Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32004R1471R(02)

1471/2004/KE: Rettifika għar-Regolament tal-Kummissjoni (KE) Nru 1471/2004 tat- 18 ta’ Awwissu 2004 li jemenda l-Anness XI għar-Regolament (KE) Nru 999/2001 tal-Parlament Ewropew u l-Kummissjoni dwar l-importazzjoni ta’ prodotti taċ-ċerv mill-Kanada u l-Istati Uniti ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )

OJ L 71M, 17.3.2009, p. 58–59 (MT)

ELI: http://data.europa.eu/eli/reg/2004/1471/corrigendum/2009-03-17/oj

17.3.2009   

MT

Il-Ġurnal Uffiċjali tal-Unjoni Ewropea

L NaN/58

Rettifika għar-Regolament tal-Kummissjoni (KE) Nru 1471/2004 tat-18 ta’ Awwissu 2004 li jemenda l-Anness XI għar-Regolament (KE) Nru 999/2001 tal-Parlament Ewropew u l-Kummissjoni dwar l-importazzjoni ta’ prodotti taċ-ċerv mill-Kanada u l-Istati Uniti

( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )

Ir-Regolament tal-Kummissjoni (KE) Nru 1471/2004 għandu jaqra:

REGOLAMENT TAL-KUMMISSJONI (KE) Nru 1471/2004

tat-18 ta’ Awwissu 2004

li jemenda l-Anness XI għar-Regolament (KE) Nru 999/2001 tal-Parlament Ewropew u l-Kummissjoni dwar l-importazzjoni ta’ prodotti taċ-ċerv mill-Kanada u l-Istati Uniti

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf il-Komunità Ewropea,

Wara li kkunsidrat ir-Regolament (KE) Nru 999/2001 tal-Parlament Ewropew u l-Kunsill tat-22 ta’ Mejju 2001 li jwaqqaf ir-regoli għall-ħarsien, il-kontroll u l-qerda ta’ ċerti enċefalopatiji sponġiformi li jittieħdu (1), u l-aktar l-ewwel paragrafu ta’ l-Artiklu 23 miġjub fih,

Billi:

(1)

Il-Marda tal-Chronic Wasting ġiet irrappurtata fi ċriev u elk li jitrabbew fl-irziezet u salvaġġi fil-Kanada u fl-Istati Uniti. S’issa, ma kienu kkonfermati l-ebda każijiet ta’ din il-marda fl-Ewropa.

(2)

Fl-opinjoni tiegħu tas-6-7 ta’ Marzu 2003, il-Kumitat Xjentifiku Konsultattiv irrakkomanda li jkun imsaħħaħ il-ħarsien tas-saħħa ta’ l-annimali u dik pubblika fil-Komunità minħabba r-riskju li ġej mill-Marda Chronic Wasting fiċ-ċriev fil-Kanada u l-Istati Uniti.

(3)

Minħabba li l-Kanada u l-Istati Uniti mhumiex imniżżla fil-lista ta’ pajjiżi terzi li huma approvati biex jesportaw annimali li jixtarru mhux domestiċi lejn il-Komunità, kif stabbilit bid-Deċiżjoni tal-Kunsill 79/542/KEE li tfassal il-lista ta’ pajjiżi terzi jew partijiet minn pajjiżi terzi u li tistabbilixxi l-kundizzjonijiet fuq is-saħħa ta’ l-annimali u dik pubblika kif ukoll fuq iċ-ċertifikazzjoni veterinarja għall-importazzjoni fil-Komunità ta’ ċerti annimali ħajjin u l-laħam frisk tagħhom (2), l-esportazzjoni ta’ ċriev ħajjin minn dawn il-pajjiżi lejn il-Komunità hija diġà pprojbita.

(4)

Id-Direttiva tal-Kunsill 92/65/KEE, li tistabbilixxi l-kriterji tas-saħħa ta’ l-annimali li jikkontrollaw il-kummerċ u l-importazzjonijiet fil-Komunità ta’ annimali, semen, bajd u embrijoni li mhumiex suġġetti għall-kriterji tas-saħħa ta’ l-annimali stabbiliti fir-regoli speċifiċi tal-Komunità msemmija fl-Anness A(1) għad-Direttiva 90/425/KEE (3), tisħaq li s-semen, il-bajd u l-embrijoni biss ta’ ċerti speċi msemmija jistgħu jkunu impurtati fil-Komunità. L-ispeċi taċ-ċriev mhumiex inklużi. Għalhekk, l-importazzjoni tas-semen, l-embrijoni u l-bajd taċ-ċriev fil-Komunità hija diġà pprojbita.

(5)

Għandhom jiddaħħlu miżuri biex jitnaqqas ir-riskju li jista’ jkun hemm għas-saħħa ta’ l-annimali u ta’ dik pubblika minħabba l-importazzjoni ta’ laħam frisk, prodotti tal-laħam u preparazzjonijiet tal-laħam taċ-ċriev li jitrabbew fl-irziezet u slavaġ.

