ANNESS I

DMIRIJIET

EPSO/AD/323/16

1.   Investigaturi: In-nefqa tal-UE, il-ġlieda kontra l-korruzzjoni (AD 7)

Il-kompiti prinċipali huma:

2.   Investigaturi: Id-dwana u l-kummerċ, tabakk u prodotti foloz (AD 7)

Il-kompiti prinċipali huma:

EPSO/AD/324/16 – Investigaturi: Il-mexxejja tat-timijiet (AD 9)

Il-kompiti prinċipali huma:

Tmiem tal-ANNESS 1, ikklikkja hawnhekk biex tmur lura għat-test prinċipali

ANNESS II

IL-ĠUSTIFIKAZZJONI TAS-SISTEMA LINGWISTIKA GĦAL DAWN IL-PROĊEDURI TA' SELEZZJONI

Dawn il-kompetizzjonijiet huma kompetizzjonijiet għall-ispeċjalisti għar-reklutaġġ ta’ Investigaturi u mexxejja tat-timijiet ta’ investigaturi. Ir-rekwiżiti stabbiliti fit-taqsima “JIEN ELEĠIBBLI BIEX NAPPLIKA?” ta' dan l-Avviż ta' Kompetizzjoni huma konformi mar-rekwiżiti primarji tal-istituzzjonijiet tal-UE għall-ħiliet, esperjenza u għarfien speċjalisti u l-ħtieġa għal rekluti ġodda biex ikunu jistgħu jaħdmu b'mod effettiv, b'mod partikolari ma' membri oħra tal-persunal.

Għal din ir-raġuni, l-applikanti huma mitluba li jagħżlu t-tieni lingwa tal-kompetizzjoni minn għadd limitat ta’ lingwi uffiċjali tal-UE. Din il-limitazzjoni hija wkoll minħabba restrizzjonijiet baġitarji u operazzjonali u n-natura tal-metodi ta' selezzjoni tal-EPSO deskritti fil-punti 1, 2 u 3 hawn taħt. Ir-rekwiżiti lingwistiċi għal dawn il-kompetizzjonijiet ġew adottati mill-Bord tat-Tmexxija tal-EPSO b'kont meħud ta' dawn il-fatturi u rekwiżiti oħra speċifiċi relatati man-natura tad-dmirijiet jew il-ħtiġijiet partikolari tal-Kummissjoni Ewropea.

L-għan ewlieni ta’ dawn il-kompetizzjonijiet hu li tinħoloq riserva ta’ amministraturi għar-reklutaġġ mill-Kummissjoni Ewropea. Ladarba jiġu impjegati, huwa essenzjali li l-amministraturi jkunu operazzjonali immedjatament u jkunu jistgħu jikkomunikaw mal-kollegi u l-maniġers tagħhom. Fid-dawl tal-kriterji dwar l-użu tal-lingwi fi proċeduri ta’ selezzjoni tal-UE stabbiliti fil-punt 2 hawn isfel, il-Kummissjoni Ewropea tqis li l-Franċiż, il-Ġermaniż u l-Ingliż huma l-aktar għażliet tat-tieni lingwa xierqa għal dawn il-kompetizzjonijiet.

Peress li l-Franċiż, il-Ġermaniż u l-Ingliż huma l-aktar lingwi mitkellma, tradotti u użati għal komunikazzjoni amministrattiva mill-persunal fil-Kummissjoni Ewropea kif ukoll huma l-iktar lingwi użati ta' spiss ma’ partijiet terzi involuti f'investigazzjonijiet dwar l-iffalsifikar, il-korruzzjoni, id-dwana u l-kummerċ, il-kandidati jridu joffru mill-inqas waħda minnhom fost iż-żewġ lingwi obbligatorji tagħhom.

