EUR-Lex Access to European Union law
This document is an excerpt from the EUR-Lex website
Document 32023R1020
Commission Implementing Regulation (EU) 2023/1020 of 24 May 2023 amending Regulation (EU) No 965/2012 as regards helicopter emergency medical service operations (Text with EEA relevance)
Regolament ta’ Implimentazzjoni tal-Kummissjoni (UE) 2023/1020 tal-24 ta’ Mejju 2023 li jemenda r-Regolament (UE) Nru 965/2012 fir-rigward tal-operazzjonijiet ta’ servizzi mediċi ta’ emerġenza bil-ħelikopter (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2023/1020 tal-24 ta’ Mejju 2023 li jemenda r-Regolament (UE) Nru 965/2012 fir-rigward tal-operazzjonijiet ta’ servizzi mediċi ta’ emerġenza bil-ħelikopter (Test b’rilevanza għaż-ŻEE)
C/2023/3195
ĠU L 137, 25/05/2023, p. 1–15
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
25.5.2023 |
MT |
Il-Ġurnal Uffiċjali tal-Unjoni Ewropea |
L 137/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/1020
tal-24 ta’ Mejju 2023
li jemenda r-Regolament (UE) Nru 965/2012 fir-rigward tal-operazzjonijiet ta’ servizzi mediċi ta’ emerġenza bil-ħelikopter
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikolu 27(1) u l-Artikolu 31(1) tiegħu,
Billi:
(1) |
Ir-Regolament tal-Kummissjoni (UE) Nru 965/2012 (2) jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru, u fost l-oħrajn, mal-operazzjonijiet ta’ servizzi mediċi ta’ emerġenza bil-ħelikopter (HEMS). Jenħtieġ li tali rekwiżiti tekniċi u proċeduri amministrattivi jiġu aġġornati biex jiġi żgurat li jirriflettu l-ogħla livell fl-iżviluppi u l-aqwa prattika fil-qasam tal-operazzjonijiet tal-ajru. |
(2) |
Is-servizzi mediċi ta’ emerġenza bil-ħelikopter huma fost l-aktar operazzjonijiet diffiċli minn perspettiva ta’ sikurezza minħabba li l-missjoni spiss tkun tikkonsisti f’titjira lejn sit mingħajr stħarriġ minn qabel fi kwalunkwe kundizzjoni tat-temp u taħt pressjoni ta’ ħin biex jiġu salvati n-nies. Jenħtieġ li tali operazzjonijiet jiġu rregolati b’tali mod li jibqgħu sikuri l-ħin kollu. |
(3) |
L-operazzjonijiet ta’ servizzi mediċi ta’ emerġenza bil-ħelikopter, li jinkludu operazzjonijiet ta’ salvataġġ fil-muntanji, iżda mhux it-tiftix u s-salvataġġ ta’ inġenji tal-ajru f’diffikultà, huma daqstant ieħor diffiċli meta jitwettqu taħt l-istess kundizzjonijiet bħal dawk tal-operazzjonijiet ta’ servizzi mediċi ta’ emerġenza bil-ħelikopter. Għaldaqstant, meta l-operazzjonijiet ta’ servizzi mediċi ta’ emerġenza bil-ħelikopter jaqgħu fil-kamp ta’ applikazzjoni tar-Regolament (UE) 2018/1139, jenħtieġ li jiġu rregolati bl-istess mod bħall-operazzjonijiet ta’ servizzi mediċi ta’ emerġenza bil-ħelikopter. |
(4) |
Abbażi tad-data disponibbli, ir-riskju ta’ inċidenti minħabba ambjent viżiv degradat, inklużi operazzjonijiet f’temp ħażin u billejl, kif ukoll ir-riskju ta’ kolliżjoni f’inċident jew f’sit ta’ salvataġġ, jenħtieġ li jkompli jittaffa permezz ta’ rekwiżiti għat-tagħmir, proċeduri operattivi standard, u taħriġ tal-ekwipaġġ. |
(5) |
Jenħtieġ li jiġi żgurat li d-derogi mill-kriterji tal-prestazzjoni tal-ħelikopters japplikaw biss għal siti storiċi fi sptarijiet li jkunu ġew stabbiliti qabel id-dħul fis-seħħ tar-Regolament (UE) Nru 965/2012, biex jiġi żgurat li jintlaħaq il-livell xieraq ta’ sikurezza. F’siti ta’ sptarijiet li bħalissa jikkwalifikaw għal derogi bħal dawn, jenħtieġ li l-ambjent tal-ostakli jibqa’ ssorveljat u aċċettabbli minn perspettiva ta’ sikurezza. |
(6) |
