This document is an excerpt from the EUR-Lex website
Document 32022D1025
Council Decision (EU) 2022/1025 of 2 June 2022 on the position to be taken on behalf of the European Union at the fifteenth meeting of the Conference of the Parties to the Basel Convention on the Control of Transboundary Movements of Hazardous Wastes and their Disposal with regard to certain amendments to paragraph 2 of Article 6 of that Convention
Cinneadh (AE) 2022/1025 ón gComhairle an 2 Meitheamh 2022 maidir leis an seasamh atá le glacadh thar ceann an Aontais Eorpaigh ag an 15ú cruinniú de Chomhdháil na bPáirtithe i gCoinbhinsiún Basel maidir le Rialú Gluaiseachtaí Trasteorann Dramhaíolacha Guaiseacha agus a nDiúscairt i ndáil le leasuithe áirithe ar mhír 2 d’Airteagal 6 den Choinbhinsiún sin
Cinneadh (AE) 2022/1025 ón gComhairle an 2 Meitheamh 2022 maidir leis an seasamh atá le glacadh thar ceann an Aontais Eorpaigh ag an 15ú cruinniú de Chomhdháil na bPáirtithe i gCoinbhinsiún Basel maidir le Rialú Gluaiseachtaí Trasteorann Dramhaíolacha Guaiseacha agus a nDiúscairt i ndáil le leasuithe áirithe ar mhír 2 d’Airteagal 6 den Choinbhinsiún sin
ST/8816/2022/INIT
IO L 172, 29.6.2022, pp. 11–12
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 02/06/2022; Dáta ar glacadh
- Date of effect:
- 02/06/2022; Teacht i bhfeidhm Dáta an doiciméid Féach Airt. 3
- Date of end of validity:
- No end date
- Author:
- Comhairle an Aontais Eorpaigh
- Form:
- Cinneadh
- Procedure number:
- Link
- European Parliament - Legislative observatory
- Treaty:
- An Conradh ar Fheidhmiú an Aontais Eorpaigh
- Legal basis:
- Proposal:
-
- 52022PC0067 Adopted on: 02/06/2022
- Link
- Link
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
-
- 11.30.60.00 Caidreamh seachtrach / Caidreamh iltaobhach / Comhar iltaobhach chun an comhshaol, fauna agus flora fiáin agus acmhainní nádúrtha a chosaint
- 15.10.30.30 An comhshaol, tomhaltóirí agus cosaint sláinte / An comhshaol / An spás, an comhshaol agus acmhainní nádúrtha / Bainisteoireacht dramhaíola agus teicneolaíocht ghlan
|
29.6.2022 |
GA |
Iris Oifigiúil an Aontais Eorpaigh |
L 172/11 |
CINNEADH (AE) 2022/1025 ÓN gCOMHAIRLE
an 2 Meitheamh 2022
maidir leis an seasamh atá le glacadh thar ceann an Aontais Eorpaigh ag an 15ú cruinniú de Chomhdháil na bPáirtithe i gCoinbhinsiún Basel maidir le Rialú Gluaiseachtaí Trasteorann Dramhaíolacha Guaiseacha agus a nDiúscairt i ndáil le leasuithe áirithe ar mhír 2 d’Airteagal 6 den Choinbhinsiún sin
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 192(1), i gcomhar le hAirteagal 218(9), de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Tháinig Coinbhinsiún Basel maidir le Rialú Gluaiseachtaí Trasteorann Dramhaíolacha Guaiseacha agus a nDiúscairt (“an Coinbhinsiún”) i bhfeidhm in 1992 agus thug an tAontas i gcrích é trí bhíthin Chinneadh 93/98/CEE ón gComhairle (1). |
|
(2) |
De bhun an Choinbhinsiúin, tá Comhdháil na bPáirtithe le leasuithe ar an gCoinbhinsiún a mheas agus a ghlacadh, de réir mar is gá. Is ag cruinniú de chuid Chomhdháil na bPáirtithe a ndéanfar leasuithe ar an gCoinbhinsiún a ghlacadh. |
|
(3) |
I gcomhréir leis an nós imeachta a leagtar amach in Airteagal 17 den Choinbhinsiún, ag an 15ú cruinniú a bheidh aici i mí an Mheithimh 2022, tá Comhdháil na bPáirtithe chun an togra ó Chónaidhm na Rúise a mheas maidir le mír 2 d’Airteagal 6 den Choinbhinsiún a leasú. Is é is aidhm don togra sin teorainn ama 30 lá a bhunú ar laistigh di a thabharfaidh Stát allmhairiúcháin freagra ar an bhfógróir maidir le loingsiú dramhaíola, agus cuimsítear sa togra sin athrú amháin eile a chuirtear i láthair mar athrú eagarthóireachta. |
|
(4) |
