Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

Riżervi minimi

SOMMARJU TA’:

Ir-Regolament (KE) Nru. 2531/98 li għandu x’jaqsam mal-applikazzjoni ta’ riservi minimi tal-Bank Ċentrali Ewropew

Ir-Regolament (UE) 2021/378 dwar l-applikazzjoni ta’ rekwiżiti ta’ riżervi minimi (BĊE/2021/1)

Id-Deċiżjoni (UE) 2021/1815 dwar il-metodoloġija applikata għall-kalkolu ta’ sanzjonijiet għan-nuqqas ta’ konformità mar-rekwiżit biex jinżammu riżervi minimi u rekwiżiti relatati mar-riżervi minimi (BĊE/2021/45)

X’INHU L-GĦAN TAR-REGOLAMENTI U TAD-DEĊIŻJONI?

Ir-Regolamenti (KE) Nru 2531/98 u (UE) 2021/378 jistabbilixxu l-qafas tar-riżerva minima1 tal-Eurosistema u jistabbilixxu regoli għaż-żamma ta' riżervi minimi minn istituzzjonijiet ta’ kreditu2 u l-fergħat tagħhom fiż-żona tal-euro.

Huma jirregolaw l-aspetti rilevanti kollha, mid-determinazzjoni tal-proporzjon attwali ta’ riżerva sal-manutenzjoni u remunerazzjoni tar-riżervi minimi u tad-data rilevanti għar-rapportar u l-verifika. Huma jipprovdu wkoll eżenzjonijiet mir-rekwiżiti ta’ riżervi minimi u s-setgħa li jimponu sanzjonijiet.

Id-Deċiżjoni (UE) 2021/1815 tistabbilixxi l-metodoloġija applikata mill-BĊE għall-kalkolu ta’ sanzjonijiet3 għan-nuqqas ta’ konformità mar-rekwiżiti ta’ riżervi minimi.

PUNTI EWLENIN

Ir-Regolament tal-Kunsill (KE) Nru 2531/98 jiddetermina l-bażi u l-proporzjonijiet tar-riżervi minimi u jistabbilixxi d-dritt tal-Bank Ċentrali Ewropew (BĊE) li jiġbor u jivverifika informazzjoni li tkun neċessarja għall-applikazzjoni ta’ riżervi minimi. Huwa jippermetti li l-BĊE jimponi sanzjonijiet fuq istituzzjoni li ma tikkonformax mal-ħtiġijiet ta’ rrappurtar statistiku jew li ma jirnexxilhiex iżżomm biżżejjed riżervi minimi.

Ir-Regolament (UE) 2021/378, (BĊE/2021/1) jirregola ż-żamma minima ta’ riżerva u jipprovdi l-formoli li għandhom jintużaw mill-istituzzjonijiet ta’ kreditu fiż-żona tal-euro biex jikkalkulaw ir-riżervi minimi li għandhom jinżammu fil-kontijiet ta’ riżerva tal-euro mal-banek ċentrali nazzjonali (BĊNs) tal-Istati Membri tal-UE.

Il-BĊE jippubblika l-lista ta’ istituzzjonijiet li huma suġġetti għall-ħtiġijiet tar-riżervi minimi tal-Eurosistema fuq il-websajt tiegħu. L-istituzzjonijiet li l-awtorizzazzjonijiet tagħhom ġiet irtirata jew rinunzjata u dawk suġġetti għal proċeduri ta' stralċ huma eżentati mir-rekwiżiti ta’ riżerva minima. Eżenzjonijiet ulterjuri jistgħu jingħataw lill-instituzzjonijiet:

  • li huma suġġetti għal miżuri ta’ riorganizzazzjoni;
  • fuq min ġiet imposta ordni ta’ ffriżar jew miżura oħra li tillimita l-abbiltà tal-istituzzjoni biex tuża’ l-fondi;
  • li l-aċċess tagħhom għall-operazzjoni ta’ suq miftuħ tal-Eurosistema jew li l-faċilitajiet eżistenti ġiet sospiża jew eskluża;
  • li għalihom mhuwiex xieraq li jeħtieġu riżervi minimi.

L-istituzzjoni ta' kreditu taż-żona tal-euro li huma suġġetti għar-rekwiżiti ta’ riżervi minimi jikkalkulaw il-bażi ta’ riżerva tagħhom4 (jekk dan ma jkunx sar mill-BĊN) permezz tal-informazzjoni statistika fuq depożiti u sigurtajiet ta’ dejn li jkunu nħarġu. Huma jistgħu jżommu r-riżervi minimi indirettament permezz ta’ intermedjarju li jkun residenti fl-istess Stat Membru, li jkun suġġett għall-ħtiġijiet minimi ta’ riżerva u li normalment iwettaq ċerti xogħolijiet amministrattivi.

