Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Glossary of summaries

Tograí reachtacha

In Airteagal 17 den Chonradh ar an Aontas Eorpach (CAE) leagtar amach na cúramaí agus róil éagsúla a bheidh ag an gCoimisiún Eorpach, ina luaitear go sainráite sa dara mír “ ní fhéadfar gníomhartha reachtacha Aontais a ghlacadh ach amháin ar bhonn togra ón gCoimisiún”. Leis an gceart tionscnaimh sin tugtar cumhacht shuntasach don Choimisiún i múnlú bheartas agus reachtaíocht an AE. Mar a léirítear in airteagal an chonartha, níl monaplacht ag an gCoimisiún chun tionscnaimh reachtacha a thionscnamh, áfach.

Féadfaidh Parlaimint na hEorpa, faoi Airteagal 225 den Chonradh ar Fheidhmiú an Aontais Eorpaigh (CFAE), “ag gníomhú di trí thromlach de na Comhaltaí a chomhdhéanann í, iarraidh ar an gCoimisiún aon togra iomchuí a chur faoina bráid ar na hábhair ar gá, dar léi, gníomh Aontais ina leith chun na Conarthaí a chur chun feidhme”. Sonraítear sna conarthaí chomh maith na cásanna nuair atá ceart díreach tionscnaimh ag an bParlaimint: i leith cinntí a bhaineann lena comhdhéanamh féin (Airteagal 14 CAE), i leith forálacha thoghadh a cuid comhaltaí (Airteagal 223(1) CFAE), i leith coinníollacha ginearálta lena rialaítear comhlíonadh dhualgais a comhaltaí (Airteagal 223(2) CFAE), i leith na rialacha lena rialaítear i bhfeidhmiú a chirt fiosrúcháin (Airteagal 226 CFAE) agus i leith na rialacháin agus na coinníollacha ginearálta lena rialaítear comhlíonadh dhualgais an Ombudsman; (Airteagal 228 CFAE).

Féadfaidh cruinniú mullaigh na Comhairle Eorpaí iarraidh ar an gCoimisiún tionscnaimh beartais a dhréachtú.

Féadfaidh Comhairle an Aontais Eorpaigh, faoi Airteagal 241 CFAE, “ag gníomhú di trí thromlach simplí, a iarraidh ar an gCoimisiún dul i mbun aon staidéir a mheasann an Chomhairle a bheith fóinteach chun na comhaidhmeanna a ghnóthú, agus aon tograí iomchuí a chur faoina bráid”.

Faoi Airteagal 11 CAE agus Airteagal 24 CFAE, leis an tionscnamh ó na saoránaigh ligtear do shaoránaigh cuireadh a thabhairt chuig an gCoimisiún tionscnaimh ina gcreidtear gur cheart glacadh leo i reachtaíocht AE a chur faoi bhráid. Nuair atá aon mhilliún síntiús ag an tionscnamh ó sheacht mBallstát AE (tá tairseach íosta ag gach tír) ar a laghad, ní mór don Choimisiún cinneadh a dhéanamh ar an mbeart a dhéanfar, más ann.

I gcomhthéacs gnáthnósanna imeachta reachtacha, féadfaidh tionscnaimh reachtacha a chur ar aghaidh ag seo a leanas:

  • aon cheathrú cuid de na Ballstáit (faoi Airteagal 76 CFAE),
  • An Chúirt Bhreithiúnais (faoi Airteagal 257 CFAE), agus
  • An Banc Ceannais Eorpach (faoi Airteagal 40 de Phrótacal Uimh. 4).

Déantar an nós imeachta reachtach (gnáthnós imeachta reachtach nó nós imeachta reachtach speisialta) a úsáidtear chun glacadh le tionscnaimh reachtacha a chinntiú de réir airteagal an chonartha atá mar bhunús dlí an achta.

FÉACH FREISIN

Top