(1)

Id-Deċiżjoni tal-Kunsill Ewropew 2010/718/UE tad-29 ta’ Ottubru 2010 li timmodifika l-istatus tal-gżira ta’ Saint-Barthélemy fir-rigward tal-Unjoni Ewropea (1) timmodifika t-Trattat u b’mod partikolari l-Anness II tiegħu, billi tinkludi l-gżira ta’ Saint-Barthélemy fil-lista tal-pajjiżi u t-territorji extra-Ewropej li għalihom tapplika r-Raba’ Parti tat-Trattat.

(2)

Id-Deċiżjoni tal-Kunsill 2001/822/KE (2) tistabbilixxi l-qafas legali għall-promozzjoni tal-iżvilupp ekonomiku u soċjali tal-pajjiżi u t-territorji extra-Ewropej (PTEE) u għat-tisħiħ fir-relazzjonijiet ekonomiċi bejn dawn tal-aħħar u l-Unjoni. L-Anness I A tad-Deċiżjoni 2001/822/KE jinkludi lista tal-PTEE koperti mill-assoċjazzjoni f’konformità mal-Artikolu 1(2) ta’ dik id-Deċiżjoni.

(3)

Id-Deċiżjoni 2001/822/KE tapplika sal-31 ta’ Diċembru 2013. L-Anness I A ta’ dik id-Deċiżjoni għandu għaldaqstant jiġi emendat biex jieħu kont tal-bidla fl-istatus, fir-rigward tal-Unjoni, tal-gżira ta’ Saint-Barthélemy, li saret territorju extra-Ewropew fl-1 ta’ Jannar 2012.

(4)

Id-Deċiżjoni 2010/718/UE ilha tapplika mill-1 ta’ Jannar 2012. Għaldaqstant, jaqbel li jkunu applikabbli mill-1 ta’ Jannar 2012 il-miżuri stabbiliti fid-Deċiżjoni 2001/822/KE għall-gżira ta’ Saint-Barthélemy li huma favorevoli għall-PTEE u li ma jimponux fuqhom obbligi minbarra dawk relatati mal-finanzjament ta’ kooperazzjoni għall-iżvilupp. F’dan ir-rigward, Franza impenjat ruħha li ma titlobx l-intervent tal-Fond Ewropew għall-Iżvilupp għall-gżira ta’ Saint-Barthélemy taħt l-ipprogrammar għall-perjodu 2007-2013,

“—

Saint-Barthélemy,”.

(1)

Sabiex tiġi żgurata applikazzjoni uniformi tan-Nomenklatura Magħquda mehmuża mar-Regolament (KEE) Nru 2658/87, huwa neċessarju li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ma’ dan ir-Regolament.

(2)

Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kwalunkwe nomenklatura oħra li hija bbażata, parzjalment jew kollha kemm hi, fuqha, jew li żżid kwalunkwe suddiviżjoni addizzjonali magħha u li hija stabbilita minn dispożizzjonijiet speċifiċi tal-Unjoni, bil-għan tal-applikazzjoni ta’ tariffi u miżuri oħra relatati mal-kummerċ tal-oġġetti.

(3)

Skont dawn ir-regoli ġenerali, il-prodotti msemmija fil-kolonna (1) tat-tabella mniżżla fl-Anness għandhom jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta’ din it-tabella.

(4)

Huwa xieraq li jkun stipulat li, soġġett għall-miżuri fis-seħħ fl-Unjoni Ewropea relatati mas-sistemi ta’ verifika doppja u mas-sorveljanza minn qabel u retrospettiva ta’ prodotti tessili mal-importazzjoni fl-Unjoni Ewropea, id-detentur ikun jista’, għal perjodu ta’ 60 jum, ikompli joqgħod fuq tagħrif tariffarju vinkolanti maħruġ mill-awtoritajiet doganali tal-Istati Membri, dwar il-klassifikazzjoni tal-oġġetti fin-Nomeklatura Magħquda iżda li mhuwiex skont dan ir-Regolament, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (2).

