Missjoni ta’ Konsultenza għar-riforma tas-settur tas-sigurtà ċivili fl-Iraq (EUAM Iraq)

PUNTI EWLENIN

Objettivi

L-EUAM Iraq għandu tliet objettivi strateġiċi:

• biex jipprovdi parir strateġiku u għarfien espert lill-awtoritajiet tal-Iraq dwar aspetti ċivili tar-riformi fis-settur tas-sigurtà, inkluża l-istrateġija nazzjonali dwar is-sigurtà, strateġiji nazzjonali assoċjati u prijoritajiet tas-sigurtà nazzjonali oħra;
• biex tanalizza, tassessja u tidentifika opportunitajiet għal impenn addizzjonali tal-UE fil-livelli nazzjonali, reġjonali u provinċjali b’appoġġ għal-bżonnijiet tar-riforma fis-settur tas-sigurtà ċivili;
• flimkien mad-Delegazzjoni tal-UE fl-Iraq, biex tinforma u tiffaċilita l-ippjannar u appoġġ fl-implimentazzjoni tal-Istati Membri fil-qasam tar-riforma tas-settur tas-sigurtà ċivili, u tiżgura l-koerenza tal-azzjoni tal-UE.

Katina ta’ kmand

Id-direttur tal-Kapaċità Ċivili tal-Ippjannar u t-Tmexxija hu l-Kmandant tal-Operazzjoni Ċivili, li

• jikkmanda u jikkontrolla l-missjoni taħt il-kontroll politiku u d-direzzjoni strateġika tal-Kumitat Politiku u ta’ Sigurtà u l-awtorità ġenerali tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà.
• jirrapporta lill-Kunsill tal-Unjoni Ewropea permezz tar-Rappreżentant Għoli.

Il-Kap tal-Missjoni:

• hu responsabbli għal u jeżerċita l-kmand u l-kontroll tal-EUAM Iraq fuq il-post;
• huwa direttament responsabbli lejn il-Kmandant tal-Operazzjoni Ċivili u jaġixxi skont l-istruzzjonijiet tiegħu;
• jikkoordina ma’ atturi tal-UE oħra kif ikun hemm bżonn u jirċievi gwida politika lokali mid-delegazzjoni tal-UE fl-Iraq.