This document is an excerpt from the EUR-Lex website
Document E2014C0321
EFTA Surveillance Authority Decision No 321/14/COL of 10 September 2014 amending for the one-hundredth time the procedural and substantive rules in the field of State aid by adopting new Guidelines on State aid for rescuing and restructuring non-financial undertakings in difficulty [2015/1856]
Deċiżjoni tal-Awtorità ta' Sorveljanza tal-EFTA Nru 321/14/COL tal-10 ta' Settembru 2014 li temenda għall-mitt darba r-regoli proċedurali u sostantivi fil-qasam tal-Għajnuna mill-Istat billi tadotta Linji Gwida ġodda dwar l-għajnuna mill-Istat għas-salvataġġ u għar-ristrutturar ta' impriżi mhux finanzjarji f'diffikultà [2015/1856]
Deċiżjoni tal-Awtorità ta' Sorveljanza tal-EFTA Nru 321/14/COL tal-10 ta' Settembru 2014 li temenda għall-mitt darba r-regoli proċedurali u sostantivi fil-qasam tal-Għajnuna mill-Istat billi tadotta Linji Gwida ġodda dwar l-għajnuna mill-Istat għas-salvataġġ u għar-ristrutturar ta' impriżi mhux finanzjarji f'diffikultà [2015/1856]
ĠU L 271, 16.10.2015, p. 35–62
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
16.10.2015 |
MT |
Il-Ġurnal Uffiċjali tal-Unjoni Ewropea |
L 271/35 |
DEĊIŻJONI TAL-AWTORITÀ TA' SORVELJANZA TAL-EFTA
Nru 321/14/COL
tal-10 ta' Settembru 2014
li temenda għall-mitt darba r-regoli proċedurali u sostantivi fil-qasam tal-Għajnuna mill-Istat billi tadotta Linji Gwida ġodda dwar l-għajnuna mill-Istat għas-salvataġġ u għar-ristrutturar ta' impriżi mhux finanzjarji f'diffikultà [2015/1856]
L-AWTORITÀ TA' SORVELJANZA TAL-EFTA (“l-Awtorità”),
WARA LI KKUNSIDRAT il-Ftehim dwar iż-Żona Ekonomika Ewropea (“il-Ftehim ŻEE”) b'mod partikolari l-Artikoli 61 sa 63 u l-Protokoll 26 tiegħu,
WARA LI KKUNSIDRAT il-Ftehim bejn l-Istati tal-EFTA dwar it-Twaqqif ta' Awtorità tas-Sorveljanza u Qorti tal-Ġustizzja (“il-Ftehim dwar is-Sorveljanza u l-Qorti”) b'mod partikolari l-Artikoli 5(2)(b) u 24 tiegħu u l-Artikolu 1 fil-Parti I tal-Protokoll 3 tiegħu,
Billi:
Taħt l-Artikolu 24 tal-Ftehim dwar is-Sorveljanza u l-Qorti, l-Awtorità ddaħħal fis-seħħ id-dispożizzjonijiet tal-Ftehim ŻEE dwar l-għajnuna mill-Istat,
Skont l-Artikolu 5(2)(b) tal-Ftehim dwar is-Sorveljanza u l-Qorti, l-Awtorità toħroġ avviżi jew linji gwida dwar kwistjonijiet trattati fil-Ftehim ŻEE, jekk dan ikun previst espliċitament fil-Ftehim jew fil-Ftehim dwar is-Sorveljanza u l-Qorti jew jekk l-Awtorità tikkunsidra li hu meħtieġ,
Fid-9 ta' Lulju 2014, il-Kummissjoni Ewropea adottat “Linji Gwida dwar l-għajnuna mill-Istat għas-salvataġġ u r-ristrutturar ta' impriżi mhux finanzjarji f'diffikultà” (1). Il-Linji Gwida jistabbilixxu l-kundizzjonijiet li taħthom l-għajnuna mill-Istat għas-salvataġġ u r-ristrutturar ta' impriżi mhux finanzjarji f'diffikultà tista' tkun iddikjarata kumpatibbli. Dawn japplikaw mill-1 ta' Awwissu 2014
Dawn il-linji gwida huma rilevanti għaż-Żona Ekonomika Ewropea,
Għandha tiġi żgurata l-applikazzjoni uniformi tar-regoli taż-ŻEE dwar għajnuna mill-Istat madwar iż-Żona Ekonomika Ewropea kollha skont l-objettiv ta' omoġeneità stabbilit fl-Artikolu 1 tal-Ftehim ŻEE,
Skont il-punt II taħt l-intestatura “ĠENERALI” fl-Anness XV tal-Ftehim ŻEE, l-Awtorità, wara li tikkonsulta lill-Kummissjoni Ewropea, għandha tadotta Linji Gwida ġodda li jikkorrispondu ma' dawk adottati mill-Kummissjoni Ewropea,
WARA li kkonsultat lill-Kummissjoni Ewropea,
WARA li kkonsultat lill-Istati tal-EFTA permezz ta' ittra bid-data tal-1 ta' Awwissu 2014 dwar dan,
ADOTTAT DIN ID-DEĊIŻJONI:
Artikolu 1
Ir-regoli sostantivi fil-qasam tal-għajnuna mill-Istat jiġu emendati bl-introduzzjoni ta' Linji Gwida ġodda dwar l-għajnuna mill-Istat għas-salvataġġ u r-ristrutturar ta' impriżi mhux finanzjarji f'diffikultà. Il-Linji Gwida l-ġodda huma annessi ma' din id-Deċiżjoni u jiffurmaw parti integrali minnha.
Artikolu 2
Il-verżjoni bl-Ingliż biss hi awtentika.
Magħmul fi Brussell, l-10 ta' Settembru 2014.
Għall-Awtorità ta' Sorveljanza tal-EFTA
Oda Helen SLETNES
Il-President
Helga JÓNSDÓTTIR
Membru tal-Kulleġġ
(1) ĠU C 249, 31.7.2014, p. 1.
ANNESS
LINJI GWIDA DWAR L-GĦAJNUNA MILL-ISTAT GĦAS-SALVATAĠĠ U R-RISTRUTTURAR TA' IMPRIŻI MHUX FINANZJARJI F'DIFFIKULTÀ
PARTI III
REGOLI ORIZZONTALI
Linji Gwida dwar l-għajnuna mill-Istat għas-salvataġġ u r-ristrutturar ta' impriżi mhux finanzjarji f'diffikultà (1)
Werrej
1. |
INTRODUZZJONI | 38 |
2. |
IL-KAMP TA' APPLIKAZZJONI TAL-LINJI GWIDA | 41 |
2.1. |
Il-kamp ta' applikazzjoni settorjali | 41 |
2.2. |
Il-kamp ta' applikazzjoni materjali: It-tifsira ta' ‘impriża f'diffikultà’ | 41 |
2.3. |
L-għajnuna għas-salvataġġ, l-għajnuna għar-ristrutturar u l-appoġġ temporanju għar-ristrutturar | 42 |
2.4. |
L-għajnuna biex jiġu koperti l-kostijiet soċjali għar-ristrutturar | 42 |
3. |
KOMPATIBBILTÀ MAL-FUNZJONAMENT TAL-FTEHIM ŻEE | 43 |
3.1. |
Kontribut għal objettiv ta' interess komuni | 44 |
3.1.1. |
It-turija tat-tbatija soċjali jew ta' falliment tas-suq | 44 |
3.1.2. |
Il-pjan ta' ristrutturar u r-ritorn lejn il-vijabbiltà fit-tul | 45 |
3.2. |
Il-bżonn għal intervent mill-Istat | 46 |
3.3. |
L-adegwatezza | 46 |
3.3.1. |
Għajnuna għas-salvataġġ | 46 |
3.3.2. |
Għajnuna għar-ristrutturar | 47 |
3.4. |
Effett ta' inċentiv | 47 |
3.5. |
Il-proporzjonalità tal-għajnuna/għajnuna limitata għall-minimu | 47 |
3.5.1. |
Għajnuna għas-salvataġġ | 47 |
3.5.2. |
Għajnuna għar-ristrutturar | 47 |
3.6. |
L-effetti negattivi | 49 |
3.6.1. |
‘Il-prinċipju ta'darba biss, l-aħħar darba’ | 49 |
3.6.2. |
Miżuri biex jiġu limitati d-distorsjonijiet tal-kompetizzjoni | 50 |
3.6.3. |
Il-benefiċjarji tal-għajnuna preċedenti illegali | 52 |
3.6.4. |
Il-kundizzjonijiet speċifiċi marbutin mal-approvazzjoni tal-għajnuna | 52 |
3.7. |
Transparenza | 52 |
4. |
L-GĦAJNUNA GĦAR-RISTRUTTURAR F'ŻONI MEGĦJUNA | 53 |
5. |
L-GĦAJNUNA LILL-FORNITURI TAS-SIEĠ F'DIFFIKULTÀ | 53 |
6. |
L-ISKEMI TA' GĦAJNUNA GĦAL AMMONTI IŻGĦAR TA' GĦAJNUNA U BENEFIĊJARJI IŻGĦAR | 54 |
6.1. |
Il-kundizzjonijiet ġenerali | 54 |
6.2. |
Għan ta' interess komuni | 55 |
6.3. |
L-adegwatezza | 55 |
6.4. |
Il-proporzjonalità tal-għajnuna/għajnuna limitata għall-minimu | 55 |
6.5. |
L-effetti negattivi | 56 |
6.6. |
Appoġġ temporanju għar-ristrutturar | 56 |
6.7. |
It-tul ta' żmien u l-evalwazzjoni | 57 |
7. |
IL-PROĊEDURI | 57 |
7.1. |