Barra minn hekk, kmand tajjeb tal-Ingliż huwa wkoll meqjus bħala essenzjali għall-kooperazzjoni fl-oqsma tal-kriminalità finanzjarja, il-ġlieda kontra l-korruzzjoni u l-ġlieda kontra l-oġġetti ffalsifikati f’kuntest internazzjonali. Kmand tajjeb tal-Ingliż huwa għalhekk essenzjali, kemm jekk għall-preżentazzjonijiet u diskussjonijiet kif ukoll għat-tfassil ta’ rapporti, sabiex jiġu żgurati l-kooperazzjoni u l-iskambju tal-informazzjoni effettivi mal-awtoritajiet nazzjonali tal-Istati Membri u l-Pajjiżi Terzi. Għalhekk il-kandidati jsirilhom test addizzjonali tal-komprensjoni tal-lingwa bl-Ingliż waqt il-fażi taċ-ċentru ta’ valutazzjoni.

Il-kandidati għandhom jużaw it-tieni lingwa tal-kompetizzjoni tagħhom (il-Franċiż, il-Ġermaniż jew l-Ingliż) meta jimlew l-applikazzjonijiet onlajn u l-EPSO jrid juża dawn il-lingwi għall-komunikazzjoni tal-massa lill-kandidati li jkunu ressqu applikazzjoni valida u għal uħud mit-testijiet deskritti taħt il-punt 3.

1.   Ġustifikazzjoni għall-għażla tal-lingwi għal kull proċedura ta' selezzjoni

L-istituzzjonijiet tal-UE jemmnu li d-deċiżjoni fuq il-lingwi speċifiċi li għandhom jintużaw f’kull proċedura ta’ selezzjoni individwali u, b’mod partikulari, kull restrizzjoni fl-għażla tal-lingwi, għandha ssir abbażi tal-kunsiderazzjonijiet li ġejjin:

Ir-rekluti l-ġodda jridu jkunu operazzjonali immedjatament u kapaċi jwettqu d-dmirijiet li għalihom ikunu ġew irreklutati. Għalhekk, l-EPSO għandu jiżgura li l-kandidati jkollhom għarfien adegwat ta’ kombinazzjoni ta’ lingwi li tippermettilhom li jwettqu d-dmirijiet tagħhom b’mod effettiv u, b’mod partikolari, li l-kandidati ta' suċċess ikunu jistgħu jikkomunikaw b’mod effettiv fix-xogħol tagħhom ta’ kuljum mal-kollegi u l-maniġers tagħhom.

Jista’ għalhekk ikun ġust li jiġu organizzati xi testijiet f’numru limitat ta’ lingwi funzjonali, sabiex jiġi żgurat li l-kandidati kollha jkunu kapaċi jaħdmu f’mill-inqas waħda minnhom, tkun xi tkun l-ewwel lingwa uffiċjali tagħhom. Jekk dan ma jsirx, jinħoloq riskju għoli li proporzjon sostanzjali ta’ kandidati magħżula ma jkunux jistgħu jwettqu l-kompiti li għalihom ikunu reklutati fi żmien raġonevoli. Barra minn hekk, tkun qed tiġi injorata l-kunsiderazzjoni evidenti li l-kandidati li japplikaw għal xogħlijiet fis-servizz pubbliku tal-UE huma lesti li jissieħbu f’organizzazzjoni internazzjonali li trid tuża lingwi funzjonali sabiex taħdem sew u twettaq il-kompiti mogħtija lilha skont it-trattati tal-UE.

F’xi każijiet, il-limitazzjoni tal-għażla tal-lingwi tal-kandidati tista’ tkun ukoll iġġustifikata min-natura tal-proċedura tas-selezzjoni.

F’konformità mal-Artikolu 27 tar-Regolamenti tal-Persunal, l-EPSO jivvaluta l-kandidati fil-kompetizzjonijiet miftuħa, li juża biex jevalwa l-ħiliet tal-kandidati u jipprevedi aħjar jekk il-kandidati jkunux kapaċi jwettqu d-dmirijiet tagħhom.

Iċ-ċentru ta’ valutazzjoni huwa metodu ta' selezzjoni li jikkonsisti fl-evalwazzjoni tal-kandidati b’mod standardizzat, abbażi ta’ diversi xenarji osservati minn diversi membri tal-bord tas-selezzjoni. Il-valutazzjoni tuża qafas ta’ kompetenza stabbilit minn qabel mill-awtoritajiet ta’ ħatra u metodu komuni ta’ punteġġ u teħid konġunt tad-deċiżjonijiet.

