COSME

Ba é COSME clár an Aontais Eorpaigh um iomaíochas fiontar agus fiontar beag agus meánmhéide (FBManna) a reachtáladh le haghaidh na tréimhse 2014–2020. Le haghaidh na tréimhse 2021–2027, tógadh a ghníomhaíochtaí isteach i gclár níos leithne an mhargaidh aonair agus tógadh na hionstraimí airgeadais isteach in InvestEU.

Cuimsítear an méid a leanas sa chlár.

• Rochtain FBManna ar mhaoiniú a éascú ag céimeanna éagsúla dá saolré. Cruthú, méadú nó aistriú gnó tríd an tSaoráid Iasachta faoi Ráthaíocht agus an tSaoráid Cothromais d’Fhás.
• Tacú le hidirnáisiúnú agus rochtain ar mhargaí. Cuidiú a thabhairt do FBManna ionas gur féidir leo leas a bhaint as margadh inmheánach an Aontais Eorpaigh agus as deiseanna i margaí lasmuigh den Aontas Eorpach. Cómhaoiníodh le COSME an Líonra Fiontar Eorpach (chun cuidiú le FBManna comhpháirtithe gnó agus teicneolaíochta a aimsiú) agus maoiníodh leis uirlisí gréasáin (Tairseach Ghnó – An Eoraip Agatsa, an tairseach idirnáisiúnaithe FBManna agus deasca cabhrach maoine intleachtúla) chun comhairle a thabhairt maidir le cearta maoine intleachtúla, caighdeáin agus rialacha soláthair phoiblí.
• Timpeallacht atá fabhrach don iomaíochas a chruthú. Ualaí riaracháin agus rialála gan ghá a laghdú (mar shampla, tionchar dhlí AE ar FBManna a thomhas agus reachtaíocht chliste a thacaíonn le gnó a fhorbairt), cuidiú le FBManna dul i mbun samhlacha nua gnó agus cnuasaigh barr feabhais, ríomhscileanna agus ríomhcheannaireacht a chur chun cinn.
• Cultúr fiontraíochta a spreagadh. Malartuithe soghluaisteachta, taighde, leathadh an dea–chleachtais agus gníomhaíochtaí píolótacha.

Ceapadh COSME chun “acht um ghnólachtaí beaga” AE a chur chun feidhme, ag léiriú aitheantas an róil lárnaigh atá ag FBManna i ngeilleagar AE.