EUR-Lex Access to European Union law
This document is an excerpt from the EUR-Lex website
Document 52013DC0939
REPLIES OF THE COMMISSION TO THE SPECIAL REPORT OF THE EUROPEAN COURT OF AUDITORS "TAKING STOCK OF "SINGLE AUDIT" AND THE COMMISSION'S RELIANCE ON THE WORK OF NATIONAL AUDIT AUTHORITIES IN COHESION"
TWEĠIBIET TAL-KUMMISSJONI GĦAR-RAPPORT SPEĊJALI TAL-QORTI EWROPEA TAL-AWDITURI “ĦARSA ĠENERALI LEJN “L-AWDITU UNIKU U D-DIPENDENZA TAL-KUMMISSJONI FUQ IX-XOGĦOL TAL-AWTORITAJIET NAZZJONALI TAL-AWDITJAR FIL-KOEŻJONI”
TWEĠIBIET TAL-KUMMISSJONI GĦAR-RAPPORT SPEĊJALI TAL-QORTI EWROPEA TAL-AWDITURI “ĦARSA ĠENERALI LEJN “L-AWDITU UNIKU U D-DIPENDENZA TAL-KUMMISSJONI FUQ IX-XOGĦOL TAL-AWTORITAJIET NAZZJONALI TAL-AWDITJAR FIL-KOEŻJONI”
/* COM/2013/0939 final */
TWEĠIBIET TAL-KUMMISSJONI GĦAR-RAPPORT SPEĊJALI TAL-QORTI EWROPEA TAL-AWDITURI “ĦARSA ĠENERALI LEJN “L-AWDITU UNIKU U D-DIPENDENZA TAL-KUMMISSJONI FUQ IX-XOGĦOL TAL-AWTORITAJIET NAZZJONALI TAL-AWDITJAR FIL-KOEŻJONI” /* COM/2013/0939 final */
TWEĠIBIET
TAL-KUMMISSJONI GĦAR-RAPPORT SPEĊJALI TAL-QORTI EWROPEA TAL-AWDITURI “ĦARSA ĠENERALI
LEJN “L-AWDITU UNIKU U D-DIPENDENZA TAL-KUMMISSJONI FUQ IX-XOGĦOL
TAL-AWTORITAJIET NAZZJONALI TAL-AWDITJAR FIL-KOEŻJONI” Sommarju
Eżekuttiv II. Il-Kummissjoni
tikkondividi l-konklużjoni tal-Qorti u tikkunsidra wkoll li sistema
aħjar għall-awditjar tal-infiq ta' Koeżjoni għall-perjodu
ta' programmazzjoni 2007-2013 tinsab fis-seħħ. Il-qafas regolatorju
mtejjeb stabbilixxa awtorità tal-awditjar inkarigata mill-ittestjar
tal-legalità u r-regolarità tan-nefqa permezz ta' awditjar tas-sistemi u
l-awditjar ta’ kampjuni rappreżentattivi tal-operazzjonijiet u milli
tirraporta l-konklużjonijiet tagħha kull sena lill-Kummissjoni
permezz ta' opinjoni tal-awditjar u rapport ta’ kontroll. III. Il-Kummissjoni tissottolinja
li permess tal-qafas regolatorju għall-2007-2013, il-livell ta'
assiguranzzjoni li tista' tikseb żdied b'mod sinifikanti, partikolarment
billi ppermetta l-valutazzjoni tal-assigurazzjoni għal kull programm operazzjonali
kull sena mill-bidu tal-implimentazzjoni. Għalhekk il-kost tal-kontrolli
għandu jkun ivvalutat minn perspettiva ta' kosteffiċjenza. Il-Kummissjoni tinnota li
l-kostijiet eliġibbli fl-assistenza teknika li huma disponibbli
għall-Istati Membri (l-Artikolu 46 tar-Regolament 1083/2006)
jinkludi awditi u kontrolli flimkien mal-kostijiet ta' maniġment,
monitoraġġ u evalwazzjoni. Flejjes għall-assistenza teknika
disponibbli huma fil-biċċa l-kbira tal-każijiet sa 4 %
tal-finanzjament għal kull programm. IV. Il-Kummissjoni tilqa’
r-rikonoxximent tal-ħidma u l-Isforzi sinifikanti tagħha,
f’kooperazzjoni mill-qrib mal-awtoritajiet tal-awditjar, biex tkun żgurata
konsistenza fl-approċi tagħhom u l-metodi ta’ ħidma permezz ta’
gwida, taħriġ immirat u ta' xogħol ta' prestazzjoni ripetuta li
jikkontribwixxu fil-bini tal-kapaċità. V. L-assigurazzjoni
tal-Kummissjoni hija bbażata fuq il-valutazzjoni ta’ elementi ewlenin
tas-sistemi ta’ maniġment u kontroll ibbażata fuq ir-riżultati
kollha disponibbli tal-awditu. Il-Kummissjoni għandha
fis-seħħ proċess robust u li jidħol fid-dettall biex
tanalizza r-rati tal-iżbalji li ġew irrappurtati mill-Istati Membri.
Fejn ma tistax tivvalida jew tikkalkola mill-ġdid ir-rati ta' żball,
il-Kummissjoni tistima l-livell ta' riskju billi tuża ammonti fissi
(5-10-25-100 %) minflok rati ta' żbalji rraportati li ma jkunux
affidabbli għall-proċess tagħha ta' assigurazzjoni. L-użu
ta’ għodod addizzjonali, bħar-riskju residwu kumulattiv, ippermetta
lis-servizzi tal-Kummissjoni li jikkunsidraw riżervi addizzjonali
fir-rapporti ta’ attività annwali meta mqabbla mas-snin ta’ qabel. Il-Kummissjoni timmira li
tiżgura li r-rapportar magħmul lill-Awtorità ta’ Kwittanza
jagħti stampa ġusta u affidabbli tar-riskju stmat li jaffettwa
l-baġit tal-UE għal kull Stat Membru, waqt li tikkundsidra wkoll
il-kapaċità korrettiva pluriennali. Is-servizzi tal-Kummissjoni jipprovdu
l-informazzjoni kollha disponibbli bi trasparenza sħiħa fir-rapporti
annwali ta’ attività tagħhom. VI. Il-Kummissjoni tista'
tinnotifika l-Artikolu 73 għal programm ladarba tinkiseb valutazzjoni
pożittiva tal-elementi kollha tas-sistema ta' maniġment u kontroll.
Din il-valutazzjoni ta’ ħidma tal-awtorità tal-awditjar tirrikjedi li jkun
sar ammont suffċjenti ta' xogħol ta' awditjar fuq il-post ta'
prestazzjoni repetuta skont l-istandards internazzjonali tal-awditjar.
Il-Kummissjoni tqis li hija ssegwi approċċ prudenti u robust biex
tagħti l-istatus ta’ ‘awditu uniku’lil xi programmi sa issa. VII. L-ewwel inċiż: Il-Kummissjoni
għandha proċess ta’ awditjar dettaljat fis-seħħ,
inklużi missjonijiet esplorattivi fuq il-post, sabiex tiġi
żgurata l-akkurttezza u l-affidabbiltà tar-rati tal-iżbalji
rrapportati mill-awtoritajiet nazzjonali tal-awditjar. Hija alternattivament
tuża rati fissi meta tikkunsidra li r-rati ta’ żbalji mhumiex
affidabbli. Dan il-proċess huwa kkomplimentat minn inkjesta
eżawrjenti tal-awditjar tal-Kummissjoni mill-2009 li biha 269 missjoni
tal-awditjar ippermettew ir-rieżaminazzjoni tal-ħidma ta'
awtoritajiet tal-awditjar, anki permezz ta' twettiq mill-ġdid, li tkopri
iktar minn 90% tal-allokazzjonijiet tal-Fondi. Il-Kummissjoni twettaq ukoll
awditjar skont ir-riskji biex tivverifika l-akkuratezza tal-korrezzjonijiet
finanzjarji rraportati. It-tieni inċiż: Il-Kummissjoni tqis li
l-istatus ta' awditu uniku ngħata abbażi ta' kriterji sodi,
konsistenti u trasparenti. Barra minn hekk hija tikkunsidra li sa tmiem l-2013
ir-rekwiżiti kollha jkunu sodisfatti għal dawn il-programmi. Il-Kummissjoni se tkompli
tapplika approċċ sod, iċċarat aħjar
bl-implimentazzjoni tal-pjan direzzjonali tagħha dwar l-Artikolu 73
aġġornat f'Settembru 2013. It-tielet
inċiż: Il-Kummissjoni
tikkunsidra li din ir-rakkomandazzjoni hija implimentata permezz tal-pjan
direzzjonali aġġornat u l-inkjesta ta' awditu dwar
il-monitoraġġ tal-Artikolu 73 adottati f'Settembru 2013 Wara li
ngħatat l-ewwel parti tad-deċiżjonijiet tal-Artikolu 73
fl-ewwel nofs tal-2012 u abbażi ta' missjonijiet pilota, is-servizzi
tal-Kummissjoni żviluppaw metodoloġija għall-awditjar biex
iwettqu missjonijiet ta' monitoraġġ, li jinkludi xogħol ta'
twettiq mill-ġdid u analiżi ta' dokumenti ta' ħidma,
f'konformità mal-Istandards Internazzjonali dwar l-Awditjar. Ir-raba' inċiż: Il-Kummissjoni
introduċiet fil-proposta tagħha għal Regolament dwar
id-Dispożizzjonijiet Komuni għall-2014-2020 u l-leġiżlatur
qabel dwar il-possibilità għall-korrezzjonijiet finanzjarji netti
fil-każ ta' irregolaritajiet serji identifikati wara l-preżentazzjoni
tal-kontijiet annwali u li ma kinux identifikati u/ jew irraportati
preċedentament mill-awtorità tal-awditjar. Il-Kummissjoni
biħsiebha tipproponi fil-leġiżlazzjoni sekondarja li
korrezzjonijiet b’rata fissa jistgħu jiżdiedu għal ksur ripetut
li jinvolvi l-istess nuqqasijiet, fejn l-Istat Membru jkun naqas milli
jieħu miżuri korrettivi adegwati dwar dik il-parti tas-sistema li
kienet affettwata u soġġetta għal korrezzjoni preċedenti. Il-ħames
inċiż: Il-Kummissjoni
qed tieħu miżuri biex tiżgura leġiżlazzjoni sekondarja
mtejba u f’waqtha u gwida kompluta fi ħdan qafas metodoloġiku stabbli
għall-ħidma tal-awtoritajiet tal-awditjar, li tibni fuq l-esperjenza
akkumulata tal-perjodu ta' programmazzjoni tal-2007-2013. Il-Kummissjoni
se tkompli tiċċara xi aspetti tal-gwida eżistenti permezz ta’
kjarifika bil-miktub sal-aħħar tal-2013. Barra minn hekk, skont
ir-Regolament għall-perjodu ta' programmazzjoni tal-2014-2020,
il-Kummissjoni għandha s-setgħa li tadotta, permezz ta' atti ta'
implimentazzjoni u atti delegati, mudelli vinkolanti u/ jew rekwiżiti
għax-xogħol ta' awditu tal-awtorità tal-awditjar li għandu jibni
fuq l-esperjenza u l-prassi tajba tal-perjodu ta' programmazzjoni
tal-2007-2013. Is-sitt inċiż: Il-Kummissjoni
tikkunsidra li din ir-rakkomandazzjoni hija diġà implimentata
fil-Valutazzjoni tal-Impatt tal-2011 (ara n-nota 71 f'qiegħ
il-paġna) Tinnota wkoll, li b'ġestjoni kondiviża u fir-rigward
tal-prinċipju tas-sussidjarjetà, id-deċiżjoni li tiġi
allokata assistenza teknika għall-kategoriji differenti tal-kost
ittieħdet mill-Istati Membri. Barra minn hekk fir-Regolament
tal-2014-2020, il-Kummissjoni ssaħħaħ l-approċċ
tagħha għall-kosteffiċjenza għall-Koeżjoni.
B'konsegwenza, l-arranġamenti ġodda mfassla
għall-implimentazzjoni tal-fondi inkluż b’relazzjoni mal-kontrolli,
“(...) jirrispettaw il-prinċipju ta’ proporzjonalità filwaqt li
jiġi kkunsidrat il-livell ta’ sostenn allokat u jqisu l-għan
kumplessiv ta’ tnaqqis tal-piż amministrattiv għal korpi involuti
fil-ġestjoni u l-kontroll tal-programmi”.
Introduzzjoni
7.
Fl-2012, id-DĠ tal-Politika Reġjonali u Urbana u d-DĠ
għall-Impjiegi, Affarijiet Soċjali u Inklużjoni (minn issa 'l
quddiem "id-DĠ Impjiegi) irċevew rispettivament 680 u 522
rapport tal-awditjar tas-sistemi mill-awtoritajiet tal-awditjar Il-Kummissjoni
tanalizza r-riżultati tar-rapporti kollha tal-awditur u tużahom
fir-rwol superviżorju tagħha matul is-sena u tibda proċeduri ta'
interruzzjoni/qabel is-sospensjoni meta meħtieġa u fil-proċess
ta’ assigurazzjoni tagħha. 9.