Il-BĊN jinnotifikaw l-istituzzjonijiet ta’ kreditu dwar ir-riżervi minimi li għandhom iżommu (jekk il-BĊN jagħmel il-kalkolu) jew li jirrikonoxxu r-riżervi minimi kkalkulati mill-istituzzjonijiet infushon.

Huma jħallsu wkoll żammiet ta’ riżervi minimi skont ir-Regolament (UE) 2021/378 u għandhom id-dritt li jivverifikaw il-preċiżjoni u l-kwalità tal-informazzjoni fuq il-bażi tar-riżerva pprovduta mill-istituzzjonijiet.

Regoli speċifiċi jidħlu fis-seħħ meta:

  • il-bażi tar-riżerva tkun irrappurtata fuq bażi aggregata;
  • għaqda bejn żewġ istituzzjonijiet isseħħ waqt perjodu ta’ żamma5;
  • Stat Membru jadotta l-euro.

Jekk il-banek ma jissodisfawx ir-rekwiżiti ta’ riżerva minima, il-BĊE għandu s-setgħa li jimponi sanzjoni li hi proporzjonata mal-ksur u li hi kkalkulata abbażi ta’ formola u metodoloġija stabbiliti.

MINN META JAPPLIKAW IR-REGOLAMENTI U D-DEĊIŻJONI?

  • Ir-Regolament (UE) 2021/378 (BĊE/2021/1) ilu japplika mis-, minbarra l-Artikolu 3 (kalkolu ta' holdings ta’ riżerva), li ser tidħol fis-seħħ fit- (l-ewwel ġurnata tal-ħames perjodu ta’ żamma).
  • Ir-Regolament (KE) Nru 2531/98 ilu japplika mill-.
  • Id-Deċiżjoni (UE) 2021/1815 (BĊE/2021/45) ilha tapplika mit-.

SFOND

  • Abbażi tal-Istatut tas-Sistema Ewropea ta' Banek Ċentrali u tal-Bank Ċentrali Ewropew, il-BĊE jista’ jeħtieġ li l-istituzzjonijiet ta’ kreditu fiż-żona tal-euro jżommu riżervi minimi għal għanijiet ta’ politika monetarja.
  • Riżervi minimi jgħinu biex jistabbilixxu rati ta’ interessi għas-swieq tal-flus u jgħinu l-istituzzjonijiet tal-kreditu jimmaniġġjaw varjazzjonijiet fil-likwidità kwotidjana.
  • Riżervi miżmuma fil-banek ċentrali nazzjonali jikkontribwixxi għaż-żieda fid-domanda għal kreditu tal-bank ċentrali, b’hekk isir aktar faċli għall-BĊE li jmexxi r-rati tas-suq monetarju permezz ta’ operazzjonijiet regolari li jipprovdu l-likwidità.
  • Għal aktar informazzjoni, ara:

TERMINI EWLENIN

  1. Riżervi minimi. Ammont ta’ fondi li istituzzjoni hija meħtieġa żżomm fil-kontijiet ta’ riżerva tagħha mal-bank ċentrali nazzjonali rilevanti.
  2. Istituzzjoni ta’ kreditu. Impriża li tirċievi depożiti jew fondi oħra ripagabbli mill-pubbliku u li tagħti krediti.
  3. Sanzjonijiet. Multi, pagamenti perjodiċi ta’ pieni, interess fuq pieni u depożiti bla imgħax.
  4. Bażi ta’ riżerva. Is-somma ta’ responsabbiltajiet eliġibbli użati għall-kalkolu tar-riżervi minimi ta’ istituzzjoni.
  5. Perjodu ta’ żamma. Il-perjodu li matulu tiġi vvalutata l-konformità mar-rekwiżiti tar-riżervi minimi.

DOKUMENTI PRINĊIPALI

Ir-Regolament tal-Kunsill (KE) Nru 2531/98 tat- li għandu x’jaqsam mal-applikazzjoni ta’ riżervi minimi tal-Bank Ċentrali Ewropew (ĠU L 318, , pp. 1–3).

L-emendi suċċessivi għar-Regolament (KE) Nru 2531/98 ġew inkorporati fit-test oriġinali. Din il-verżjoni konsolidata għandha valur dokumentarju biss.

Ir-Regolament (UE) 2021/378 tal-Bank Ċentrali Ewropew tat- dwar l-applikazzjoni ta’ riżervi minimi (BĊE/2021/1) (ĠU L 73, , pp. 1–15).

Ara l-verżjoni konsolidata.

Id-Deċiżjoni (UE) 2021/1815 tal-Bank Ċentrali Ewropew tas- dwar il-metodoloġija applikata għall-kalkolu ta’ sanzjonijiet għan-nuqqas ta’ konformità mar-rekwiżit biex jinżammu riżervi minimi u rekwiżiti relatati mar-riżervi minimi (BĊE/2021/45).

l-aħħar aġġornament

Top