Il-valutazzjoni tal-kompetenzi speċifiċi b'dan il-mod tippermetti lill-istituzzjonijiet tal-UE jevalwaw l-abbiltà tal-kandidati li jkunu operazzjonali minnufih f'ambjent li jixbaħ ħafna r-realtà tal-impjieg. Korp sostanzjali ta' riċerka xjentifika wera li ċ-ċentri ta' valutazzjoni li jissimulaw sitwazzjonijiet reali tax-xogħol huma l-aħjar mezz kif wieħed jipprevedi l-prestazzjoni fil-ħajja reali. Iċ-ċentri ta’ valutazzjoni huma għaldaqstant użati madwar id-dinja. Fid-dawl tat-tul tal-karrieri u l-grad ta’ mobilità fl-istituzzjonijiet tal-UE, dan it-tip ta’ valutazzjoni huwa kruċjali, b’mod partikolari fis-selezzjoni ta’ uffiċjali permanenti.

Sabiex jiġi żgurat li l-kandidati jkunu jistgħu jiġu vvalutati b’mod ugwali u jkunu jistgħu jikkomunikaw direttament mal-evalwaturi u l-kandidati l-oħra li jkunu qed jieħdu sehem fl-eżerċizzju, il-kandidati jiġu vvalutati flimkien fi grupp b’lingwa komuni. Sakemm iċ-ċentru ta’ valutazzjoni ma jsirx f’kompetizzjoni b’lingwa ewlenija waħda, dan jeħtieġ neċessarjament li ċ-ċentru ta’ valutazzjoni jiġi organizzat f’numru ristrett ta’ lingwi.

Għal diversi raġunijiet, il-Bord tat-Tmexxija tal-EPSO jemmen li jkun imprattikabbli li tiġi organizzata l-fażi taċ-ċentru ta’ valutazzjoni għal kompetizzjoni unika fil-lingwi uffiċjali kollha tal-UE.

L-ewwel nett, approċċ bħal dan jista’ jkollu implikazzjonijiet serji ħafna għar-riżorsi, u b’hekk kien impossibbli għall-istituzzjonijiet tal-UE li jissodisfaw il-bżonnijiet ta’ reklutaġġ tagħhom fil-qafas baġitarju attwali. Lanqas ma jkun biżżejjed valur għall-flus għall-kontribwenti Ewropej.

It-tieni nett, it-twettiq taċ-ċentru ta’ valutazzjoni fil-lingwi uffiċjali kollha jkun jeħtieġ numru sostanzjali ta’ interpreti biex jaħdmu fuq il-kompetizzjonijiet tal-EPSO u l-użu ta’ bini adegwat b’kabini tal-interpretazzjoni.

It-tielet nett, għadd ferm akbar ta’ membri tal-bord tas-selezzjoni jkun meħtieġ biex ikopri l-ilsna differenti użati mill-kandidati.

2.   Kriterji għall-għażla tal-lingwi għal kull proċedura ta' selezzjoni

Jekk il-kandidati huma meħtieġa jagħżlu bejn għadd limitat ta' lingwi uffiċjali tal-UE, il-Bord tat-Tmexxija tal-EPSO jrid jiddetermina, fuq bażi każ b'każ, il-lingwi li għandhom jintużaw għall-kompetizzjonijiet miftuħa individwali, b'kont meħud ta' dan li ġej:

3.   Il-lingwi ta' komunikazzjoni

Din it-taqsima tiddeskrivi r-regoli ġenerali dwar l-użu tal-lingwi ta’ komunikazzjoni bejn l-EPSO u l-kandidati potenzjali. Rekwiżiti speċifiċi oħrajn jistgħu jiġu stabbiliti f’kull avviż ta’ kompetizzjoni.