Is iomchuí an seasamh atá le glacadh thar ceann an Aontais ag an 15ú cruinniú de Chomhdháil na bPáirtithe a bhunú i leith an togra ó Chónaidhm na Rúise, ós rud é go mbeadh an leasú sin ina cheangal ar an Aontas agus go ndéanfadh sé difear do dhlí an Aontais, eadhon Rialachán (CE) Uimh. 1013/2006 ó Pharlaimint na hEorpa agus ón gComhairle (2). |
|
(5) |
Níor cheart don Aontas tacú leis an togra ó Chónaidhm na Rúise maidir le mír 2 d’Airteagal 6 den Choinbhinsiún a leasú. Dá ndéanfaí amhlaidh, bheadh próiseas fada dian caibidlíochta riachtanach agus thógadh sé tamall fada sula dtiocfadh leasú den sórt sin i bhfeidhm. Is léir go mbeadh sé díréireach tús a chur le próiseas den sórt sin, ós rud é go bhféadfaí cuspóirí an togra a bhaint amach ar mhodhanna eile. Ina ionad sin, ba cheart don Aontas a bheith oscailte do thionscnaimh a cheaptar chun feabhas a chur ar an nós imeachta i dtaobh toiliú feasach a chur in iúl roimh ré, agus ba cheart dó tionscnaimh den sórt sin, a leagtar amach in Airteagal 6 den Choinbhinsiún, a chur ar aghaidh nó gníomhú ina leith, ar choinníoll go mbeidh raon feidhme níos leithne ag na tionscnaimh sin ná mar atá ag an togra a chuir Cónaidhm na Rúise faoi bhráid an 15ú cruinniú de Chomhdháil na bPáirtithe, go bhfuil siad i gcomhréir le beartais agus cuspóirí leathana an Aontais agus nach n-éilítear leasú ar an gCoinbhinsiún leo, |
TAR ÉIS AN CINNEADH SEO A GHLACADH:
Airteagal 1
1. Is é an seasamh atá le glacadh thar ceann an Aontais ag an 15ú cruinniú de Chomhdháil na bPáirtithe i gCoinbhinsiún Basel maidir le Rialú Gluaiseachtaí Trasteorann Dramhaíolacha Guaiseacha agus a nDiúscairt, gan tacú leis an togra ó Chónaidhm na Rúise chun mír 2 d’Airteagal 6 den Choinbhinsiún a leasú.
2. Cuirfidh an tAontas tionscnamh ar aghaidh, nó tacóidh sé le tionscnaimh ó Pháirtithe eile sa Choinbhinsiún, chun feidhmiú an nós imeachta i dtaobh “toiliú feasach a chur in iúl roimh ré”, a leagtar amach in Airteagal 6 den Choinbhinsiún, a fheabhsú, ag an 15ú cruinniú de Chomhdháil na bPáirtithe sa Choinbhinsiún, ar choinníoll gur fíor an méid seo a leanas maidir le tionscnaimh den sórt sin:
|
(a) |
go bhfuil siad ceaptha chun feabhas a chur ar fheidhmiú an nós imeachta i dtaobh “toiliú feasach a chur in iúl roimh ré”, trí aghaidh a thabhairt ar mhoilleanna agus fadhbanna a fhearann ar Stáit onnmhairiúcháin, allmhairiúcháin nó idirthurais ó thaobh fógraí a láimhseáil agus trí thacú le digiteáil an nós imeachta sin, chun gur féidir gluaiseachtaí dramhaíolacha atá i gcomhréir leis an gCoinbhinsiún a dhéanamh thar theorainneacha gan moill mhíchuí; |
|
(b) |
nach n-éilítear leo an Coinbhinsiún a leasú; |
|
(c) |
go rannchuidíonn siad le dramhaíl a bhainistiú ar bhealach atá neamhdhíobhálach don chomhshaol agus leis an aistriú i dtreo geilleagair chiorclaigh dhomhanda; agus |
|
(d) |
go rannchuidíonn siad le cur chun feidhme cuí na sásraí rialaithe a leagtar síos sa Choinbhinsiún agus le deimhneacht dhlíthiúil ina leith sin. |
Airteagal 2
I bhfianaise na bhforbairtí a dhéanfar ag an 15ú cruinniú de Chomhdháil na bPáirtithe sa Choinbhinsiún, féadfaidh ionadaithe an Aontais i gcomhairle leis na Ballstáit an seasamh dá dtagraítear in Airteagal 1, mír 2, den Chinneadh seo a mhionchoigeartú le linn cruinnithe comhordaithe a bheidh ar siúl ar an láthair, gan cinneadh eile ón gComhairle.
Airteagal 3
Tiocfaidh an Cinneadh seo i bhfeidhm ar dháta a ghlactha.
Arna dhéanamh i Lucsamburg, 2 Meitheamh 2022.
Thar ceann na Comhairle
An tUachtarán
A. DE MONTCHALIN
(1) Cinneadh 93/98/CEE ón gComhairle an 1 Feabhra 1993 maidir le tabhairt i gcrích, thar ceann an Chomhphobail, an Choinbhinsiúin maidir le rialú gluaiseachtaí trasteorann dramhaíolacha guaiseacha agus a ndiúscairt (Coinbhinsiún Basel) (IO L 39, 16.2.1993, lch. 1).
(2) Rialachán (CE) Uimh. 1013/2006 ó Pharlaimint na hEorpa agus ón gComhairle an 14 Meitheamh 2006 maidir le loingsithe dramhaíola (IO L 190, 12.7.2006, lch. 1).
