Statistika tat-trasport ferrovjarju tal-UE

PUNTI EWLENIN

Il-pajjiżi tal-UE:

• għandhom jirrapportaw l-istatistika għat-trasport ferrovjarju kollu dwar it-territorju tagħhom u jaqsmuha skont il-pajjiżi jekk is-servizz huwa internazzjonali;
• jistgħu jeskludu mill-istatistika ferroviji li
  • joperaw fi ħdan żoni industrijali jew portijiet
  • jipprovdu servizzi għat-turisti lokali, bħal ferroviji bl-istim storiċi;
• jikkoordinaw is-sorsi tad-data użati u jiżguraw il-kwalità tal-istatistika;
• jibagħtu l-istatistika lill-Eurostat, l-uffiċċju tal-istatistika tal-UE.

L-istatistika meħtieġa tkopri:

• data trimestrali u annwali dwar merkanzija u passiġġieri li jinġarru, inkluż għal kull kilometru;
• tqassim annwali skont ir-reġjun kull 5 snin ta’ merkanzija u passiġġieri trasportati;
• flussi tat-traffiku kull 5 snin dwar in-numru ta’ ferroviji tal-merkanzija u passiġġieri;
• klassifikazzjoni dettaljata tat-tipi differenti ta’ merkanzija, inklużi oġġetti perikolużi.

L-informazzjoni nazzjonali miġbura minn entità pubblika jew privata tista’ tinkiseb minn:

• stħarriġ obbligatorju;
• data amministrattiva jew regolatorja;
• proċeduri ta’ stima tal-istatistika;
• organizzazzjonijiet tal-ferroviji professjonali;
• studji ad hoc.

L-Eurostat:

• jibgħat l-istatistika skont id-data li jirċievi;
• jiżviluppa u jippubblika metodoloġija sabiex jgħin lill-awtoritajiet nazzjonali jiġbru data ta’ kwalità.

Il-Kummissjoni Ewropea:

• tippreżenta rapport lill-Parlament Ewropew u lill-Kunsill sal-31 ta’ Diċembru 2020 — u mbagħad kull 4 snin — dwar l-implimentazzjoni tal-leġiżlazzjoni;
• għandha s-setgħa li ġġedded għal 5 snin mit-13 ta’ Diċembru 2016 sabiex tuża l-atti delegati, f’konformità mal-Artikolu 290 tat-Trattat dwar il-Funzjonament tal-Unjoni Ewropew, sabiex tadatta d-definizzjonijiet tekniċi fid-dawl ta’ żviluppi ġodda;
• hija assistita mill-Kumitat tas-Sistema Ewropea tal-Istatistika.