Il-proċedura aċċellerata għall-għajnuna għas-salvataġġ | 57 |
7.2. |
Il-proċeduri relatati mal-pjanijiet ta' ristrutturar | 58 |
7.2.1. |
L-implimentazzjoni tal-pjan ta' ristrutturar | 58 |
7.2.2. |
L-emenda tal-pjan ta' ristrutturar | 58 |
7.2.3. |
Il-bżonn li l-Awtorità tiġi nnotifikata b'kull għajnuna mogħtija lill-benefiċjarju tul il-perjodu ta' ristrutturar | 58 |
8. |
IR-RAPPURTAR U L-MONITORAĠĠ | 59 |
9. |
MIŻURI XIERQA KIF IMSEMMIJA FL-ARTIKOLU 1(1) TAL-PARTI I TAL-PROTOKOLL 3 | 59 |
10. |
ID-DATA TAL-APPLIKAZZJONI U T-TUL TA' ŻMIEN | 59 |
1. Introduzzjoni
(1) |
F'dawn il-linji gwida, l-Awtorità ta' Sorveljanza tal-EFTA (‘l-Awtorità’) tistabbilixxi l-kundizzjonijiet li taħthom l-għajnuna mill-Istat għas-salvataġġ u r-ristrutturar ta' impriżi mhux finanzjarji f'diffikultà tista' tiġi kkunsidrata kompatibbli mal-funzjonament tal-Ftehim dwar iż-Żona Ekonomika Ewropea (‘il-Ftehim ŻEE’) fuq il-bażi tal-Artikolu 61(3)(c) tal-Ftehim ŻEE. |
(2) |
L-Awtorità adottat il-Linji Gwida oriġinali tagħha dwar l-għajnuna mill-Istat għas-salvataġġ u r-ristrutturar ta' impriżi f'diffikultà (2) fl-1994. Verżjoni mmodifikata tal-linji gwida ġiet adottata fl-1999 (3). Fl-2004, l-Awtorità adottat linji gwida ġodda (4), li l-validità tagħhom l-ewwel ġiet estiża sat-30 ta' Novembru 2012 (5) u sussegwentement sakemm jiġu sostitwiti minn regoli ġodda (6). |
(3) |
Fil-Komunikazzjoni tagħha tat-8 ta' Mejju 2012 dwar il-modernizzazzjoni tal-għajnuna mill-Istat tal-UE (7), il-Kummissjoni Ewropea (‘il-Kummissjoni’) ħabbret tliet objettivi fir-rigward tal-immodernizzar tal-kontroll tal-għajnuna mill-Istat:
|
(4) |
B'mod partikolari, il-Komunikazzjoni sejħet għal approċċ komuni fir-reviżjoni tal-linji gwida u l-oqfsa differenti, li jkun ibbażat fuq it-tisħiħ tas-suq intern, il-promozzjoni ta' effikaċja ikbar fl-infiq pubbliku permezz ta' kontribut aħjar tal-għajnuna mill-Istat għall-objettivi ta' interess komuni u skrutinju akbar fuq l-effett ta' inċentiv, il-limitazzjoni tal-għajnuna għall-inqas possibbli u l-evitar tal-effetti negattivi potenzjali tal-għajnuna fuq il-kompetizzjoni u l-kummerċ. L-Awtorità ssegwi wkoll dan l-approċċ. |
(5) |
L-Awtorità għamlet rieżami ta' dawn il-linji gwida fir-rigward tas-salvataġġ u r-ristrutturar ta' ditti f'diffikultà abbażi tal-esperjenza tagħha fl-applikazzjoni tar-regoli eżistenti u skont l-approċċ komuni msemmi hawn fuq. Ir-reviżjoni tikkunsidra wkoll l-istrateġija Ewropa 2020 adottata mill-Kummissjoni (8) kif ukoll il-fatt li l-effetti negattivi tal-għajnuna mill-Istat jistgħu jinterferixxu mal-bżonn li jiġu stimulati l-produttività u t-tkabbir, li jiġu ppreservati opportunitajiet indaqs għall-impriżi u li jiġi miġġieled il-protezzjoniżmu nazzjonali. |
(6) |
L-għajnuna għas-salvataġġ u r-ristrutturar hija waħda mill-aktar tipi ta' għajnuna mill-Istat li joħolqu distorsjoni. Huwa stabbilit sew li s-setturi tal-ekonomija li jirnexxu jesperjenzaw tkabbir fil-produttività mhux għax l-impriżi kollha preżenti fis-suq isiru aktar produttivi, iżda għax l-impriżi li huma aktar effiċjenti u avvanzati teknoloġikament jikbru għad-detriment ta' dawk li huma anqas effiċjenti jew li għandhom prodotti antikwati. Il-ħruġ mis-suq ta' impriżi li huma anqas effiċjenti jipperemetti lill-kompetituri tagħhom li jkunu aktar effiċjenti biex jikbru u jirritornaw l-assi fis-suq, fejn ikunu jistgħu jiġu applikati għal użi aktar produttivi. Bl-interferenza tagħha f'dan il-proċess, l-għajnuna għas-salvataġġ u r-ristrutturar tista' xxekkel b'mod sinifikanti t-tkabbir ekonomiku fis-setturi kkonċernati. |
(7) |
Meta partijiet minn impriża f'diffikultà jibqgħu essenzjalment vijabbli, l-impriża tista' twettaq ristrutturar li jwassal biex din toħroġ minn ċerti attivitajiet li strutturalment jagħmlu t-telf u li jippermetti li l-attivitajiet li jifdal jiġu organizzati mill-ġdid fuq bażi li tagħti prospett raġonevoli ta' vijabbiltà fit-tul. Ristrutturar bħal dan ġeneralment għandu jkun possibbli mingħajr għajnuna mill-Istat, permezz ta' ftehimiet ma' kredituri jew permezz ta' proċeduri ta' insolvenza jew ta' riorganizzazzjoni. Il-liġi moderna tal-insolvenza għandha tgħin lill-kumpaniji sodi jissoppravivu, tgħin biex jiġu ssalvagwardjati l-impjiegi u tippermetti lill-fornituri biex iżommu l-klijenti tagħhom, u tippermetti lis-sidien iżommu l-valur f'kumpaniji vijabbli (9). Il-proċedimenti tal-insolvenza jistgħu jwasslu wkoll biex impriża vijabbli terġa' tidħol fis-suq permezz ta' akkwiżizzjoni minn partijiet terzi, sew jekk tal-impriża bħala negozju avvjat jew tal-assi varji tal-produzzjoni tagħha. |
(8) |
Konsegwentement, l-impriżi għandhom ikunu eliġibbli għall-għajnuna mill-Istat biss meta dawn ikunu eżawrixxew l-għażliet kollha tas-suq, u fejn tali għajnuna tkun neċessarja biex jintlaħaq objettiv ta' interess komuni definit sew. Skont dawn il-linji gwida, l-impriżi għandhom jitħallew jirċievu l-għajnuna darba biss fi żmien għaxar snin (il-prinċipju ‘tal-ewwel u l-aħħar darba’). |
(9) |
Tħassib ieħor huwa l-problema ta' periklu morali maħluqa mill-għajnuna mill-Istat. L-impriżi li jantiċipaw li x'aktarx jiġu salvati meta jiltaqgħu mad-diffikultajiet, jistgħu japplikaw strateġiji ta' negozju li huma riskjużi żżejjed u mhux sostenibbli. Barra minn hekk, il-prospett tal-għajnuna għas-salvataġġ u r-ristrutturar għal impriża partikolari jista' jnaqqas b'mod artifiċjali l-kost tal-kapital tagħha, u b'hekk din tingħata vantaġġ kompetittiv mhux xieraq fis-suq. |
(10) |
L-għajnuna mill-Istat biex jiġu salvati u ristrutturati l-impriżi f'diffikultà, tista' ddgħajjef ukoll is-suq intern billi tittrasferixxi proporzjon mhux ġust mill-piż tal-aġġustament strutturali u l-problemi soċjali u ekonomiċi assoċjati fuq Partijiet Kontraenti oħrajn. Fiha nnifisha din mhix ħaġa mixtieqa u tista' tagħti lok għal tellieqa ta' ħela għas-sussidju fost l-Partijiet Kontraenti. Għajnuna bħal din tista' twassal ukoll għall-ħolqien ta' ostakli għad-dħul u tpoġġi f'periklu l-inċentivi għall-attivitajiet transfruntieri, kontra l-objettivi tas-suq intern. |
(11) |