(5)

Il-Kumitat tal-Kodiċi Doganali ma ħariġx opinjoni fil-limitu ta’ żmien stupulat mill-President,

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(1)

L-Artikolu 136(1) tar-Regolament (KE) Nru 1234/2007 jipprovdi li, għall-prodotti li jaqgħu taħt il-kodiċijiet NM 1001 19 00 , 1001 11 00 , ex 1001 91 20 (qamħ komuni, għaż-żrigħ), ex 1001 99 00 (qamħ komuni ta' kwalità għolja għajr dak għaż-żriegħ), 1002 10 00 , 1002 90 00 , 1005 10 90 , 1005 90 00 , 1007 10 90 u 1007 90 00 , id-dazju għall-importazzjoni huwa daqs il-prezz tal-intervent li jgħodd għal dawn il-prodotti fil-waqt tal-importazzjoni, biż-żieda ta' 55 % u bit-tnaqqis tal-prezz tal-importazzjoni CIF applikabbli għall-konsenja kkonċernata. Madankollu, dan id-dazju ma jistax jaqbeż ir-rata ta' dazji fit-Tariffa Doganali Komuni.

(2)

L-Artikolu 136(2) tar-Regolament (KE) Nru 1234/2007 jipprovdi li, għall-finijiet tal-kalkolu tad-dazju għall-importazzjoni msemmija fil-paragrafu 1 tal-Artikolu msemmi, għandhom jiġu stabbiliti fuq bażi regolari l-prezzijiet rappreżentattivi tal-importazzjoni CIF għall-prodotti kkonċernati.

(3)

Skont l-Artikolu 2(2) tar-Regolament (UE) Nru 642/2010, għall-prodotti li jaqgħu taħt il-kodiċijiet NM 1001 19 00 , 1001 11 00 , ex 1001 91 20 (qamħ komuni, għaż-żrigħ), ex 1001 99 00 (qamħ komuni ta' kwalità għolja għajr dak għaż-żriegħ), 1002 10 00 , 1002 90 00 , 1005 10 90 , 1005 90 00 , 1007 10 90 u 1007 90 00 , id-dazju għall-importazzjoni huwa kkalkulat fuq il-prezz rappreżentattiv tal-importazzjoni CIF ta’ kull jum iddeterminat skont il-metodu speċifikat fl-Artikolu 5 ta’ dak ir-Regolament.

(4)

Jeħtieġ li jiġu stabbiliti d-dazji għall-importazzjoni għall-perjodu li jibda mill-1 ta’ Ottubru 2012, applikabbli sakemm jidħlu fis-seħħ dazji għall-importazzjoni ġodda.

(5)

Minħabba l-ħtieġa li jiġi żgurat li din il-miżura tapplika malajr kemm jista' jkun wara li tkun disponibbli d-dejta aġġornata, dan ir-Regolament għandu jidħol fis-seħħ fil-jum tal-pubblikazzjoni tiegħu,

(1)

Fit-22 ta’ Diċembru 2009 u fit-18 ta’ Jannar 2010, il-Kunsill adotta d-Deċiżjonijiet 2009/1014/UE (1) u 2010/29/UE (2) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta’ Jannar 2010 sal-25 ta’ Jannar 2015.

(2)

Konsegwentement għat-tmiem tal-mandat tas-Sur Werner JOSTMEIER sar vakanti siġġu ta’ membru fil-Kumitat tar-Reġjuni.

(3)

Konsegwentement għat-tmiem tal-mandat tas-Sur Dietmar BROCKES sar vakanti siġġu ta’ membru supplenti fil-Kumitat tar-Reġjuni,

(a)

bħala membru:

u

(b)

bħala membru supplenti:

(1)

F’konformità mal-Artikolu 10(1) tad-Deċiżjoni 2010/576/PESK, il-Kumitat Politiku u ta’ Sigurtà (“KPS”) huwa awtorizzat, skont it-tielet paragrafu tal-Artikolu 38 tat-Trattat, biex jieħu d-deċiżjonijiet rilevanti sabiex jeżerċita l-kontroll politiku u t-tmexxija strateġika tal-EUPOL RD Congo. Din l-awtorizzazzjoni tinkludi b’mod partikolari s-setgħa biex jaħtar Kap tal-Missjoni, fuq proposta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà (“ir-Rappreżentant Għoli”).

(2)

Fit-8 ta’ Ottubru 2010, wara proposta mir-Rappreżentat Għoli, il-KPS, skont id-Deċiżjoni EUPOL RD CONGO/1/2010 (2), ħatar lill-Kap Supretendent Jean-Paul RIKIR bħala Kap tal-Missjoni EUPOL RD Congo b’effett mill-1 ta’ Ottubru 2010.

(3)

Fit-16 ta’ Settembru 2011, wara proposta mir-Rappreżentant Għoli, il-KPS, skont id-Deċiżjoni EUPOL RD CONGO/1/2011 (3), estenda l-mandat tal-Kap Supretendent Jean-Paul RIKIR bħala Kap tal-Missjoni EUPOL RD Congo sat-30 ta’ Settembru 2012.