L-EPSO jqis id-dritt tal-kandidati bħala ċittadini tal-UE li jikkomunikaw bil-lingwa materna tagħhom. Huwa jirrikonoxxi wkoll li l-kandidati li jkunu vvalidaw l-applikazzjoni tagħhom huma membri prospettivi tas-servizz ċivili tal-UE li jibbenefikaw mid-drittijiet u l-obbligi mogħtija lilhom mir-Regolamenti tal-Persunal. L-istituzzjonijiet tal-UE għalhekk jemmnu li l-EPSO għandu, kemm jista’ jkun, jikkomunika mal-kandidati u jipprovdihom b'informazzjoni dwar l-applikazzjonijiet tagħhom fil-lingwi uffiċjali kollha tal-UE. Biex jinkiseb dan, l-elementi stabbli fis-sit web tal-EPSO, l-avviżi tal-kompetizzjoni u r-regoli ġenerali li jirregolaw il-kompetizzjonijiet miftuħa jiġu ppubblikati fil-lingwi uffiċjali kollha.

Il-lingwi li għandhom jintużaw meta wieħed jimla l-formola ta’ applikazzjoni onlajn huma speċifikati f’kull avviż ta’ kompetizzjoni. L-istruzzjonijiet dwar il-mili tal-formola tal-applikazzjoni jiġu pprovduti fil-lingwi uffiċjali kollha. Dawn id-dispożizzjonijiet japplikaw matul il-perjodu ta’ tranżizzjoni meħtieġ biex tiġi stabbilita proċedura inizjali tal-applikazzjoni onlajn fil-lingwi uffiċjali kollha.

Sabiex ikun jista’ jkun hemm komunikazzjoni rapida u effiċjenti, wara li applikazzjoni inizjali ta' kandidat tkun ġiet validata, il-komunikazzjoni tal-massa mill-EPSO lil popolazzjonijiet kbar ta’ kandidati tkunu f’numru limitat ta’ lingwi uffiċjali tal-UE. Din tkun jew l-ewwel jew it-tieni lingwa tal-kandidat kif stipulat fl-avviż rilevanti tal-kompetizzjoni.

Il-kandidati jistgħu jikkuntattjaw lill-EPSO bi kwalunkwe lingwa uffiċjali tal-UE iżda, sabiex l-EPSO jittratta t-talba tagħhom b’mod aktar effiċjenti, il-kandidati huma mħeġġa li jagħżlu minn għadd limitat ta’ lingwi li l-persunal tal-EPSO ikun kapaċi jipprovdi kopertura lingwistika immedjata mingħajr il-bżonn li jirrikorri għat-traduzzjoni.

Ċerti testijiet jistgħu jsiru wkoll f’għadd limitat ta’ lingwi uffiċjali tal-UE sabiex jiġi żgurat li l-kandidati jkollhom il-ħila lingwistika meħtieġa għall-parteċipazzjoni fil-fażi ta’ valutazzjoni tal-kompetizzjonijiet miftuħa. Il-lingwi għad-diversi testijiet ikunu speċifikati f’kull avviż ta’ kompetizzjoni.

L-istituzzjonijiet tal-UE jemmnu li dawn l-arranġamenti jiżguraw ambjent ġust u bilanċ xieraq bejn l-interessi tas-servizz u l-prinċipju tal-multilingwiżmu u n-non-diskriminazzjoni skont il-lingwa. L-obbligu fuq il-kandidati li jagħżlu t-tieni lingwa li hija differenti mill-ewwel lingwa tagħhom (normalment il-lingwa materna jew ekwivalenti għaliha) jiżgura li dawn ikunu jistgħu jiġu kkomparati fuq bażi ugwali.

Tmiem tal-ANNESS II, ikklikkja hawn biex tmur lura għat-test prinċipali

ANNESS III

KWALIFIKI U ESPERJENZA TA’ XOGĦOL

EPSO/AD/323/16

1.   Investigaturi: In-nefqa tal-UE, il-ġlieda kontra l-korruzzjoni (AD 7)

Livell ta’ edukazzjoni li jikkorrispondi għal studji universitarji konklużi ta’ mill-anqas erba' (4) snin , iċċertifikati b’diploma, segwiti minn minimu ta’ sitt (6) snin esperjenza professjonali rilevanti bħala investigatur, uffiċjal tal-pulizija jew uffiċjal ieħor tal-infurzar tal-liġi li jwettaq investigazzjonijiet immirati lejn il-kriminalità finanzjarja, il-korruzzjoni pubblika u d-difiża tal-interessi finanzjarji pubbliċi.

