Standards għal korpi tal-ugwaljanza fil-qasam tat-trattament indaqs u opportunitajiet indaqs

PUNTI EWLENIN

Korpi tal-ugwaljanza huma organizzazzjonijiet pubbliċi li jassistu vittmi ta’ diskriminazzjoni, jimmonitorjaw u jirrappurtaw dwar diskriminazzjoni, jippromwovu trattament indaqs u jikkontribwixxu biex iqajmu sensibilizzazzjoni dwar id-drittijiet tan-nies.

Id-direttivi jistabbilixxu rekwiżiti minimi komuni madwar l-UE kollha għal korpi tal-ugwaljanza f’numru ta’ oqsma ewlenin. B’mod partikolari, dawn jinkludu:

• rekwiżiti għall-Istati Membri tal-UE biex:
  • jinnominaw xi korp jew korpi tal-ugwaljanza u jassikuraw li l-korpi jkunu indipendenti u liberi minn influwenza esterna;
  • jipprovdu lil korpi bir-riżorsi umani, tekniċi u finanzjarji li jkollhom bżonn biex iwettqu l-kompiti tagħhom;
  • jsaħħu lill-korpi biex jevitaw diskriminazzjoni u jippromwovu trattament indaqs, pereżempju billi jippromwovu integrazzjoni għall-ugwaljanza u azzjoni pożittiva;
  • jqajmu kuxjenza fost il-popolazzjoni ġenerali dwar l-eżistenza u s-servizzi tal-korpi;
  • jassikuraw li l-korpi jkunu mgħammra biex jipprovdu assistenza lil vittmi ta’ diskriminazzjoni;
  • jawtorizzaw lil korpi tal-ugwaljanza, jew korpi kompetenti oħra biex jagħmlu inkjesti u jieħdu sehem f’soluzzjoni alternattiva għat-tilwima f’każijiet ta’ diskriminazzjoni;
  • jawtorizzaw lil korpi tal-ugwaljanza biex jissottomettu osservazzjonijiet u jaġixxu f’proċedimenti ġudizzjarji f’każijiet ta diskriminazzjoni;
• kooperazzjoni bejn korpi tal-ugwaljanza u bejn korpi tal-ugwaljanza u entitajiet oħra pubbliċi jew privati;
• rekwiżit għal awtoritajiet nazzjonal biex jikkonsultaw il-korpi dwar kwistjonijiet ta’ diskriminazzjoni;
• rekwiżit għal korpi ta’ ugwaljanza biex iwettqu:
  • programm ta’ ħidma li jistabbiloixxi l-prijoritajiet u attivitajiet prospettivi tagħhom;
  • rapport annwali tal-attività pubblikament disponibbli;
  • rapport kull 4 snin, b’rakkomandazzjonijiet dwar l-istat tat-trattament indaqs fl-Istat Membru tagħhom;
• rekwiżit għall-korpi tal-ugwaljanza biex jiġbru data dwar l-attivitajiet tagħhom stess;
• rekwiżit għall-Kummissjoni Ewropea biex twaqqaf lista ta’ indikaturi dwar il-funzjonament tal-korpi tal-ugwaljanza u biex tirrapporta dwar l-applikazzjoni u effetti prattiċi tad-direttivi;
• possibbilità għall-Parlament Ewropew biex jiddiskuti l-funzjonament tal-korpi tal-ugwaljanza mal-Kummissjoni fil-kuntest tal-eżerċizju ta’ monitoraġġ u rapportar.