EUR-Lex Access to European Union law
This document is an excerpt from the EUR-Lex website
Document 32019R1391
Commission Implementing Regulation (EU) 2019/1391 of 6 September 2019 amending Regulation (EC) No 1218/1999 concerning the classification of certain goods in the Combined Nomenclature and repealing Implementing Regulation (EU) No 670/2013
Regolament ta' Implimentazzjoni tal-Kummissjoni (UE) 2019/1391 tas-6 ta' Settembru 2019 li jemenda r-Regolament (KE) Nru 1218/1999 dwar il-klassifikazzjoni ta' ċerti prodotti fin-Nomenklatura Magħquda u li jħassar ir-Regolament ta' Implimentazzjoni (UE) Nru 670/2013
Regolament ta' Implimentazzjoni tal-Kummissjoni (UE) 2019/1391 tas-6 ta' Settembru 2019 li jemenda r-Regolament (KE) Nru 1218/1999 dwar il-klassifikazzjoni ta' ċerti prodotti fin-Nomenklatura Magħquda u li jħassar ir-Regolament ta' Implimentazzjoni (UE) Nru 670/2013
C/2019/6511
ĠU L 233, 10/09/2019, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
10.9.2019 |
MT |
Il-Ġurnal Uffiċjali tal-Unjoni Ewropea |
L 233/1 |
REGOLAMENT TA' IMPLIMENTAZZJONI TAL-KUMMISSJONI (UE) 2019/1391
tas-6 ta' Settembru 2019
li jemenda r-Regolament (KE) Nru 1218/1999 dwar il-klassifikazzjoni ta' ċerti prodotti fin-Nomenklatura Magħquda u li jħassar ir-Regolament ta' Implimentazzjoni (UE) Nru 670/2013
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (1), u b'mod partikolari l-Artikolu 57(4) u l-Artikolu 58(2) tiegħu,
Billi:
(1) |
Permezz tar-Regolament tal-Kummissjoni (KE) Nru 1218/1999 (2), tinda tal-ġnien ta' qies ta' 3 m x 3 m, li tikkonsisti minn kopertura magħmula minn drapp oħxon minsuġ 100 % qoton, ippreżentat b'vireg weqfin tal-metall li jifformaw il-qafas tagħha u b'apparat ta' stiratura li bihom tista' titwaħħal mal-art, ġiet ikklassifikata taħt il-kodiċi tan-NM 6306 91 00 bħala “oġġetti oħrajn għall-ikkampjar”, minħabba li kienet miftuħa fuq l-erba' naħat kollha. Il-kodiċi tan-NM għal dik il-kategorija ta' prodotti nbidel minħabba bidliet fil-kodiċi fis-Sistema Armonizzata u fin-Nomenklatura Magħquda, u r-Regolament (KE) Nru 1218/1999 ġie emendat bir-Regolament ta' Implimentazzjoni (UE) Nru 441/2013 (3) biex jindika l-kodiċi ġdid tan-NM 6306 90 00. Permezz tar-Regolament ta' Implimentazzjoni (UE) Nru 670/2013 (4), il-Kummissjoni kklassifikat oġġett li għandu l-karattru essenzjali ta' kopertura ta' barra iżda li huwa ppreżentat mingħajr qafas, arbli jew aċċessorji taħt il-kodiċi tan-NM 6306 90 00 bħala “oġġetti oħrajn għall-ikkampjar”, minħabba li ma għandux ġnub jew ħitan, li jippermettu l-formazzjoni ta' post magħluq. |
(2) |
Matul it-62 sessjoni tiegħu f'Settembru 2018, il-Kumitat tas-Sistema Armonizzata (HSC) tal-Organizzazzjoni Dinjija Doganali (WCO) approva l-opinjoni ta' klassifikazzjoni 6306.22/1 dwar il-klassifikazzjoni ta' prodott imsejjaħ “gazebo temporanju”, li tkejjel madwar 3 m × 3 m × 2,50 m u li tikkonsisti f'qafas ta' tubu tal-azzar b'biċċiet ta' konnessjoni u saqajn tal-plastik, u saqaf li jgħatti l-kisi għal fuq erba' kantunieri. Il-gazebo hija miftuħa fuq l-erba' naħat u mhix ankrata sew mal-art. Din kienet ikklassifikata fis-subintestatura HS 6306 22, li tikkorrispondi għall-kodiċi NM 6306 22 00. |