Għaldaqstant, huwa importanti li jiġi żgurat li l-għajnuna tingħata biss meta jkun hemm kundizzjonijiet li jimmitigaw l-effetti ta' ħsara potenzjali tagħha u jippromwovu nefqa pubblika effikaċi. Fir-rigward tal-għajnuna għar-ristrutturar, ir-rekwiżiti dwar ir-ritorn għall-vijabbiltà, il-kontribuzzjoni proprja u l-miżuri li jillimitaw id-distorsjonijiet tal-kompetizzjoni wrew kemm huma validi biex jittaffew l-effetti potenzjali ta' ħsara ta' din l-għajnuna. Dawn jibqgħu japplikaw skont dawn il-linji gwida, adattati kif ikun meħtieġ sabiex tiġi kkunsidrata l-esperjenza reċenti tal-Awtorità. Il-kunċett tal-kondiviżjoni tal-piżijiet ġie introdott, inter alia, sabiex jindirizza aħjar il-kwistjoni tar-riskju morali. Fil-każ tal-għajnuna għas-salvataġġ u l-appoġġ temporanju għar-ristrutturar, l-effetti potenzjali ta' ħsara jiġu mmitigati permezz ta' restrizzjonijiet fuq it-tul iż-żmien li għalih tingħata l-għajnuna u l-forma tal-għajnuna. |
(12) |
Meta l-għajnuna tieħu forma ta' assistenza għal-likwidità li tkun limitata kemm fl-ammont u kemm fit-tul taż-żmien li għalih tingħata, it-tħassib dwar l-effetti ta' ħsara potenzjali tagħha jonqos ħafna, u dan jippermetti li din tiġi approvata b'kundizzjonijiet anqas stretti. Filwaqt li għajnuna bħal din, fil-prinċipju, tista' tintuża biex tappoġġja proċess sħiħ ta' ristrutturar, il-limitazzjoni tal-għajnuna għas-salvataġġ għal perjodu ta' sitt xhur tfisser li dan jiġri rarament; minflok, għajnuna għas-salvataġġ hija ġeneralment segwita minn għajnuna għar-ristrutturar. |
(13) |
Biex jitħeġġeġ l-użu ta' forom anqas distortivi ta' għajnuna, dawn il-linji gwida jintroduċu kunċett ġdid ta' ‘appoġġ temporanju għar-ristrutturar’. L-istess bħall-għajnuna għas-salvataġġ, l-appoġġ temporanju għar-ristrutturar jista' jsir biss f'forma ta' assistenza għal-likwidità li tkun limitata kemm fl-ammont kif ukoll fit-tul ta' żmien. Madankollu, sabiex din tkun tista' tappoġġja l-proċess kollu ta' ristrutturar, it-tul massimu ta' appoġġ temporanju għar-ristrutturar huwa ta' 18-il xahar. L-appoġġ temporanju għar-ristrutturar jista' jingħata biss lill-SMEs (10) u lil impriżi pubbliċi iżgħar (11), li jaffaċċjaw sfidi akbar minn dawk tal-impriżi l-kbar rigward l-aċċess għal-likwidità. |
(14) |
Meta l-għajnuna lill-fornituri ta' servizzi ta' interess ekonomiku ġenerali (‘SIEĠ’) f'diffikultà taqa' taħt dawn il-linji gwida, il-valutazzjoni għandha titwettaq skont il-prinċipji standard tal-linji gwida. Madankollu, l-applikazzjoni speċifika ta' dawn il-prinċipji għandha tiġi adattata fejn ikun neċessarju biex tiġi kkunsidrata n-natura speċifika tas-SIEĠ, u b'mod partikolari, il-bżonn li tiġi żgurata l-kontinwità tal-għoti tas-servizz skont l-Artikolu 59(2) tal-Ftehim ŻEE. |
(15) |
Fil-kundizzjonijiet preżenti ta' kapaċità żejda sinifikanti fl-Ewropa u fid-dinja, l-għajnuna mill-Istat għas-salvataġġ u r-ristrutturar tal-impriżi tal-azzar mhix ġustifikata. Is-settur tal-azzar għandu, għaldaqstant, jiġi eskluż mill-kamp ta' applikazzjoni ta' dawn il-linji gwida. |
(16) |
Fl-Unjoni Ewropea, id-Deċiżjoni tal-Kunsill 2010/787/UE (12) tistipula l-kundizzjonijiet li skonthom tista' tingħata għajnuna soċjali, ambjentali u għall-operat sal-2027, għall-produzzjoni fis-settur tal-faħam li ma tkunx kompetittiva (13) Ir-regoli attwali jsegwu regoli speċifiċi għal setturi preċedenti applikati bejn l-2002 u l-2010 (14) u l-1993 u l-2002 (15), li ffaċilitaw ir-ristrutturar ta' impriżi mhux kompetittivi fis-settur tal-faħam. Bħala riżultat, u minħabba l-bżonn persistenti li jingħata appoġġ għall-aġġustament strutturali tal-produzzjoni tal-faħam fl-Unjoni, ir-regoli attwali huma aktar stretti minn dawk preċedenti u jirrikjedu l-waqfien permanenti tal-produzzjoni u tal-bejgħ tal-produzzjoni megħjuna tal-faħam, kif ukoll l-għeluq definittiv ta' unitajiet tal-produzzjoni li ma jkunux kompetittivi sal-31 ta' Diċembru 2018 l-aktar tard. Fl-applikazzjoni ta' dawn ir-regoli, diversi Stati Membri tal-Unjoni Ewropea adottaw u qed jimplimentaw pjanijiet li jwasslu għall-għeluq definittiv tal-minjieri tal-faħam li jkunu f'diffikultà u li jkunu operati minn impriżi f'dan is-settur (16). L-Awtorità tinnota li d-Deċiżjoni 2010/787/UE ma tapplikax għall-Istati taż-ŻEE/EFTA. L-Awtorità ddeċidiet li teskludi s-settur tal-faħam mill-kamp ta' applikazzjoni ta' dawn il-linji gwida, minħabba l-karatteristiċi speċjali tiegħu. |
(17) |
L-esperjenza tal-Awtorità rigward is-salvataġġ u r-ristrutturar tal-istituzzjonijiet finanzjarji waqt il-kriżi finanzjarja u ekonomika wriet li regoli speċifiċi applikabbli għas-settur finanzjarju jistgħu jkunu ta' benefiċċju minħabba l-karatteristiċi speċifiċi tal-istituzzjonijiet finanzjarji u tas-swieq finanzjarji. L-impriżi koperti minn regoli speċifiċi għas-settur finanzjarju huma għalhekk esklużi mill-kamp ta' applikazzjoni ta' dawn il-linji gwida. |
2. Il-kamp ta' applikazzjoni tal-linji gwida
2.1. Il-kamp ta' applikazzjoni settorjali
(18) |
L-Awtorità se tapplika dawn il-linji gwida għall-għajnuna mogħtija lill-impriżi kollha li huma f'diffikultà, minbarra dawk li joperaw fis-settur tal-faħam (17) jew fis-settur tal-azzar (18), u dawk koperti mir-regoli speċifiċi tal-istituzzjonijiet finanzjarji (19), mingħajr ħsara għal xi regola speċifika assoċjata ma' impriżi li jkunu qed jaffaċċjaw diffikultajiet f'settur partikolari (20). |
2.2. Il-kamp ta' applikazzjoni materjali: It-tifsira ta' ‘impriża f'diffikultà’
(19) |
Parti Kontraenti li tipproponi li tagħti għajnuna lil impriża skont dawn il-linji gwida trid turi abbażi ta' raġunijiet oġġettivi li l-impriża kkonċernata tinsab f'diffikultà skont it-tifsira ta' din it-taqsima, u tkun suġġetta għad-dispożizzjonijiet speċifiċi dwar l-għajnuna għas-salvataġġ u l-appoġġ temporanju għar-ristrutturar fil-punt 29. |
(20) |
Għall-finijiet ta' dawn il-linji gwida, impriża tkun ikkunsidrata li hija f'diffikultà meta, mingħajr l-intervent tal-Istat, tkun kważi ċertament ikkundannata li tagħlaq l-operat tagħha fit-terminu taż-żmien qasir jew medju. Għaldaqstant, impriża tkun ikkunsidrata li qiegħda f'diffikultà jekk ikun hemm tal-inqas waħda minn dawn iċ-ċirkostanzi:
|
(21) |
Impriża li tkun għada kif inħolqot ma tkunx eleġibbli għall-għajnuna skont dawn il-linji gwida, anki jekk il-pożizzjoni finanzjarja inizjali tagħha ma tkunx sikura. Dan huwa l-każ, pereżempju, meta impriża ġdida tinħoloq mil-likwidazzjoni ta' impriża preċedenti jew sempliċement tieħu l-assi ta' dik l-impriża. Fil-prinċipju, impriża tkun ikkunsidrata bħala waħda maħluqa reċentement għall-ewwel tliet snin wara l-bidu tal-operat tagħha fil-qasam ta' attività relevanti. Huwa biss wara dan il-perjodu li din issir eleġibbli għall-għajnuna skont dawn il-linji gwida, sakemm:
|
(22) |
Kumpanija li tagħmel parti minn grupp ta' negozji akbar jew li tkun ser tiġi akkwistata minn grupp ta' negozji akbar, normalment ma tkunx eleġibbli għall-għajnuna skont dawn il-linji gwida, ħlief fejn ikun jista' jintwera li d-diffikultajiet tal-kumpanija jkunu intrinsiċi u ma jkunux ir-riżultat ta' allokazzjoni arbitrarja tal-kostijiet fil-grupp, u li d-diffikultajiet ikunu serji wisq biex jiġu indirizzati mill-grupp innifsu. Fejn kumpanija f'diffikultà toħloq sussidjarja, is-sussidjarja, flimkien mal-kumpanija f'diffikultà li tikkontrollaha, jiġu kkunsidrati bħala grupp u jkunu jistgħu jirċievu l-għajnuna skont il-kundizzjonijiet stipulati f'dan il-punt. |
(23) |
Minħabba li l-eżistenza nnifisha tal-impriża tkun ipperikolata, impriża f'diffikultà ma tistax tkun ikkunsidrata bħala mezz adattat għall-promozzjoni ta' objettivi oħrajn ta' politika pubblika, sakemm il-vijabbiltà tagħha tiġi żgurata. Konsegwentement, l-Awtorità tikkunsidra li l-għajnuna għall-impriżi f'diffikultà tista' tikkontribwixxi għall-iżvilupp ta' attivitajiet ekonomiċi mingħajr ma taffettwa ħażin il-kummerċ sal-punt li jmur kontra l-interess komuni, dejjem jekk il-kundizzjonijiet stabbiliti f'dawn il-linji gwida jiġu ssodisfati, anki jekk din l-għajnuna tingħata skont skema li diġà tkun ġiet awtorizzata. |
(24) |
Għadd ta' regolamenti u komunikazzjonijiet fil-qasam tal-għajnuna mill-Istat u f'oqsma oħra, għaldaqstant, jipprojbixxu lill-impriżi f'diffikultà milli jirċievi l-għajnuna. Għall-finijiet ta' dawn ir-regolamenti u l-komunikazzjonijiet, u sakemm ma jiġix speċifikat mod ieħor fihom:
|
2.3. L-għajnuna għas-salvataġġ, l-għajnuna għar-ristrutturar u l-appoġġ temporanju għar-ristrutturar
(25) |
Dawn il-linji gwida jittrattaw tliet tipi ta' għajnuna: għajnuna għas-salvataġġ, għajnuna għar-ristrutturar u appoġġ temporanju għar-ristrutturar. |
(26) |
L-għajnuna għas-salvataġġ min-natura tagħha hija għajnuna urġenti u temporanja. L-objettiv prinċipali tagħha huwa li impriża li jkollha l-problemi tinżamm vijabbli għal dak iż-żmien qasir meħtieġ sakemm jitfassal pjan ta' ristrutturar jew ta' likwidazzjoni. Il-prinċipju ġenerali huwa li l-għajnuna għas-salvataġġ tippermetti li jingħata appoġġ temporanju lill-impriża li tkun qed taffaċċja deterjorament serju fis-sitwazzjoni finanzjarja tagħha, li tinvolvi kriżi ta' likwidazzjoni akuta jew ta' insolvenza teknika. Appoġġ temporanju bħal dan għandu jippermetti li jkun hemm żmien biex jiġu analizzati ċ-ċirkostanzi li jkunu kkawżaw id-diffikultajiet u biex jiġi żviluppat pjan xieraq biex jiġu rrimedjati dawn id-diffikultajiet. |
(27) |
L-għajnuna għar-ristrutturar ħafna drabi tinvolvi assistenza aktar permanenti, u tkun trid terġa' ġġib lill-benefiċjarju vijabbli fuq terminu twil abbażi ta' pjan ta' ristrutturar fattibbli, koerenti u li jestendi 'l bogħod, filwaqt li fl-istess ħin tippermetti li jkun hemm il-kontribuzzjoni proprja u l-qsim tal-piżijiet adegwati, u tillimita d-distorsjonijiet potenzjali tal-kompetizzjoni. |
(28) |
L-appoġġ temporanju għar-ristrutturar huwa għajnuna ta' likwidità maħsuba biex tappoġġja r-ristrutturar ta' impriża billi jingħataw il-kundizzjonijiet meħtieġa sabiex il-benefiċjarju jkun jista' jfassal u jimplimenta azzjoni xierqa biex terġa' tinkiseb il-vijabbiltà fit-tul. L-appoġġ temporanju għar-ristrutturar jista' jingħata biss lill-SMEs u lil impriżi pubbliċi iżgħar. |
(29) |
B'deroga mill-punt 19, l-għajnuna għas-salvataġġ kif ukoll, fil-każ ta' SMEs u impriżi pubbliċi iżgħar, l-appoġġ temporanju għar-ristrutturar jista' jingħata wkoll lil impriżi li mhumiex f'diffikultà skont it-tifsira tal-punt 20, li madankollu jkollhom ħtieġa ta' likwidità akuta minħabba ċirkostanzi eċċezzjonali u imprevisti. |
2.4. L-għajnuna biex jiġu koperti l-kostijiet soċjali għar-ristrutturar
(30) |
Ir-ristrutturar normalment jimplika t-tnaqqis jew l-abbandun tal-attivitajiet affettwati. Tnaqqis bħal dan ħafna drabi jkun neċessarju fl-interess tar-razzjonalizzazzjoni u l-effiċjenza, pjuttost differenti minn kull tnaqqis fil-kapaċità li jista' jkun meħtieġ bħala kundizzjoni biex tingħata l-għajnuna. Irrelevanti mir-raġunijiet sottostanti, miżuri bħal dawn ġeneralment iwasslu għal tnaqqis fil-forza tax-xogħol tal-benefiċjarju. |
(31) |
Il-leġiżlazzjoni tal-Partijiet Kontraenti dwar ix-xogħol tista' tinkludi skemi tas-sigurtà soċjali li skonthom ċerti benefiċċji jitħallsu direttament lill-impjegati li jkunu ngħataw is-sensja. Skemi bħal dawn ma għandhomx jitqiesu bħala għajnuna tal-Istat li taqa' fil-kamp ta' applikazzjoni tal-Artikolu 61(1) tal-Ftehim ŻEE. |
(32) |
Minbarra dawn il-benefiċċji tas-sigurtà soċjali għall-impjegati, l-iskemi ġenerali tal-appoġġ soċjali jipprevedu li l-gvern għandu jkopri l-kost tal-benefiċċji li impriża tagħti lill-ħaddiema li jingħataw is-sensja u li jmorru lil hinn mill-obbligi statutorji jew kuntrattwali tagħha. Fejn tali skemi jkunu disponibbli ġeneralment mingħajr limitazzjonijiet settorjali għal kull ħaddiem li jissodisfa kundizzjonijiet ta' eleġibbiltà predifiniti u awtomatiċi, dawn ma jitqisux li jinvolvu għajnuna skont l-Artikolu 61(1) tal-Ftehim ŻEE għall-impriżi li jkunu qed iwettqu r-ristrutturar. Min-naħa l-oħra, jekk l-iskemi jintużaw biex jiġi appoġġjat ir-ristrutturar f'industriji partikolari, jista' jkun li jinvolvu l-għajnuna minħabba l-mod selettiv kif jintużaw (25). |
(33) |
L-obbligi li tidħol għalihom impriża skont il-leġiżlazzjoni dwar l-impjiegi jew il-ftehimiet kollettivi mat-trejdunjins biex jingħataw ċerti benefiċċji lill-ħaddiema ssensjati bħalma huma l-pagamenti tas-sensji jew il-miżuri sabiex tiżdied l-impjegabilità tagħhom, huma parti mill-kostijiet normali tan-negozju li impriża jkollha tħallas mir-riżorsi tagħha stess. Minħabba dan, kull kontribuzzjoni mill-Istat għal dawn il-kostijiet għandha titqies bħala għajnuna. Dan huwa minnu sew jekk il-pagamenti jsiru direttament lill-impriża u sew jekk dawn jiġi amministrati lill-impjegati permezz ta' aġenzija tal-gvern. |
(34) |
