EUR-Lex Access to European Union law
This document is an excerpt from the EUR-Lex website
Document JOL_2012_286_R_0221_01
2012/582/EU: Decision of the European Parliament of 10 May 2012 on discharge in respect of the implementation of the budget of the European Network and Information Security Agency for the financial year 2010#Resolution of the European Parliament of 10 May 2012 with observations forming an integral part of its Decision on discharge in respect of the implementation of the budget of the European Network and Information Security Agency for the financial year 2010
2012/582/UE: Deċiżjoni tal-Parlament Ewropew tal- 10 ta’ Mejju 2012 dwar il-kwittanza għall-implimentazzjoni tal-baġit tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010
Riżoluzzjoni tal-Parlament Ewropew tal- 10 ta’ Mejju 2012 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010
2012/582/UE: Deċiżjoni tal-Parlament Ewropew tal- 10 ta’ Mejju 2012 dwar il-kwittanza għall-implimentazzjoni tal-baġit tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010
Riżoluzzjoni tal-Parlament Ewropew tal- 10 ta’ Mejju 2012 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010
ĠU L 286, 17.10.2012, p. 221–227
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
17.10.2012 |
MT |
Il-Ġurnal Uffiċjali tal-Unjoni Ewropea |
L 286/221 |
DEĊIŻJONI TAL-PARLAMENT EWROPEW
tal-10 ta’ Mejju 2012
dwar il-kwittanza għall-implimentazzjoni tal-baġit tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010
(2012/582/UE)
IL-PARLAMENT EWROPEW,
— |
wara li kkunsidra l-kontijiet annwali definittivi tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010, |
— |
wara li kkunsidra r-rapport tal-Qorti tal-Awdituri dwar il-kontijiet annwali tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010, flimkien mat-tweġibiet tal-Aġenzija (1), |
— |
wara li kkunsidra r-rakkomandazzjoni tal-Kunsill tal-21 ta’ Frar 2012 (06083/2012 — C7-0051/2012), |
— |
wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej (2), u b’mod partikolari l-Artikolu 185 tiegħu, |
— |
wara li kkunsidra r-Regolament (KE) Nru 460/2004 tal-Parlament Ewropew u tal-Kunsill tal-10 ta’ Marzu 2004 li jistabbilixxi l-Aġenzija Ewropea dwar is-Sigurtà tan-Netwerks u l-Informazzjoni (3), u b’mod partikolari l-Artikolu 17 tiegħu, |
— |
wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar ir-Regolament Finanzjarju strutturali għall-entitajiet imsemmija fl-Artikolu 185 tar-Regolament (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej (4), u b’mod partikolari l-Artikolu 94 tiegħu, |
— |
wara li kkunsidra r-Regola 77 u l-Anness VI tar-Regoli ta’ Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit (A7-0136/2012), |
1. |
Jagħti l-kwittanza lid-Direttur Eżekuttiv tal-Aġenzija Ewropea dwar is-Sigurtà tan-Netwerks u l-Informazzjoni dwar l-implimentazzjoni tal-baġit tal-Aġenzija għas-sena finanzjarja 2010; |
2. |
Jippreżenta l-kummenti tiegħu fir-riżoluzzjoni t’ hawn taħt; |
3. |
Jagħti istruzzjonijiet lill-President tiegħu biex jgħaddi din id-deċiżjoni, kif ukoll ir-riżoluzzjoni li hi parti integrali minnha, lid-Direttur Eżekuttiv tal-Aġenzija Ewropea dwar is-Sigurtà tan-Netwerks u l-Informazzjoni, lill-Kunsill, lill-Kummissjoni u lill-Qorti tal-Awdituri, u biex jiżgura li tiġi ppubblikata f’Il-Ġurnal Uffiċjali tal-Unjoni Ewropea (Serje L). |
Il-President
Martin SCHULZ
Is-Segretarju Ġenerali
Klaus WELLE
(1) ĠU C 366, 15.12.2011, p. 15.
(2) ĠU L 248, 16.9.2002, p. 1.
(4) ĠU L 357, 31.12.2002, p. 72.