Sabiex ikunu jistgħu jistrieħu fuq ir-riżultati tal-awditjar u
r-rati tal-iżbalji rrapportati mill-awtoritajiet tal-awditjar, u
b’konformità mal-istandards internazzjonali tal-Awditjar, id-DĠ Politika
Reġjonali u Urbana u d-DĠ għall-Impjiegi s’issa wettqu
analiżi estensiva u twettiq mill-ġdid tal-ħidma tal-awtoritajiet
tal-awditjar, li hija u tibqa’ l-inkjesta ewlenija għad-DĠ
tal-Politika Reġjonali u Urbana u d-DĠ għall-Impjiegi. Meta
jiġu identifikati xi nuqqasijiet fix-xogħol tal-awtoritajiet ta’
awditjar, skont is-serjetà tat-titjib meħtieġ jiġu stabbiliti
pjani ta’ azzjoni estensivi akkumpanjati minn proċeduri ta'
interruzzjoni/sospensjoni fejn meħtieġ, biex jindirizzaw dawn
in-nuqqasijiet u jġibu x-xogħol tal-awditjar fl-istandard
meħtieġ. Dan it-twettiq mill-ġdid tax-xogħol tal-awtoritajiet
tal-awditjar ippermetta wkoll il-bini estensiv ta' kapaċità
bil-kondiviżjoni ta' listi ta’ kontroll tal-awditjar, iż-żieda
fil-konoxxenza dwar oqsma riskjużi u l-identifikazzjoni ta’ oqsma u
soluzzjonijiet għat-titjib tax-xogħol ta’ awditjar nazzjonali. Il-metodoloġija
għall-proċess ta’ assigurazzjoni u għad-determinazzjoni
tar-riżervi hija deskritta fl-Anness 4 tar-rapporti ta’ attività
annwali tad-DĠ Politika Reġjonali u Urbana u tad-DĠ
għall-Impjiegi. Kaxxa 2
— Użu tar-rati tal-iżbalji rrapportati mill-awtoritajiet nazzjonali
tal-awditjar fil-proċess ta’ assigurazzjoni tal-Kummissjoni L-analiżi
tar-rati tal-iżball irraportati sal-aħħar tas-sena
mill-awtoritajiet tal-awditjar jeħtieġ li ssir għall-434
programm tal-FEŻR/FK u FSE fiż-żmien għar-rapport ta’
attività annwali, li l-ewwel verżjoni tiegħu tkun lesta
sal-aħħar ta' Frar (u aġġustata sad-data tal-iffirmar
fil-31 ta' Marzu). Il-Kummissjoni tenfasizza li l-objettiv huwa li
jkunu indikati estimi ta’ rati ta’ żbalji b'firxa valida statistikament,
jew fil-każ ta’ kampjun mhux statistiku kif previsti fir-Regolament
indikaturi utli biex jiġi stmat ir-riskju għall-pagamenti
għall-programmi fis-sena li qed tkun ivvalutata. Il-Kummissjoni
tuża wkoll rati fissi biex tistma dak ir-riskju meta tqis li r-rati ta’
żbalji rrappurtati ma humiex affidabbli. Fir-rapporti
ta’ attività annwali tagħha, il-Kummissjoni tirreferi għar-rata medja
tar-riskju għall-programmi kollha ta’ kull Stat Membru, ibbażata fuq
rati ta’ żball ivvalidati, sabiex tikkwantifika l-ammonti inklużi
fil-pagamenti interim li saru fis-sena vvalutata u f’riskju. Minħabba
d-diskrepanza prevista fir-Regolament biex tagħti żmien biex
l-awtoritajiet tal-awditjar iwettqu l-awditi, dan l-estimu tar-riskju
fil-pagamenti magħmula fis-sena N huwa bbażat fuq ir-rata ta’ żbalji
vvalidata rrappurtata għan-nefqa ddikjarata fis-sena N-1, minħabba li
huwa l-aħjar estimu disponibbli meta jkun iffirmat ir-rapport ta’ attività
annwali. Mill-2012 id-DĠ Politika reġjonali u urbana u d-DĠ
għall-Impjiegi fir-rapport ta’ attività annwali tagħhom
jippreżentaw ukoll ir-riskju residwu (pluriennali) kumulattiv għal
kull Stat Membru, waqt li jqisu l-korrezzjonijiet irrapportati mill-Istati
Membri bħala mnaqqsa mit-talbiet għall-pagamenti kollha sa tmiem
is-sena N. 10. Skont
il-metodoloġija tal-proċess ta’ assigurazzjoni tal-Kummissjoni,
programm b’rata ta' żbalji vvalidata ta' aktar minn 5 %
jitqiegħed taħt riżerva diġà f’pass 1, sakemm
il-korrezzjoni finanzjarja meħtieġa u l-pjan ta’ azzjoni ma
jiġux implimentati qabel il-firma tar-rapport ta’ attività annwali (ara
wkoll il-paragrafu 40)
11.
Il-Kummissjoni taqbel li l-proċessi għall-istabbiliment ta’ rata ta’
żbalji ġenerali mill-Qorti u l-valutazzjoni tal-Kummissjoni
tar-riskju tal-pagamenti tagħha fis-sena jvarjaw għar-raġunijiet
kkwotati mill-Qorti u minħabba n-natura tar-rwoli istituzzjonali
differenti. Madankollu l-objettiv ta’ dan il-proċess huwa essenzjalment
l-istess, jiġifieri valutazzjoni tar-riskju għall-baġit tal-UE
f’sena partikolari.
Il-Kummissjoni
tqis dawn id-differenzi kollha fil-valutazzjoni tagħha, b’mod partikolari
differenzi fiż-żmien fil-kwantifikazzjoni tal-iżbalji relatati
mal-akkwist pubbliku. Dan huwa ppruvat mill-fatt li, kif muri f’dawn
l-aħħar tliet snin konsekuttivi għad-DĠ għall-Impjiegi
u sentejn konsekuttivi għad-DĠ tal-Politika Reġjonali u Urbana,
ir-riżultat ta’ din il-valutazzjoni huwa skont ir-rati ta’ żbalji
kkalkolati mill-Qorti.
Il-valutazzjoni tal-Kummissjoni
tikkunsidra wkoll il-karattru pluriennali tal-politika ta’ koeżjoni u dwar
il-kapaċità korrettiva għal kull programm, permezz tal-kalkolu ta’
riskju residwu kumulattiv. Xi differenzi kkwotati
mill-Qoorti se jitneħħew fil-qafas regolatorju għall-perjodu ta'
programmazzjoni tal-2014-2020 biex b'hekk jippermettu ulterjorment
l-implimentazzjoni sħiħa tal-prinċipju tal-awditu waħdieni. 12. Il-Kummissjoni
laqgħat il-prinċipji stabbiliti fl-Opinjoni tal-Qorti 2/2004, li
kienu element importanti fl-iżvilupp tar-regolamenti tal-2007-2013 dwar
it-twaqqif ta' sistemi ta' ġestjoni u kontroll. 15. Il-Kummissjoni tilqa'
l-konklużjoni tal-Qorti. Ġeneralment il-Kummissjoni fasslet
is-sistema tagħha konformi mal-prinċipji ta' “Awditjar Waħdieni”
stabbiliti mill-Qorti (ara wkoll il-paragrafu 80) Il-vantaġġ
prinċipali li jkun applikat l-Artikolu 73 tal-Kummissjoni jinsab
fil-possibilità li jiffoka r-riżorsi llimitati għall-awditjar
għall-programmi u awtoritajiet b'riskji ogħla minflokk tnaqqas
il-kontroll kumplessiv tagħha. Barra minn hekk, awditjar waħdieni
xorta jeħtieġ il-monitoraġġ tax-xogħol tal-awtorità
tal-awditjar u għalhekk jibqa’ kwistjoni kruċjali. 16. Il-kundizzjonijiet
biex jingħata l-Artikolu 73 huma relatati kemm
għall-affidabilità tax-xogħol tal-awtorità tal-awditjar u mal-fatt li
s-sistemi ta' ġestjoni u kontroll jiffunzjonaw sew. Għaldaqstant
il-Kummissjoni trid twettaq xogħol ta' awditjar iddettaljat konsiderevoli
skont l-Istandards Internazzjonali tal-Awditjar, qabel ma tista' tagħti
l-istatus tal-Artikolu 73. Dan jispjega wkoll għaliex l-istatus
tal-Artikolu 73 jista' jingħata biss wara xi snin ta' implimentazzjoni
tal-programm. Dan ifisser ukoll li fejn
is-sistema ta' ġestjoni u kontroll ta' programm, indipendentament
mill-awtorità tal-awditjar, għadha mhux robusta biżżejjed,
l-ebda status tal-Artikolu 73 ma jista' jingħata lill-programm anki
jekk il-Kummissjoni tkun sodisfatta bix-xogħol tal-awditjar tiegħu u
bil-funzjonament tal-awtorità tal-awditjar. Tweġiba komuni
għall-paragrafi 17, 18 u 19. Kull deċiżjoni
biex jingħata l-istatus tal-Artikolu 73 hija speċifika għal
programm fir-responsabbiltà tad-direttorat ġenerali rispettiv
tal-Kummissjoni. Il-kundizzjonijiet biex
jingħata l-istatus tal-Artikolu 73 lil programm ġew stabbiliti
fi "pjan direzzjonali lejn l-implimentazzjoni tal-Artikolu 73"
diskuss mal-Awtoritajiet tal-Awditjar fl-2009 u l-2010 u ffinalizzat fit-13 ta' Ottubru 2010
Għaldaqstant l-awtoritajiet tal-awditjar ġew kompletament
assoċjati u informati dwar il-kriterji u l-benefiċċji li
jkollhom l-istatus tal-Artikolu 73 għal programm partikolari. Il-pjan direzzjonali
inizjali ġie formalment aġġornat f'Settembru tal-2013, wara
l-ewwel deċiżjonijiet dwar l-ogħti tal-istatus
tal-Artikolu 73 kmieni fl-2012. L-aġġornament jitratta
l-kjarifika tal-kundizzjonijiet biex jingħata l-Artikolu 73 kif ukoll
il-miżuri korrettivi li għandhom jittieħdu jekk kundizzjoni
waħda jew iżjed ma jkunux sodisfatti iktar (temporanjament). Flimkien
ma' inkjesta awditarja speċifika li tistipula l-metodoloġija u
l-passi li għandhom jittieħdu biex tkun immonitorjata
l-implimentazzjoni tal-Artikolu 73 ġiet imfassla b'mod konġunt u
qed tkun implimentata mis-servizzi tal-Kummissjoni kollha kkonċernati
skont il-ftehim fil-livell ta' bejn is-servizzi. Kif stabbilit fil-pjan
direzzjonali aġġornat u f’din l-inkjesta awditarja, il-Kummissjoni se
tieħu d-deċiżjoni li terġa’ tibda tagħmel l-awditi
tagħha fuq il-post meta ma jkunx għadu ġustifikat li
toqgħod fuq il-ħidma tal-awtoritajiet tal-awditjar. Dan jista’
jirriżulta mill-fatt li nuqqasijiet materjali ma jkunux ġew
irrapportati u tqiesu fl-opinjoni tal-awditjar annwali għal sena
partikolari u talba mill-Kummissjoni biex jimplimentaw pjanijiet ta’
azzjoni/miżuri korrettivi ma kinux segwiti b'mod adegwat mill-awtorità
tal-awditjar. OSSERVAZZJONIJIET 27. Kif
indikat fis-sommarju eżekuttiv tar-rapport ta’ attività annwali
tad-DĠ għall-Politika Reġjonali u Urbana, it-tnaqqis
fl-għadd ta' riżervi huwa prinċipalment dovut
għall-azzjonijiet korrettivi meħuda mill-Istati Membri u
l-implimentazzjoni ta' korrezzjonijiet finanzjarji mill-Kummissjoni (ara
r-rapport tal-attività annwali tad-DĠ għall-Politika Reġjonali u
Urbana, il-paġni 46 sa 49). Il-politika stretta segwita mid-DĠ
tal-Politika Reġjonali u Urbana fuq twissijiet, interruzzjonijiet,
suspensjonijiet u korrezzjonijiet finanzjarji ħadmet bħala
inċentiv biex l-Istati Membri kkonċernati jtejbu s-sistemi ta’
ġestjoni u kontroll dgħajfa. 29.
Barra miż-żewġ indikaturi msemmija mill-Qorti, il-Kummissjoni
tibbaża l-assigurazzjoni tagħha fuq proċess dettaljat u passi
varji, filwaqt li tqis ħafna riżultati u oħra tal-awditjar
nazzjonali u tal-Unjoni u informazzjoni lil hinn mis-sempliċement
żewġ indikaturi kkwotati mill-Qorti. Ir-riżultat
ta' dan il-proċess u l-analiżi huwa deskritt fid-dettall fir-rapporti
ta’ attività annwali rispettivi għall-2012 tad-DĠ għall-Politika
Reġjonali u Urbana u dak tad-DĠ għall-Impjiegi (ara
l-paġna 35 u l-Anness 9 u l-paġna 37 u l-Anness 8
rispettivament tar-rapporti ta’ attività annwali għall-2012 tad-DĠ
għall-Politika Reġjonali u Urbana u dak tad-DĠ
għall-Impjiegi). Tweġiba
komuni għall-paragrafu 30 u l-Kaxxa 4 Il-Kummissjoni
tirrikonoxxi r-rwol fundamentali moqdi mill-awtoritajiet tal-awditjar u
l-importanza tagħhom biex jiżguraw il-preċiżjoni u
l-affidabbiltà tal-informazzjoni rrapportata fir-Rapporti Annwali ta’ Kontroll.
Għal
din ir-raġuni l-Kummissjoni wettqet xogħol estensiv tal-awditjar
permezz ta' 269 missjoni ta' awditjar matul is-snin biex tivvaluta
l-effikaċja tal-awtoritajiet tal-awditjar li jkopru 96 % u 99 %
tal-allokazzjonijiet rispettivi tal-FEŻR/ FK u l-FSE. Bejn
l-2009 u l-2013, ix-xogħol ta' twettiq mill-ġdid ta' xogħol
tal-awditu tal-Kummissjoni fuq awtoritajiet tal-awditjar wera li: - Minn
47 awtorità tal-awditjar awditjati, id-DĠ għall-Politika
reġjonali u urbana kkonkluda li, f'dan l-istadju, 38 awtorità
tal-awditjar kienu affidabbli. - Minn
84 awtorità tal-awditjar awditjati, id-DĠ għall-Impjiegi
kkonkluda li 78 awtorità tal-awditjar kienu affidabbli. Għaldaqstant
il-Kummissjoni tikkunsidra li kisbet assigurazzjoni raġonevoli li
l-awtoritajiet tal-awditjar li jkopru madwar 90 % tal-allokazzjonijiet
tal-fondi jikkonformaw mal-Artikolu 62 tar-Regolament (KE) u jipprovdu
bażi affidabbli għall-assigurazzjoni tal-Kummissjoni u biex ikun
applikat il-kunċett ta' awditu waħdieni. Dawn
ir-riżultati huma kkumplimentati mill-eżaminazzjoni tal-Qorti ta’
awtoritajiet tal-awditjar matul l-aħħar tliet snin. B’mod
partikolari, meta l-Kummissjoni għandha dubji dwar l-akkuratezza u
l-affidabbiltà tar-rati tal-iżbalji rrapportati mill-awtoritajiet
nazzjonali tal-awditjar, hija tiżvela fir-rapport ta’ attività annwali
tagħha r-rati ta’ żball irrappurtati li huma kkalkulati
mill-ġdid meta informazzjoni suffiċjenti hija disponibbli, jew
li jinbidlu b’rati fissi meta dawn jitqiesu mhux affidabbli. L-ewwel
inċiż: F’żewġ
każijiet, il-Kummissjoni tinnota li kien hemm xi dgħufijiet
fl-approċċ għall-kampjunar, iżda tqis li ma kienx hemm
impatt sinifikanti. Fi tliet
każijiet, il-Kummissjoni kienet sabet dgħufijiet simili bħal
dawk rapportati mill-Qorti u ħadet azzjonijiet xierqa. F'każ
wieħed irraportat mill-Qorti fl-2013, is-segwitu għadu għaddej. It-tieni
inċiż: F’sitt każijiet,
il-Kummissjoni tqis li l-awtoritajiet tal-awditjar huma effettivi fir-rigward
ta’ awditi fuq operazzjonijiet. Għas-sitt każijiet li jifdal,
il-Kummissjoni segwiet id-dgħufijiet identifikati mill-Qorti. It-tielet
inċiż: F’żewġ
każijiet, il-Kummissjoni taqbel li kien hemm xi dgħufijiet
fil-proċeduri tal-awtorità tal-awditjar u l-Kummissjoni żgurat
is-segwitu. Madankollu l-valutazzjoni tal-Kummissjoni dwar ir-rati ta’
żball irrapportati u r-rapporti annwali ta’ kontroll wasslu għal
konklużjonijiet xierqa, meta jitqies ukoll ix-xogħol addizzjonali ta’
awditjar imwettaq mill-awtorità tal-awditjar fuq talba tal-Kummissjoni fejn
meħtieġ. Fit-tliet
każijiet l-oħra, il-Kummissjoni kienet sabet dgħufijiet simili
bħal dawk irrapportati mill-Qorti u ħadet azzjonijiet xierqa,
inkluż l-interruzzjoni tal-pagamenti sakemm l-azzjonijiet ta’ rimedju
kienu implimentati mill-awtorità tal-awditjar ikkonċernata. Bħala
riżultat tal-azzjonijiet li ttieħdu biex jirrimedjaw
id-dgħufijiet identifikati, mil-lum il-Kummissjoni għandha
assigurazzjoni raġonevoli li l-awtoritajiet tal-awditjar kollha
tal-FEŻR/ FK u FES, minbarra waħda, eżaminati mill-Qorti huma
effettivi. Għall-awtorità tal-awditjar li jifdal identifikata mill-Kummissjoni
u mill-Qorti bħala mhux effettiva, azzjonijiet ta’ rimedju għadhom
għaddejjin għal xi programmi FEŻR/ FK u FES. Għall-ħames
awtoritajiet tal-awditjar li rraportaw rati tal-iżball inqas
għall-programmi tal-FEŻR/ FK matul l-2010, l-2011 jew l-2012,
is-sitwazzjoni hi s-segwenti: -
f'każ wieħed, ir-rapporta inqas ma kellu l-ebda impatt fuq
il-valutazzjoni tal-Kummissjoni għax l-opinjoni tal-awtorità tal-awditjar
kienet ikkwalifikata u saret riżerva fir-rapport annwali ta' attività
tal-2010 -
ir-riskju residwu kumulattiv kien inqas minn 2 % f’każ ieħor, -
il-Kummissjoni tikkunsidra r-rati ta' żball irraportati bħala
inaffidabbli u użat rati fissi għall-iskop tal-proċess ta'
assigurazzjoni tagħha fi tliet każi; hija esprimiet riżervi
fir-rapporti annwali ta' attività rispettivi u interrompiet il-pagamenti
għall-programmi korrispondenti. Barra
minn hekk il-Kummissjoni qed taħdem b’mod proattiv ma’ dawn l-awtoritajiet
ta’ verifika sabiex ittejjeb l-affidabilità tar-rati ta’ żball rrapportati
tagħhom. 31. Il-Kummissjoni
tinterrompi pagamenti malli jkollha evidenza li tissuġġerixxi
problemi inkluż fil-funzjonament tal-awtorità tal-awditjar. Barra minn
hekk, evidenza sostanzjata ta’ nuqqasijiet fil-funzjonament tal-awtorità
tal-awditjar, wara awditu mill-Kummissjoni dejjem twassal għat-tnedija ta’
proċedura ta’ sospensjoni sakemm il-miżuri korrettivi
meħtieġa jkunu ġew implimentati mill-Istat Membru. Il-miżuri korrettivi
huma msaħħa iktar fl-abbozz tar-regolamenti għall-perjodu ta'
programmazzjoni tal-2014-2020, li jipprevedi korrezzjonijiet finanzjarji netti
fil-każ ta' irregolaritiajiet serji identifikati wara
l-preżentazzjoni tal-kontijiet annwali u mhux detetti/ irraportati
preċedentament mill-awtorità tal-awditjar tal-programm. Tweġiba
komuni għall-paragrafi 32 u 33: Il-Kummissjoni
żviluppat metodoloġija b’saħħitha biex tivverifika u
tivvalida r-rati ta' żball irrapportati mill-awtoritajiet tal-awditjar.
Il-konklużjonijiet tal-Kummissjoni tar-reviżjoni dokumentarja
fir-rigward tal-akkuratezza u l-affidabbiltà tar-rati ta’ żball rapportati
fir-rapporti annwali ta’ kontroll huma bbażati wkoll fuq l-assigurazzjoni
miksuba minn inkjesta ta’ awditjar estensiva dwar ir-reviżjoni
tal-ħidma tal-awtoritajiet tal-awditjar (ara r-risposti
għall-paragrafu 9). Permezz ta' dan
il-proċess ta' reviżjoni dokumentarja, il-Kummissjoni
tiċċara kwalunkwe dubju li jista' jinqala' rigward l-akkuratezza
u/jew l-affidabilità tar-rati ta’ żball irrapportati. Jekk ikun
meħtieġ, dan jikseb riżultati tal-awditjar dettaljati li jsostnu
l-kalkolu tar-rata ta’ żball bil-miktub jew matul missjonijiet
esplorattivi fuq il-post. Fl-2013 is-servizzi
tal-Kummissjoni wettqu 12-il missjoni esplorattiva fuq il-post li kienu jkopru
64 programm tal-FEŻR/ FK fi 11-il stat Membru u 15-il missjoni li
jkopru 23 programm tal-FSE f'10 Stati Membri. Abbażi tal-informazzjoni
kollha miġbura, il-Kummissjoni aġġustat ir-rata ta' żball
irraportati għall-21 % tal-programmi tal-FEŻR/ FK u 15 %
tal-programmi FSE, u kkunsdirat 11 % tar-rati ta' żball irrapportati
għall-programmi kollha bħala inaffidabbli u għaldaqstant
issostitwiethom b'rati fissi. Barra
minn hekk, għaż-żewġ Programmi Operazzjonali tal-FSE
mill-51 programm il-Kummissjoni tixtieq tissottolinja li l-Qorti,
fil-paragrafu 6.34 tar-Rapport Annwali tal-Qorti għall-2012
tiddikkjara li n-nuqqasijiet fir-rati ta' żball irraportati
mill-Awtoritajiet tal-Awditjar "ma ddubitawx l-għadd u l-impatt
tar-riżervi formulati mid-DĠ għall-Impjiegi fl-2012".
Għall-44 programm ieħor tal-FEŻR/ FK il-Kummissjoni tinnota li
d-diskrepanzi żgħar irraportati mill-qorti ma ddubitawx l-għadd
u l-impatt tar-riżervi formulati mid-DĠ għall-Politika
Reġjonali u Urbana fl-2012. Ara
wkoll it-tweġibiet għall-paragrafi 34 u 35. 34. Il-Kummissjoni tqis li l-fatt
li għal tliet snin konsekuttivi r-rata stmata ta’ żball
tal-Kummissjoni stess, kif żvelata fir-Rapport Annwali tal-Attivitajiet
tad-DĠ għall-impjiegi, hija skont ir-rata ta’ żball l-aktar
probabbli tal-Qorti jikkonferma l-validità u l-affidabbiltà tal-metodu
tagħha. Għall-2011 u l-2012, ir-rati
ta' żball stmati mid-DĠ għall-Impjiegi bħala żvelati
fir-rapport annwali ta' attività tiegħu kienu f''firxa ta' 2,0 % sa
2,5 % (ara l-paġna 43 tar-rapport annwali ta' attività tal-2011)
u 2,3 % sa 3,2 % (ara l-paġna 37 tar-rapport annwali ta'
attività tal-2012), rispettivament. Ir-rati ta' żball tal-Qorti għal
dawk is-snin kienu 2,2 % u 3,2 % rispettivament. Għaldaqstant
il-Kummissjoni tikkunsidra li r-rata ta' żball użata mid-DĠ
għall-Impjiegi għar-rapport annwali ta' attività tal-2010, li
tikkorrispondi mar-riżultati miksuba permezz tal-eżerċizzju
tad-Dikjarazzjoni ta' Assigurazzjoni tal-Qorti, hija affidabbli. Għall-programmi FEŻR/
FK, fir-rapport annwali tagħha għall-2012 il-Qorti tikkonferma wkoll
li l-estimu tad-DĠ għall-Politika reġjonali u urbana tal-ammonti
ta' riskji għall-2012 abbażi tar-rati tal-iżball irrapportati
mill-awtoritajiet tal-awditjar fir-rigward tan-nefqa tal-2012 huma konformi
mal-valutazzjoni tal-Qorti (il-paragrafu 5.55 tar-rapport annwali
tal-Qorti għall-2012). L-ewwel
inċiż: Il-Kummissjoni
tosserva li l-51 programm ikkwotat mill-Qorti għandhom x'jaqsmu
mal-ħidma ta' disa' Awtoritajiet tal-Awditjar minn total ta' 112-il
Awtorità tal-Awditjar li jieħdu ħsieb il-FEŻR, il-FSE u l-Fond
ta' Koeżjoni. Hija tinnota li l-kwistjoni teknika mqajma fil-każ ta'
31 programm miġbura f'kampjun wieħed ma tbiddilx
il-valutazzjonijeit ta' awtorità tal-awditjar u tal-Kummissjoni. Fil-każijiet
li jifdal, il-Kummissjoni tqis li kien hemm biżżejjed informazzjoni
disponibbli biex wieħed jikkonkludi b’mod adegwat dwar ir-rati ta’
żball irrapportati mill-awtoritajiet tal-awditjar. Ara wkoll it-tweġiba
tal-Kummissjoni għall-paragrafu 32. It-tieni inċiż: Il-Kummissjoni tilqa’
b’sodisfazzjon il-fatt li l-Qorti fil-każijiet kollha waslet
għall-istess konklużjonijiet, bl-eċċezzjoni ta' ħames
każijiet mill-138 każ li rieżaminat. Rigward dawn il-ħames
każi li jikkonċernaw żewġ awtoritjiet tal-awditjar,
il-Kummissjoni tikkonferma l-valutazzjoni tagħha kif irraportata
fir-rapport annwali tal-attività tal-2012 wara analiżi fil-fond
tal-ispjegazzjonijiet ipprovduti mill-awtoritajiet tal-awditjar
ikkonċernati u li ma kien hemm l-ebda raġuni għal riżerva.
Għal erbgħa minn dawn il-programmi rraggruppati f’kampjun
wieħed, l-iżball ġie kkoreġut fl-2012 u għalhekk
il-Kummissjoni tikkunsidra li ma kellux għalfejn ikun inkluż
fil-kalkolu tar-rata tal-iżbalji prevista. Dwar il-ħames programm,
il-Kummissjoni tqis li jekk tittieħed inkonsiderazzjoni l-parti tan-nefqa
li kienet eskluża mill-popolazzjoni li kellha tiġi awditjata, din
kien se jkollha impatt limitat ħafna fuq ir-rata tal-iżbalji. Ara wkoll it-tweġiba
tal-Kummissjoni għall-paragrafi 5.52, ir-raba' inċiż, u
l-paragrafu 5.57 tar-rapport annwali tal-Qorti għall-2012. Il-Kummissjoni għaldaqstant
tikkunsidra, li implimentat korrettament ir-rwol superviżorju tagħha
fuq ir-rati tal-iżbalji li ġew irrapportati mill-Awtoritajiet
tal-Awditjar. 35. Skont il-metodu użat
għar-rapport annwali ta' attività tal-2012, ir-rati ta' żball
ivvalidati kienu wieħed mill-elementi għall-valutazzjoni finali tal-programmi
min-naħa tad-DĠ għall-Politika Reġjonali u Urbana. Dawn ma
kinux użati għall-estimu tal-pagamenti minimi u massimi f’riskju, li
kien ibbażat fuq il-metodoloġija użata fis-snin
preċedenti. Kif indikat espliċitament fir-rapport annwali ta' attività
tal-2010 (il-paġna 69), id-DĠ għall-Politika reġjonali
u urbana stima li l-ammont f'riskju hu ta' madwar 0,8 % u 1,7 %
tal-pagamenti tiegħu għall-2010 u kkunsidra li "ir-rati ta'
żball irraportati mill-awtoritajiet tal-awditjar nazzjonali relatati man-nefqa
ddikjarata tal-2009 għandhom ikunu interpretati b'kawtela meta jkun
ivvalutat il-funzjonament tas-sistemi fl-2010" (il-paġna 31).
Ir-rati ta' żball kollha rrapportati kienu vvalutati u vvalidati
mid-DĠ għall-Politika reġjonali u urbana, inkluż 'il fuq
jew bl-użu ta' rati fissi f'iktar min-nofs il-każi, fl-2011 u
fis-snin sussegwenti. F'ċerti każi rati ta' żball reveduti kienu
kkomunikati mill-awtoritajiet tal-awditjar fl-2011 jew l-2012. Mill-2011 ’il quddiem, id-DĠ
għall-Politika reġjonali u urbana rreveda l-metodoloġija
tiegħu biex b'hekk jippermetti estimu aktar preċiż tal-ammont
f’riskju, ibbażat fuq rati ta’ żball rapportati minn awtoritajiet
tal-awditjar u vvalidati mis-servizzi tal-Kummissjoni. Fl-istess ħin,
id-DĠ għall-Politika reġjonali u urbana introduċa l-kalkolu
ta' riskju residwu kumulattiv, waqt li qies il-korrezzjonijiet finanzjarji
implimentati mill-Istati Membri. Għal dan il-kalkolu, id-DĠ
għall-Politika reġjonali u urbana b’hekk juża rati ta’ żball
ivvalidati għas-snin kollha mill-bidu tal-perjodu ta’ programmazzjoni,
inklużi rati ta’ żball sussegwentement riveduti mill-awtoritajiet
tal-awditjar, ir-rati ta’ żball li jista’ jikkalkula mill-ġdid u rati
fissi. Għalhekk il-limitazzjonijiet espressi meta sar ir-rapportar fl-2010
ma għandhom l-ebda impatt fuq il-kolkolu tal-Kummissjoni tar-riskju
residwu kumulattiv fl-2012. Fir-rapport annwali tagħha għall-2012
il-Qorti kkonfermat ukoll li l-estimu tad-DĠ għall-Politika
reġjonali u urbana tal-ammonti ta' riskji għall-2012, huwa konformi mal-valutazzjoni
tal-Qorti (il-paragrafu 5.55 tar-rapport annwali tal-Qorti
għall-2012). Rigward id-Direttorat
Ġenerali għall-Impjiegi u affarijiet soċjali, il-Kummissjoni
tirreferi għar-risposta tagħha għall-paragrafu 34. 36. Il-Kummissjoni ppromwoviet b'mod
attiv l-użu ta' kampjunar statistiku fl-2012/2013 permezz ta' gwida
aġġornata għall-kampjunar f'April 2013, anki fil-każ
ta' populazzjonijiet żgħar ta' operazzjonijiet, sabiex tikseb
riżultati rappreżentattivi f'għadd dejjem jikber ta' programmi. Barra minn hekk, għandu jiġi
nnutat li r-rata ta’ żball tista' wkoll tkun rappreżentattiva
f’każ li approċċ formali għall-kampjunar mhux statistiku
jintuża, jew meta l-kampjun awditjat jiżgura kopertura għolja
tan-nefqa.
Madankollu, kampjuni mhux
statistiki għal popolazzjonijiet żgħar ta’ operazzjonijiet huma
konformi mar-Regolament u jipprovdu l-aħjar indikazzjoni disponibbli
tar-riskju kumplessiv għall-programmi kkonċernati. F’każijiet
bħal dawn, il-Kummissjoni tqis ukoll x'karatteristiċi għandha
l-popolazzjoni u l-kopertura mill-awditjar. Il-Kummissjoni trid tuża dawn
l-indikaturi għall-iskop tal-proċess ta’ assigurazzjoni tagħha u
għall-kalkulazzjoni tar-riskju residwu kumulattiv.
Fi kwalunkwe każ, fejn
il-Kummissjoni tqis li r-rata ta’ żball irrapportata hija inaffidabbli,
hija tuża rati fissi.
37. Il-Kummissjoni taqbel
mal-Qorti li l-kopertura ta' korrezzjonijiet finanzjarji hija kompitu kumpless
minħabba differenzi fiż-żmien bejn l-irrapportar tal-Istati
Membri u l-iskadenzi tar-rapport annwali ta’ attività tal-Kummissjoni u
l-atturi differenti involuti fl-implimentazzjoni tagħhom. Sabiex
tirrifletti l-karattru pluriennali tal-implimentazzjoni tal-programmi,
inkluż il-korrezzjonijiet finanzjarji kumulattivi, il-Kummissjoni
tikkalkula riskju residwu kumulattiv li huwa indikatur ta’ kemm
il-kapaċità korrettiva tal-programm qed tipprogressa sena wara sena.
Il-Kummissjoni għandha l-għan li tiżgura rata ta’ żbalji
residwali taħt il-limitu minimu ta' materjalità fi tmiem il-perjodu ta’
pprogrammar, billi tqis il-korrezzjonijiet finanzjarji kollha mġarrba
matul il-ħajja ta’ programm. 38. Il-Kummissjoni trid
taħdem bid-dejta pprovduta mill-Istati Membri sal-aħħar ta’
Marzu ta’ kull sena skont ir-rekwiżiti regolatorji u li huma disponibbli
fl-istruttura pluriennali mwaqqfa għall-politika ta’ koeżjoni. L-ewwel inċiż: Il-Kummissjoni
teħtieġ li tikkalkula r-riskju residwu kumulattiv fl-aħħar
tas-sena vvalutata fir-rapport annwali ta’ attività. Ir-riskju residwu
kumulattiv huwa indikatur tal-kapaċità korrettiva tal-programm fuq bosta
snin, li jqis l-informazzjoni disponibbli fil-mument tal-kalkolu tiegħu,
kemm f’termini ta’ riskju u tal-korrezzjonijiet finanzjarji magħmula. Meta jsir ir-rapport
annwali ta' attività, il-Kummissjoni għandha għad-dispożizzjoni
tagħha r-rapportar tal-Istati Membri dwar il-korrezzjonijiet finanzjarji
ppreżentati fis-sena preċedenti u d-dejta rrapportata għas-sena
kurrenti għal xi programmi. Din l-informazzjoni tista’ tiġi
analizzata mill-Kummissjoni billi l-biċċa l-kbira tal-korrezzjonijiet
huma mibdija fuq talba tal-Kummissjoni stess. Barra minn hekk,
il-Kummissjoni wettqet xogħol ta' awditjar speċifiku bbażat fuq
ir-riskju matul l-aħħar tliet snin li jkopri 68 programm
operazzjonali sabiex tiżgura li l-korrezzjonijiet irraportati mill-Istati Membri
huma effettivament implimentati u, fil-każ ta' dubji jew evidenza
insuffiċjenti, tnaqqas l-ammonti kkonċernati mill-korrezzjonijiet
finanzjarji kumulattivi kkunsidrati għall-iskop tal-kalkolu tar-rata ta'
żball residwu. It-tieni inċiż: Kif indikat fil-gwida
dwar it-trattament tal-iżbalji żvelata fir-rapport annwali ta'
kontroll (COCOF_11-0041-01-MT tas-7 ta' Diċembru tal-2011),
l-awtoritajiet tal-awditjar iridu jipprojjettaw ir-rata ta' żball
ibbażata fuq is-sejbiet kollha tal-awditu u ma għandhiex tqies
korrezzjonijiet finanzjarji mwettqa b'riżultat tal-awditi tagħhom
għall-kalkolu tar-rati ta' żball projjettati. Meta jifformulaw
l-opinjoni ta’ awditjar tagħhom, huma jistgħu jikkunsidraw eventi
sussegwenti fis-sens ta’ korrezzjonijiet finanzjarji meħuda minn meta
ntemmu l-awditi tagħhom. Jekk dawn il-korrezzjonijiet huma
biżżejjed biex tittaffa r-rata ta' żball projjettata, l-awtorità
tal-awditjar tista’ tiddeċiedi li tirrapporta opinjoni mhux kwalifikata,
iżda xorta trid tirrapporta r-rata ta' żball kif ikkalkulata. Il-Kummissjoni se tfakkar
l-awtoritajiet tal-awditjar dwar din ir-regola. It-tielet
inċiż: Irkupri pendenti huma
bbażati fuq ordnijiet ta’ rkupru maħruġa mill-Istat Membru, u li
għad iridu jiġu eżegwiti. Skont ir-Regolament huma
meħtieġa li jikkundsidraw dawn l-azzjonijiet korrettivi u huwa
leġittimu li jagħmlu dan. Ir-raba' inċiż: Skont ir-Regolament,
l-Istati Membri għandhom jirrappurtaw kwalunkwe rtirar inkluż f’talba
għall-pagament tas-sena preċedenti. Kif ikkjarifikat fin-nota ta' gwida
[in-nota f'qiegħ il-paġna bir-referenza COCOF 10/0002/02 bid-data
tas-17/03/2010], l-irtirar huwa definittiv ma jistax jerġa
jiddaħħal f'talbiet segwenti għall-pagamenti, għajr jekk
l-ammonti irregolari iktra tard jinstabu li kienu regolari u eliġibbli.
F’tali każijiet l-awtorità ta’ ċertifikazzjoni għandha
tikkoreġi r-rapportar tagħha. Il-Kummissjoni se tfakkar
lill-awtoritajiet ta’ ċertifikazzjoni dwar din ir-regola. 39. Sa mir-rapporti
annwali ta' attività tal-2011 rilaxxati f'Marzu 2012, kwalunkwe instanzi ta'
rati negattivi tal-iżball residwu huma aġġustati għal
minimu ta' 0 bħal parti mill-proċeduri li ddaħħlu
mill-Kummissjoni biex ikun evitat li l-kalkolu tar-riskju residwu kumplessiv
kumulattiv ikun sottostmat. Ir-riskju residwu
kumulattiv jirrifletti l-kapaċità korrettiva kumplessiva ta’ programm,
filwaqt li jqis l-aħjar estimu tar-riskju, ir-rata ta’ żball
vvalidata, u l-informazzjoni dwar il-korrezzjonijiet kollha mwettqa,
indipendentement mis-sors tas-sejba (awtorità ta' ġestjoni,
ċertifikazzjoni jew tal-awditjar). Għalhekk, f’każijiet estremi,
riskju residwu kumplessiv ta' żero juri li l-korrezzjonijiet irrapportati
kumplessivament u marbuta man-nefqa preċedentament inkluża
fit-talbiet għall-pagament lill-Kummissjoni kienu ogħla mir-riskju
kumulattiv stmat għall-programm, meta sar il-kalkolu. 40. Ir-riżervi huma
prinċipalment ibbażati fuq valutazzjoni dwar il-funzjonament
tas-sistema ta’ ġestjoni u ta’ kontroll u r-rata ta’ żball
projettata, ir-riskju residwu kumulattiv huwa t-tieni l-filtru biex
tittieħed deċiżjoni dwar il-ħtieġa għal
riżervi addizzjonali. B’mod partikolari, iżda mhux esklussivament,
fil-każ ta’ rata ta’ żball validata bejn it-2 % u l-5 %,
dan jippermetti li tittieħed deċiżjoni dwar jekk għandhomx
isiru riżervi addizzjonali. Żgur li mhijiex is-sors ewlieni ta’
riżervi fir-rapport annwali ta’ attività, iżda hija waħda
kumplimentarja. Dan l-approċċ
kien segwit minn 65 programm tal-FEŻR u tal-FSE mis-67 kkwotati
mill-Qorti. Għaż-żewġ programmi li jifdal, kif indikat
mill-Qorti fl-Anness III mar-rapport tagħha, eċċezzjonijiet
skont il-metodoloġija tar-rapport annwali ta' attività saru u kienu
żvelati fir-rapport annwali ta' attività ladarba l-korrezzjonijiet
finanzjarji kollha neċessarji kienu ġew implimentati
fiż-żmien għall-proċess tal-assigurazjzoni (cf. ir-rapport
annwali ta' attività tad-DĠ għall-Politika Reġjonali u Urbana,
il-paġna 35). Għall-erbgħa programmi
operazzjonali tal-FSE b"rata ta' żball projettata" ogħla
minn 5 %, il-korrezzjonijiet finanzjarji kollha neċessarji kienu
diġà ġew implimentati sakemm ħareġ ir-rapport annwali ta'
attività tad-DĠ għall-Impjiegi għall-2012. Għalhekk, rati
ta’ żball kumulattivi kkalkulati għal dawk il-programmi operazzjonali
kienu taħt t-2 %. Skont istruzzjoni fis-seħħ
tal-Kummissjoni għar-Rapport ta' Attività Annwali għall-2012,
riżerva kwantifikata hija meħtieġa biss jekk ir-riskju
finanzjarju kumulattiv huwa ogħla minn 2 %. Barra minn hekk,
għall-erbgħa programmi kkonċernati, il-pjanijiet ta’ azzjoni
xierqa kienu fis-seħħ biex ma jħallux li dawn il-kwistjonijiet
jirrepetu ruħhom. Barra minn hekk,
il-Kummissjoni tinnota li fil-paragrafu 6.34 tar-Rapport Annwali
tagħha għall-2012, il-Qorti tiddikkjara li n-nuqqasijiet identifikati
fir-rati ta' żball irraportati mill-Awtoritajiet tal-Awditjar "ma
ddubitawx l-għadd u l-impat tar-riżervi formulati mid-DĠ
għall-Impjiegi fl-2012". 43. Hemm żewġ
proċessi li għandhom ikunu differenzjati b'mod ċar:
id-dipendenza formali fuq ix-xogħol tal-awtorità tal-awditjar skont
il-kundizzjonijiet imposti mill-Artikolu 73 tar-Regolament minn naħa,
u l-fatt li l-Kummissjoni tista' min-naħa l-oħra, wara valutazzjoni
profonda tagħha tar-rapport annwali ta' kontroll u fil-kunsiderazzjoni
tax-xogħol fuq il-post tagħha, tivvalida u b'hekk toqgħod fuq
ir-riżultati rrapportati tal-awditu għall-proċess ta'
assigurazzjoni annwali. Iċ-ċifri
rrapportati mill-Qorti jirrifflettu l-approċċ prudenti segwit
mill-Kummissjoni, kif imsemmi fil-paragrafu 47 u l-kundizzjoni doppja li
ma sserraħx biss fuq ix-xogħol ta' awtorità tal-awditjar u r-rati ta'
żball irrapportati iżda wkoll li l-elementi kollha tas-sistema ta'
ġestjoni u kontroll għall-programm ikkonċernat ikunu
kompletament effettivi (ara wkoll it-tweġiba
għall-paragrafu 16). Barra minn hekk,
it-twettiq tal-kundizzjonijiet ma jiskattax awtomatikament deċiżjoni
mill-Kummissjoni biex jingħata l-Artikolu 73. Il-Kummissjoni
tuża ġudizzju professjonali sabiex tqis il-fatturi l-oħra kollha
rilevanti, inklużi, fost l-oħrajn, il-materjalità u l-kritikalità ta'
kull programm operazzjonali għall-Fond fit-totalità tiegħu. Tweġiba komuni
għal paragrafi 44 sa 46 Il-Kummissjoni tkun
tista' tinnotifika l-Artikolu 73 biss ladarba jkun sar ammont
suffiċjenti ta' xogħol ta' awditu skont l-istandars internazzjonali
tal-awditjar u tkun tista' tintlaħaq valutazzjoni pożittiva
tal-awtorità tal-awditjar. Addizzjonalment, anke
jekk id-deċiżjonijiet biex jigħata l-Artikolu 73 kellhom
jittieħdu fis-sitt sena tal-perjodu 2007-2013, l-implimentazzjoni
tal-programmi fuq il-post tibqa' għaddejja sal-2015 u l-egħluq
ikompli sal-2017. Barra minn hekk, l-implimentazzjoni tal-awditu waħdieni
jista' jkollha rwol importanti għat-twaqqif ta' sistemi ta' ġestjoni
u kontroll għall-perjodu ta' programmar li jmiss u l-kunċett se
jinżamm u se jkollu impatt pożittiv sal-2023. Il-pjan direzzjonali
tal-2010 kien qiegħed jindika bi prudenza li “l-ewwel grupp ta’
awtoritajiet tal-awditjar jistgħu jkunu f’pożizzjoni li jibbenefikaw
jew jistgħu diġà jibbenefikaw mill-prinċipju ta’ awditjar
waħdieni għal xi programmi/sistemi u l-Kummissjoni prinċipalment
se toqogħd fuq l-opinjoni tal-Awtorità tal-Awditjar”. Il-Kummissjoni
għalhekk ma setgħetx tipprevedi skeda preċiża qabel ma tkun
wettqet l-analiżi tagħha. Ta' bilħaqq, il-kundizzjonijiet previsti
fir-regolament, kif ukoll fl-istandards tal-awditjar, jeħtieġu li
l-Kummissjoni tikseb riżultati robusti tal-awditjar wara proċeduri
avversi qabel ma tkun tista' tiddeċiedi li timplimenta l-Artikolu 73
fuq programm speċifiku. Dan kien possibbli biss wara xogħol fuq
il-post ta' twettiq mill-ġdid dettaljat mill-Kummissjoni fl-inkjesta
tagħha ta' awditjar “Analiżi tax-xogħol tal-Awtoritajiet
tal-Awditjar”, imwettqa mill-2009. Il-Kummissjoni b'hekk
adottat approċċ prudenti minn meta ngħata l-ewwel status
tal-Artikolu 73 wara li rċeviet ir-rapporti annwali ta' kontroll
għall-2010 u l-2011, li kienu l-ewwel rapporti li rrapportaw rati ta'
żball. Fl-istess perjodu, il-Kummissjoni pprovdiet gwida dwar
l-elaborazzjoni ta’ dawk ir-rapporti, it-trattament tal-iżbalji,
it-teħid ta’ kampjuni, eċċ. bil-għan li tiġi
żgurata l-affidabilità u l-konsistenza tal-informazzjoni rċevuta. Ara wkoll it-tweġiba
għal paragrafu 30. 47. Il-Kummissjoni
għandha l-għan li tikseb “assigurazzjoni raġonevoli li
s-sistemi ta’ ġestjoni u kontroll jiffunzjonaw b’mod effettiv” permezz
tal-valutazzjoni ta’ rekwiżiti prinċipali u funzjonijiet dettaljati
għal kull programm. Din il-valutazzjoni hija bbażata fuq
sinteżi tar-riżultati kollha tal-awditjar mill-Kummissjoni u
mill-Istat Membru u tmur lil hinn mill-indikazzjoni pprovduta mill-uniku
indikatur tar-riskju residwu kumulattiv. Il-Kummissjoni formalment
aġġornat il-pjan direzzjonali tagħha f'Settembru 2013, anki
billi kjarifikat ulterjorment il-kriterji li timxi magħhom biex
tagħti l-Artikolu 73: aċċettazzjoni tal-istrateġija
tal-awditjar u tal-valutazzjoni ta' konformità; assigurazzjoni raġonevoli
li s-sistemi ta' ġestjoni u kontroll jiffunzjonaw b'mod effikaċi u
għandhom riskji limitati; assigurazzjoni raġonevoli li l-awtorità
tal-awditjar taħdem sew u li xi titjib minuri biss huwa meħtieġ,
waqt li jitqiesu l-għarfien u l-esperjenza kumulattivi tal-awditjar
tal-Kummissjoni ta' din l-awtorità tal-awditjar. Hija tqis ukoll
ir-riżultati tal-awditi tal-Qorti. 48.
Abbażi tal-valutazzjoni tagħha stess, il-Kummissjoni tikkunsidra li
r-rekwiżiti jinsabu fis-seħħ fi tmiem l-2013 għall-61
programm. Fil-valutazzjoni tagħha, il-Kummissjoni tibbaża fuq
ir-riżultati tal-inkjesti estensivi tal-awditjar mibdija fl-2009 biex
tivverifika effettivament l-affidabilità tal-Awtoritajiet tal-awditjar. Barra
minn hekk, hija tikkunsidra d-dispożizzjonijiet regolatorji kollha,
inkluż l-użu ta’ kampjunar mhux statistiku f’xi każijiet
bħala l-aħjar estimu tar-riskju u l-effikaċja tas-sistema ta’
ġestjoni u, kif ukoll “ir-riskju residwu kumulattiv” ikkalkolat għal
kull programm jew gruppi ta’ programmi mill-2012 kif indikat hawn fuq. Barra
minn hekk, il-Kummissjoni tinnota li l-programmi msemmija mill-Qorti f’kaxxa 6
jirrappreżentaw 5 % u inqas minn 1 % tal-allokazzjonijiet
globali rispettivi FEŻR/FK u l-FSE. Kaxxa 6
- Ħarsa kumplessiva tar-riżultati tal-ittestjar tal-Qorti
tal-kundizzjonijiet fis-seħħ tal-Artikolu 73 (2012) (a) L-ewwel
inċiż: Meta
programmi taħt sistema komuni ta’ ġestjoni u ta’ kontroll huma
miġbura għall-iskop ta’ kampjunar statistiku, kif provdut
fir-Regolament, il-Kummissjoni ma tistax tikkalkula r-riskju residwu kumulattiv
għal kull programm billi l-awtoritajiet tal-awditjar jirrapportaw rata ta’
żball waħda għall-programmi kollha miġbura flimkien. Dan
l-approċċ huwa meħud fil-każijiet kollha għall-Istati
Membri kollha meta l-awtoritajiet tal-awditjar jaggruppaw il-programmi
taħt kampjun rappreżentattiv uniku. Is-sitt
programmi kkwotati mill-Qorti huma parti minn tmien programmi f'sistema komuni
ta’ ġestjoni u ta’ kontroll. Ir-rata ta' żball irrapportata u
vvalidata għall-grupp ta' programmi kienet 2,64 % għall-2011.
Ir-riskju residwu kumulattiv korrispondenti għall-grupp ta’ tmien
programmi kollha meħuda flimkien, wara li saru l-korrezzjonijiet
mill-awtorità ta’ ċertifikazzjoni kkonċernata, kien taħt
it-2 %. Il-Kummissjoni għalhekk ikkonkludiet li s-sistemi huma
effikaċi għat-tmien programmi kollha kemm huma. It-tieni
inċiż: Il-kundizzjonijiet
kollha għall-għoti tal-Artikolu 73 għal dan il-programm
kienu diġà fis-seħħ fil-bidu tal-2012. Madankollu,
il-Kummissjoni ddeċidiet li ssegwi approċċ prudenti li
jindirizza r-riskju ta’ żbalji sistemiċi f’miżura speċifika
tal-programm. Għalhekk hija ħarġet riżerva parzjali
fir-rapport annwali ta’ attività sabiex jiġi kopert dan ir-riskju. Kien
sussegwentament ikkonfermat mill-Istati Membri li n-nefqa intiera relatata ma'
din il-miżura kienet irtirata bi prevenzjoni diġà
f'Novembru 2011 u kien implimentat pjan ta' azzjoni fl-2012 biex ikun
żgurat li l-ebda nefqa ma kienet fil-fatt f'riskju għal din
il-miżura. Wara din il-konklużjoni, ir-riżerva parzjali
tneħħiet f'Novembru tal-2012. Wara żewġ missjonijiet ta'
awditjar fuq il-post, l-Artikolu 73 ingħata lill-programm.
Ir-riżultati pożittivi rraportati fir-rapport annwali ta' kontroll
għall-2012 ikkonfermaw din il-valutazzjoni b'rata ta' żball
ivvalidata taħt it-2 % u l-Kummissjoni ħarġet opinjoni mhux
kwalifikata fir-rapport annwali ta' attività għall-2012. (b) L-ewwel inċiż: ·
Għaż-żewġ
każijiet tal-ESF u l-każ tal-FEŻR imsemmija mill-Qorti,
il-Kummissjoni tikkonferma li l-awtoritajiet tal-awditjar ikkonċernati
segwew b’mod adegwat in-nota ta’ gwida tal-Kummissjoni dwar it-teħid ta’
kampjuni, minħabba d-daqs żgħir tal-popolazzjoni. Il-Kummissjoni
tinnota li l-użu ta’ rati ta’ żball kampjun ibbażati fuq kampjuni
mhux statistiċi huma previsti fir-Regolament fil-każ ta’
popolazzjonijiet żgħar ta’ operazzjonijiet. Dawn huma l-uniċi
indikaturi disponibbli sabiex jiġi stmat ir-riskju ġenerali
għall-programmi kkonċernati, u għaldaqstant jiġu użati
mill-Kummissjoni għall-għanijiet tal-proċess li jagħti
aċċertament. F’każijiet bħal dawn, il-Kummissjoni tqis
ukoll x'karatteristiċi għandha l-popolazzjoni u l-kopertura
mill-awditjar. F'żewġ każijiet tal-FSE, minħabba d-daqs
żgħir tal-popolazzjoni, intlaħqet il-kopertura minima
meħtieġa (10%). Għall-programm FEŻR li jifdal, l-użu
ta' selezzjoni aleatorja li tkopri entrati ta' valur għoli u iktar minn
10 % tan-nefqa kienet adegwata. ·
Barra
minn hekk, il-Kummissjoni bbażat il-valutazzjoni tagħha mhux biss fuq
ir-rati ta' żball irrapportati fir-rapporti annwali ta’ kontroll,
iżda wkoll fuq elementi oħra miksuba permezz tax-xogħol ta’
awditjar tagħha, bħal tat-twettiq mill-ġdid ta’ numru ta’
kontrolli tal-awtorità tal-awditjar fuq l-operazzjonijiet u l-għarfien
akkumulat dwar il-funzjonament tas-sistemi kkonċernati. ·
Ladarba
dawk l-elementi kienu pożittivi, il-Kummissjoni kkonkludiet li kellha
bażi suffiċjent biex tagħti l-Artikolu 73 għal dawk
it-tliet programmi. ·
Dwar
il-kampjun tal-2013, iż-żewġ awtoritajiet tal-awditjar
għażlu li jużaw metodu ta' kampjunar statistiku fid-dawl
taż-żieda tad-daqs tal-popolazzjoni u l-limitu minimu aktar baxx li
jiskattaw l-użu ta’ kampjunar statistiku stabbilit fil-gwida riveduta
għall-kampjunar ipprovduta mill-Kummissjoni f’April 2013. Ara
wkoll it-tweġiba għal paragrafu 36. It-tielet
inċiż: L-Artikolu 73
ingħata lil dawn iż-żewġ programmi f'Ġunju 2012
abbażi tal-konklużjoni li l-kundizzjonijiet kollha stipulati fil-pjan
direzzjonali tal-Kummissjoni kienu ġew sodisfatti. Dak iż-żmien
il-Kummissjoni kienet irrieżaminat il-metodoloġija ta' kampjunar
użata mill-Awtorità tal-Awditjar f'erba' Rapporti Annwali ta' Kontroll
konsekuttivi mill-2008 u sabet li kienet konformi. L-informazzjoni dwar
il-bidla tal-metodoloġija tal-kampjunar kienet ipprovduta f'Diċembru 2012
fir-Rapport Annwali ta' Kontroll li kien ivvalutat immedjatament. Fuq
il-bażi tal-valutazzjoni tagħha, il-Kummissjoni nnotat li
l-esklużjoni tan-nefqa mill-popolazzjoni li għandu jitteħdilha
kampjun ma kinitx konformi mar-regoli. Madankollu, ikkonkludiet li din il-bidla
ta’ metodoloġija ma kellha l-ebda impatt fuq ir-rati ta’ żball
irrapportati u kienet intgħażlet mill-Awtorità tal-awditjar għal
raġunijiet ta’ kosteffiċjenza peress li l-benefiċjarji kkonċernati
kienu diġà ġew awditjati mingħajr ma ġġeneraw
żbalji fis-snin preċedenti. Il-Kummissjoni
tinnota li l-bidla fil-metodoloġija żiedet il-kopertura tal-awditjar
minn 5 % għal 20 % meta mqabbla mas-snin preċedenti.
Ir-raba' inċiż:
Il-Programm Operazzjonali msemmi
mill-Qorti huwa r-raba’ l-iżgħar Programm Operazzjonali
għall-FSE. Pagamenti annwali fl-2010/2012 ammontaw għal medja ta'
EUR 1,5 miljun. Minkejja d-daqs żgħir ħafna
tiegħu, l-Artikolu 74 li jistabbilixxi l-arranġamenti ta' kontroll
proporzjonali għall-Programmi Operazzjonali żgħar ma setax ikun
applikat minħabba li r-rata ta' kofinanzjament għal dan il-Programm
Operazzjonali hija ogħla minn 40 %.
Barra minn hekk, il-Kummissjoni
tikkonferma li hija kellha bażi soda biżżejjed biex tagħti
l-Artikolu 73 lil dan il-programm, li għandu impatt simili
għall-Artikolu 74 ladarba, l-awtorità tal-awditjar tal-FSE segwiet
adegwatament in-nota ta' gwida tal-Kummissjoni dwar il-kampjunar, fid-dawl
tad-daqs tassew żgħir tal-popolazzjoni li kienet fil-biċċa
l-kbira tagħha taħt il-limitu minimu meħtieġ
għall-kampjunar statistiku kkwotat mill-Qorti fin-nota 9 ta' qiegħ
il-paġna. (taħt l-20 proġett għall-2011 u l-2012).
Għalhekk, il-kampjunar statistiku ma setax jiġi applikat
għall-popolazzjoni kkonċernata. Madankollu, il-kopertura minima ta'
10 % meħtieġa mill-gwida tal-kampjunar intlaħqet.
Barra minn hekk, is-sistema ta'
ġestjoni u kontroll għal dan il-Programm Operazzjonali ġiet
ivvalutata bħala effettiva u r-rata ta’ żball irrapportata
mill-awtorità ta’ ġestjoni u vvalidata mill-Kummissjoni kienet konsistentement
taħt it-2 %.
(c)
Il-Kummissjoni tikkunsidra li hija tagħti l-Artikolu 73 lil dawn
iż-żewġ programmi abbażi ta' kriterji robusti, konsistenti
u trasparenti u wara li qieset is-sejbiet tal-Qorti.
F'wieħed
miż-żewġ każi msemmija mill-Qorti, is-sistema ta'
ġestjoni u kontroll kienet ivvalutata bħala effettiva u r-rati ta'
żball irrapportati mill-awtorità tal-awditjar u vvalidati mill-Kummissjoni
kienu konsistentement taħt it-2 % matul il-perjodu (2010-2012).
Għat-tieni
każ, is-sejbiet tal-Qorti ma kinux relatati mal-funzjonament tal-awtorità
tal-awditjar imma lejn partijiet oħra tas-sistema ta’ ġestjoni u
kontroll u qed jiġu segwiti. Il-Kummissjoni tikkunsidra li n-nuqqasijiet
identifikati fis-sistema ta' ġestjoni u kontroll fl-2012 mhux
neċessarjament jimpattaw l-affidabilità tax-xogħol tal-awtorità
tal-awditjar. (d)
L-Artikolu 73 ingħata liż-żewġ awtoritajiet
tal-awditjar ikkonċernati f'Ġunju u f'Settembru 2012.
L-osservazzjoni tal-Qorti tirreferi għal sejbiet żvelati fl-2013. Fi kwalunkwe każ, il-Kummissjoni
tikkonferma, wara valutazzjoni bir-reqqa tas-sejbiet tal-Qorti, li dawn
l-awtoritajiet tal-awditjar jissodisfaw ir-rekwiżiti
għall-Artikolu 73. Il-Kummissjoni timmonitorja mill-qrib li dawn
ir-rekwiżiti jkomplu jkunu sodisfatti fl-inkjesta tal-awditjar
konġunta tagħha dwar il-monitoraġġ tal-Artikolu 73
(ara t-tweġiba għall-paragarfu 54) Tweġiba
komuni għall-paragrafi 49 u 50. Kif
stipulat fil-pjan direzzjonali aġġornat u l-inkejsta tal-awditjar
konġunta deċiża f'Settembru 2013, u riflessa fl-istrateġija
tal-awditjar tas-Servizzi tal-Kummissjoni, monitoraġġ adegwat
tal-Artikolu 73 jitwettaq permezz tal-analiżi tar-raporti
tal-awditjar tas-sistema nazzjonali u tar-rapporti annwali ta' kontroll
(inkluż missjonijiet għall-ġbir ta' informazzjoni fejn
neċessarji), analiżi fuq il-post tad-dokument ta' ħidma u
twettiq mill-ġdid ta' awditi mwettqa mill-awtorità tal-awditjar u
laqgħat ta' koordinazzjoni bilaterali. Ara
wkoll it-tweġiba għal paragrafu 32. Tweġiba
komuni għal paragrafi 51 u 53. Il-pjan
direzzjonali kien maħsub bħala dokument strateġiku li
jistabbilixxi l-kundizzjonijiet għall-għoti tal-Artikolu 73 u
għall-skopijiet ta' monitoraġġ u mhux bħala dokument
metodoloġiku. Wara l-ewwel lott ta' deċiżjonijiet
tal-Artikolu 73 fl-ewwel nofs tal-2012, ġiet żviluppata
l-metodoloġija biex jitwettqu l-missjonijiet ta' monitoraġġ u
l-inkjesta l-ġdida kienet irfinata abbażi tal-esperjenza
taż-żewġ missjonijiet pilota mwettqa fl-2012, li inkludew
twettiq mill-ġdid u analiżi ta' dokument ta' ħidma. Skont
il-pjan direzzjonali aġġornat, l-inkjesta ta' awditjar konġunta
u l-istrateġija tal-awditjar, missjoni ta' monitoraġġ
għandha ssir għal kull awtorità tal-awditjar bl-istatus
tal-Artikolu 73 kull sentejn. Dawn il-missjonijiet ta’
monitoraġġ qed jinkludu xogħol ta' twettiq mill-ġdid u
analiżi ta' dokumenti ta’ ħidma, konformi mal-istandards
internazzjonali tal-awditjar.
Tweġiba komuni
għall-paragrafi 54 u 55.
Id-DĠ
għall-Politika Reġjonali u Urbana, fir-rapport annwali ta' attività
tiegħu għall-2012, indika li skont il-monitoraġġ
min-naħa tiegħu tal-programmi bi status ta' awditu waħdieni,
il-kundizzjonijiet biex jiġġustifikaw dan l-istatus kienu
għadhom fis-seħħ, ladarba l-awtoritajiet tal-awditjar kienu
rraportaw adegwatament nuqqasijiet ġodda għal uħud mill-programmi
kkonċernati. Għalhekk l-awtoritajiet tal-awditjar ikkonċernati
komplew jiffunzjonaw b’mod xieraq. F'Settembru
tal-2013 il-Kummissjoni formalment aġġornat il-pjan direzzjonali
inizjali tagħha u adottat inkjesta tal-awditjar li tistabbilixxi l-metodoloġija
u l-proċess għall-monitoraġġ tal-istatus ta’ “awditu
waħdieni”. L-Anness I tal-pjan direzzjonali jinkludi ħarsa
ġenerali lejn l-azzjonijiet/miżuri korrettivi f’każ wieħed
jew aktar meta l-kundizzjonijiet inizjali biex wieħed jasal
għall-implimentazzjoni tal-prinċipju ta’ awditu waħdieni ma
jkunux aktar imħarsa. Il-Kummissjoni
timmonitorja l-programmi kollha kkonċernati, inkluż permezz ta'
xogħol tat-twettiq mill-ġdid. Fi tmiem l-2013,
il-monitoraġġ tal-Kummissjoni jkopri 19-il Programm Operazzjonali
b'Artikolu 73, għal 7 awtoritjiet tal-awditjar skont
il-metodoloġija ta' awditjar tal-Kummissjoni. Miżuri korrettivi
speċifiċi qed jiġu implimentati għal erba’ awtoritajiet
tal-awditjar.
Id-DĠ
għall-Impjiegi ma identifika l-ebda kwistjoni fir-rapport annwali ta'
attività tiegħu għall-2012 li jeħtieġ rikunsiderazzjoni
tal-programmi operazzjonali li ngħataw l-Artikolu 73 fl-2012.
Għalhekk, ma kellhom jinbdew l-ebda azzjonijiet korrettivi sabiex ikun
irtirat jew sospiż l-istatus ta' awditu waħdieni mogħti fl-2012.
Barra minn hekk, il-Kummissjoni bdiet missjonijiet ta’ monitoraġġ fuq
dawn il-programmi operazzjonali lejn l-aħħar tal-2013.
56.
L-għeluq se jibni fuq xogħol estensiv ta' awditjar u
monitoraġġ imwettaq matul il-perjodu, b’mod partikolari fir-rigward
tal-valutazzjoni annwali tar-riskju residwu kumulattiv skont il-programm. Ara
wkoll it-tweġiba għall-paragrafi 49 sa 53 fuq il-pjan direzzjonali u
l-inkjesta tal-awditjar aġġornati. Il-Kummissjoni
tiġbed ukoll l-attenzjoni għall-fatt li l-implimentazzjoni
tal-prinċipju ta' awditu waħdieni se jkompli wkoll fil-perjodu
2014-2020 kif stipulat fl-Artikolu 140(3) tar-Regolament dwar
id-Dispożizzjonijiet Komuni [nota ta' qiegħ il-paġna: "Fil-każ
ta’ programmi operazzjonali li għalihom il-Kummissjoni tikkonkludi li
tista’ tistrieħ fuq l-opinjoni tal-awtorità għall-awditjar, tista’
taqbel mal-awtorità ta’ awditjar li tillimita l-awditjar fuq il-post
tal-Kummissjoni biex tagħmel awditjar tax-xogħol tal-awtorità
għall-awditjar sakemm ma jkunx hemm prova ta’ nuqqasijiet fix-xogħol
tal-awtorità għall-awditjar għal sena ta’ kontabbiltà li għaliha
l-kontijiet kienu ġew aċċettati mill-Kummissjoni"]. 60. Matul l-ewwel snin
ta’ implimentazzjoni l-Kummissjoni ħarġet gwida li hija essenzjali
għax-xogħol tal-awtoritajiet tal-awditjar (pereżempju
valutazzjoni tal-konformità, strateġija tal-awditjar, valutazzjoni
tas-sistemi ta’ ġestjoni u kontroll, metodi ta' kampjunar). Dawn
id-dokumenti ta’ gwida kienu maħruġa fil-ħin fil-bidu
tal-perjodu ta’ programmar (ara l-paragrafu 62). Tweġiba
komuni għall-paragrafi 61 u l-Kaxxa 8 Gwida
dwar kwistjonijiet kumplessi, bħal dawk ikkwotati mill-Qorti, hija
neċessarjament ibbażata fuq prattiki tajbin u dawk ħżiena
identifikati matul l-ewwel snin ta’ implimentazzjoni. L-abbozz ta’ gwida huwa diskuss
matul diversi laqgħat tekniċi mal-awtoritajiet tal-awditjar qabel ma
jiġi ffinalizzat fil-laqgħa tal-COCOF. Dan kien b’mod partikolari
l-każ għal gwida dwar it-trattament tal-iżbalji li ġiet
diskussa b’mod estensiv mal-awtoritajiet tal-awditjar qabel ma ġiet
ikkomunikata formalment. 66. L-ewwel
inċiż: Il-Kummissjoni
taqbel li din l-informazzjoni obbligatorja tista' tkun kkomplementata aktar
permezz ta’ gwida addizzjonali sa fejn għandhom x'jaqsmu r-riżultati
tal-operazzjonijiet. Il-Kummissjoni għandha l-ħsieb li tipprovdi
kjarifika bil-miktub addizzjonali lill-awtoritajiet tal-awditjar f’dan
ir-rigward sa tmiem l-2013. It-tieni
inċiż: Il-Kummissjoni
tikseb informazzjoni addizzjonali dwar ir-riżultati tal-awditi
tal-operazzjonijiet, jew fuq formola bil-miktub jew matul missjonijiet
esplorattivi fuq il-post, meta jkun meħtieġ, abbażi
tal-valutazzjoni tar-riskju tagħha (ara t-tweġiba
għall-paragrafu 32). Il-Kummissjoni
se tikkunsidra l-possibbiltà li toħroġ aktar kjarifika bil-miktub
dwar din il-kwistjoni. It-tielet
inċiż: Fl-għeluq,
l-awtoritajiet tal-awditjar huma meħtieġa li jwettqu valutazzjoni
pluriennali tal-funzjonament tas-sistemi ta’ ġestjoni u kontroll kif ukoll
tal-kapaċità korrettiva fl-għeluq (ara l-gwida dwar l-għeluq maħruġa
fl-2013). Ir-raba' inċiż: Dwar l-impatt ta' eventi
li jiġru wara l-opinjoni tal-awditjar, dan huwa diġà parzjalment
kopert fil-gwida dwar it-trattament tal-iżbalji maħruġa
f'Diċembru 2011 sa fejn għandhom x'jaqsmu l-eventi
"pożittivi". Il-Kummissjoni
se tikkunsidra l-possibbiltà li toħroġ aktar kjarifika bil-miktub
dwar din il-kwistjoni. Il-Kummissjoni
għamlet proposti biex tkopri l-aspetti kollha preċedenti
fl-implimentazzjoni / atti delegati għall-perjodu ta' programmar 2014-2020
biex tarmonizza ulterjorment l-implimentazzjoni. 67.
Ir-Regolament u b'konsegwenza tiegħu l-gwida maħruġa
mill-Kummissjoni jikkunsidraw l-istandards internazzjonali tal-awditjar
iżda jridu jirriflettu l-ispeċifiċitajiet u t-terminoloġija
użati għall-politika ta’ koeżjoni. Tweġiba
komuni għall-paragrafi 68 sa 69. Ix-xogħol
estenisv tal-awditjar biex ikun analizzat ix-xogħol tal-awtoritajiet
tal-awditjar mill-2009 kien jinvolvi wkoll eżerċizzju komprensiv
għall-bini ta' kapaċità mal-awtoritajiet tal-awditjar
ikkonċernati. Dan ippermetta min-naħa tiegħu skambju ta’
prattiki tajba mal-awtoritajiet tal-awditjar kollha permezz ta’ gwida
addizzjonali u laqgħat tekniċi. 72.
Il-Kummissjoni tkompli tipprovdi taħriġ lill-awtoritajiet
tal-awditjar, partikolarment dwar tekniki ta' kampjunar, dwar ix-xogħol tal-awditjar
fil-dawl tal-għeluq tal-perjodu 2007-2013 u dwar l-awditjar tal-perjodu
l-ġdid tal-awditjar. 73.
Il-Kummissjoni tinnota li l-għoti tal-Artikolu 73 lil xi programmi ma
jnaqqasx ix-xogħol ta' kontrolll tagħha. Il-vantaġġ
prinċipali għall-Kummissjoni jinsab fil-possibilità li tiffoka
r-riżorsi limitati għall-awditjar għall-programmi u awtoritajiet
b'riskji ogħla minflok tnaqqas il-kontroll kumplessiv tagħha. Barra
minn hekk, awditjar waħdieni bl-ebda mod ma jfisser l-ebda awditu.
Monitoraġġ u missjonijiet ta’ segwitu jibqgħu meħtieġa
ħalli jkun żgurat l-issoktar tal-affidabbiltà tax-xogħol ta’
awditjar tal-awtoritajiet nazzjonali tal-awditjar. Tweġiba
komuni għal paragrafi 74 sa 76 Il-Kummissjoni
tissottolinja li permezz tal-qafas regolatorju għall-2007-2013, il-livell
ta' assiguranzzjoni li tista' tikseb żdied b'mod sinifikanti,
partikolarment billi ippermetta l-valutazzjoni tal-assigurazzjoni għal
kull programm operazzjonali kull sena mill-bidu tal-implimentazzjoni.
Għalhekk il-kost tal-kontrolli għandu jkun ivvalutat minn perspettiva
ta' kosteffiċjenza iktar milli f'termini assoluti. Il-Kummissjoni
tinnota li l-Fondi jistgħu jiffinanzjaw il-miżuri ta’ tħejjija,
ġestjoni, monitoraġġ, evalwazzjoni, informazzjoni u attivitajiet
ta’ kontroll tal-programmi permezz ta’ assistenza teknika. 77. Wara
snin ta' rati ta' żball għolja fil-perjodu 2000-2006 il-Kummissjoni
ddeċidiet li tipproponi dispożizzjonijiet imsaħħa ta'
ġestjoni u kontroll, inkluż kampjunar statistiku, għall-perjodu
2007-2013. Dawn il-proposti huma riflessi sew fil-qafas leġiżlattiv
attwali. Il-Kummissjoni tinnota li fil-perjodu ta’ programmazzjoni attwali
r-rati ta’ żball huma ferm aktar baxxi. 78. Il-Kummissjoni
tantiċipa li l-kostijiet ta' kontroll għall-perjodu ta' programmar
2014-2020 se jibqgħu stabbli. Bis-simplifikazzjonijiet
differenti tal-awditjar previsti fir-Regolament, it-tnaqqis fil-piż
amministrattiv (pereżempju rekwiżiti ta’ rapportar imnaqqsa u
użu estiż ta’ għażliet ta’ kost issimplifikati) jew
l-użu ta’ gwida aġġornata dwar il-kampjunar jistgħu jwasslu
għal gwadann konsiderevoli fl-isforz tal-awditjar. Dan
jagħmel iktar milli jikkumpensa għall-sforzi addizzjonali
meħtieġa għall-awditjar tal-kontijiet u għall-analiżi
tad-dikjarazzjoni ta’ ġestjoni. Tweġiba
komuni għal 79 u 80: Il-Kummissjoni
hi sodisfatta bil-konklużjoni tal-Qorti. Il-Kummissjoni tikkunsidra wkoll
li l-Istati Membri ul-Kummissjoni saħħew il-qafas ta' kontroll intern
għall-programmi tal-2007-2013 meta mqabbel mal-perjodi preċedenti ta'
programmar. Il-Kummissjoni tqis li dan jikkontribwixxi għall-iżgurar
ta’ kapaċita tal-awditjar robusta madwar l-Unjoni. 83.