L-Awtorità ma għandhiex oġġezzjoni a priori għal meta għajnuna bħal din tingħata lil impriża f'diffikultà, billi din iġġib benefiċċji ekonomiċi li jmorru lil hinn mill-interessi tal-impriża kkonċernata, tiffaċilita l-bidla strutturali u tnaqqas it-tbatija. |
(35) |
Minbarra l-għoti ta' appoġġ finanzjarju dirett, din l-għajnuna ġeneralment tingħata b'rabta ma' skema ta' ristrutturar partikolari għat-taħriġ, l-għoti tal-pariri u l-għajnuna prattika sabiex jinstab impjieg alternattiv, l-għajnuna għar-rilokazzjoni, u t-taħriġ professjonali, kif ukoll għajnuna għall-impjegati li jkunu jixtiequ jibdew negozju ġdid. Minħabba li dawn il-miżuri, li jżidu l-impjegabilità tal-ħaddiema ssensjati, ikomplu jilħqu l-objettiv biex it-tbatija soċjali tonqos, l-Awtorità b'mod konsistenti taqbel ma' din it-tip ta' għajnuna meta tingħata lil impriżi f'diffikultà. |
3. Kompatibbiltà mal-funzjonament tal-ftehim ŻEE
(36) |
Iċ-ċirkostanzi li skonthom l-għajnuna mill-Istat lil impriżi f'diffikultà tkun tista' tiġi approvata bħala kumpatibbli mal-funzjonament tal-Ftehim ŻEE huma stipulati fl-Artikolu 61(2) u (3) tal-Ftehim ŻEE. Skont l-Artikolu 61(3)(c), l-Awtorità għandha s-setgħa tawtorizza ‘għajnuna maħsuba biex tiffaċilita l-iżvilupp ta' ċerti attivitajiet ekonomiċi (…) dejjem jekk din l-għajnuna ma tfixkilx il-kundizzjonijiet tal-kummerċ sal-punt li tkun kuntrarja għall-interess komuni’. B'mod partikolari, dan jista' jkun il-każ fejn l-għajnuna tkun meħtieġa biex tirrimedja d-differenzi kkawżati minn nuqqasijiet tas-suq jew biex tiżgura koeżjoni ekonomika u soċjali. |
(37) |
Miżuri ta' għajnuna favur impriżi kbar iridu jiġu nnotifikati individwalment lill-Awtorità. Taħt ċerti kundizzjonijiet, l-Awtorità tista' tawtorizza skemi għal ammonti iżgħar ta' għajnuna għal SMEs u impriżi pubbliċi iżgħar: dawn il-kundizzjonijiet huma stabbiliti fil-Kapitolu 6 (26). |
(38) |
Fil-valutazzjoni tagħha dwar jekk l-għajnuna nnotifikata tkunx tista' titqies bħala kumpatibbli mal-Ftehim ŻEE, l-Awtorità ser tikkunsidra jekk ikunx intlaħaq kull wieħed minn dawn il-kriterji:
|
(39) |
Jekk xi wieħed mill-kriterji ta' hawn fuq ma jintlaħaqx, l-għajnuna ma tkunx ikkunsidrata bħala kumpatibbli mal-funzjonament tal-Ftehim ŻEE. |
(40) |
Il-bilanċ totali ta' ċerti kategoriji ta' skemi jista' jkun suġġett ukoll għal rekwiżit ta' evalwazzjoni ex post, kif inhu deskritt fil-punti 118, 119 u 120 ta' dawn il-linji gwida. |
(41) |
Barra minn hekk, jekk miżura ta' għajnuna jew il-kundizzjonijiet marbutin magħha (inkluż il-metodu tagħha ta' finanzjament meta dan ikun parti integrali mill-miżura ta' għajnuna) jimplikaw il-ksur indiviżibbli tal-liġi taż-ŻEE, l-għajnuna ma tistax tiġi ddikjarata li hi kumpatibbli mal-funzjonament tal-Ftehim ŻEE (27). |
(42) |
F'dan il-kapitolu, l-Awtorità tistabbilixxi l-kundizzjonijiet li skonthom tivvaluta kull wieħed mill-kriterji msemmija fil-punt 38. |
3.1. Kontribut għal objettiv ta' interess komuni
(43) |
Minħabba l-importanza li għandu l-ħruġ mis-suq fil-proċess tat-tkabbir tal-produttività, is-sempliċi fatt li impriża tiġi impeduta milli toħroġ mis-suq ma jikkostitwixxix ġustifikazzjoni suffiċjenti għall-għajnuna. Għandha tingħata evidenza ċara li l-għajnuna għandha objettiv ta' interess komuni, bl-għan li tipprevjeni t-tbatija soċjali jew tindirizza l-falliment fis-suq (it-Taqsima 3.1.1) billi terġa' tintroduċi l-vijabbiltà fit-tul tal-impriża (it-Taqsima 3.1.2). |
3.1.1.
(44) |
Il-Partijiet Kontraenti jridu juru li l-falliment tal-benefiċjarju x'aktarx ikun jinvolvi tbatija soċjali serja jew il-falliment gravi tas-suq, b'mod partikolari billi juru li:
|
3.1.2.
(45) |
L-għajnuna ta' ristrutturar fil-kamp ta' applikazzjoni ta' dawn il-linji gwida ma tistax tkun limitata għal għajnuna finanzjarja biex tpatti għat-telf passat mingħajr ma jiġu indirizzati r-raġunijiet għal dak it-telf. Fil-każ tal-għajnuna għar-ristrutturar, għaldaqstant, l-Awtorità titlob lill-Parti Kontraenti kkonċernata tippreżenta pjan ta' ristrutturar fattibbli, koerenti u estensiv sabiex il-benefiċjarju jerġa' jibda jgawdi minn vijabbiltà fit-tul (28). Ir-ristrutturar jista' jinvolvi wieħed jew iktar minn dawn l-elementi: ir-riorganizzazzjoni u r-razzjonalizzazzjoni tal-attivitajiet tal-benefiċjarju fuq bażi aktar effiċjenti, li tipikament jinvolvu l-irtirar minn attivitajiet li jagħmlu t-telf, ir-ristrutturar tal-attivitajiet eżistenti li jkunu jistgħu jerġgħu jsiru kompetittivi u, possibbilment, id-diversifikazzjoni lejn attivitajiet ġodda u vijabbli. Tipikament dan jinvolvi wkoll ristrutturar finanzjarju f'forma ta' injezzjonijiet ta' kapital minn azzjonisti ġodda jew eżistenti u t-tnaqqis tad-dejn minn kredituri eżistenti. |
(46) |
L-għajnuna għandha tingħata bil-kundizzjoni li jiġi implimentat pjan ta' ristrutturar, li jrid ikun approvat mill-Awtorità fil-każijiet kollha ta' għajnuna ad hoc. |
(47) |
Il-pjan ta' ristrutturar jrid iġib lill-benefiċjarju vijabbli għal terminu twil fi żmien raġonevoli u abbażi ta' previżjonijiet realistiċi fir-rigward ta' kundizzjonijiet futuri ta' operat li għandhom jeskludu kull għajnuna ulterjuri mill-Istat li ma tkunx koperta mill-pjan ta' ristrutturar. Il-perjodu ta' ristrutturar għandu jkun qasir kemm jista' jkun. Il-pjan ta' ristrutturar irid ikun ippreżentat bid-dettalji relevanti kollha lill-Awtorità u jrid jinkludi, b'mod partikolari, l-informazzjoni stipulata f'din it-taqsima (3.1.2). |
(48) |
Il-pjan ta' ristrutturar irid jidentifika x'qed jikkawża d-diffikultajiet tal-benefiċjarju u d-dgħufijiet tal-benefiċjarju nnifsu, u juri kif il-miżuri ta' ristrutturar proposti jirrimedjaw il-problemi sottostanti tal-benefiċjarju. |
(49) |
Il-pjan ta' ristrutturar irid jipprovdi informazzjoni dwar il-mudell tan-negozju tal-benefiċjarju, filwaqt li juri kif il-pjan se jindirizza l-vijabbiltà fit-tul tiegħu. Dan għandu jinkludi, b'mod partikolari, informazzjoni dwar l-istruttura organizzazzjonali tal-benefiċjarju, il-finanzjament, il-governanza korporattiva u l-aspetti relevanti l-oħra kollha. Il-pjan ta' ristrutturar għandu jivvaluta jekk id-diffikultajiet tal-benefiċjarju setgħux ġew evitati permezz ta' azzjoni ta' ġestjoni adegwata u f'waqtha u, fejn dan ikun il-każ, għandu juri li jkunu saru l-bidliet neċessarji fil-ġestjoni. Meta d-diffikultajiet tal-benefiċjarju jirriżultaw minn difetti fil-mudell tan-negozju tiegħu jew mis-sistema ta' governanza korporattiva, jeħtieġ li jsiru l-bidliet adegwati. |