RIŻOLUZZJONI TAL-PARLAMENT EWROPEW
tal-10 ta’ Mejju 2012
li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010
IL-PARLAMENT EWROPEW,
— |
wara li kkunsidra l-kontijiet annwali definittivi tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010, |
— |
wara li kkunsidra r-rapport tal-Qorti tal-Awdituri dwar il-kontijiet annwali tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010, flimkien mat-tweġibiet tal-Aġenzija (1), |
— |
wara li kkunsidra r-rakkomandazzjoni tal-Kunsill tal-21 ta’ Frar 2012 (06083/2012 – C7-0051/2012), |
— |
wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej (2), u b’mod partikolari l-Artikolu 185 tiegħu, |
— |
wara li kkunsidra r-Regolament (KE) Nru 460/2004 tal-Parlament Ewropew u tal-Kunsill tal-10 ta’ Marzu 2004 li jistabbilixxi l-Aġenzija Ewropea dwar is-Sigurtà tan-Netwerks u l-Informazzjoni (3), u b’mod partikolari l-Artikolu 17 tiegħu, |
— |
wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar ir-Regolament Finanzjarju strutturali għall-entitajiet imsemmija fl-Artikolu 185 tar-Regolament (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej (4), u b’mod partikolari l-Artikolu 94 tiegħu, |
— |
wara li kkunsidra r-Regola 77 u l-Anness VI tar-Regoli ta’ Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit (A7-0136/2012), |
A. |
billi l-Qorti tal-Awdituri affermat li kisbet assigurazzjonijiet raġonevoli li l-kontijiet annwali tal-Aġenzija Ewropea dwar is-Sigurtà tan-Netwerks u l-Informazzjoni (“l-Aġenzija”) għas-sena finanzjarja 2010 huma affidabbli u li l-operazzjonijiet li jaqgħu taħthom huma legali u regolari, |
B. |
billi fl-10 ta’ Mejju 2011 il-Parlament ta l-kwittanza lid-Direttur Eżekuttiv tal-Aġenzija għall-implimentazzjoni tal-baġit tagħha għas-sena finanzjarja 2009 (5), u fir-riżoluzzjoni tiegħu li takkumpanja d-deċiżjoni dwar il-kwittanza, fost affarijiet oħra:
|
C. |
billi l-baġit globali tal-Aġenzija għas-sena 2010 kien EUR 8 113 188, li huwa 0,05 % inqas mill-baġit tagħha għall-2009; billi għall-2010 l-kontribuzzjoni inizjali tal-Unjoni għall-baġit tal-Aġenzija ammontat għal EUR 7 288 200 (6) meta mqabbla ma’ EUR 7 800 000 fl-2009, |
Il-ġestjoni baġitarja u finanzjarja
1. |
Ifakkar li l-kontribuzzjoni inizjali tal-Unjoni lill-Aġenzija għall-2010 ammontat għal EUR 7 288 200; josserva madankollu li EUR 640 000, li ġejjin mill-irkupru tal-bilanċ pożittiv, żdiedu ma’ dak l-ammont, ħaġa li fissret li, konsegwentement, il-kontribuzzjoni totali tal-Unjoni laħqet l-ammont ta’ EUR 7 928 200 għall-2010; |
2. |
Jirrikonoxxi mill-kontijiet annwali tal-Aġenzija għas-sena finanzjarja 2010 li l-baġit inizjali tagħha ammonta għal EUR 7 928 200; jinnota madankollu li l-Bord ta’ Ġestjoni emenda l-baġit biex jirrifletti l-kontribuzzjoni tal-pajjiżi tal-EFTA, li ammontat għal EUR 184 988; |
3. |
Jistabbilixxi mill-kontijiet annwali li l-approprjazzjonijiet ġew impenjati b’rata ta’ 99,95 % meta mqabbla ma’ 94,40 % fl-2009, filwaqt li l-ħlasijiet laħqu l-livell ta’ 76,46 % tal-approprjazzjonijiet totali mmaniġġjati, meta mqabbla ma; 75,67 % fl-2009; |
L-approprjazzjonijiet riportati
4. |
Jinnota mill-kontijiet annwali tal-Aġenzija li EUR 1 987 011 tal-approprjazzjonijiet għall-impenji kkuntrattati sal-aħħar tal-2010 iżda li kienu għadhom ma tħallsux ġew riportati għall-2011; jinnota wkoll li t-total ta’ approprjazzjonijiet riportati kkanċellati fl-2010 huwa ta’ EUR 89 185; |