Ir-rekwiżiti attwali dwar il-prestazzjoni u l-ossiġenu fir-rigward ta’ operazzjonijiet ta’ servizzi mediċi ta’ emerġenza bil-ħelikopter f’altitudni għolja u l-operazzjonijiet ta’ salvataġġ fil-muntanji stabbiliti fir-Regolament (UE) Nru 965/2012 ma jippermettux operazzjonijiet f’altitudnijiet għoljin, madankollu jenħtieġ li jkun possibbli li l-persuni jiġu salvati fi kwalunkwe altitudni. Għaldaqstant jenħtieġ illi r-rekwiżiti applikabbli jiġu emendati. |
(7) |
F’konformità mal-Artikolu 140(2), il-punt (b) tar-Regolament (UE) 2018/1139, ir-Regolament (UE) Nru 965/2012 għandu jiġi adattat għar-Regolament (UE) 2018/1139 fir-rigward tad-definizzjoni ta’ inġenju tal-ajru mħaddem b’magna kumplessa li kienet inkluża fir-Regolament (KE) Nru 216/2008 tal-Parlament Ewropew u tal-Kunsill (3), imħassar bir-Regolament (UE) 2018/1139. Għaldaqstant jenħtieġ li r-Regolament (UE) Nru 965/2012 jiġi emendat skont dan. |
(8) |
L-operaturi li bħalissa jwettqu operazzjonijiet tal-HEMS kif ukoll l-awtoritajiet kompetenti responsabbli għaċ-ċertifikazzjoni u s-sorveljanza ta’ dawn l-operazzjonijiet se jkollhom bżonn biżżejjed żmien biex jimplimentaw bis-sħiħ il-bidliet stabbiliti f’dan ir-Regolament. Għaldaqstant, l-applikabbiltà tad-dispożizzjonijiet introdotti b’dan ir-Regolament relatati mal-operazzjonijiet tal-HEMS hija differita b’sena. Barra minn hekk, l-applikabbiltà ta’ xi dispożizzjonijiet speċifiċi li jeħtieġu perjodu ta’ implimentazzjoni itwal, bħal dawk li jintroduċu approvazzjonijiet ġodda jew tagħmir ġdid, rekwiżiti ta’ prestazzjoni jew rekwiżiti ta’ taħriġ, hija differita aktar. |
(9) |
Ir-Regolament (UE) Nru 216/2008 ħassar id-Direttiva 2004/36/KE tal-Parlament Ewropew u tal-Kunsill (4). Id-Direttiva 2004/36/KE ġiet implimentata bir-Regolamenti tal-Kummissjoni (KE) Nru 768/2006 (5) u (KE) Nru 351/2008 (6). Id-dispożizzjonijiet ta’ dawn ir-regolamenti tal-aħħar ġew sostitwiti bir-Regolament (UE) Nru 965/2012, iżda qatt ma tħassru b’mod espliċitu. Għaldaqstant huwa meħtieġ li dawk ir-regolamenti jitħassru. |
(10) |
L-Aġenzija tas-Sikurezza tal-Avjazzjoni tal-Unjoni Ewropea ħejjiet abbozz ta’ att ta’ implimentazzjoni u ressqitu lill-Kummissjoni mal-Opinjoni 08/2022 (7) f’konformità mal-Artikolu 76(1) tar-Regolament (UE) 2018/1139. |
(11) |
Ir-rekwiżiti stipulati f’dan ir-Regolament huma konformi mal-opinjoni tal-Kumitat għall-applikazzjoni ta’ regoli komuni tas-sikurezza fil-qasam tal-avjazzjoni ċivili stabbiliti mill-Artikolu 127 tar-Regolament (UE) 2018/1139, |
ADOTTAT DAN IR-REGOLAMENT:
Artikolu 1
Emendi għar-Regolament (UE) Nru 965/2012
Ir-Regolament (UE) Nru 965/2012 huwa emendat kif ġej:
(1) |
fl-Artikolu 6, il-paragrafu 6 huwa sostitwit b’dan li ġej: “6. B’deroga mill-punt CAT.POL.H.225 tal-Anness IV u sal-25 ta’ Mejju 2028, l-operazzjonijiet eżistenti bil-ħelikopter lejn jew minn sit ta’ interess pubbliku (PIS) jistgħu jitwettqu taħt il-kundizzjonijiet stabbiliti mill-Istati Membri, kull meta d-daqs tal-PIS, tal-ambjent tal-ostakli jew tal-ħelikopter ma jippermettix il-konformità mar-rekwiżiti għat-tħaddim fil-klassi tal-prestazzjoni 1. L-Istati Membri għandhom javżaw lill-Kummissjoni u lill-Aġenzija bil-kundizzjonijiet li jkunu qed jiġu applikati.” |
(2) |
L-Annessi I, II, III, IV, V, VII u VIII huma emendati f’konformità mal-Anness ta’ dan ir-Regolament. |
Artikolu 2
Tħassir
Ir-Regolamenti (KE) Nru 768/2006 u (KE) Nru 351/2008 jitħassru b’effett mill-14 ta’ Ġunju 2023.