(3) |
Minħabba l-karatteristiċi identiċi jew simili ħafna tal-prodott mal-oġġetti deskritti fir-Regolament (KE) Nru 1218/1999 u r-Regolament ta' Implimentazzjoni (UE) Nru 670/2013, il-klassifikazzjoni tariffarja tal-oġġetti kif stabbiliti fl-Anness ta' dawk ir-Regolamenti mhijiex skont l-opinjoni ta' klassifikazzjoni 6306.22/1 tal-HSC tad-WCO. |
(4) |
L-Unjoni, permezz tad-Deċiżjoni tal-Kunsill 87/369/KEE (5), hija parti kontraenti għall-Konvenzjoni Internazzjonali dwar is-Sistema Armonizzata għad-Deskrizzjoni u Kodifikazzjoni ta' Merkanzija (magħrufa bħala s-Sistema Armonizzata jew l-SA), imfassla mill-Kunsill għall-Kooperazzjoni Doganali (magħruf bħala d-WCO). L-opinjonijiet ta' klassifikazzjoni maħruġa mill-HSC fil-prinċipju jservu ta' strumenti ta' gwida għall-miżuri tariffarji tal-Unjoni. |
(5) |
Bl-għan li tiġi żgurata uniformità fl-interpretazzjoni u fl-applikazzjoni tas-Sistema Armonizzata f'livell internazzjonali u meta wieħed iqis li d-deċiżjoni tal-HSC hija f'konformità mal-kliem tas-subintestatura 6306.22 tas-SA, jenħtieġ li l-Unjoni tapplika l-opinjoni ta' klassifikazzjoni tal-HSC tad-WCO 6306.22/1. |
(6) |
Il-bażi ġuridika u l-proċedura ta' adozzjoni biex jiġi emendat ir-Regolament (KE) Nru 1218/1999 u biex jitħassar ir-Regolament ta' Implimentazzjoni (UE) Nru 670/2013 huma l-istess. Għaldaqstant, huwa xieraq li jiġi adottat att wieħed għal dawk il-finijiet. |
(7) |
Għalhekk jenħtieġ li r-Regolament (KE) Nru 1218/1999 jiġi emendat skont dan. |
(8) |
Għalhekk jenħtieġ li r-Regolament ta' Implimentazzjoni (UE) Nru 670/2013 jitħassar. |
(9) |
Il-miżuri previsti f'dan ir-Regolament huma konformi mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Fl-Anness tar-Regolament (KE) Nru 1218/1999, titħassar ir-ringiela li tikkorrispondi mal-punt 6 tat-tabella.
Artikolu 2
Ir-Regolament ta' Implimentazzjoni (UE) Nru 670/2013 jitħassar.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta' Settembru 2019.
Għall-Kummissjoni,
F'isem il-President,
Stephen QUEST
Direttur Ġenerali
Direttorat Ġenerali għat-Tassazzjoni u l-Unjoni Doganali
(1) ĠU L 269, 10.10.2013, p. 1.
(2) Ir-Regolament tal-Kummissjoni (KE) Nru 1218/1999 tal-14 ta' Ġunju 1999 dwar il-klassifikazzjoni ta' ċerti prodotti fin-Nomenklatura Magħquda (ĠU L 148, 15.6.1999, p. 9)
(3) Ir-Regolament ta' Implimentazzjoni tal-Kummissjoni (UE) Nru 441/2013 tas-7 ta' Mejju 2013 li jemenda jew iħassar ċertu regolamenti dwar il-klassifikazzjoni tal-oġġetti fin-Nomenklatura Magħquda (ĠU L 130, 15.5.2013, p. 1).
(4) Ir-Regolament tal-Kummissjoni (UE) Nru 670/2013 tad-9 ta' Lulju 2013 dwar il-klassifikazzjoni ta' ċerti prodotti fin-Nomenklatura Magħquda (ĠU L 193, 16.7.2013, p. 2).
(5) Id-Deċiżjoni tal-Kunsill 87/369/KEE tas-7 ta' April 1987 dwar il-konklużjoni tal-Konvenzjoni Internazzjonali dwar is-Sistema Armonizzata għad-Deskrizzjoni u l-Kodifika ta' Oġġetti u tal-Protokoll li jemendaha (ĠU L 198, 20.7.1987, p. 1).