5. |
Huwa mħasseb li, għal darba oħra, il-Qorti tal-Awdituri rrappurtat 52 % f’riporti mill-baġit operattiv tal-Aġenzija (Titolu III); jesprimi tħassib li din is-sitwazzjoni tindika dewmien fl-implimentazzjoni tal-attivitajiet tal-Aġenzija li huma ffinanzjati mit-Titolu III u mhijiex konformi mal-prinċipju baġitarju tal-annwalità; għal darba oħra, iħeġġeġ lill-Aġenzija tinforma lill-awtorità ta’ kwittanza dwar l-azzjoni meħuda mill-Aġenzija biex tindirizza dan in-nuqqas; |
Il-proċeduri ta’ akkwist
6. |
jirrikonoxxi li fl-2011 l-Aġenzija implimentat kontrolli ex post biex ittejjeb il-prestazzjoni tal-kontrolli interni fil-proċeduri ta’ akkwist; iħeġġeġ lill-Aġenzija minkejja dan biex, apparti dan, tibda tħaddem miżuri ta’ verifika ex ante effikaċi biex tevita d-dgħufijiet fl-akkwist; u jistieden lill-Qorti tal-Awdituri tikkontrolla l-effikaċja ta’ dawk il-miżuri; |
7. |
Huwa infurmat mill-Aġenzija li tejbet it-trasparenza kemm fir-rigward tal-estimi kif ukoll ta’ min għandu r-responsabilità għall-proġetti; saħħet l-awtorizzazzjoni tal-akkwist tagħha fil-livell tad-deċiżjoni ta’ finanzjament u tal-programm ta’ ħidma; żgurat li l-iżvelar tal-eċċezzjonijiet fl-AAR tagħha sar b’mod komprensiv; u żgurat segwitu adegwat tal-irregolaritajiet potenzjali; jistieden madankollu lill-Qorti tal-Awdituri tagħti assigurazzjoni lill-awtorità ta’ kwittanza dwar l-effiċjenza ta’ dawn il-miżuri; |
8. |
Josserva mill-AAR tagħha li l-Aġenzija kellha l-eżitu li ġej ta’ kuntratti mogħtija konsegwenza ta’ proċeduri ta’ akkwist imnedija fl-2010:
|
Rimborż mill-awtoritajiet fiskali tal-Istat Membru ospitanti
9. |
Jinnota għal darba oħra, b’diżappunt, li ma kien hemm ebda progress meta mqabbel mas-sena preċedenti rigward ir-rimborż ta’ EUR 45 000, li huwa l-ammont ta’ VAT imħallsa minn qabel mill-Aġenzija lill-awtoritajiet fiskali tal-Istat Membru ospitanti; iħeġġeġ lill-Aġenzija, għalhekk, tinforma lill-awtorità ta’ kwittanza meta jsir dan ir-rimborż mill-Istat Membru ospitanti; |
Ir-Riżorsi Umani
10. |
Huwa mħasseb li, għal darba oħra, in-nuqqasijiet fil-proċeduri għall-għażla tal-persunal għadhom jeżistu u jipperikolaw it-trasparenza tal-proċeduri; jirrikonoxxi li l-Qorti tal-Awdituri rrappurtat li la l-livelli limitu li l-kandidati kellhom jissodisfaw biex jiġu mistiedna għall-intervista u lanqas dawk l-istandards meħtieġa biex jiġu inklużi fil-lista ta’ riżerva ma ġew stabbiliti minn qabel mill-bordijiet tal-għażla; iħeġġeġ għalhekk lill-Aġenzija tindirizza din is-sitwazzjoni u tinforma lill-awtorità ta’ kwittanza dwar l-azzjoni meħuda; jinnota wkoll li l-miżuri meħuda mill-Aġenzija s’issa ntwera li ma kinux biżżejjed f’dan ir-rigward; huwa tal-opinjoni li l-awtorità ta’ kwittanza m’għandhiex tibqa’ taċċetta ripetizzjoni ta’ dan in-nuqqas; |
11. |
Josserva mill-kontijiet annwali tagħha li l-persunal tal-Aġenzija fl-aħħar tal-2010 kien magħmul minn 40 Aġent Temporanju (TA) u 11-il Aġent Kuntrattwali (CA); jinnota wkoll li 4 karigi TA u 2 CA kienu battala fl-aħħar tal-2010 u li l-proċeduri ta’ reklutaġġ għal 3 karigi battala TA tlestew fir-raba’ kwart tal-2010, filwaqt li l-proċeduri ta’ reklutaġġ għas-CA tnedew fil-bidu tal-2011; |
12. |
