EUR-Lex Access to European Union law
This document is an excerpt from the EUR-Lex website
Document 22007A0825(06)
Agreement in the form of an Exchange of Letters between the European Community and the Kingdom of Norway concerning a Cooperation Programme for Economic Growth and Sustainable Development in Bulgaria
Ftehim fil-forma ta' Skambju ta' ittri bejn il-Komunità Ewropea u r-renju tan-Norveġja dwar programm ta' Kooperazzjoni għal tkabbir ekonomiku u żvilupp sostenibbli fil-Bulgarija
Ftehim fil-forma ta' Skambju ta' ittri bejn il-Komunità Ewropea u r-renju tan-Norveġja dwar programm ta' Kooperazzjoni għal tkabbir ekonomiku u żvilupp sostenibbli fil-Bulgarija
ĠU L 221, 25.8.2007, p. 46–51
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/04/2009
25.8.2007 |
MT |
Il-Ġurnal Uffiċjali ta’ l-Unjoni Ewropea |
L 221/46 |
FTEHIM
fil-forma ta' Skambju ta' ittri bejn il-Komunità Ewropea u r-renju tan-Norveġja dwar programm ta' Kooperazzjoni għal tkabbir ekonomiku u żvilupp sostenibbli fil-Bulgarija
A. Ittra mill-Komunità Ewropea
Sinjur,
Għandi l-unur nagħmel referenza għan-negozjati li seħħew bejn il-Komunità Ewropea u r-Renju tan-Norveġja (“in-Norveġja”) fil-kuntest li l-Bulgarija se ssir parti kontraenti għall-Ftehim taż-ŻEE u t-twaqqif ta' Programm ta' Kooperazzjoni għall-promozzjoni tat-tkabbir ekonomiku u l-iżvilupp sostenibbli fil-Bulgarija.
Ir-riżultati tan-negozjati huma kif ġej:
1. |
Għandu jkun stabbilit Programm ta' Kooperazzjoni biex jippromwovi l-iżvilupp soċjali u ekonomiku fil-Bulgarija permezz ta' proġetti bilaterali bejn in-Norveġja u l-Bulgarija, skond ftehim bilaterali bejn iż-żewġ Stati. It-test tal-ftehim bilaterali huwa mehmuż bħala parti integrali ta' dan l-Iskambju ta' Ittri. |
2. |
Għall-iskop tal-Programm, in-Norveġja għandha tagħmel disponibbli ammont totali ta' 20 miljun EUR, għall-impenn f'pagament wieħed fl-2007. Dan l-ammont għandu jkun disponibbli mid-data tad-dħul fis-seħħ tal-Ftehim dwar il-Parteċipazzjoni tar-Repubblika tal-Bulgarija u tar-Rumanija fiż-Żona Ekonomika Ewropea jew ta' ftehim biex dak il-Ftehim ikun applikat provviżorjament, sat-30 ta' April 2009. |
3. |
Dan l-Iskambju ta' Ittri:
|
Inkun obbligat jekk inti tikkonferma li taqbel mal-kontenut ta' din l-ittra.
Jekk jogħġbok, aċċetta, Sinjur, l-espressjoni ta' l-ogħla stima tiegħi.
Съставено в Брюксел на Hecho en Bruselas, el V Bruselu dne Udfærdiget i Bruxelles, den Geschehen zu Brüssel am Brüssel, Έγινε στις Βρυξέλλες, στις Done at Brussels, Fait à Bruxelles, le Fatto a Bruxelles, addì Briselē, Priimta Briuselyje Kelt Brüsszelben, Magħmul fi Brussell, Gedaan te Brussel, Sporządzono w Brukseli dnia Feito em Bruxelas, Adoptat la Bruxelles, V Bruseli V Bruslju, Tehty Brysselissä Utfärdat i Bryssel den |
|
За Европейската общност Por la Comunidad Europea Za Evropské společenství For Det Europæiske Fællesskab Für die Europäische Gemeinschaft Euroopa Ühenduse nimel Για την Ευρωπαϊκή Κοινότητα For the European Community Pour la Communauté européenne Per la Comunità europea Eiropas Kopienas vārdā Europos bendrijos vardu Az Európai Közösség részéről Għall-Komunità Ewropea Voor de Europese Gemeenschap W imieniu Wspólnoty Europejskiej Pela Comunidade Europeia Pentru Comunitatea Europeană Za Európske spoločenstvo Za Evropsko skupnost Euroopan yhteisön puolesta För Europeiska gemenskapen |
|
ANNESS
FTEHIM
Għal programm norveġiż ta' kooperazzjoni għal tkabbir ekonomiku u żvilupp sostenibbli fil-Bulgarija
bejn
Ir-renju tan-Norveġja
u
r-Repubblika tal-Bulgarija
‘il quddiem imsejħin ‘il-Partijiet’
Artikolu 1
Għan
Għandu jkun stabbilit Programm Norveġiż ta' Kooperazzjoni biex jippromwovi l-iżvilupp soċjali u sostenibbli fil-Bulgarija permezz ta' proġetti bilaterali ta' kooperazzjoni bejn il-Partijiet fis-setturi msemmija fl-Artikolu 4.
