(1)

Le Rialachán Tarmligthe (AE) Uimh. 1151/2014 ón gCoimisiún (2) sonraítear an fhaisnéis nach mór d’institiúidí creidmheasa fógra a thabhairt ina leith agus an ceart bunaíochta agus an tsaoirse seirbhísí a chur ar fáil á gcleachtadh.

(2)

Chun cóineasú a chothú i gcleachtais mheasúnaithe na n-údarás inniúil ar an bhfógra a chuireann institiúidí creidmheasa isteach, ba cheart mionsonrú breise a dhéanamh ar an bhfaisnéis a shonraítear i Rialachán Tarmligthe (AE) Uimh. 1151/2014. Ina theannta sin, ní mór tagairtí áirithe do ghníomhartha dlí a thabhairt cothrom le dáta chun deimhneacht dhlíthiúil a áirithiú.

(3)

Ba cheart an fhaisnéis a chuireann institiúid chreidmheasa isteach i bhfógra pas brainse a bheith mionsonraithe go leor chun a áirithiú go bhféadfaidh údarás inniúil an Bhallstáit baile measúnú cruinn cuimsitheach a dhéanamh ar acmhainneacht na hinstitiúide na gníomhaíochtaí a dhéanamh a gcuirtear an fógra pas isteach ina leith. Chun na críche sin, ba cheart a lua san fhaisnéis a chuirtear ar fáil dáta tosaigh beartaithe gach gníomhaíochta seachas díreach dáta tosaigh beartaithe na bpríomhghníomhaíochtaí gnó amháin. Ar an gcaoi chéanna, sa phlean airgeadais ina mbeidh réamhaisnéisí ar chlár comhardaithe agus ar chuntas brabúis agus caillteanais lena gcumhdaítear tréimhse 3 bliana, ba cheart na toimhdí foluiteacha a chuimsiú.

(4)

D’fhonn méadú a dhéanamh ar éifeachtúlacht shainaithint na hinstitiúide creidmheasa sa chumarsáid idir údaráis inniúla an Bhallstáit baile nó an Bhallstáit is óstach nó sa chumarsáid idir an Ballstát baile nó an Ballstát is óstach agus an institiúid chreidmheasa i gceist, ba cheart, leis an bhfaisnéis a chuireann an institiúid chreidmheasa ar fáil do na húdaráis inniúla, cód tagartha náisiúnta agus Aitheantóir Eintitis Dhlítheanaigh na hinstitiúide creidmheasa a léiriú, i gcás ina bhfuil an méid sin ar fáil.

(5)

Tá sé tábhachtach sábháilteacht taiscí a áirithiú agus feabhas a bheith ag teacht le deimhneacht dhlíthiúil agus iontaofacht fhíorasach na faisnéise airgeadais a chuireann an institiúid chreidmheasa ar fáil do na húdaráis inniúla. Dá bharr sin, ní mór don institiúid chreidmheasa sin, agus teachtaireacht á cur isteach aici maidir le foirceannadh brainse atá beartaithe, fógra a thabhairt don údarás inniúil faoi na bearta a tógadh nó atá á dtógáil chun a áirithiú nach gcoinneoidh an institiúid chreidmheasa taiscí nó cistí inaisíoctha ón bpobal tríd an mbrainse tar éis di an brainse sin a fhoirceannadh.

(6)

Ba cheart an fógra pas brainse a bheith mionsonraithe go leor chun a áirithiú go bhféadfaidh údarás inniúil an Bhallstáit baile measúnú cruinn cuimsitheach a dhéanamh ar acmhainneacht na hinstitiúide na gníomhaíochtaí a dhéanamh a gcuirtear an fógra pas isteach ina leith. Ba cheart a lua san fhaisnéis a chuirtear ar fáil, dá bhrí sin, dáta tosaigh beartaithe gach gníomhaíochta seachas díreach dáta tosaigh beartaithe na bpríomhghníomhaíochtaí gnó.

(7)

Ba cheart, dá bhrí sin, Rialachán Tarmligthe (AE) Uimh. 1151/2014 a leasú dá réir sin.

(8)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Baincéireachta Eorpach faoi bhráid an Choimisiúin.

(9)

Rinne an tÚdarás Baincéireachta Eorpach comhairliúcháin phoiblí oscailte a reáchtáil maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí Baincéireachta arna bhunú i gcomhréir le hAirteagal 37 de Rialachán (AE) Uimh. 1093/2010 ó Pharlaimint na hEorpa agus ón gComhairle (3),

(1)

leasaítear Airteagal 3 mar a leanas:

(2)

cuirtear pointe (d) a leanas le hAirteagal 4(2):

(3)

in Airteagal 5, cuirtear an méid seo a leanas in ionad phointe (c):