(1)

Tháinig an Coinbhinsiún maidir le Cosaint Mhuirthimpeallacht an Atlantaigh Thoir Thuaidh (1) (“an Coinbhinsiún”), a bhfuil an tAontas ina Pháirtí Conarthach ann, i bhfeidhm an 25 Márta 1998.

(2)

De bhun Airteagal 10(3) den Choinbhinsiún, is féidir leis an gCoimisiún, a bunaíodh le hAirteagal 10(1) den Choinbhinsiún (“Coimisiún OSPAR”), cinntí agus moltaí a ghlacadh i gcomhréir le hAirteagal 13 den Choinbhinsiún.

(3)

Le linn an 24ú cruinniú a bheidh aige an 1 Deireadh Fómhair 2021, glacfaidh Coimisiún OSPAR cinneadh maidir leis an Limistéar Muirí faoi Chosaint Fheacht an Atlantaigh Thuaidh agus Thulán Grinnil Evlanov (“NACES MPA”) a bhunú agus moladh maidir le NACES MPA a bhainistiú.

(4)

Leis an gcinneadh atá beartaithe ag Coimisiún OSPAR, bunaítear NACES MPA agus léirítear a theorainneacha.

(5)

Is é is aidhm don mholadh atá beartaithe ag Coimisiún OSPAR, páirtithe conarthacha a threorú ina gcuid gníomhaíochtaí agus i nglacadh beart, d’fhonn na cuspóirí caomhnaithe a leagtar amach san iarscríbhinn a ghabhann leis an moladh sin a bhaint amach.

(6)

Tá dlúthnasc ann idir an dá ghníomh atá beartaithe ag Coimisiún OSPAR agus, dá bhrí sin, is iomchuí dóibh beirt a chumhdach leis an seasamh céanna ag an Aontas.

(7)

Baineann na gníomhartha atá beartaithe le cosaint an chomhshaoil, ar inniúlacht chomhroinnte í idir an tAontas agus na Ballstáit faoi Airteagal 4(2), pointe (e), CFAE. Ní thagann na gníomhartha atá beartaithe faoi réimse a chumhdaítear den chuid is mó le rialacha an Aontais maidir leis an gcosaint sin. Níl sé de rún ag an Aontas úsáid a bhaint as an bhféidearthacht a inniúlacht sheachtrach a fheidhmiú maidir le réimsí a chumhdaítear leis na gníomhartha sin nár feidhmíodh a inniúlacht go hinmheánach ina leith go fóill.

(8)

Is iomchuí an seasamh atá le glacadh thar ceann an Aontais sa Choimisiún OSPAR a bhunú, ós rud é go mbeidh an cinneadh atá le glacadh ag Coimisiún OSPAR ina cheangal ar an Aontas,