(6)

Ir-Regolament (KE) Nru 999/2001 għandu, għalhekk, jiġi emendat kif xieraq.

(7)

Il-miżuri li hemm f’dan ir-Regolament huma fi qbil ma’ l-opinjoni tal-Kumitat Permanenti fuq il-Katina ta’ l-Ikel u s-Saħħa ta’ l-Annimali,

ADOTTAT DAN IR-REGOLAMENT:

Artiklu 1

L-Anness XI għar-Regolament (KE) Nru 999/2001 qed ikun emendat fi qbil ma’ l-Anness għal dan ir-Regolament.

Artiklu 2

Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali ta’ l-Unjoni Ewropea.

Dan għandu jkun jgħodd mill-1 ta’ Jannar 2005.

Dan ir-Regolament għandu jorbot fl-intier tiegħu u jgħodd direttament fl-Istati Membri kollha.

Magħmul fi Brussell, 18 ta’ Awwissu 2004.

Għall-Kummissjoni

David BYRNE

Membru tal-Kummissjoni

ANNESS

Fil-parti D ta’ l-Anness XI, il-punt 4 li ġej għandu jiżdied:

“4.

(a)

Meta l-laħam ta’ l-annimali tal-kaċċa li jitrabbew fl-irziezet definit bid-Direttiva tal-Kunsill 91/495/KEE (4), il-preparazzjonijiet tal-laħam definiti bid-Direttiva tal-Kunsill 94/65/KE (5), u l-prodotti tal-laħam definiti bid-Direttiva tal-Kunsill 77/99/KEE (6), li jkunu ġejjin miċ-ċriev li jitrabbew fl-irziezet, ikunu impurtati fil-Komunità mill-Kanada jew l-Istati Uniti, iċ-ċertifikati tas-saħħa għandhom ikunu appoġġjati b’dikjarazzjoni ffirmata mill-awtorità kompetenti tal-pajjiż tal-produzzjoni, b’din il-kitba li ġejja:

‘Dan il-prodott fih jew ġej esklussivament mil-laħam, barra l-ġewwieni u s-sinsla tad-dahar, ta’ ċriev li ġew eżaminati għall-Marda Chronic Wasting b’metodi ta’ istopatoloġija, immunoistokimika jew ta’ dijanjosi oħra li huma magħrufa mill-awtorità kompetenti, u dawn il-metodi ma taw l-ebda riżultat pożittiv ta’ mard. Dan il-laħam mhuwiex ġej minn annimali ta’ merħliet li fihom kienet ikkonfermata l-marda Chronic Wasting jew fejn dwarha hemm suspett uffiċjali.’

(b)

Meta l-laħam ta’ l-annimali tal-kaċċa kif definit bid-Direttiva tal-Kunsill 92/45/KEE (7), il-preparazzjonijiet tal-laħam definiti bid-Direttiva tal-Kunsill 94/65/KE, u l-prodotti tal-laħam definiti bid-Direttiva tal-Kunsill 77/99/KEE, li jkunu ġejjin minn ċriev salvaġġi, jiġu impurtati fil-Komunità mill-Kanada jew l-Istati Uniti, iċ-ċertifikat tas-saħħa għandu jkun appoġġjat b’dikjarazzjoni ffirmata mill-awtorità kompetenti tal-pajjiż tal-produzzjoni, b’din il-kitba li ġejja:

‘Dan il-prodott fih jew ġej esklussivament mil-laħam, barra l-ġewwieni u s-sinsla tad-dahar, ta’ ċriev li ġew eżaminati għall-Marda Chronic Wasting b’metodi ta’ istopatoloġija, immunoistokimika jew ta’ dijanjosi oħra li huma magħrufa mill-awtorità kompetenti, u dawn il-metodi ma taw l-ebda riżultat pożittiv ta’ mard. Dan il-laħam mhuwiex ġej minn reġjun fejn il-marda Chronic Wasting ġiet ikkonfermata fl-aħħar tliet snin jew fejn dwarha hemm suspett uffiċjali.’”

(1)  ĠU L 147, 31.5.2001, p. 1. Regolament kif emendat l-aħħar bir-Regolament tal-Kummissjoni (KE) Nru 876/2004 (ĠU L 162, 30.4.2004, p. 52).

(2)  ĠU L 146, 14.6.1979, p. 15. Deċiżjoni kif emendata l-aħħar bid-Deċiżjoni tal-Kummissjoni 2004/554/KE (ĠU L 248, 9.7.2004, p. 1).

(3)  ĠU L 268, 14.9.1992, p. 54. Direttiva kif emendata l-aħħar bid-Direttiva 2004/68/KE (ĠU L 139, 30.4.2004, p. 320).

(4)  ĠU L 268, 24.9.1991, p. 41.

(5)  ĠU L 368, 31.12.1994, p. 10.

(6)  ĠU L 26, 31.1.1977, p. 85.

(7)  ĠU L 268, 14.9.1992, p. 35.

Top