Jinnota barra minn hekk mill-AAR li l-prijoritajiet tas-sezzjoni Riżorsi Umani tal-Aġenzija għall-2010 kienu:
jitlob għalhekk lill-Qorti tal-Awdituri tikkonferma lill-awtorità ta’ kwittanza li dawn il-prijoritajiet ġew fil-fatt implimentati; |
Is-sistemi ta’ kontroll intern
13. |
Jirrikonoxxi li l-Aġenzija qed timplimenta u tikkonsolida l-proċeduri interni u l-kontrolli interni tagħha għaċ-ċirkwiti finanzjarji kollha kif previst fil-Programm ta’ Ħidma tagħha għall-2010; |
L-Awditjar Intern
14. |
Jirrikonoxxi barra minn hekk li s-Servizz tal-Awditjar Intern (IAS) wettaq valutazzjoni ta’ riskji żgħar għall-Aġenzija biex jaġġorna l-prijoritajiet tal-awditjar u l-pjan tal-awditjar tal-IAS għall-perjodu 2010-2012; jinnota b’mod partikolari li l-Aġenzija għandha riskju akbar fl-ippjanar, fil-kontabilità, fl-eżekuzzjoni tal-baġit, fl-iżvilupp u l-ġestjoni tal-IT, fil-kontinwità kummerċjali, fir-relazzjonijiet mal-partijiet interessati, fil-komunikazzjoni esterna u fil-valutazzjoni u fl-evalwazzjoni tal-impatt tagħha; iħeġġeġ lill-Aġenzija għalhekk biex tistabbilixxi minnufih il-miżuri meħtieġa biex tnaqqas ir-riskji fl-oqsma msemmija hawn fuq; |
15. |
Jinnota li fl-2010 l-IAS wettqet awditjar ta’ “l-ippjanar: partijiet interessati u objettivi operattivi” biex tivvaluta u tipprovdi assigurazzjoni raġonevoli dwar l-adegwatezza u l-effikaċja tas-sistema ta’ kontroll intern, relatata mal-produzzjoni u l-ħtiġijiet tal-partijiet interessati u l-effikaċja tal-allokazzjoni tar-riżorsi fir-rigward tal-prijoritajiet fl-attivitajiet operattivi; |
16. |
Jirrikonoxxi li l-IAS tal-Aġenzija għamel 10 rakkomandazzjonijiet, li tlieta minnhom kienu kklassifikati “importanti ħafna” u sebgħa “importanti”; jinnota li dawn ir-“rakkomandazzjonijiet importanti ħafna” jikkonċernaw:
|
17. |
Iħeġġeġ għalhekk lill-Aġenzija biex tkompli:
jistieden barra minn hekk lill-Aġenzija tinforma lil-awtorità ta’ kwittanza dwar il-miżuri meħuda f’dan ir-rigward; |
18. |
Jinnota li l-erba’ rakkomandazzjonijiet importanti ħafna relatati mal-awditjar tal-2009 dwar l-akkwist huma rrappurtati li ġew implimentati mill-Aġenzija u bħalissa qed jiġu rieżaminati mill-IAS; |
19. |
Jiġbed l-attenzjoni għar-rakkomandazzjonijiet tiegħu mir-rapporti dwar il-kwittanza preċedenti, kif stabbilit fl-Anness ta’ din ir-riżoluzzjoni; |
20. |
Jirreferi, fir-rigward tal-kummenti l-oħrajn li jakkumpanjaw id-deċiżjoni tiegħu dwar il-kwittanza, li huma ta’ natura orizzontali, għar-riżoluzzjoni tiegħu tal-10 ta’ Mejju 2012 (7) dwar il-prestazzjoni, il-ġestjoni finanzjarja u l-kontroll tal-aġenziji. |
(1) ĠU C 366, 15.12.2011, p. 15.
(2) ĠU L 248, 16.9.2002, p. 1.
(4) ĠU L 357, 31.12.2002, p. 72.
(5) ĠU L 250, 27.9.2011, p. 186.
(6) ĠU L 64, 12.3.2010, p. 759.
(7) Testi adottati, P7_TA(2012)0164 (ara l-paġna 388 ta’ dan il-Ġurnal Uffiċjali).
ANNESS
RAKKOMANDAZZJONIJIET TAL-PARLAMENT EWROPEW TA’ DAWN L-AĦĦAR SNIN
L-Aġenzija Ewropea dwar is-Sigurtà tan-Netwerks u l-Informazzjoni |
2006 |
2007 |
2008 |
2009 |
||||||||||||||
Prestazzjoni |
mhux applikabbli |
mhux applikabbli |
|
mhux applikabbli |
||||||||||||||
Il-ġestjoni baġitarja u finanzjarja |
|
|
|
|
||||||||||||||
L-awditjar intern u r-riżorsi umani |
|
mhux applikabbli |
|
|
||||||||||||||
Il-proċedura tal-akkwist |
mhux applikabbli |
mhux applikabbli |
mhux applikabbli |
|