartúcháin ar an gcothromú teasa agus ar an stádas sceite carbóin a bhí ag cuid den táirgeadh, tháinig méadú ar leibhéal gníomhaíochta stairiúil na foshuiteála le tagarmharc teochta sceite carbóin agus tháinig laghdú ar leibhéal gníomhaíochta stairiúil na foshuiteála le tagarmharc teochta sceite neamh-charbóin a bhaineann le FR-182. Mar thoradh ar cheartúcháin, tháinig laghdú ar leibhéal gníomhaíochta stairiúil na foshuiteála olla carraige agus cuireadh foshuiteáil le tagarmharc breosla sceite carbóin i suiteáil FR-1163.

(11)

Thug an Iodáil fógra maidir le hathruithe ar a tábla náisiúnta leithdháilte, le litreacha dar dáta an 11 Iúil 2022, an 22 Samhain 2022 agus an 2 Nollaig 2022. Ceartaíodh leibhéal gníomhaíochta stairiúil na foshuiteála gloine ar snámh i suiteáil IT-493. Ceartaíodh an nasc teicniúil le suiteáil IT-654, rud a d’fhág go n-athrófaí an fhoshuiteáil teasa ina foshuiteáil téimh ceantair. Déantar IT-217620 a thabhairt isteach arís sa leithdháileadh saor in aisce faoin gCóras Trádála Astaíochtaí le huimhir aitheantais clárlainne cheartaithe. Mar thoradh ar cheartúcháin ar shonraí an teasa intomhaiste, tháinig laghdú ar leibhéal gníomhaíochta stairiúil na foshuiteála le tagarmharc teochta agus tháinig méadú ar leibhéal gníomhaíochta stairiúil na foshuiteála le tagarmharc breosla a bhaineann le suiteáil IT-457.

(12)

Thug an Ungáir fógra maidir le hathruithe ar a tábla náisiúnta leithdháilte, le litir dar dáta an 1 Nollaig 2022. Áiríodh an teas eisiteirmeach ón bpróiseas neodraithe i leibhéal gníomhaíochta na foshuiteála teasa i suiteáil HU-153.

(13)

Thug an Laitvia fógra maidir le hathruithe ar a tábla náisiúnta leithdháilte, le litir dar dáta an 1 Nollaig 2022. Tháinig méadú ar leibhéal gníomhaíochta stairiúil na foshuiteála téimh ceantair a bhaineann le suiteáil LV-206234 mar thoradh ar cheartúcháin ar an gcothromú teasa.

(14)

Thug an Ísiltír fógra maidir le hathruithe ar a tábla náisiúnta leithdháilte, le litreacha dar dáta an 8 Márta 2022, an 23 Márta 2022, an 16 Meitheamh 2022, an 14 Deireadh Fómhair 2022 agus an 24 Deireadh Fómhair 2022. Caitheadh le foinse teasa trí bhotún mar theas incháilithe faoin bhfoshuiteáil teasa a bhaineann le suiteáil NL-366. Ina theannta sin, níor cuireadh aon teas tuairiscithe isteach san fhoshuiteáil hidrigine a bhaineann le suiteáil NL-366. Ceartaíodh an dá shaincheist. Ceartaíodh leibhéal gníomhaíochta stairiúil na foshuiteála teasa sceite carbóin a bhaineann le suiteáil NL-54. Ceartaíodh leibhéal gníomhaíochta stairiúil na foshuiteála astaíochtaí próisis a bhaineann le suiteáil NL-110. Ceartaíodh earráidí in ídiú leictreachais agus san fhachtóir malartaithe leictreachais maidir le foshuiteáil na stiréine a bhaineann le suiteáil NL-205924. Ceartaíodh an cothromú dramhgháis agus an cothromú teasa a bhaineann le NL-205924 freisin. Ceartaíodh neamhréireachtaí i dtaca leis na teorainneacha agus na ríomhanna maidir leis an bhfoshuiteáil astaíochtaí próisis a bhaineann le suiteáil NL-205926.

(15)

Thug an Rómáin fógra maidir le hathruithe ar a tábla náisiúnta leithdháilte, le litir dar dáta an 14 Samhain 2022. Tháinig laghdú ar leibhéal gníomhaíochta stairiúil na foshuiteála téimh ceantair a bhaineann le suiteáil RO-207234 mar thoradh ar cheartúcháin ar an gcothromú teasa.

(16)

Thug an tSualainn fógra maidir le ceartúcháin ar a tábla náisiúnta leithdháilte le litir dar dáta an 1 Nollaig 2022. Laghdaíodh leibhéal gníomhaíochta stairiúil fhoshuiteáil an mhínpháipéir neamhbhrataithe go dtí suiteáil SE-471. Áiríodh sna sonraí níos luaithe táirgí gan díol a chuaigh ar ais go dtí an próiseas. Rinneadh an chuid sin a asbhaint ón leibhéal gníomhaíochta stairiúil. Laghdaíodh leibhéal gníomhaíochta stairiúil fhoshuiteálacha na gclár cartáin brataithe agus neamhbhrataithe a bhaineann le suiteáil SE-475. Áiríodh sna sonraí níos luaithe táirgí gan díol a chuaigh ar ais go dtí an próiseas. Rinneadh an chuid sin a asbhaint ón leibhéal gníomhaíochta stairiúil.

(17)

Tá na táblaí náisiúnta leithdháilte faoina dtugtar fógra i gcomhréir le Treoir 2003/87/CE agus i gcomhréir le Rialachán Tarmligthe (AE) 2019/331 ón gCoimisiún agus i gcomhréir le Cinneadh (AE) 2021/355 ón gCoimisiún,