Artikolu 2
Skop Finanzjarju
Għall-fini tal-Programm Norveġiż ta' Kooperazzjoni għar-Repubblika tal-Bulgarija, ir-Renju tan-Norveġja għandu jagħmel disponibbli ammont totali ta' 20 miljun EUR, għall-impenn f'pagament wieħed fl-2007.
Artikolu 3
Dewmien
L-ammont imsemmi fl-Artikolu 2 għandu jkun magħmul disponibbli mid-data tad-dħul fis-seħħ tal-Ftehim dwar il-Partepazzjoni tar-Repubblika tal-Bulgarija u tar-Rumanija fiż-Żona Ekonomika Ewropea, jew mid-data tad-dħul fis-seħħ ta' ftehim biex il-Ftehim ikun applikat provviżorjament, sat-30 ta' April 2009.
Artikolu 4
Setturi prijoritarji
Il-Programm Norveġiż ta' Kooperazzjoni għall-Bulgarija għandu jkun disponibbli għal proġetti bilaterali ta' kooperazzjoni bejn applikanti eliġibbli mill-Partijiet għall-promozzjoni ta' l-iżvilupp soċjali u ekonomiku fir-Repubblika tal-Bulgarija fis-setturi prijoritarji li ġejjin:
— |
It-tnaqqis ta' emissjonijiet ta' gass serra, inklużi proġetti ta' Implimentazzjoni Konġunta skond il-Protokoll ta' Kyoto, u emissjonijiet oħra fl-ajru u fl-ilma; |
— |
L-effiċjenza fl-enerġija u fl-enerġija rinovabbli; |
— |
Il-faċilitazzjoni ta' produzzjoni sostenibbli, inkluża ċ-ċertifikazzjoni u l-verifika; |
— |
L-implimentazzjoni ta' l-acquis ta' Schengen, appoġġ għall-Pjanijiet Nazzjonali ta' Schengen kif ukoll it-tisħiħ tal-ġudikatura. |
Attivitajiet possibbli huma inter alia l-innovazzjoni, l-iżvilupp ta' riżorsi umani, in-netwerking, il-formazzjoni ta' ħiliet, it-trasferiment tat-teknoloġija u r-riċerka u l-iżvilupp.
Artikolu 5
Limiti ta' kofinanzjament
Il-kontribuzzjoni Norveġiża fil-forma ta' għotjiet m'għandhiex taqbeż is-60 % ta' l-ispiża tal-proġett ħlief għal proġetti ffinanzjati xort’oħra minn allokazzjonijiet ċentrali, reġjonali jew lokali tal-baġit tal-gvern, fejn il-kontribuzzjoni tista' ma taqbiżx il-85 % ta' l-ispiża tal-proġett. Limiti Komunitarji għal ko-finanzjament m'għandhomx jinqabżu f'kull każ. Kontribuzzjonijiet lil organizzazzjonijiet mhux governattivi u lil imsieħba soċjali jistgħu jkunu sa 90 % ta' l-ispejjeż ta' proġett.
Artikolu 6
Ġestjoni
Il-Programm Norveġiż ta' Kooperazzjoni għall-Bulgarija għandu jkun immaniġġjat mill-Gvern Norveġiż jew minn entità maħtura minnu. L-Entità tal-Ġestjoni għandha tikkonsulta mal-Punt Fokali li għandu jinħatar mill-Gvern tar-Repubblika tal-Bulgarija. Il-Kummissjoni tista' tissorvelja l-proġetti. (1)
Dispożizzjonijiet ulterjuri għall-implimentazzjoni ta' dan il-Ftehim għandhom jinħarġu mill-Gvern Norveġiż skond il-ħtieġa.
L-ispejjeż għall-ġestjoni tal-Programm Norveġiż ta' Kooperazzjoni għandhom ikunu koperti mill-ammont imsemmi fl-Artikolu 2.
