This document is an excerpt from the EUR-Lex website
EU restrictive measures in view of Türkiye’s unauthorised drilling activities in the eastern Mediterranean
Bearta sriantacha an Aontais i bhfianaise gníomhaíochtaí druileála neamhúdaraithe Türkiye in oirthear na Meánmhara
Bearta sriantacha an Aontais i bhfianaise gníomhaíochtaí druileála neamhúdaraithe Türkiye in oirthear na Meánmhara
Tugtar isteach leis an gcinneadh creat chun bearta sriantacha a chur i bhfeidhm ar dhaoine aonair agus ar eintitis a bhfuil baint acu le druileáil neamhúdaraithe Türkiye le haghaidh ola agus gáis in oirthear na Meánmhara.
Bearta sriantacha
Cuirfear bearta sriantacha i bhfeidhm maidir le daoine aonair, comhlachtaí agus eintitis, agus maidir lena gcomhpháirtithe a liostaítear san Iarscríbhinn:
Chun a dtionchar a uasmhéadú, spreagann an tAontas tíortha nach bhfuil san Aontas chun bearta sriantacha comhchosúla a ghlacadh.
Toirmisc taistil
Ní mór do Bhallstáit an Aontais cosc a chur ar dhaoine aonair (mar a liostaítear san Iarscríbhinn) dul isteach nó idirthuras a dhéanamh trína gcríocha.
Tá feidhm ag na heisceachtaí seo a leanas:
Srianta airgeadais
Reoitear na cistí agus na hacmhainní eacnamaíocha uile ar le daoine aonair, comhlachtaí agus eintitis liostaithe iad, atá faoi úinéireacht, á sealbhú nó á rialú acu.
Ní féidir aon chistí ná acmhainní eacnamaíocha a chur ar fáil go díreach ná go hindíreach dóibh siúd atá liostaithe san Iarscríbhinn ná chun tairbhe na gcistí ná na n-acmhainní sin.
Féadfaidh na Ballstáit a údarú cistí reoite nó acmhainní eacnamaíocha áirithe a scaoileadh:
Daoine aonair agus eintitis atá faoi réir bearta sriantacha
Déanann Comhairle an Aontais Eorpaigh, trí chomhaontú d’aon toil, an liosta atá leagtha amach san Iarscríbhinn, ag gníomhú di ar thograí ó na Ballstáit nó ó Ardionadaí an Aontais do Ghnóthaí Eachtracha agus don Bheartas Slándála, a bhunú agus a leasú. Déantar athbhreithniú leanúnach ar an gcinneadh agus déantar é a athnuachan nó a leasú, de réir mar is iomchuí, má chinneann an Chomhairle nár comhlíonadh a chuspóirí.
Liostaíodh na daoine seo a leanas an 27 Feabhra 2020.
Tá sé i bhfeidhm ón 13 Samhain 2019.
Le haghaidh tuilleadh faisnéise, féach:
Cinneadh (CBES) 2019/1894 ón gComhairle an 11 Samhain 2019 maidir le bearta sriantacha i bhfianaise ghníomhaíochtaí druileála neamhúdaraithe na Tuirce sa Mheánmhuir Thoir (IO L 291, 12.11.2019, lgh. 47–53).
Ionchorpraíodh sa bhuntéacs leasuithe i ndiaidh a chéile ar Chinneadh (CBES) 2019/1894. Níl de luach ar an leagan comhdhlúite seo ach luach doiciméadach amháin.
Nuashonraithe 10.03.2023