(4)

Fl-24 ta’ Settembru 2012, il-Kunsill adotta d-Deċiżjoni 2011/514/PESK (4) li testendi d-dewmien ta’ EUPOL RD Congo sat-30 ta’ Settembru 2013.

(5)

Fit-12 ta’ Settembru 2012, ir-Rappreżentant Għoli pproponiet l-estensjoni tal-mandat tal-Kap Supretendent Jean-Paul RIKIR bħala Kap tal-Missjoni EUPOL RD Congo sat-30 ta’ Settembru 2013,

(1)

Skont l-Artikolu 10(1) tal-Azzjoni Konġunta 2005/889/PESK, il-Kumitat Politiku u ta’ Sigurtà (KPS) hu awtorizzat, f’konformità mal-Artikolu 38 tat-Trattat, sabiex jieħu d-deċiżjonijiet rilevanti għall-fini tal-eżerċizzju tal-kontroll politiku u tat-tmexxija strateġika tal-missjoni EU BAM Rafah, inkluż b’mod partikolari d-deċiżjoni li jinħatar Kap tal-Missjoni.

(2)

Ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà pproponiet il-ħatra tal-Kurunell Francesco BRUZZESE DEL POZZO bħala Kap tal-Missjoni EU BAM Rafah, għall-perijodu mill-1 ta’ Ottubru 2012 sat-30 ta’ Ġunju 2013,

(1)

Id-Direttiva 92/65/KEE tistabbilixxi kundizzjonijiet applikabbli għall-importazzjonijiet fl-Unjoni ta’, fost l-oħrajn, semen, ova u embrijoni tal-ispeċi ekwina. Dawk il-kundizzjonijiet għandhom ikunu mill-inqas ekwivalenti għal dawk applikabbli għall-kummerċ bejn l-Istati Membri.

(2)

Id-Direttiva 2009/156/KE tistabbilixxi l-kundizzjonijiet tas-saħħa tal-annimali għall-importazzjoni ta’ ekwidi ħajjin fl-Unjoni. Tistipula li l-importazzjonijiet tal-ekwidi fl-Unjoni huma awtorizzati biss minn pajjiżi terzi li ilhom ħielsa mill-glanders għal perjodu ta’ mill-inqas sitt xhur.

(3)

Id-Deċiżjoni tal-Kummissjoni 2004/211/KE tas-6 ta’ Jannar 2004 li tistabbilixxi l-lista ta’ pajjiżi terzi u ta’ partijiet mit-territorju tagħhom li minnhom l-Istati Membri jawtorizzaw l-importazzjoni ta’ equidae ħajjin u ta’ semen, ova u embrijoni tal-ispeċi ekwina, u li temenda d-Deċiżjonijiet Nru 93/195/KEE u 94/63/KE (3) tistabbilixxi lista ta’ pajjiżi terzi, jew partijiet minnhom fejn japplika t-taqsim ta’ pajjiżi f’reġjuni, li minnhom l-Istati Membri jawtorizzaw l-importazzjoni tal-equidae u s-semen, l-ova u l-embrijuni tagħhom, u tindika l-kundizzjonijiet l-oħra li japplikaw għal tali importazzjonijiet. Il-Baħrejn u l-Brażil huma attwalment inklużi f’dik il-lista, stabbilita fl-Anness I tad-Deċiżjoni 2004/211/KE.

(4)

F’April 2010, il-Kummissjoni rċeviet rapport dwar xi każijiet ikkonfermati tal-glanders fil-partijiet tat-Tramuntana tal-Baħrejn. Fid-dawl ta’ dak ir-rapport, kif ukoll tal-iżviluppi tas-sitwazzjoni tas-saħħa tal-annimali f’dak il-pajjiż terz, id-Deċiżjoni 2004/211/KE, kif emendata permezz tad-Deċiżjoni ta’ Implimentazzjoni tal-Kummissjoni 2011/512/UE (4), jistipula r-reġjonalizzazzjoni tal-Baħrejn. Barra minn hekk, dan jistipula li huma permessi biss l-importazzjonijiet u d-dħul temporanju fl-Unjoni ta’ żwiemel irreġistrati mir-reġjun BH-1 ta’ dak il-pajjiż terz, kif deskritt fl-Anness I tad-Deċiżjoni 2004/211/KE.