Artikolu 3
Dħul fis-seħħ u applikabbiltà
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-25 ta’ Mejju 2024.
Madanakollu:
(a) |
il-punt (5)(b) tal-Anness għandu japplika mill-25 ta’ Mejju 2026; |
(b) |
il-punt (5)(d) tal-Anness ta’ dan ir-Regolament għandu japplika mill-25 ta’ Mejju 2028 fir-rigward tal-emenda fil-punt SPA.HEMS.110(e) tal-Anness V tar-Regolament (UE) Nru 965/2012; |
(c) |
il-punt (5)(f) tal-Anness ta’ dan ir-Regolament għandu japplika biss għall-operazzjonijiet tal-HEMS koperti mill-punt (61)(b) tal-Anness I tar-Regolament (UE) Nru 965/2012 mill-25 ta’ Mejju 2028; |
(d) |
il-punt (5)(g) tal-Anness ta’ dan ir-Regolament għandu japplika biss għall-operazzjonijiet tal-HEMS koperti mill-punt (61)(b) tal-Anness I tar-Regolament (UE) Nru 965/2012 mill-25 ta’ Mejju 2026; |
(e) |
il-punti (6) u (7) tal-Anness għandhom japplikaw mill-14 ta’ Ġunju 2023. |
(f) |
l-Istati Membri jistgħu jiddeċiedu li jużaw il-formola stabbilita fl-Appendiċi II tal-Anness II tar-Regolament (UE) Nru 965/2012 kif emendat bil-punt (2)(b) tal-Anness ta’ dan ir-Regolament biss meta joħorġu ċertifikati ġodda tal-operatur tal-ajru, jew meta jagħmlu bidliet fiċ-ċertifikati eżistenti, f’konformità mal-punti ARO.GEN.310 jew ARO.GEN.330 tal-Anness II tar-Regolament (UE) Nru 965/2012. |
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-24 ta’ Mejju 2023.
Għall-Kummissjoni
Il-President
Ursula VON DER LEYEN
(1) ĠU L 212, 22.8.2018, p. 1.
(2) Ir-Regolament tal-Kummissjoni (UE) Nru 965/2012 tal-5 ta’ Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 296, 25.10.2012, p. 1).
(3) Ir-Regolament (KE) Nru 216/2008 tal-Parlament Ewropew u tal-Kunsill tal-20 ta’ Frar 2008 dwar regoli komuni fil-kamp tal-avjazzjoni ċivili u li jistabbilixxi Aġenzija Ewropea tas-Sikurezza tal-Avjazzjoni, u li jħassar id-Direttiva tal-Kunsill 91/670/KEE, ir-Regolament (KE) Nru 1592/2002 u d-Direttiva 2004/36/KE (ĠU L 79, 19.3.2008, p. 1).
(4) Id-Direttiva 2004/36/KE tal-Parlament Ewropew u tal-Kunsill tal-21 ta’ April 2004 is-sigurtà ta’ ajruplani ta’ pajjiżi terzi li jużaw ajruporti tal-Komunità (ĠU L 143, 30.4.2004, p. 76).
(5) Ir-Regolament tal-Kummissjoni (KE) Nru 768/2006 tad-19 ta’ Mejju 2006 li jimplimenta d-Direttiva 2004/36/KE tal-Parlament Ewropew u tal-Kunsill rigward il-ġbir u l-iskambju ta’ informazzjoni dwar is-sikurezza ta’ ajruplani li jużaw ajruporti tal-Komunità u dwar il-ġestjoni tas-sistema tal-informazzjoni (ĠU L 134, 20.5.2006, p. 16).
(6) Ir-Regolament tal-Kummissjoni (KE) Nru 351/2008 tas-16 ta’ April 2008 li jimplimenta d-Direttiva 2004/36/KE tal-Parlament Ewropew u tal-Kunsill rigward il-prijoritizzazzjoni ta’ spezzjonijiet fir-rampa ta’ inġenji tal-ajru li jużaw ajruporti tal-Komunità (ĠU L 109, 19.4.2008, p. 7).
(7) https://www.easa.europa.eu/document-library/opinions
ANNESS
L-Annessi I, II, III, IV, V, VI, VII u VIII tar-Regolament (UE) Nru 965/2012 huma emendati kif ġej:
(1) |
L-Anness I huwa emendat kif ġej:
|
(2) |
L-Anness II huwa emendat kif ġej:
|
(3) |
L-Anness III huwa emendat kif ġej:
|
(4) |
L-Anness IV huwa emendat kif ġej:
|
(5) |
L-Anness V huwa emendat kif ġej:
|
(6) |
fl-Anness VII, il-punt NCO.IDE.H.170(b) huwa sostitwit b’dan li ġej:
|
(7) |
fl-Anness VIII, il-punt SPO.IDE.H.190(b) huwa sostitwit b’dan li ġej:
|