JEW

Livell ta’ edukazzjoni li jikkorrispondi għal studji universitarji konklużi ta’ mill-anqas tliet (3) snin , iċċertifikati b’diploma, segwiti minn minimu ta’ seba' (7) snin esperjenza professjonali rilevanti bħala investigatur, uffiċjal tal-pulizija jew uffiċjal ieħor tal-infurzar tal-liġi li jwettaq investigazzjonijiet immirati lejn il-kriminalità finanzjarja, il-korruzzjoni pubblika u d-difiża tal-interessi finanzjarji pubbliċi.

Il-kandidati għandhom ikunu kisbu l-esperjenza professjonali tagħhom f’aġenzija/korp tal-infurzar tal-liġi, fil-ġudikatura jew fl-amministrazzjoni pubblika ta’ Stat Membru, f’Istituzzjoni/Aġenzija/Korp tal-Unjoni Ewropea jew f'organizzazzjoni internazzjonali.

Għal dettalji dwar diplomi, ara l-Anness 1 tar-regoli ġenerali li jirregolaw il-kompetizzjonijiet miftuħa (http://eur-lex.europa.eu/legal-content/EN/TXT/?uri=OJ:C:2015:070A:TOC)

2.   Investigaturi: Id-dwana u l-kummerċ, tabakk u prodotti foloz (AD 7)

Livell ta’ edukazzjoni li jikkorrispondi għal studji universitarji konklużi ta’ mill-anqas erba' (4) snin , iċċertifikati b’diploma, segwiti minn minimu ta’ sitt (6) snin esperjenza professjonali rilevanti bħala investigatur, uffiċjal tad-dwana jew tal-pulizija jew uffiċjal ieħor tal-infurzar tal-liġi li jinvestiga frodi jew irregolaritajiet li jaffettwaw l-interessi finanzjarji tal-UE jew dawk nazzjonali.

JEW

Livell ta’ edukazzjoni li jikkorrispondi għal studji universitarji konklużi ta’ mill-anqas tliet (3) snin , iċċertifikati b’diploma, segwiti minn minimu ta’ seba' (7) snin esperjenza professjonali rilevanti bħala investigatur, uffiċjal tad-dwana jew tal-pulizija jew uffiċjal ieħor tal-infurzar tal-liġi li jinvestiga frodi jew irregolaritajiet li jaffettwaw l-interessi finanzjarji tal-UE jew dawk nazzjonali.

Il-kandidati għandhom ikunu kisbu l-esperjenza professjonali tagħhom fis-Servizzi tad-Dwana ta' wieħed mill-Istati Membri, f’aġenziji oħra tal-infurzar tal-liġi jew fl-istituzzjonijiet tal-UE kompetenti biex jinvestigaw il-frodi u l-irregolaritajiet ta’ ħsara għall-interessi finanzjarji tal-Unjoni Ewropea jew l-interessi finanzjarji tal-Istati Membri.

Għal dettalji dwar diplomi, ara l-Anness 1 tar-regoli ġenerali li jirregolaw il-kompetizzjonijiet miftuħa (http://eur-lex.europa.eu/legal-content/EN/TXT/?uri=OJ:C:2015:070A:TOC)

EPSO/AD/324/16 – Investigaturi: Il-Mexxejja tat-Timijiet (AD 9)

Livell ta’ edukazzjoni li jikkorrispondi għal studji universitarji konklużi ta’ mill-anqas erba' (4) snin , iċċertifikati b’diploma, segwiti minn tal-inqas 10 snin ta’ esperjenza professjonali rilevanti f’aġenzija/korp tal-infurzar tal-liġi, fil-ġudikatura jew f'amministrazzjoni pubblika ta’ Stat Membru, istituzzjonijiet tal-Unjoni Ewropea, korpi, uffiċċji u aġenziji, organizzazzjoni internazzjonali jew f’wieħed mis-Servizzi tad-Dwana tal-Istati Membri, bħala investigatur, prosekutur jew maġistrat li jwettaq investigazzjonijiet dwar frodi jew irregolaritajiet li huma ta’ ħsara għall-interessi finanzjarji tal-UE jew dawk nazzjonali.