(50) |
Ir-riżultati mistennija tar-ristrutturar ippjanat għandhom jintwerew skont xenarju ta' referenza kif ukoll skont xenarju pessimistiku (jew tal-agħar każ). Għal dan il-għan, il-pjan ta' ristrutturar għandu jikkunsidra, inter alia, l-istat attwali u l-prospetti futuri tal-provvista u d-domanda fis-suq tal-prodott relevanti u l-fatturi prinċipali tal-ispejjeż tal-industrija, filwaqt li jkun jirrifletti s-suppożizzjonijiet bażiċi ta' referenza u ta' xenarju avvers, kif ukoll il-preġji u d-dgħufijiet speċifiċi tal-benefiċjarju. Is-suppożizzjonijiet għandhom jitqabblu ma' parametri referenzjarji xierqa li huma komuni għas-settur kollu u, fejn ikun adegwat, għandhom jiġu adattati biex jaqdu ċ-ċirkostanzi speċifiċi tal-pajjiżi u tas-setturi. Il-benefiċjarju għandu jipprovdi stħarriġ tas-suq u analiżi tas-sensittività li jidentifikaw il-parametri li jimmotivaw il-prestazzjoni tal-benefiċjarju u l-fatturi tar-riksju prinċipali għall-ġejjieni. |
(51) |
Ir-ritorn tal-benefiċjarju lejn il-vijabbiltà għandu jirriżulta prinċipalment minn miżuri interni, li jimplikaw b'mod partikolari l-irtirar minn attivitajiet li jibqgħu strutturalment jagħmlu t-telf fuq terminu medju. Ir-ritorn lejn il-vijabbiltà ma jridx dipendenti fuq suppożizzjonijiet ottimistiċi dwar fatturi esterni bħall-varjazzjoni fil-prezzijiet, id-domanda jew il-provvista ta' riżorsi skarsi, u lanqas ma jista' jintrabat mal-prestazzjoni tal-benefiċjarju li tisboq lil dik tas-suq u tal-kompetituri tiegħu, jew li l-benefiċjarju jidħol u jespandi f'attivitajiet ġodda fejn ma jkollux esperjenza u lanqas rekord ta' prestazzjoni (sakemm dan ma jiġix iġġustifikat adegwatament u jkun meħtieġ għal raġunijiet ta' diversifikazzjoni u vijabbiltà). |
(52) |
Il-vijabbiltà fit-tul tintlaħaq meta impriża tkun tista' tagħti r-redditu adegwat previst fuq il-kapital wara li tkun kopriet il-kostijiet kollha tagħha inklużi d-deprezzament u l-imposti finanzjarji. L-impriża ristrutturata għandha tkun tista' tikkompeti fis-suq bil-merti tagħha stess. |
3.2. Il-bżonn għal intervent mill-Istat
(53) |
Il-Partijiet Kontraenti li jkun biħsiebhom jagħtu għajnuna għar-ristrutturar għandhom jipprovdu paragun ma' xenarju alternattiv kredibbli li ma jinvolvix l-għajnuna mill-Istat, fejn juru kif l-objettiv jew l-objettivi relevanti fit-taqsima 3.1.1 ma jintlaħqux, jew jintlaħqu b'mod inqas sodisfaċenti, fil-każ ta' dan ix-xenarju alternattiv. Xenarji bħal dawn jistgħu pereżempju jinkludu r-riorganizzazzjoni tad-dejn, il-bejgħ tal-assi, il-ġbir privat tal-kapital, il-bejgħ lil kompetitur jew ix-xoljiment, f'kull każ jew permezz ta' proċedura ta' insolvenza jew ta' riorganizzazzjoni jew mod ieħor. |
3.3. L-adegwatezza
(54) |
Il-Partijiet Kontraenti għandhom jiżguraw li l-għajnuna tingħata f'forma li tippermetti li l-objettiv jintlaħaq bl-anqas distorsjoni possibbli. Fil-każ ta' impriżi f'diffikultà, dan jista' jintlaħaq billi jiġi żgurat li l-għajnuna tingħata fil-forma li hija adegwata sabiex jiġu indirizzati d-diffikultajiet tal-benefiċjarju u li jiġi rimunerat b'mod xieraq. Din it-taqsima tistipula r-rekwiżiti li għandu jkun hemm konformità magħhom sabiex jintwera li miżura ta' għajnuna hija xierqa. |
3.3.1.
(55) |
Sabiex tiġi approvata mill-Awtorità, l-għajnuna għas-salvataġġ trid tissodisfa l-kundizzjonijiet li ġejjin:
|
(56) |
Il-livell ta' rimunerazzjoni li benefiċjarju jrid iħallas għall-għajnuna għas-salvataġġ għandu jirrifletti l-affidabbiltà kreditizja sottostanti tal-benefiċjarju, mingħajr kunsiderazzjoni tal-effetti temporanji kemm tad-diffikultajiet ta' likwidità u kemm tal-appoġġ mill-Istat, u għandu jipprovdi inċentivi għall-benefiċjarju biex iħallas lura l-għajnuna mill-aktar fis possibbli. L-Awtorità għaldaqstant tirrikjedi li r-remunerazzzjoni tiġi stabbilita għal rata ta' mhux inqas mir-rata ta' referenza stipulata fil-Linji Gwida dwar ir-Rata ta' Referenza (29) għal impriżi dgħajfin li joffru livelli normali ta' kollateralizzazzjoni (bħalissa IBOR ta' sena flimkien ma' 400 punt bażi) (30) u li għandha tiżdied b'mill-inqas 50 punt bażi għall-għajnuna għas-salvataġġ li l-awtorizzazzjoni tagħhom tingħata skont il-punt 55(d)ii. |
(57) |
Meta jkun hemm evidenza li din ir-rata identifikata fil-punt 56 ma tirrappreżentax punt ta' riferiment adegwat, pereżempju fejn din tvarja b'mod sostanzjali mill-ipprezzar tas-suq ta' strumenti simili li jkunu nħarġu reċentement mill-benefiċjarju, l-Awtorità tista' tadatta l-livell meħtieġ ta' remunerazzjoni skont kif ikun adegwat. |
3.3.2.
(58) |
Il-Partijiet Kontraenti huma liberi li jagħżlu taħt liema forma l-għajnuna għar-ristrutturar tingħata. Madankollu, meta jagħmlu dan, huma għandhom jiżguraw li l-istrument magħżul ikun xieraq biex jindirizza l-kwistjoni prevista. B'mod partikolari, l-Partijiet Kontraenti għandhom jivvalutaw jekk il-problemi tal-benefiċjarji jkunux marbutin mal-likwidità jew mas-solvenza u jagħżlu l-istrumenti xierqa biex jindirizzaw il-problemi identifikati. Pereżempju, fil-każ ta' problemi ta' solvenza, iż-żieda fl-assi permezz tar-rikapitalizzazzjoni tista' tkun adegwata, filwaqt li f'sitwazzjoni fejn il-problemi jkunu prinċipalment relatati mal-likwidità, l-għajnuna permezz tas-self jew ta' garanziji ta' self tista' tkun biżżejjed. |
3.4. Effett ta' inċentiv
(59) |
Il-Partijiet Kontraenti li jkun biħsiebhom jagħtu għajnuna għar-ristrutturar iridu juru li fin-nuqqas tal-għajnuna, il-benefiċjarju kien jiġi ristrutturat, mibjugħ jew xolt b'tali mod li ma kienx jintlaħaq l-objettiv ta' interess komuni identifikat fit-Taqsima 3.1.1. Din id-deskrizzjoni tista' tifforma parti mill-analiżi ppreżentata skont il-punt 53. |
3.5. Il-proporzjonalità tal-għajnuna/għajnuna limitata għall-minimu
3.5.1.
(60) |
L-għajnuna għas-salvataġġ għandha tkun ristretta għall-ammont meħtieġ biex il-benefiċjarju jibqa' jopera n-negozju għal sitt xhur. Sabiex jiġi ddeterminat dan l-ammont, għandha tingħata importanza lir-riżultat tal-formula stipulat fl-Anness 1. Kull għajnuna li taqbeż ir-riżultat ta' dan il-kalkolu se tiġi awtorizzata biss jekk tkun debitament iġġustifikata billi jiġi pprovdut pjan ta' likwidità li jistabbilixxi l-ħtiġijiet ta' likwidità tal-benefiċjarju fis-sitt xhur li jkunu ġejjin. |
3.5.2.
