This document is an excerpt from the EUR-Lex website
Tackling global climate change after 2020 (Paris Protocol)
Dul i ngleic leis an athrú aeráide domhanda tar éis 2020 (Prótacal Pháras)
Dul i ngleic leis an athrú aeráide domhanda tar éis 2020 (Prótacal Pháras)
- Date of last review:
- 28/11/2016
- Author:
- Oifig Foilseachán an Aontais Eorpaigh
- Responsible entity(ies):
- Oifig Foilseachán an Aontais Eorpaigh
- Summarised document(s):
- Summary code:
-
- 20.01.01.04 Comhaontuithe idirnáisiúnta
- EUROVOC descriptor:
- Directory code:
Dul i ngleic leis an athrú aeráide domhanda tar éis 2020 (Prótacal Pháras)
ACHOIMRE AR:
CAD IS AIDHM LEIS AN TEACHTAIREACHT?
- Tá cur síos inti ar ról ceannródaíochta an Aontais Eorpaigh (AE) maidir lena áitiú go leagfaí síos spriocanna uaillmhianacha i gcomhaontú atá ina cheangal dlí, Creat-Choinbhinsiún na Náisiún Aontaithe ar an Athrú Aeráide. Mura dtabharfar faoi ghníomhaíocht phráinneach, déanfaidh an t-athrú aeráide dochar mór, nach féidir a chur ina cheart, don chine dhaonna agus don chomhshaol. Ní mór do na tíortha uile laghdú mór a dhéanamh ar a gcuid astaíochtaí gás ceaptha teasa anois.
- Leagtar amach inti cuspóirí AE i leith chomhdháil Pháras ar an athrú aeráide agus conas a d’fhéadfaí iad sin a bhaint amach. Áirítear leo an sprioc fhadtéarmach i ndáil le laghdú 60 % ar a laghad faoi leibhéil na bliana 2010 a dhéanamh ar na hastaíochtaí domhanda faoi 2050.
PRÍOMHPHOINTÍ
Ba chóir go ndéanfaí an méid seo a leanas sa chomhaontú, ar a dtugtar Prótacal Pháras:
- rannpháirtíocht an oiread tíortha agus is féidir, agus cuimsiú cuimsitheach na n-earnálacha go léir a áireamh, lena n-áirítear earnáil na talmhaíochta, aeriompair agus iompair mhuirí idirnáisiúnta, agus astaíochtaí;
- gealltanais stóinsithe a áireamh d’fhonn éifeachtaí an athraithe aeráide a mhaolú;
- athbhreithniú rialta a dhéanamh ar na hiarrachtaí maolaithe sin gach 5 bliana i ndiaidh 2020;
- rialacha a bheith ann i dtaobh faireachán, tuairisciú agus fíorú a dhéanamh lena chinntiú go bhfuil gach tír a shínigh an comhaontú ar an mbóthar ceart chun a cuid gealltanas a chomhlíonadh;
- infheistíocht a chur chun cinn, trí mhaoiniú poiblí agus maoiniú príobháideach, i gcláir agus beartais ar astaíochtaí ísle, atá athléimneach ó thaobh na haeráide de;
- malartú níos córasaí a spreagadh ar thaithí agus ar an dea-chleachtas in áiteanna éagsúla ar domhan agus eatarthu;
- tacú le forbairt agus le húsáid raon leathan teicneolaíochtaí aeráide, lena n-áirítear táirgeadh fuinnimh, córais bainistíochta uisce agus teicneolaíochtaí chun cur i gcoinne éifeachtaí na hadhaimsire.
Chuir AE dlús faoina chuid taidhleoireachta aeráide roimh Chomhdháil Pháras. Tá plean gníomhaíochta i dtaobh taidhleoireacht aeráide formhuinithe aige. Tá sé ag baint leas as a lán beartas eile — comhar geilleagrach agus comhar um fhorbairt, taighde, teicneolaíocht, nuálaíocht, trádáil, comhshaol agus laghdú rioscaí tubaiste — chun tacú lena chuspóirí agus chun cuidiú lena chomhpháirtithe a gcuid gealltanas a chur chun feidhme.
Cuireadh an chaibidlíocht i gcrích i bPáras i mí na Nollag 2015. Cuirfear an comhaontú nua chun feidhme ó 2020 ar aghaidh.
CÚLRA
Tá torthaí le sonrú de bharr bheartais aeráide agus fuinnimh AE. Tháinig laghdú 23 % ar astaíochtaí in AE idir 1990 agus 2014, tráth ar tháinig méadú 46 % ar an OTI. Tá bearta suntasacha déanta ag AE ionas go mbeidh sé ar an ngeilleagar is éifeachtaí ar domhan i dtaobh astaíochtaí. I mí Dheireadh Fómhair 2014, chomhaontaigh ceannairí AE creat nua aeráide agus fuinnimh faoi choinne 2030, agus é ina sprioc laghdú 40 % ar a laghad a dhéanamh ar astaíochtaí gás ceaptha teasa i gcomparáid le leibhéil na bliana 1990.
Le haghaidh tuilleadh faisnéise, féach:
- Comhaontú Pháras ar shuíomh gréasáin an Choimisiúin Eorpaigh.
PRÍOMHDHOICIMÉAD
Teachtaireacht ón gCoimisiún chuig Parlaimint na hEorpa agus chuig an gComhairle: Prótacal Pháras — Treoirphlean le haghaidh dul i ngleic leis an athrú aeráide domhanda tar éis 2020 (COM(2015) 81 final, )
nuashonrú is deireanaí
