Ġammijiet tal-frott u prodotti oħra

PUNTI EWLENIN

Kamp ta’ applikazzjoni

• Id-direttiva tkopri l-prodotti li ġejjin: ġamm, ġamm extra, ġelatina, ġelatina extra, marmellata, marmellata tal-ġelatina u purejiet tal-qastan mgħotija l-ħlewwa
• Din ma tkoprix prodotti maħsuba għall-manifattura ta’ prodotti fini tal-furnara, pasti jew gallettini.
• Id-direttiva triq tinqara flimkien ma’ regolamenti oħra relatati bħar-Regolament (UE) Nru. 1169/2011 dwar tikkettar ta’ prodott alimentari
• Il-prodotti kkonċernati huma definiti abbażi tal-kompożizzjoni tagħhom ħalli jkun assikurat ll l-ismijiet tal-prodotti jintużaw b’mod korrett fil-kummerċ u mhux b’manjera li tista’ tinganna.

Tikkettar

• L-isem tal-prodott hu ssupplimentat b’indikazzjoni tal-frotta jew frott li jkun intuża, f’ordni dixxendenti ta’ piż. Għal prodotti manifatturati minn tliet jew aktar frottiet, l-indikazzjoni tal-frott użat tista’ tkun sostitwita bil-kliem “frott imħallat” jew b’għamla simili ta’ kliem, jew bin-numru tal-frott użat. Dawn id-dettalji jridu jidhru fl-istess firxa tal-vista bħal dak tal-isem tal-prodott u b’karattri li jidhru ċari.
• Barra minn dan, it-tikkettar ta’ ġammijiet, ġelatini, marmellati u pureja tal-qastan mgħotija l-ħlewwa jrid jinkludi informazzjoni dwar il-kontenut tal-frott għal kull 100 gramma tal-prodott lest, wara t-tnaqqis tal-piż tal-ilma użat fit-tlestija tal-estratti ilmija, jekk approprjat.
• Id-Direttiva (UE) 2024/1438 temenda d-Direttiva 2001/113/KE biex tippermetti lill-Istati Membri tal-UE fejn il-konsumaturi jużaw it-terminu “marmellata” bħala sinonimu għal “ġamm” biex jawtorizzaw, fuq it-territorju tagħhom, l-użu tat-terminu “marmellata” għall-isem tal-prodott “ġamm” f’każ ta’ ġammijiet minn frott barra minn frott taċ-ċitru. It-terminu “marmellata taċ-ċitru” ser jissostitwixxi l-“marmellata” kurrenti.

Annessi għad-direttiva

• Anness I tiddefinixxi kull wieħed mill-prodotti u anki tistabbilixxi l-kwantitajiet minimi ta’ frott li jrid jintuża għall-manifattura ta’ 1 kilo tal-prodott lest. Id-Direttiva Emendatorja (UE) 2024/1438 tintroduċi tibdil għall-Anness I billi żżid il-kontenut minimu ta’ frott f’ġammijiet (minn 350g għal kull kg għal 450g għal kull kg) u ġammijiet extra (minn 450g għal kull kg sa 500g għal kull kg).
• Anness II jistabbilixxi lista ta’ ingredjenti addizzjonali awtorizzati bħal għasel, zokkor, meraq tal-frott u ċerti spirti. Id-Direttiva Emendatorja (UE) 2024/1438 tintroduċi xi tibdil għal dan l-Anness fir-rigward tal-użu ta’ meraq tal-frott u żjut essenzjali u ta’ addittivi alimentari awtorizzati konformi ma’ Regolament (KE) Nru 1333/2008.
• Anness III jistabbilixxi definizzjonijiet għal frott, polpa tal-frott, purea tal-frott, estratti tal-ilma ta’ frott u zokkor, u kif materja prima tista’ tkun ikkurata (imnixfa, imsaħħna/imkesħa/iffriżata, ikkonċentrata jew ippreżervata fis-salmura). Biss l-ingredjenti elenkati f’Anness II u materja prima li tikkonforma ma’ Anness III jistgħu jintużaw fil-manifattura tal-prodotti definiti f’Anness I.

Rapport

Sal-14 ta’ Ġunju 2027, il-Kummissjoni Ewropea trid tippreżenta rapport lill-Parlament Ewropew u lill-Kunsill tal-Unjoni Ewropea li jipprovdi valutazzjoni tal-fattabbiltà tal-possibbiltajiet differenti għal tikkettar u jindika l-pajjiż jew pajjiżi ta’ oriġini fejn il-frott jew frottiet użati fil-manifattura ta’ ġamm, ġelatini, marmellati taċ-ċitru u purea tal-qastan mgħotija l-ħlewwa ikunu miġbura. I-rapport jrid ikun akkumpanjat, fejn xieraq, minn proposta leġiżlattiva.