(1)

Tar éis do na Ballstáit a mBearta Náisiúnta Trasuite (NIManna) a thíolacadh, ghlac an Coimisiún Cinneadh (AE) 2021/355 (2) maidir le bearta cur chun feidhme náisiúnta le haghaidh leithdháileadh saor in aisce idirthréimhseach lamháltas astaíochtaí gás ceaptha teasa. Leis an gCinneadh sin, diúltaítear suiteálacha áirithe agus a sonraí comhfhreagracha a inscríobh ar liostaí na suiteálacha a chumhdaítear le Treoir 2003/87/CE, agus ar an gcaoi sin déantar iad a eisiamh ó raon feidhme chóras trádála astaíochtaí an Aontais (CTA AE).

(2)

Rinneadh suiteálacha a úsáideann bithmhais go heisiach a eisiamh ó CTA AE, i gcomhréir le mír 1 d’Iarscríbhinn I a ghabhann le Treoir 2003/87/CE. Tugadh an fhoráil sin isteach sa Treoir maidir le Trádáil Astaíochtaí le Treoir 2009/29/CE ó Pharlaimint na hEorpa agus ón gComhairle (3), agus ó cuireadh i bhfeidhm í an 1 Eanáir 2013 rinne sí raon feidhme nua a chinneadh le haghaidh CTA AE. Dá bhrí sin, i dtaca le hinscríobh na suiteálacha a d’úsáid bithmhais go heisiach le haghaidh gach bliain den tréimhse bhonnlíne, tá an t-inscríobh sin le diúltú d’ainneoin iad a bheith liostaithe i gcomhréir le hAirteagal 11(1) de Threoir 2003/87/CE.

(3)

Cuireadh in iúl don Choimisiún go ndearna an tSualainn an tsuiteáil SE-207651 a áireamh ina cuid NIManna go hearráideach. Úsáideann an tsuiteáil sin bithmhais go heisiach agus ar an gcúis sin ba cheart í a eisiamh an uair sin ó raon feidhme CTA AE.

(4)

Tar éis iarratas a fháil ón gCoimisiún, dheimhnigh an Danmhairg nach raibh astaíochtaí iontaise ar bith ag suiteálacha DK-65, DK-66 ná DK-135 le linn na tréimhse bonnlíne 2014-2018. Úsáideann na suiteálacha sin bithmhais go heisiach agus ba cheart iad sin freisin a eisiamh an uair sin ó raon feidhme CTA AE.

(5)

Dá bhrí sin, i dtaca le hinscríobh na suiteálacha DK-65, DK-66, DK-135 agus SE-207651 ar liostaí na suiteálacha a chumhdaítear le Treoir 2003/87/CE, is iomchuí an t-inscríobh sin a dhiúltú le haghaidh gach bliain den tréimhse bhonnlíne, lena n-áirítear na cásanna inar liostaíodh iad i gcomhréir le hAirteagal 11(1) de Threoir 2003/87/CE.

(6)

Tar éis di iarratas ar shoiléiriú a fháil ón gCoimisiún, chuir an Fhrainc in iúl don Choimisiún, i dtaca le dhá shuiteáil sa tír sin, FR-206164 agus FR-206032, nach dtáirgtear iontu ach polaiméirí. Astaíochtaí CO2 díreacha nialasacha atá ag an dá shuiteáil ós rud é go ndéanann siad an teas is gá le haghaidh an táirgthe a allmhairiú ó shuiteáil CTA AE eile. Sa bhreithiúnas i gCás C-577/16 (4), chinn an Chúirt Bhreithiúnais, maidir le suiteáil le haghaidh polaiméirí a tháirgeadh a fhaigheann an teas is gá le haghaidh an táirgthe sin ó shuiteáil tríú páirtí, nach dtagann an tsuiteáil sin faoi raon feidhme CTA AE, ós rud é nach ngineann sí astaíochtaí CO2 díreacha. Dá bhrí sin, i dtaca le hinscríobh na suiteálacha sin ar liostaí na suiteálacha a chumhdaítear le Treoir 2003/87/CE, ba cheart an t-inscríobh sin a dhiúltú.

(7)

Dá bhrí sin ba cheart Cinneadh (AE) 2021/355 a leasú dá réir,

(1)

in Airteagal 1, cuirtear isteach an mhír 6 seo a leanas:

(2)

An téacs in Iarscríbhinn I a ghabhann leis an gCinneadh seo, cuirtear an téacs sin in ionad Iarscríbhinn I;

(3)

An téacs a leagtar amach in Iarscríbhinn II a ghabhann leis an gCinneadh seo, cuirtear an téacs sin isteach mar Iarscríbhinn IV.