This document is an excerpt from the EUR-Lex website
Ir-rekwiżiti tal-ekodisinn — provvisti tal-elettriku esterni
SOMMARJU TA’:
X’INHU L-GĦAN TAR-REGOLAMENT?
Ir-Regolament (UE) 2019/1782 jistabbilixxi r-rekwiżiti tal-ekodisinn1 għat-tqegħid fis-suq jew għat-tqegħid fis-servizz ta’ provvisti tal-elettriku esterni 2.
PUNTI EWLENIN
- Ir-regolament ma japplikax:
- konvertituri tal-vultaġġ;
- għall-provvisti tal-elettriku mingħajr interruzzjoni;
- għaċ-ċarġers tal-batteriji mingħajr funzjoni ta’ provvista tal-elettriku;
- konvertituri tat-tidwil;
- provvisti tal-elettriku esterni għall-apparat mediku;
- injetturi power over Ethernet attivi;
- stazzjonijiet għad-dokkjar għal tagħmir awtonomu;
- provvisti tal-elettriku esterni mqiegħda fis-suq qabel l- biss bħala partijiet tas-servizz jew spare parts għas-sostituzzjoni ta’ provvisti tal-elettriku esterni identiċi mqiegħda fis-suq qabel l-.
- Ir-rekwiżiti tal-ekodisinn huma stabbiliti fl-Anness II.
- Ir-regolament jistabbilixxi l-proċedura tal-valutazzjoni tal-konformità u fil-punt 3 tal-Anness II, il-metodu tal-kejl u l-kalkoli li għandhom jintużaw.
- L-awtoritajiet nazzjonali għandhom japplikaw il-proċeduri ta’ verifika stabbiliti fl-Anness III meta jwettqu l-verifiki tas-sorveljanza tas-suq.
- L-Anness IV jistabbilixxi parametri referenzjarji indikattivi għall-prodotti u t-teknoloġiji bl-aqwa prestazzjoni disponibbli fis-suq.
Tħassir u sostituzzjoni
Ir-regolament jitħassar bir-Regolament tal-Kummissjoni (UE) 2025/2052 (ara s-sommarju) b’effett mill-14 ta’ Diċembru 2028:
- minn dik id-data, ir-Regolament (UE) 2019/1782 ma jibqax japplika għall-provvisti tal-elettriku esterni mqiegħda fis-suq jew fis-servizz;
- Ir-Regolament (UE) 2025/2052 jemenda r-rekwiżiti tal-ekodisinn għall-provvisti tal-elettriku esterni, billi jintroduċi rekwiżiti aġġornati, inkluż kamp ta’ applikazzjoni estiż, regoli dwar l-interoperabbiltà u obbligi ta’ informazzjoni ġodda;
- id-dispożizzjonijiet tranżizzjonali jippermettu li ċerti provvisti tal-elettriku esterni bħala spare parts ikomplu jikkonformaw mar-rekwiżiti tar-Regolament (UE) 2019/1782 għal perjodu limitat wara t-tħassir, taħt kundizzjonijiet speċifiċi.
MINN META JIBDA JAPPLIKA R-REGOLAMENT?
Dan ilu japplika mill- u ħassar ir-Regolament (KE) Nru 278/2009 f’dik id-data.
SFOND
Id-Direttiva 2009/125/KE tistabbilixxi qafas biex jiġu stabbiliti rekwiżiti tal-ekodisinn għal prodotti relatati mal-enerġija. Il-Kummissjoni Ewropea trid tistabbilixxi dawn għall-prodotti li jinbiegħu u jiġu nnegozjati b’mod wiesa’ fl-UE u li għandhom impatt ambjentali sinifikanti.
Għal aktar informazzjoni ara:
- Provvisti tal-elettriku esterni (il-Kummissjoni Ewropea)
- Il-miżuri tal-ekodisinn il-ġodda spjegati (il-Kummissjoni Ewropea)
- Ekodisinn u Tikketta tal-Enerġija (il-Kummissjoni Ewropea).
TERMINI EWLENIN
- Ekodisinn. Politika għat-titjib, permezz ta’ disinn aħjar, tal-prestazzjoni ambjentali tal-prodotti tul iċ-ċiklu ta’ ħajja tagħhom, speċjalment l-effiċjenza enerġetika tagħhom.
- Provvista tal-elettriku esterna. Apparat li jikkonverti kurrent alternanti monofażi mill-mejns f’output wieħed jew aktar ta’ kurrent alternanti jew kurrent dirett u li jkun jinsab f’kompartiment separat mill-prodott motorizzat.
DOKUMENT EWLIENI
Ir-Regolament tal-Kummissjoni (UE) 2019/1782 tal- li jistabbilixxi r-rekwiżiti tal-ekodisinn għall-provvisti tal-elettriku esterni skont id-Direttiva 2009/125/KE tal-Parlament Ewropew u tal-Kunsill u li jħassar ir-Regolament tal-Kummissjoni (KE) Nru 278/2009 (ĠU L 272, , pp. 95–106).
l-aħħar aġġornament