(61) |
L-ammont u l-intensità tal-għajnuna għar-ristrutturar iridu jkunu limitati għall-minimu strett neċessarju biex jippermettu li r-ristrutturar ikun jista' jsir fid-dawl tar-riżorsi finanzjarji eżistenti tal-benefiċjarju, tal-azzjonisti tiegħu jew tal-grupp tan-negozju li jagħmel parti minnu. B'mod partikolari, irid jiġi żgurat livell xieraq ta' kontribuzzjoni proprja għall-kostijiet ta' ristrutturar u ta' qsim tal-piżijiet, kif inhu stipulat f'aktar dettall f'din it-Taqsima (3.5.2). Tali valutazzjoni tikkunsidra għajnuniet għas-salvataġġ mogħtija qabel. |
3.5.2.1.
(62) |
Kontribuzzjoni sinifikanti (31) lejn ir-ristrutturar hija meħtieġa mir-riżorsi proprji tal-benefiċjarju tal-għajnuna, l-azzjonisti jew il-kredituri tiegħu jew il-grupp tan-negozju li jagħmel parti minnu, jew minn investituri ġodda. Tali kontribuzzjoni proprja għandha tkun normalment komparabbli mal-għajnuna mogħtija f'termini ta' effetti fuq il-pożizzjoni ta' solvenza jew ta' likwidità tal-benefiċjarju. Pereżempju, meta l-għajnuna li għandha tingħata ssaħħaħ il-pożizzjoni tal-ekwità tal-benefiċjarju, il-kontribuzzjoni proprja għandha bl-istess mod tinkludi miżuri li jsaħħu l-ekwità, bħall-ġbir ta' ekwita ġdida mingħand l-azzjonisti eżistenti, it-tnaqqis tad-dejn eżistenti u tan-noti kapitali jew il-konverżjoni tad-dejn eżistenti għal ekwità, jew il-ġbir ta' ekwità esterna ġdida bit-termini tas-suq. L-Awtorità se tqis sa fejn l-effett tal-kontribuzzjoni proprja jista' jiġi pparagunat mal-għajnuna mogħtija meta tiġi vvalutata l-firxa tal-miżuri neċessarji sabiex jiġu limitati d-distorsjonijiet tal-kompetizzjoni skont il-punt 90. |
(63) |
Il-kontribuzzjonijiet iridu jkunu reali, jiġifieri fattwali, u jkunu jeskludu l-profitti futuri mistennija bħall-fluss tal-flus kif ukoll iridu jkunu kemm jista' jkun għoljin. Kontribuzzjonijiet mill-Istat jew minn kumpanija pubblika jistgħu jitqiesu biss sakemm ma jkunx fihom għajnuna. Dan jista' jkun il-każ, b'mod partikolari, meta kontribuzzjoni tkun magħmula minn entità li hija indipendenti minn awtorità li tagħti l-għajnuna (bħal bank proprjetà tal-Gvern jew kumpanija azzjonarja pubblika) u li tieħu d-deċiżjoni li tinvesti abbażi tal-interessi kummerċjali tagħha stess (32). |
(64) |
Il-kontribuzzjonijiet proprji normalment ikunu meqjusa adegwti jekk ikunu jammontaw għal mill-inqas 50 % tal-kostijiet tar-ristrutturar. F'ċirkostanzi eċċezzjonali u f'każijiet ta' tbatija partikolari, li jridu jintwerew mill-Parti Kontraenti, l-Awtorità tista' taċċetta kontribuzzjoni li ma tilħaqx il-50 % tal-kostijiet ta' ristrutturar, dejjem jekk l-ammont ta' din il-kontribuzzjoni jibqa' sinifikanti. |
3.5.2.2.
(65) |
Meta jingħata appoġġ mill-Istat f'forma li ttejjeb il-pożizzjoni tal-ekwità tal-benefiċjarju, pereżempju meta l-Istat jagħti għotjiet, jinjetta kapital jew inaqqas id-dejn, dan jista' jkollu l-effett li jipproteġi l-azzjonisti u l-kredituri subordinati mill-konsegwenzi tal-għażla tagħhom li jinvestu fil-benefiċjarju. Dan jista' joħloq periklu morali u jdgħajjef id-dixxiplina tas-suq. Konsegwentement, l-għajnuna biex tkopri t-telf għandha tingħata biss b'kundizzjonijiet li jinvolvu l-qsim adegwat tal-piżijiet mill-investituri eżistenti. |
(66) |
Il-qsim tal-piżijiet adegwat normalment ifisser li l-azzjonisti eżistenti, u fejn meħtieġ il-kredituri subordinati, iridu jassorbu t-telf kollu. Il-kredituri subordinati għandhom jikkontribwixxu għall-assorbiment tat-telf jew billi dan jiġi mibdul f'ekwità jew billi jitnaqqas il-kapital tal-istrumenti relevanti. Għalhekk, l-intervent tal-Istat għandu jsir biss wara li t-telf ikun ġie ġġustifikat u attribwit kollu għall-azzjonisti eżistenti u għad-detenturi tad-dejn subordinat (33). F'kull każ, il-ħruġ tal-flus mingħand il-benefiċjarju għal għand id-detenturi tal-ekwità jew tad-dejn subordinat għandu jiġi evitat matul il-perijodu tar-ristrutturar sa fejn ikun legalment possibbli, dejjem jekk dan ma jaffettwax b'mod sproporzjonat lil dawk li injettaw ekwità ġdida. |
(67) |
Il-qsim adegwat tal-piżijiet ifisser ukoll li kull għajnuna mill-Istat li ttejjeb il-pożizzjoni tal-ekwità tal-benefiċjarju għandha tingħata fuq termini li jagħtu lill-Istat proporzjon raġonevoli ta' qligħ futur għall-valur tal-ekwità tal-benefiċjarju, minħabba l-ammont ta' ekwità tal-Istat injettat meta mqabbel mal-ekwità li jifdal tal-kumpanija wara li t-telf ikun ġie kontabbilizzat. |
(68) |
L-Awtorità tista' tippermetti eċċezzjonijiet għall-implimentazzjoni sħiħa tal-miżuri stipulati fil-punt 66 meta dawn il-miżuri kieku jwasslu għal riżultati sproporzjonati. Sitwazzjonijiet bħal dawn jistgħu jinkludu każijiet fejn l-amont tal-għajnuna jkun żgħir meta mqabbel mal-kontribuzzjoni proprja, jew il-Parti Kontraenti kkonċernata turi li l-kredituri subordinati jirċievu anqas f'termini ekonomiċi skont proċedimenti ta' insolvenza normali oħra u jekk ma tingħata l-ebda għajnuna mill-Istat. |
(69) |
L-Awtorità mhux se titlob b'mod sistematiku kontribuzzjonijiet mingħad id-detenturi ta' dejn superjuri sabiex il-benefiċjarju jerġa' jingħata l-pożizzjoni tal-ekwità. Madankollu, hija tista' tittratta kull waħda minn dawn il-kontribuzzjonijiet bħala raġuni għal tnaqqis fil-firxa meħtieġa ta' miżuri li jillimitaw id-distorsjonijiet tal-kompetizzjoni skont il-punt 90. |
3.6. L-effetti negattivi
3.6.1.