(5)

Fit-30 ta’ April 2012, il-Baħrejn ta lill-Kummissjoni rapport finali dwar l-eradikazzjoni tal-glanders fil-parti tat-Tramuntana ta’ dak il-pajjiż terz, li ma kienx inkluż fir-reġjun bh-1, kif deskritt fl-Anness I tad-Deċiżjoni 2004/211/KE, u ppreżenta wkoll garanziji xierqa li ebda każ ta’ glanders ma ġie reġistrat f”dik il-parti ta’ dak il-pajjiż terz fi żmien perjodu ta’ sitt xhur qabel il-komunikazzjoni tar-rapport lill-Kummissjoni.

(6)

Barra minn hekk, il-Baħrejn ppreżenta informazzjoni li turi li kien hemm titjib sostanzjali biex tkun żgurata superviżjoni veterinarja uffiċjali tas-sitwazzjoni tas-saħħa ekwina f’dak il-pajjiż terz kollu. Il-Baħrejn intrabat ukoll li jkompli s-sorveljanza għall-glanders fit-territorju tiegħu.

(7)

Fid-dawl tal-informazzjoni u l-garanziji mressqa mill-Baħrejn, huwa xieraq li jiġi awtorizzat id-dħul mill-ġdid fl-Unjoni taż-żwiemel reġistrati għat-tiġrija, il-kompetizzjoni u l-avvenimenti kulturali wara l-esportazzjoni temporanja mir-reġjun bh-1 ta’ dak il-pajjiż terz, kif ukoll l-importazzjonijiet u d-dħul temporanju fl-Unjoni ta’ żwiemel reġistrati miż-żoni tal-Baħrejn barra mir-reġjun BH-1. L-Anness I tad-Deċiżjoni 2004/211/KE għandu għalhekk jiġi emendat.

(8)

Barra minn hekk, il-glanders jinstab f’partijiet mit-territorju tal-Brażil u, bħala konsegwenza, l-importazzjoni ta’ ekwidi, u s-semen, l-ova u l-embrijuni tagħhom, huma awtorizzati biss mir-reġjun BR-1 tat-territorju ta’ dak il-pajjiż terz, kif deskritt fil-kolonna 4 tal-Anness I tad-Deċiżjoni 2004/211/KE. Bħalissal-istati ta’ Minas Gerais u Rio de Janeiro huma elenkati f’dak ir-reġjun.

(9)

Fit-22 ta’ Mejju 2012, il-Brażil innotifika lill-Organizzazzjoni Dinjija għas-Saħħa tal-Annimali (OIE) bil-konferma ta’ każ ta’ glanders f’żiemel f’Minas Gerais. Il-Brażil għaldaqstant waqqaf il-ħruġ taċ-ċertifikati tas-saħħa tal-annimali skont id-Direttiva 2009/156/KE għall-grupp kollu kemm hu tal-istati federali inkluż fir-reġjun BR-1. Barra minn hekk, fis-16 ta’ Lulju 2012, il-Brażil innotifika lill-Kummissjoni b’każ ieħor ta’ glanders misjub fl-istat ta’ Rio de Janeiro.

(10)

Billi l-istati ta’ Minas Gerais u Rio de Janeiro ma għadhomx ħielsa mill-glanders, u l-awtoritajiet kompetenti tal-Brażil ipprovdew garanziji rigward l-assenza tal-marda fl-istati federali l-oħra inklużi fir-reġjun BR-1 ta’ dak il-pajjiż terz, l-entrata għal dak ir-reġjun fl-Anness I tad-Deċiżjoni 2004/211/KE għandha tiġi emendata sabiex jitħassru ż-żewġ stati kkonċernati mid-deskrizzjoni ta’ dak ir-reġjun.

(11)

Minkejja dan, fid-dawl tal-informazzjoni u l-garanziji mogħtija mill-Brażil, huwa possibbli li għal perjodu ta’ żmien jiġi permess minn parti tat-territorju tal-Istat ta’ Rio de Janeiro d-dħul mill-ġdid ta’ żwiemel reġistrati wara esportazzjoni temporanja skont ir-rekwiżiti tad-Deċiżjoni tal-Kummissjoni 93/195/KEE tat-2 ta’ Frar 1993 dwar is-saħħa tal-annimali u l-kundizzjonijiet tagħhom u ċ-ċertifikazzjoni veterinarja tagħhom għad-dħul mill-ġdid ta’ żwiemel reġistrati għat-tiġrija, il-kompetizzjoni u l-okkażjonijiet kulturali wara esportazzjoni temporanja (5).

(12)

Id-Deċiżjoni 2004/211/KE għandha għalhekk tiġi emendata skont dan.

(13)

Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

l-entrata għall-Baħrejn tinbidel b’dan li ġej:

(2)

l-entrata għall-Brażil tinbidel b’dan li ġej: