Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 22008D0079

Deċiżjoni tal-Kumitat Konġunt taż-ŻEE Nru 79/2008 ta' l- 4 ta' Lulju 2008 li temenda l-Anness IX (Is-servizzi finanzjarji) tal-Ftehim taż-ŻEE

ĠU L 280, 23.10.2008, p. 7–9 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document Date of entry into force unknown (pending notification) or not yet in force.

ELI: http://data.europa.eu/eli/dec/2008/79(2)/oj

23.10.2008   

MT

Il-Ġurnal Uffiċjali ta’ l-Unjoni Ewropea

L 280/7

DEĊIŻJONI TAL-KUMITAT KONĠUNT TAŻ-ŻEE

Nru 79/2008

ta' l-4 ta' Lulju 2008

li temenda l-Anness IX (Is-servizzi finanzjarji) tal-Ftehim taż-ŻEE

IL-KUMITAT KONĠUNT taż-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn 'il quddiem imsejjaħ “il-Ftehim”, u b'mod partikolari l-Artikolu 98 tiegħu,

Billi:

(1)

L-Anness IX tal-Ftehim kien emendat bid-Deċiżjoni tal-Kumitat Konġunt taż-ŻEE Nru 66/2008 tas-6 ta' Ġunju 2008 (1).

(2)

Id-Direttiva 2007/44/KE tal-Parlament Ewropew u l-Kunsill tal-5 ta’ Settembru 2007 li temenda d-Direttiva tal-Kunsill 92/49/KEE u d-Direttivi 2002/83/KE, 2004/39/KE, 2005/68/KE u 2006/48/KE, fir-rigward tar-regoli ta' proċedura u l-kriterji ta' evalwazzjoni għall-valutazzjoni prudenzjali ta' akkwiżizzjonijiet u żidiet fil-holdings fis-settur finanzjarju (2) għandha tkun inkorporata fil-Ftehim,

IDDEĊIEDA KIF ĠEJ:

Artikolu 1

L-Anness IX tal-Ftehim għandu jiġi emendat kif ġej:

(1)

L-inċiż li ġej għandu jkun miżjud fil-punti 7a (id-Direttiva tal-Kunsill 92/49/KEE), 11 (id-Direttiva 2002/83/KE tal-Parlament Ewropew u tal-Kunsill), 14 (id-Direttiva 2006/48/KE tal-Parlament Ewropew u tal-Kunsill) u 31ba (id-Direttiva 2004/39/KE tal-Parlament Ewropew u tal-Kunsill):

“—

32007 L 0044: Id-Direttiva 2007/44/KE tal-Parlament Ewropew u tal-Kunsill tal-5 ta' Settembru 2007 (ĠU L 247, 21.9.2007, p. 1).”

(2)

Dan li ġej għandu jiżdied fil-punt 7b (id-Direttiva 2005/68/KE tal-Parlament Ewropew u tal-Kunsill):

“, kif emendat b'li ġej:

—

32007 L 0044: Id-Direttiva 2007/44/KE tal-Parlament Ewropew u tal-Kunsill tal-5 ta' Settembru 2007 (ĠU L 247, 21.9.2007, p. 1).”

(3)

Il-Punt 7a (id-Direttiva tal-Kunsill 92/49/KEE) għandu jkun emendat kif ġej:

(i)

L-adattament attwali (a) għandu jkun innumerat mill-ġdid bħala adattament (b).

(ii)

L-adattament li ġej għandu jiġi inkluż wara l-adattament il-ġdid (b):

“(a)

L-Artikoli 15, 15a, 15b u 15c dwar il-valutazzjoni prudenzjali ta' xerrej propost m'għandhomx japplikaw meta x-xerrej propost, kif definit fid-Direttiva, qiegħed jew huwa rregolat barra mit-territorju tal-Partijiet Kontraenti.”

(4)

Il-punt 7b (id-Direttiva 2005/68/KE tal-Parlament Ewropew u tal-Kunsill) għandu jiġi emendat kif ġej:

(i)

L-adattament attwali għandu jiġi nnumerat bħala adattament (b):

(ii)

L-adattament li ġej għandu jiġi inkluż wara l-adattament il-ġdid (b):

“(a)

L-Artikoli 19, 19a, u 20 dwar il-valutazzjoni prudenzjali ta' xerrej propost m'għandhomx japplikaw meta x-xerrej propost, kif definit fid-Direttiva, qiegħed jew huwa rregolat barra mit-territorju tal-Partijiet Kontraenti.”

(5)

Il-punt 11 (id-Direttiva 2002/83/KE tal-Parlament Ewropew u tal-Kunsill) għandu jiġi emendat kif ġej:

(i)

L-adattamenti attwali (b), (c) u (d) għandhom ikunu nnumerati mill-ġdid bħala adattamenti (c), (d) u (e).

(ii)

L-adattament li ġej għandu jiġi inkluż wara l-adattament (a):

“(b)

L-Artikoli 15, 15a, 15b u 15c dwar il-valutazzjoni prudenzjali ta' xerrej propost m'għandhomx japplikaw meta x-xerrej propost, kif definit fid-Direttiva, qiegħed jew huwa rregolat barra mit-territorju tal-Partijiet Kontraenti.”

(6)

Il-punt 14 (id-Direttiva 2006/48/KE tal-Parlament Ewropew u tal-Kunsill) għandu jiġi emendat kif ġej:

(i)

L-adattamenti attwali (c) u (d) għandhom ikunu nnumerati mill-ġdid bħala adattamenti (d) u (e).

(ii)

L-adattament li ġej għandu jiġi inkluż wara l-adattament (b):

“(c)

L-Artikoli 19, 19a, 19b, 20 u 21(3) dwar il-valutazzjoni prudenzjali ta' xerrej propost m'għandhomx japplikaw meta x-xerrej propost, kif definit fid-Direttiva, qiegħed jew huwa rregolat barra mit-territorju tal-Partijiet Kontraenti.”

(7)

Il-punt 31ba (id-Direttiva 2004/39/KE tal-Parlament Ewropew u tal-Kunsill) għandu jiġi emendat kif ġej:

(i)

L-adattament attwali għandu jiġi nnumerat bħala adattament (b):

(ii)

L-adattament li ġej għandu jiġi inkluż wara l-adattament il-ġdid (b):

“(a)

L-Artikoli 10, 10a, u 10b dwar il-valutazzjoni prudenzjali ta' xerrej propost m'għandhomx japplikaw meta x-xerrej propost, kif definit fid-Direttiva, qiegħed jew huwa rregolat barra mit-territorju tal-Partijiet Kontraenti.”

Artikolu 2

Id-dokumenti testwali tad-Direttiva 2007/44/KE fil-lingwa Islandiża u Norveġiża, li għandhom jiġu ppubblikati fis-Suppliment taż-ŻEE ta' Il-Ġurnal Uffiċjali ta' l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fil-5 ta' Lulju 2008, sakemm in-notifiki kollha skond l-Artikolu 103(1) tal-Ftehim ikunu saru lill-Kumitat Konġunt taż-ŻEE (*), jew fil-jum tad-dħul fis-seħħ tad-Deċiżjoni tal-Kumitat Konġunt taż-ŻEE Nru 65/2008 tas-6 ta' Ġunju 2008, skond liema tkun l-iktar tard.

Artikolu 4

Din id-Deċiżjoni għandha tiġi ppubblikata fis-Sezzjoni ŻEE u fis-Suppliment ŻEE ta' Il-Ġurnal Uffiċjali ta' l-Unjoni Ewropea.

Magħmula fi Brussell, 4 ta’ Lulju 2008.

Għall-Kumitat Konġunt taż-ŻEE

Il-President

H. S. H. Prinz Nikolaus von LIECHTENSTEIN

(1)  ĠU L 257, 25.9.2008, p. 29.

(2)  ĠU L 247, 21.9.2007, p. 1.

(*)  Ħtiġijiet kostituzzjonali huma indikati.

Top