Fir-rigward tar-riskji identifikati mill-Qorti, il-Kummissjoni ħadet
il-pożizzjoni li ġejja: L-ewwel
inċiż: Mill-2009
il-Kummissjoni wettqet awditi estensivi fuq il-post sabiex tirrevedi
l-ħidma tal-awtoritajiet tal-awditjar. Hija wettqet 269 missjoni ta'
awditu u rrieżaminat 47 u 84 Awtorità tal-Awditjar għall-FEŻR u
l-FSE. Dan ikopri madwar 96 % u 99 % tal-allokazzjonijiet totali,
rispettivament. Dawn l-analiżi ppermettew lill-Kummissjoni tagħti
pariri, biex tikkontribwixxi fil-bini tal-kapaċità u biex tikkalkula
mill-ġdid ir-rati jew biex tissostitwihom b’rati fissi jekk dawn tqiesu
bħala inaffidabbli. B’mod
ġenerali, il-Kummissjoni diġà għandha proċess dettaljat
biex tivverifika l-affidabbiltà tar-rati ta’ żball rapportati
mill-awtoritajiet tal-awditjar li huma riveduti fejn xieraq. Il-fatt li r-rati
ta’ żball irrapportati fir-rapporti ta’ attività annwali tad-DĠ
għall-Impjiegi u d-DĠ tal-Politika Reġjonali u Urbana huma skont
ir-rata ta’ żball stabbilita mill-Qorti jikkorrabora l-affidabbiltà
tas-sistema ta’ awditjar u rapportar. It-tieni
inċiż: Il-Kummissjoni
għandha wkoll fis-seħħ metodoloġija robusta biex
tivverifika u tivvalida rati ta' żball irrapportati mill-Awtoritajiet
tal-Awditjar, inkluż fejn ikun meħtieġ, talbiet addizzjonali
għall-informazzjoni u/jew missjonijiet esplorattivi fuq il-post (fl-2013,
64 Programm Operazzjonali tal-FEŻR/ Fond ta’ Koeżjoni fi 11-il
Stat Membru u 32 Programm Operazzjonali tal-FSE f'10 Stati Membri). Għarfien
tajjeb miksub dwar il-funzjonament ta’ għadd kbir ta’ awtoritajiet
tal-awditjar permezz ta’ inkjesta tal-awditjar estensiva tagħha
rriżultat utli ħafna fil-valutazzjoni tal-Kummissjoni tar-rati ta’
żball irrapportati. It-tielet
inċiż: Il-Kummissjoni
tqis li r-riskju residwu kumulattiv, li jqis ir-rati ta’ żball u
l-korrezzjonijiet finanzjarji matul il-perjodu tal-ipprogrammar, huwa indikatur
tal-kapaċità korrettiva kumplessiva tal-programmi vvalutati kull sena
mill-Kummissjoni fir-rapporti annwali ta' attività tagħha. Huwa
bbażat fuq id-dejta rrapportata kollha disponibbli għas-snin
preċedenti u l-aħjar estimu tas-sena vvalutata. Huwa
jgħin lill-Kummissjoni biex tindirizza b’mod partikolari, iżda mhux
esklussivament, is-sitwazzjoni ta’ programmi b’rati ta’ żball annwali
vvalidati bejn it-2 % u l-5 %. Programmi
bħal dawn, li kienu assigurati minn riżervi fl-imgħoddi, issa
jistgħu jiġu soġġetti għal riżerva u
sussegwentement għal proċedimenti ġuridiċi (interruzzjonijiet/sospensjonijiet/korrezzjonijiet
finanzjarji). Bis-saħħa
tal-użu tar-riskju residwu kumulattiv, programmi addizzjonali
jitpoġġew f’riżerva, biex b’hekk jittaffa r-riskju identifikat
mill-Qorti ta’ sottostima tar-riskji għal dawk il-programmi. Barra
minn hekk. il-Kummissjoni wettqet xogħol ta' awditjar speċifiku
bbażat fuq ir-riskju sabiex tiżgura li l-korrezzjonijiet irrapportati
għal 68 programm operazzjonali matul l-aħħar tliet snin huma
effettivament implimentati u, fil-każ ta' dubji jew evidenza
insuffiċjenti, tnaqqas l-ammonti kkonċernati mill-korrezzjonijiet
finanzjarji kumulattivi kkunsidrati għall-iskop tal-kalkolu tar-rata ta'
żball residwu. Il-Kummissjoni
timmira li tiżgura li r-rapportar magħmul lill-Awtorità ta’ Kwittanza
jagħti stampa ġusta u affidabbli tar-riskju stmat li jaffettwa
l-baġit tal-UE għal kull Stat Membru, waqt li tikkundsidra wkoll
il-kapaċità korrettiva pluriennali. Is-servizzi tal-Kummissjoni jipprovdu
l-informazzjoni kollha disponibbli bi trasparenza sħiħa fir-rapporti annwali
ta’ attività tagħhom. Il-Kummissjoni
ta' kull sena teżamina bir-reqqa r-rati ta’ żball irrapportati
mill-awtoritajiet tal-awditjar. Dan il-proċess ta' verifika, flimkien
mar-riżultati estensivi mill-inkjesta ta' awditjar tagħha,
jippermetti lill-Kummissjoni li tiżvela rati ta' żball ivvalidati u
affidabbli sħaħ fir-rapporti annwali ta’ attività u tressaq
riżervi meta meħtieġ. Bħala
prova ta’ dan, il-Kummissjoni tqis li l-fatt li għal dawn
l-aħħar tliet snin għad-DĠ għall-Impjiegi u sentejn
wara xulxin għad-DĠ għall-Politika Reġjonali u Urbana
r-rata ta’ żball stmata tal-Kummissjoni stess kif żvelata fir-Rapport
Annwali ta’ Attività hija konformi mar-rati ta’ żball tal-Qorti
jikkonferma l-validità u l-affidabbiltà tal-approċċ tagħha. Rakkomandazzjoni
1 Il-Kummissjoni
tqis li din ir-rakkomandazzjoni hija diġà implimentata. Il-Kummissjoni
għandha proċess ta’ awditjar dettaljat fis-seħħ,
inklużi missjonijiet esplorattivi fuq il-post, sabiex tiġi
żgurata l-akkurttezza u l-affidabbiltà tar-rati tal-iżbalji
rrapportati mill-awtoritajiet tal-awditjar. Hija alternattivament tuża
rati fissi meta tikkunsidra li r-rati ta’ żbalji mhumiex affidabbli. Dan
il-proċess huwa kkomplimentat minn inkjesta eżawrjenti tal-awditjar
tal-Kummissjoni mill-2009 li biha 269 missjoni tal-awditjar ippermettew
ir-rieżaminazzjoni tal-ħidma ta' awtoritajiet tal-awditjar, anki
permezz ta' twettiq mill-ġdid, li tkopri madwar 90 %
tal-allokazzjonijiet tal-Fondi. Il-Kummissjoni twettaq ukoll awditjar skont
ir-riskji biex tivverifika l-akkuratezza tal-korrezzjonijiet finanzjarji
rrapportati. Il-Kummissjoni
se tkompli tara li jkun hemm superviżjoni stretta tar-rati ta’ żball
irrapportati, biex timmonitorja u tanalizza x-xogħol tal-awtoritajiet
tal-awditjar, u biex tagħmel awditjar immirat fuq il-kwalità
tal-proċessi tal-awtoritajiet ta’ ċertifikazzjoni biex
jirreġistraw u jirrapportaw korrezzjonijiet finanzjarji. Rakkomandazzjoni
2 Il-Kummissjoni
introduċiet fil-proposta tagħha għal Regolament dwar
id-Dispożizzjonijiet Komuni għall-2014-2020 u l-leġiżlatur
qabel dwar il-possibilità għall-korrezzjonijiet finanzjarji netti
fil-każ ta' irregolaritajiet serji identifikati wara l-preżentazzjoni
tal-kontijiet annwali u li ma kinux identifikati u/ jew irrapportati preċedentament
mill-awtorità tal-awditjar. Il-Kummissjoni
fil-leġiżlazzjoni sekondarja biħsiebha tipproponi wkoll li
korrezzjonijiet b’rata fissa jistgħu jiżdiedu għal ksur ripetut
li jinvolvi l-istess nuqqasijiet, fejn l-Istat Membru jkun naqas milli
jieħu miżuri korrettivi adegwati dwar dik il-parti tas-sistema li
kienet affettwata u soġġetta għal korrezzjoni preċedenti. 84.
Iċ-ċifri deskritti mill-Qorti jirriżultaw mill-kundizzjonijiet
stretti previsti fir-Regolament li jeħtieġu xogħol ta’ awditjar
komprensiv mill-Kummissjoni u l-Istat Membru, inkluż xogħol ta'
twettiq mill-ġdid skont l-istandards internazzjonali tal-awditjar, qabel
ma jkun jista’ jiġi vvalutat il-funzjonament sħiħ tas-sistema
ta’ ġestjoni u kontroll. Addizjonalment, il-Kummissjoni kellha tistenna li
r-rati ta' żball jaslu fl-2010 jew anki fl-2011 fil-biċċa
l-kbira tal-każijiet minħabba bidu kajman tal-implimentazzjoni.
Il-Kummissjoni kellha tivverifika bir-reqqa dawn ir-rati kif ukoll
ir-riżultati tal-ewwel twettiq mill-ġdid fuq il-post tax-xogħol
tal-awtoritajiet tal-awditjar biex tivvaluta l-effikaċja
tal-implimentazzjoni tas-sistemi ta’ ġestjoni u kontroll. 85.
Abbażi tal-valutazzjoni tagħha stess, il-Kummissjoni ma taqbilx
bil-qawwa mal-15-il każ kollha kemm huma msemmija fil-kaxxa 6 u
tikkonsidra li r-rekwiżiti huma fis-seħħ fi tmiem l-2013
għall-61 programm kollha. Fil-valutazzjoni tagħha,
il-Kummissjoni tibbaża fuq ir-riżultati tal-inkjesti estensivi
tal-awditjar mibdija fl-2009 biex tivverifika effettivament l-affidabilità
tal-Awtoritajiet tal-awditjar. Barra minn hekk, hija tikkunsidra
d-dispożizzjonijiet regolatorji kollha, inkluż l-użu ta’
kampjunar mhux statistiku f’xi każijiet bħala l-aħjar estimu
tar-riskju l-effikaċja tas-sistema ta’ ġestjoni u, kif ukoll
“ir-riskju residwu kumulattiv” ikkalkolat għal kull programm jew gruppi
ta’ programmi mill-2012 kif indikat hawn fuq. Barra minn hekk,
l-oġġezzjonijiet imqajma huma partikolarment inadegwati
għall-Programmi Operazzjonali żgħar. Barra
minn hekk, il-Kummissjoni tinnota li l-programmi msemmija mill-Qorti f’kaxxa 6
jirrappreżentaw 5 % u inqas minn 1 % tal-allokazzjonijiet
globali rispettivi FEŻR/FK u l-FSE. 86.
Mill-awditu tal-Qorti, id-Direttorati Ġenerali kkonċernati
tal-Kummissjoni żviluppaw b'mod konġunt inkjesta tal-awditjar biex
jimmonitorjaw id-deċiżjonijiet tal-Artikolu 73 mogħtija
għall-ewwel darba fl-2012 u addottawha f'Settembru 2013.
Addizzjonalment, huma ħadu deċiżjoni konġunta li
taġġorna l-pjan direzzjonali mal-Artikolu 73 u l-proċessi
ta' monitoraġġ f'Settembru 2013. Ara
t-tweġiba ta' hawn taħt għar-rakkomandazzjoni 4. Rakkomandazzjoni
3 Il-Kummissjoni tqis li
l-istatus ta' awditu uniku ngħata abbażi ta' kriterji sodi,
konsistenti u trasparenti. Barra minn hekk hija tikkunsidra li sa tmiem l-2013
ir-rekwiżiti kollha jkunu sodisfatti għal dawn il-programmi. Il-Kummissjoni se tkompli
tapplika approċċ sod, iċċarat aħjar
bl-implimentazzjoni tal-pjan direzzjonali tagħha dwar l-Artikolu 73
aġġornat f'Settembru 2013. Rakkomandazzjoni
4 Il-Kummissjoni
tikkunsidra li din ir-rakkomandazzjoni hija implimentata permezz tal-pjan
direzzjonali aġġornat u l-inkjesta ta' awditu dwar
il-monitoraġġ tal-Artikolu 73 adottata f'Settembru 2013 Wara li
ngħatat l-ewwel parti tad-deċiżjonijiet tal-Artikolu 73
fl-ewwel nofs tal-2012 u abbażi ta' missjonijiet pilota, is-servizzi
tal-Kummissjoni żviluppaw metodoloġija għall-awditjar biex
iwettqu missjonijiet ta' monitoraġġ, li jinkludu xogħol ta'
twettiq mill-ġdid u analiżi ta' dokumenti ta' ħidma,
f'konformità mal-Istandards Internazzjonali dwar l-Awditjar. 87.
Il-Kummissjoni tilqa’ l-valutazzjoni tal-Qorti u qed tkompli bil-kooperazzjoni
tagħha mill-qrib mal-awtoritajiet tal-awditjar biex ittejjeb b'mod
konstanti l-gwida u l-appoġġ tagħha. Il-Kummissjoni qiegħda
attivament tippromwovi l-implimentazzjoni tal-gwida riveduta tagħha dwar
il-kampjunar minn April 2013 permezz ta' seminars ta' taħriġ f'bosta
Stati membri diċentralizzati, biex tiżgura disseminazzjoni xierqa
tal-informazzjoni lill-awtoritajiet tal-awditjar kollha kkonċernati f'dawn
l-Istati Membri. Il-Kummissjoni
bdiet djalogu mal-awtoritajiet tal-awditjar biex tħejji adegwatament
għat-tnedija tal-perjodu 2014-2020, u biex ittejjeb
il-leġiżlazzjoni sekondarja fuq kwistjonijiet relatati
max-xogħol tal-awtoritajiet tal-awditjar. Rakkomandazzjoni
5 Il-Kummissjoni
taqbel ma' din ir-rakkomandazzjoni u qed tieħu miżuri biex
tiżgura leġiżlazzjoni sekondarja mtejba u f’waqtha u gwida
kompluta fi ħdan qafas metodoloġiku stabbli għall-ħidma
tal-awtoritajiet tal-awditjar, li tibni fuq l-esperjenza akkumulata tal-perjodu
ta' programmazzjoni tal-2007-2013. Il-Kummissjoni
se tkompli tiċċara xi aspetti tal-gwida eżistenti permezz ta’
kjarifika bil-miktub sal-aħħar tal-2013. Barra minn hekk, skont
ir-Regolament għall-perjodu ta' programmazzjoni tal-2014-2020,
il-Kummissjoni għandha s-setgħa li tadotta, permezz ta' atti ta'
implimentazzjoni u atti delegati, mudelli vinkolanti u/ jew rekwiżiti
għax-xogħol ta' awditu tal-awtorità tal-awditjar li għandu jibni
fuq l-esperjenza u l-prassi tajba tal-perjodu ta' programmazzjoni
tal-2007-2013. 89. Skont
it-Trattat, ir-Regolament Finanzjarju u r-regolamenti speċifiċi
għas-settur id-diviżjoni tar-responsabbiltajiet hija stabbilita b’mod
ċar. Fil-kuntest tal-Fondi Strutturali u ta’ Koeżjoni Ewropej
baġit sostanzjali għall-assistenza teknika huwa disponibbli
għall-Istati Membri. Huma għandhom jiddeċiedu kif jużaw din
l-allokazzjoni. Ara wkoll it-tweġiba
tal-Kummissjoni għar-rakkomandazzjoni 6. Rakkomandazzjoni
6 Il-Kummissjoni
tikkunsidra li din ir-rakkomandazzjoni hija diġà implimentata
fil-Valutazzjoni tal-Impatt tal-2011 (ara n-nota 71 f'qiegħ
il-paġna) Tinnota wkoll, li b'ġestjoni kondiviża u fir-rigward
tal-prinċipju tas-sussidjarjetà, id-deċiżjoni li tiġi
allokata assistenza teknika għall-kategoriji differenti tal-kost
ittieħdet mill-Istati Membri. Barra
minn hekk fir-Regolament tal-2014-2020, il-Kummissjoni ssaħħaħ
l-approċċ tagħha għall-kosteffiċjenza
għall-Koeżjoni. B'konsegwenza, l-arranġamenti ġodda mfassla
għall-implimentazzjoni tal-fondi inkluż b’relazzjoni mal-kontrolli,
“(...) jirrispettaw il-prinċipju ta’ proporzjonalità filwaqt li
jiġi kkunsidrat il-livell ta’ sostenn allokat u jqisu l-għan
kumplessiv ta’ tnaqqis tal-piż amministrattiv għal korpi involuti
fil-ġestjoni u l-kontroll tal-programmi”.