Artikolu 7
Dħul fis-seħħ
Dan il-Ftehim għandu jkun irratifikat mir-Renju tan-Norveġja u mir-Repubblika tal-Bulgarija skond il-proċeduri nazzjonali tagħhom. Għandu jidħol fis-seħħ tletin jum wara d-data li fiha l-aħħar Parti tkun iddepożitat l-istrument ta' ratifika tagħha mal-Ministeru Norveġiż għall-Affarijiet Barranin, iżda mhux qabel id-dħul fis-seħħ tal-Ftehim dwar il-Parteċipazzjoni tar-Repubblika tal-Bulgarija u tar-Rumanija fiż-Żona Ekonomika Ewropea, jew mid-data tad-dħul fis-seħħ ta' ftehim biex l-aħħar imsemmi ftehim ikun applikat provviżorjament.
Magħmul fi Brussel fi………2007,
Għar-Renju tan-Norveġja
Għar-Repubblika tal-Bulgarija
B. Ittra mir-Renju tan-Norveġja
Sinjur,
Għandi l-unur ngħarrfek li waslitli l-ittra tiegħek bid-data ta' llum, li taqra kif ġej:
“Għandi l-unur nagħmel referenza għan-negozjati li seħħew bejn il-Komunità Ewropea u r-Renju tan-Norveġja (‘in-Norveġja’) fil-kuntest tal-Bulgarija li ser issir parti kontraenti għall-Ftehim taż-ŻEE u t-twaqqif ta' Programm ta' Kooperazzjoni għall-promozzjoni tat-tkabbir ekonomiku u l-iżvilupp sostenibbli fil-Bulgarija.
Ir-riżultati tan-negozjati huma kif ġej:
1. |
Għandu jkun stabbilit Programm ta' Kooperazzjoni biex jippromwovi l-iżvilupp soċjali u ekonomiku fil-Bulgarija permezz ta' proġetti bilaterali bejn in-Norveġja u l-Bulgarija, skond ftehim bilaterali bejn iż-żewġ Stati. It-test tal-ftehim bilaterali huwa mehmuż bħala parti integrali ta' dan l-Iskambju ta' Ittri. |
2. |
Għall-iskop tal-Programm, in-Norveġja għandha tagħmel disponibbli ammont totali ta' 20 miljun EUR, għall-impenn f'pagament wieħed fl-2007. Dan l-ammont għandu jkun disponibbli mid-data tad-dħul fis-seħħ tal-Ftehim dwar il-Parteċipazzjoni tar-Repubblika tal-Bulgarija u tar-Rumanija fiż-Żona Ekonomika Ewropea jew ta' ftehim biex dak il-Ftehim ikun applikat provviżorjament, sat-30 ta' April 2009. |
3. |
Dan l-Iskambju ta' Ittri:
|
Għandu l-unur nikkonferma l-qbil tiegħi mal-kontenut ta' l-ittra tiegħek.
Jekk jogħġbok, aċċetta, Sinjur, l-espressjoni ta' l-ogħla stima tiegħi.
Utferdiget i Brussel, Съставено в Брюксел на Hecho en Bruselas, el V Bruselu dne Udfærdiget i Bruxelles, den Geschehen zu Brüssel am Brüssel, Έγινε στις Βρυξέλλες, στις Done at Brussels, Fait à Bruxelles, le Fatto a Bruxelles, addì Briselē, Priimta Briuselyje Kelt Brüsszelben, Magħmul fi Brussell, Gedaan te Brussel, Sporządzono w Brukseli dnia Feito em Bruxelas, Adoptat la Bruxelles, V Bruseli V Bruslju, Tehty Brysselissä Utfärdat i Bryssel den |
|
For Kongeriget Norge За Кралство Норвегия Por el Reino de Noruega Za Norské království For Kongeriget Norge Für das Königreich Norwegen Norra Kuningriigi nimel Για το Βασίλειο της Νορβηγίας For the Kingdom of Norway Pour le Royaume de Norvège Per il Regno di Norvegia Norvēģijas Karalistes vārdā Norvegijos Karalystės vardu A Norvég Királyság részéről Ghar-Renju tan-Norveġja Voor het Koninkrijk Noorwegen W imieniu Królestwa Norwegii Pelo Reino da Noruega Pentru Regatul Norvegiei Za Nórske kráľovstvo Za Kraljevino Norveško Norjan kuningaskunnan puolesta För Konungariket Norge |
|
(1) Id-dispożizzjonijiet stabbiliti fl-aħħar sentenza ta' l-Artikolu 6 l-ewwel paragrafu għandhom japplikaw ukoll bħala aġġustament għall-Artikolu 4(3) tal-Ftehim bejn ir-Renju tan-Norveġja u l-Komunità Ewropea dwar Mekkaniżmu Finanzjarju Norveġiż għall-perjodu 2004-2009 (ĠU L 130, 29.4.2004, p. 81).