Edizzjoni speċjali bil-Kroat: Kapitolu 18 Volum 013 P. 144 - 144
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32009D0969
Council Decision 2009/969/CFSP of 15 December 2009 extending the restrictive measures against certain officials of Belarus laid down in Common Position 2006/276/CFSP, and repealing Common Position 2009/314/CFSP
Deċiżjoni tal-Kunsill 2009/969/PESK tal- 15 ta’ Diċembru 2009 li testendi l-miżuri restrittivi kontra ċerti uffiċjali tal-Belarus imniżżla fil-Pożizzjoni Komuni 2006/276/PESK, u li tħassar il-Pożizzjoni Komuni 2009/314/PESK
Deċiżjoni tal-Kunsill 2009/969/PESK tal- 15 ta’ Diċembru 2009 li testendi l-miżuri restrittivi kontra ċerti uffiċjali tal-Belarus imniżżla fil-Pożizzjoni Komuni 2006/276/PESK, u li tħassar il-Pożizzjoni Komuni 2009/314/PESK
ĠU L 332, 17/12/2009, p. 76–76
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
17.12.2009 |
MT |
Il-Ġurnal Uffiċjali tal-Unjoni Ewropea |
L 332/76 |
DEĊIŻJONI TAL-KUNSILL 2009/969/PESK
tal-15 ta’ Diċembru 2009
li testendi l-miżuri restrittivi kontra ċerti uffiċjali tal-Belarus imniżżla fil-Pożizzjoni Komuni 2006/276/PESK, u li tħassar il-Pożizzjoni Komuni 2009/314/PESK
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Billi:
|
(1) |
Fl-10 ta’ April 2006, il-Kunsill adotta l-Pożizzjoni Komuni 2006/276/PESK dwar miżuri restrittivi kontra ċerti uffiċjali tal-Belarus (1). |
|
(2) |
Bil-Pożizzjoni Komuni 2009/314/PESK tas-6 ta’ April 2009 li temenda l-Pożizzjoni Komuni 2006/276/PESK (2) il-miżuri restrittivi ġew estiżi sal-15 ta’ Marzu 2010. Madankollu, ir-restrizzjonijiet ta’ vvjaġġar imposti fuq ċerti figuri ewlenin tal-Belarus, bl-eċċezzjoni ta’ dawk involuti fl-isparizzjonijiet li seħħew fl-1999 u fl-2000 u tal-President tal-Kummissjoni Elettorali Ċentrali, ġew sospiżi sal-15 ta’ Diċembru 2009. |
|
(3) |
Fis-17 ta’ Novembru 2009 l-Kunsill qabel li minħabba n-nuqqas ta’ progress tanġibbli fl-oqsma identifikati fil-Konklużjonijiet tal-Kunsill tat-13 ta’ Ottubru 2008, il-miżuri restrittivi previsti bil-Pożizzjoni Komuni 2006/276/PESK għandhom jiġu estiżi sa Ottubru 2010, filwaqt li s-sospensjoni tar-restrizzjonijiet ta’ vvjaġġar imposti fuq ċerti figuri ewlenin tal-Belarus, bl-eċċezzjoni ta’ dawk involuti fl-isparizzjonijiet li seħħew fl-1999 u fl-2000 u tal-President tal-Kummissjoni Elettorali Ċentrali, għandhom ukoll jiġu estiżi sa Ottubru 2010. Fit-tmiem ta’ dak il-perijodu, il-Kunsill ser jirrevedi l-miżuri restrittivi fid-dawl tas-sitwazzjoni fil-Belarus. Il-Kunsill jista’ jiddeċiedi li jerġa’ japplika jew ineħħi r-restrizzjonijiet ta’ vvjaġġar fi kwalunkwe ħin, fid-dawl ta’ azzjonijiet mill-awtoritajiet tal-Belarus fl-isfera tad-demokrazija u d-drittijiet tal-bniedem. |
|
(4) |
Għalhekk il-Pożizzjoni Komuni 2009/314/PESK għandha titħassar, |
ADOTTA DIN ID-DEĊIŻJONI:
Artikolu 1
Il-miżuri restrittivi previsti fil-Pożizzjoni Komuni 2006/276/PESK huma b’dan estiżi sal-31 ta’ Ottubru 2010.
Artikolu 2
1. Il-miżuri msemmija fl-Artikolu 1(1)(b) tal-Pożizzjoni Komuni 2006/276/PESK, safejn japplikaw għas-Sur Yuri Nikolaïevitch Podobed, huma b’dan sospiżi sal-31 ta’ Ottubru 2010.
2. Il-miżuri msemmija fl-Artikolu 1(1)(c) tal-Pożizzjoni Komuni 2006/276/PESK, huma b’dan sospiżi sal-31 ta’ Ottubru 2010.
Artikolu 3
Din id-Deċiżjoni għandha tiġi riveduta mill-ġdid qabel il-31 ta’ Ottubru 2010 fid-dawl tas-sitwazzjoni fil-Belarus.
Artikolu 4
Il-Pożizzjoni Komuni 2009/314/PESK hija b’dan imħassra.
Artikolu 5
Din id-Deċiżjoni għandha tidħol fis-seħħ fid-data tal-adozzjoni tagħha.
Artikolu 6
Din id-Deċiżjoni għandha tiġi ppublikata f’Il-Ġurnal Uffiċjali tal-Unjoni Ewropea.
Magħmul fi Brussell, il-15 ta’ Diċembru 2009.
Għall-Kunsill
Il-President
E. ERLANDSSON
(1) ĠU L 101, 11.4.2006, p. 5.