Dawn l-10 snin għandhom jinkludu mill-inqas erba' (4) snin ta’ esperjenza professjonali fil-ġestjoni jew fil-koordinazzjoni tar-rwoli tal-persunal , li jinvolvu responsabbiltajiet reali ta’ ġestjoni tal-persunal, u jinkludu mill-inqas sentejn (2) ta’ esperjenza professjonali bħala prosekutur jew imħallef li jmexxi timijiet ta’ investigazzjoni jew bħala kap ta’ tim ta’ investigaturi li jwettqu investigazzjonijiet amministrattivi jew ġudizzjarji.

JEW

Livell ta’ edukazzjoni li jikkorrispondi għal studji universitarji konklużi ta’ mill-anqas tliet (3) snin , iċċertifikati b’diploma, segwiti minn tal-inqas 11-il sena ta’ esperjenza professjonali rilevanti f’aġenzija/korp tal-infurzar tal-liġi, fil-ġudikatura jew f'amministrazzjoni pubblika ta’ Stat Membru, istituzzjonijiet tal-Unjoni Ewropea, korpi, uffiċċji u aġenziji, organizzazzjoni internazzjonali jew f’wieħed mis-Servizzi tad-Dwana tal-Istati Membri, bħala investigatur, prosekutur jew maġistrat li jwettaq investigazzjonijiet dwar frodi jew irregolaritajiet li huma ta’ ħsara għall-interessi finanzjarji tal-UE jew dawk nazzjonali.

Dawn il-11-il sena għandhom jinkludu mill-inqas erba’ snin ta’ esperjenza professjonali fil-ġestjoni jew fil-koordinazzjoni tar-rwoli tal-persunal , li jinvolvu responsabbiltajiet reali ta’ ġestjoni tal-persunal, u jinkludu mill-inqas sentejn (2) ta’ esperjenza professjonali bħala prosekutur jew imħallef li jmexxi timijiet ta’ investigazzjoni jew bħala kap ta’ tim ta’ investigaturi li jwettqu investigazzjonijiet amministrattivi jew ġudizzjarji.

Biex tiġi vvalutata l-esperjenza f’pożizzjonijiet ta’ tmexxija jew koordinazzjoni, il-bord tas-selezzjoni jikkunsidra l-informazzjoni rilevanti mogħtija mill-kandidati, bħal:

L-esperjenza professjonali kollha hija rilevanti biss jekk tkun inkisbet wara l-għoti tad-diploma li taghti access għall-kompetizzjoni.

Għal dettalji dwar diplomi, ara l-Anness 1 tar-regoli ġenerali li jirregolaw il-kompetizzjonijiet miftuħa (http://eur-lex.europa.eu/legal-content/EN/TXT/?uri=OJ:C:2015:070A:TOC)

Tmiem tal-ANNESS III, ikklikkja hawn biex tmur lura għat-test prinċipali

ANNESS IV

KRITERJI TAS-SELEZZJONI

Il-bord tas-selezzjoni jikkunsidra l-kriterji li ġejjin għas-selezzjoni bbażata fuq il-kwalifiki:

EPSO/AD/323/16

1.   Investigaturi: In-nefqa tal-UE, il-ġlieda kontra l-korruzzjoni (AD 7):

2.   Investigaturi: Id-dwana u l-kummerċ, tabakk u prodotti foloz (AD 7)

EPSO/AD/324/16 – Investigaturi: Il-mexxejja tat-timijiet (AD 9)

Tmiem tal-ANNESS IV, ikklikkja hawn biex tmur lura għat-test prinċipali