Deċiżjoni

Deċiżjoni hija att legali vinkolanti li jista’ jew ikollu applikazzjoni ġenerali jew li jista’ jkollu destinatarju speċifiku. Deċiżjoni hija parti mil-liġi sekondarja tal-UE, il-korp tal-liġi li joħroġ mill-prinċipji u l-għanijiet stabbiliti fit-trattati tal-UE (il-liġi primarja).

Skont l-Artikolu 288 tat-Trattat dwar il-Funzjonament tal-Unjoni Ewropea, deċiżjoni hija vinkolanti fl-intier tagħha.

Deċiżjoni tista’ tkun att leġiżlattiv jew mhux leġiżlattiv.

Id-deċiżjonijiet huma atti leġiżlattivi meta jiġu adottati b’mod konġunt minn:

• il-Parlament Ewropew u mill-Kunsill fl-ambitu tal-proċedura leġiżlattiva ordinarja, jew
• il-Parlament Ewropew bil-parteċipazzjoni tal-Kunsill, jew
• il-Kunsill bil-parteċipazzjoni tal-Parlament Ewropew fl-ambitu tal-proċedura leġiżlattiva speċjali.

Id-deċiżjonijiet ħafna drabi huma deċiżjonijiet adottati, ġeneralment imma mhux esklużivament, mill-Kummissjoni Ewropea, wara delega (atti delegati) jew biex jimplimentaw att leġiżlattiv (atti ta’ implimentazzjoni).

ARA WKOLL

• Il-Kunsill tal-Unjoni Ewropea
• Atti delegati
• Direttiva
• Strumenti legali tal-UE
• Il-Kummissjoni Ewropea
• Il-Parlament Ewropew
• Ġerarkija tan-normi tal-Unjoni Ewropea (UE)
• Atti ta’ implimentazzjoni
• Atti legali
• Atti leġiżlattivi
• Atti mhux leġiżlattivi
• Opinjoni
• Proċedura leġiżlattiva ordinarja (kodeċiżjoni)
• Rakkomandazzjoni
• Regolament
• Trattati
• Id-deċiżjonijiet tal-Unjoni Ewropea (sommarju)
• Il-leġiżlazzjoni sekondarja (sommarju).