EUR-Lex Access to European Union law
This document is an excerpt from the EUR-Lex website
Document 32022D0997
Council Decision (EU) 2022/997 of 7 April 2022 on the position to be taken on behalf of the European Union at the tenth meeting of the Conference of the Parties to the Stockholm Convention on Persistent Organic Pollutants as regards the proposal for amendment of Annex A to that Convention
Cinneadh (AE) 2022/997 ón gComhairle an 7 Aibreán 2022 maidir leis an seasamh atá le glacadh thar ceann an Aontais ag an deichiú cruinniú de Chomhdháil Pháirtithe i gCoinbhinsiún Stócólm ar Thruailleáin Orgánacha Marthanacha a mhéid a bhaineann leis an togra chun Iarscríbhinn A a ghabhann leis an gCoinbhinsiún sin a leasú
Cinneadh (AE) 2022/997 ón gComhairle an 7 Aibreán 2022 maidir leis an seasamh atá le glacadh thar ceann an Aontais ag an deichiú cruinniú de Chomhdháil Pháirtithe i gCoinbhinsiún Stócólm ar Thruailleáin Orgánacha Marthanacha a mhéid a bhaineann leis an togra chun Iarscríbhinn A a ghabhann leis an gCoinbhinsiún sin a leasú
ST/7009/2022/INIT
IO L 168, 27.6.2022, p. 63–64
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
27.6.2022 |
GA |
Iris Oifigiúil an Aontais Eorpaigh |
L 168/63 |
CINNEADH (AE) 2022/997 ÓN gCOMHAIRLE
an 7 Aibreán 2022
maidir leis an seasamh atá le glacadh thar ceann an Aontais ag an deichiú cruinniú de Chomhdháil Pháirtithe i gCoinbhinsiún Stócólm ar Thruailleáin Orgánacha Marthanacha a mhéid a bhaineann leis an togra chun Iarscríbhinn A a ghabhann leis an gCoinbhinsiún sin a leasú
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 192(1) i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
(1) |
Tháinig Coinbhinsiún Stócólm ar Thruailleáin Orgánacha Mharthanacha (“an Coinbhinsiún”) i bhfeidhm an 17 Bealtaine 2004 agus tugadh é i gcrích thar ceann an Aontais le Cinneadh 2006/507/CE ón gComhairle (1). |
(2) |
Le Rialachán (AE) 2019/1021 ó Pharlaimint na hEorpa agus ón gComhairle (2) cuirtear an Coinbhinsiún chun feidhme laistigh den Aontas. |
(3) |
De bhun Airteagal 8 den Choinbhinsiún, is féidir le Comhdháil na bPáirtithe sa Choinbhinsiún ceimiceáin a liostú, in Iarscríbhinní A, B agus/nó C a ghabhann leis an gCoinbhinsiún agus bearta rialaithe a bhaineann le ceimiceáin den sórt sin a shonrú,. |
(4) |
Ag a dheichiú cruinniú, meastar go bhfuil Comhdháil na bPáirtithe sa Choinbhinsiún chun cinneadh maidir le tuilleadh ceimiceán a liostú in Iarscríbhinn A a ghabhann leis an gCoinbhinsiún a ghlacadh. |
(5) |
Chun sláinte an duine agus an comhshaol a chosaint ar aigéad sulfónach sárfhluaraiheacsáin (PFHxS), a shalainn agus a chomhdhúile a bhaineann le PFHxS a scaoileadh a thuilleadh, is gá táirgeadh agus úsáid na gceimiceán sin a laghdú nó a dhíothú ar an leibhéal domhanda agus tacú lena liostú sna hIarscríbhinní ábhartha a ghabhann leis an gCoinbhinsiún. |
(6) |
An seasamh atá le glacadh thar ceann an Aontais ag an deichiú cruinniú de Chomhdháil na bPáirtithe a mhéid a bhaineann leis na leasuithe ar Iarscríbhinn A a ghabhann leis an gCoinbhinsiún, is iomchuí é a bhunú, toisc go mbeidh na leasuithe sin ina gceangal ar an Aontas. |
TAR ÉIS AN CINNEADH SEO A GHLACADH:
Airteagal 1
Is é an seasamh atá le glacadh thar ceann an Aontais ag an deichiú cruinniú de Chomhdháil na bPáirtithe i gCoinbhinsiún Stócólm ar Thruailleáin Orgánacha Marthanacha, tacú le haigéad sulfónach sárfhluaraiheacsáin (PFHxS), a shalainn agus a chomhdhúile a bhaineann le PFHxS a liostú in Iarscríbhinn A a ghabhann leis an gCoinbhinsiún, agus aird chuí á tabhairt ar mholtaí ábhartha Choiste Athbhreithnithe Truailleán Orgánach Marthanach gan díolúintí sonracha.
Airteagal 2
Féadfaidh ionadaithe an Aontais, i gcomhairle leis na Ballstáit, le linn cruinnithe maidir le chomhordú ar an láthair gan cinneadh breise ón gComhairle, mionchoigeartuithe ar an seasamh dá dtagraítear in Airteagal 1 a chomhaontú, i bhfianaise na bhforbairtí a rinneadh ag an deichiú cruinniú de Chomhdháil na bPáirtithe sa Choinbhinsiún.
Airteagal 3
Tiocfaidh an Cinneadh seo i bhfeidhm ar dháta a ghlactha.
Arna dhéanamh i Lucsamburg, 7 Aibreán 2022.
Thar ceann na Comhairle
An tUachtarán
J. DENORMANDIE
(1) Cinneadh (2006/507/CE) ón gComhairle an 14 Deireadh Fómhair 2004 a bhaineann le Coinbhinsiún Stócólm ar Thruailleáin Orgánacha Mharthanacha a thabhairt i gcrích thar ceann an Chomhphobail Eorpaigh (IO L 209, 31.7.2006, lch. 1).
(2) Rialachán (AE) 2019/1021 ó Pharlaimint na hEorpa agus ón gComhairle an 20 Meitheamh 2019 maidir le truailleáin orgánacha mharthanacha (IO L 169, 25.6.2019, lch. 45).