(70) |
Sabiex jitnaqqas il-periklu morali, l-inċentivi ta' teħid eċċessiv ta' riskju u d-distorsjonijiet potenzjali kompetittivi, l-għajnuna għandha tingħata lill-impriżi għal operazzjoni waħda biss ta' ristrutturar. Dan huwa magħruf bħala l-prinċipju ‘tal-ewwel u l-aħħar darba’. Il-bżonn ta' impriża li tkun diġà rċeviet għajnuna skont dawn il-linji gwida, li terġa' tirċievi aktar għajnuna ta' din ix-xorta, juri li d-diffikultajiet tal-impriża huma ta' natura rikorrenti, jew inkella li ma ġewx indirizzati kif suppost meta ngħatat l-għajnuna qabel. Interventi ripetuti min-naħa tal-Istat x'aktarx iwasslu għal problemi ta' periklu morali u distorsjonijiet tal-kompetizzjoni li huma kuntrarji għall-interess komuni. |
(71) |
Meta l-għajnuna ppjanata għas-salvataġġ, jew għar-ristrutturar tiġi nnotifikata lill-Awtorità, il-Parti Kontraenti trid tispeċifika jekk l-impriża kkonċernata tkunx diġà rċeviet għajnuna ta' salvataġġ, għajnuna għar-ristrutturar jew appoġġ għar-ristrutturar temporanju fil-passat, inkluża kull għajnuna ta' din ix-xorta mogħtija qabel id-dħul fis-seħħ ta' dawn il-linji gwida u kull għajnuna oħra mhix notifikata (34). Jekk dan ikun il-każ, u fejn ikunu għaddew inqas minn 10 snin minn meta tkun ingħatat l-għajnuna jew minn meta jkun intemm il-perjodu ta' ristrutturar jew minn meta tkun twaqqfet l-implimentazzjoni tal-pjan ta' ristrutturar (skont liema minn dawn ikun seħħ l-aktar tard), l-Awtorità ma tippermettix aktar għajnuna skont dawn il-linji gwida. |
(72) |
Fil-każijiet li ġejjin, jiġu permessi eċċezzjonijiet għal din ir-regola:
|
(73) |
L-applikazzjoni tal-prinċipju ‘tal-ewwel u tal-aħħar darba’ bl-ebda mod mhi ser tkun affettwata minn bidliet fis-sjieda tal-benefiċjarju wara li tingħata l-għajnuna jew minn xi proċedura ġudizzjarja jew amministrattiva li jkollha l-effett li tissoda l-karta bilanċjali tiegħu, tnaqqas l-obbligazzjonijiet tiegħu jew tikkanċella d-djun ta' qabel tiegħu, meta tkun l-istess impriża li tkompli bin-negozju. |
(74) |
Meta grupp tan-negozju jkun irċieva għajnuna għas-salvataġġ, għajnuna għar-ristrutturar jew appoġġ temporanju għar-ristrutturar, l-Awtorità normalment ma tippermettix li tingħata aktar għajnuna għas-salvataġġ jew għar-ristrutturar lill-grupp innifsu jew lil xi entità li tagħmel parti mill-grupp, sakemm ma jgħaddux 10 snin minn meta tkun ingħatat l-għajnuna jew minn meta l-perjodu ta' ristrutturar ikun twaqqaf jew minn meta l-implimentazzjoni tal-pjan ta' ristrutturar tkun twaqqfet, skont liema minn dawn ikun seħħ l-aħħar. Meta entità li tagħmel parti minn grupp ta' negozju tkun irċeviet għajnuna għas-salvataġġ, għajnuna għar-ristrutturar jew appoġġ temporanju għar-ristrutturar, il-grupp kollu kemm hu kif ukoll l-entitajiet l-oħra tal-grupp jibqgħu eleġibbli għall-għajnuna għas-salvataġġ jew għar-ristrutturar (suġġett għall-konformità mad-dispożizzjonijiet l-oħra ta' dawn il-linji gwida), bl-eċċezzjoni tal-benefiċjarju preċedenti tal-għajnuna. Il-Partijiet Kontraenti jridu juru li l-ebda għajnuna mhi ser tingħadda mill-grupp jew minn entitajiet oħra tal-grupp lill-benefiċjarju preċedenti tal-għajnuna. |
(75) |
Meta impriża takkwista l-assi ta' impriża oħra, u b'mod partikolari waħda li tkun ġiet suġġetta għal waħda mill-proċeduri msemmija fil-punt 73 jew għal proċedimenti kollettivi ta' insolvenza mibdijin skont il-liġi nazzjonali u li tkun diġà rċeviet għajnuna għas-salvataġġ jew għar-ristrutturar jew appoġġ temporanju għar-ristrutturar, ix-xerrej ma jkunx suġġett għall-prinċipju ‘tal-ewwel u tal-aħħar darba’, sakemm ma jkunx hemm kontinwità ekonomika bejn l-impriża l-ġdida u x-xerrej (36). |
3.6.2.
(76) |
Meta tingħata l-għajnuna għar-ristrutturar iridu jittieħdu miżuri li jillimitaw id-distorsjonijiet tal-kompetizzjoni, b'tali mod li l-effetti negattivi fuq il-kundizzjonijiet tan-negozjar jiġu minimizzati kemm jista' jkun, u l-effetti pożittivi jisbqu kull effett negattiv. L-Awtorità se tivvaluta, għal miżuri bħal dawn, il-forma u l-kamp ta' applikazzjoni adegwati skont din it-taqsima (3.6.2). |
3.6.2.1.
(77) |
Mingħajr preġudizzju għall-punt 84, il-miżuri biex jiġu limitati d-distorsjonijiet tal-kompetizzjoni ġeneralment jieħdu l-forma ta' miżuri strutturali. F'każijiet partikolari, fejn ikun xieraq li jiġu indirizzati d-distorsjonijiet tal-kompetizzjoni, l-Awtorità tista' taċċetta miżuri ta' aġir, apparti dawk stipulati fil-punt 84, jew miżuri ta' ftuħ tas-suq minflok wħud mill-miżuri strutturali jew minflok il-miżuri strutturali kollha, li kieku jkunu meħtieġa. |
Il-miżuri strutturali — iċ-ċessjonijiet u t-tnaqqis fl-attivitajiet tan-negozju
(78) |
Abbażi ta' valutazzjoni f'konformità mal-kriterji għall-kalibrazzjoni tal-miżuri li jillimitaw id-distorsjoni tal-kompetizzjoni (stipulati fit-taqsima 3.6.2.2), l-impriżi li jibbenefikaw mill-għajnuna għar-ristrutturar jistgħu jintalbu jċedu l-assi jew inaqqsu l-kapaċità jew il-preżenza fis-suq. Miżuri bħal dawn għandhom jittieħdu, b'mod partikolari, fis-suq jew fis-swieq fejn l-impriża jkollha pożizzjoni sinifikanti fis-suq wara r-ristrutturar, partikolarment dawk fejn ikun hemm kapaċità żejda sinifikanti. Iċ-ċessjonijiet biex jiġu limitati d-distorsjonijiet fil-kompetizzjoni għandhom isiru mingħajr dewmien żejjed, filwaqt li jiġu kkunsidrati t-tipi ta' assi li jiġu ċeduti u kull ostakolu għaċ-ċediment tagħhom (37), u f'kull każ għal kemm idum il-pjan ta' ristrutturar. Iċ-ċessjonijiet, it-tħassir u t-twaqqif tal-attivitajiet li jagħmlu t-telf li f'ċertu punt ikunu neċessarji biex jirkupraw il-vijabbiltà fuq terminu twil ġeneralment ma jkunux ikkunsidrati bħala biżżejjed abbażi tal-prinċipji stipulati fit-taqsima 3.6.2.2 li jindirizzaw id-distorsjonijiet tal-kompetizzjoni. |
(79) |
Sabiex miżuri bħal dawn isaħħu l-kompetizzjoni u jikkontribwixxu għas-suq intern, dawn għandhom jiffavorixxu d-dħul ta' kompetituri ġodda, l-espansjoni ta' kompetituri żgħar eżistenti jew l-attività transfruntiera. It-tnaqqis fl-infiq fil-fruntieri nazzjonali u l-frammentazzjoni tas-suq intern għandhom jiġu evitati. |
(80) |
Il-miżuri li jillimitaw id-distorsjonijiet tal-kompetizzjoni ma għandhomx iwasslu għal deterjorament fl-istruttura tas-suq. Il-miżuri strutturali għandhom għalhekk normalment jieħdu forma ta' ċessjonijiet abbażi tal-avvjament ta' negozji vijabbli u indipendenti li, jekk jiġu operati minn xerrej xieraq, ikunu jistgħu jikkompetu b'mod effettiv fit-tul. F'każ li entità bħal din ma tkunx disponibbli, il-benefiċjarju jista' jikkonċedi u sussegwentement iċedi attività eżistenti u ffinanzjata kif xieraq, filwaqt li joħloq entità ġdida u vijabbli li tkun tista' tikkompeti fis-suq. Il-miżuri strutturali li jieħdu forma ta' ċessjoni tal-assi biss u ma jinvolvux il-ħolqien ta' entità vijabbli li tkun tista' tikkompeti fis-suq, huma anqas effettivi biex jippreservaw il-kompetizzjoni u għaldaqstant jiġu aċċettati biss f'każijiet eċċezzjonali fejn il-Partijiet Kontraenti kkonċernati juru li l-ebda forma oħra ta' miżuri strutturali ma tkun fattibbli jew li miżuri strutturali oħrajn ixekklu serjament il-vijabbiltà ekonomika tal-impriża. |
(81) |
Il-benefiċjarju għandu jiffaċilita ċ-ċessjonijiet, pereżempju permezz tad-delimitazzjoni tal-attivitajiet u billi jaqbel li ma jiħux il-klijenti tan-negozju ċedut. |
(82) |
Fejn jidher li jista' jkun diffiċli biex jinstab xerrej għall-assi li benefiċjarju jkun qed jipproponi li jċedi, ikun meħtieġ, hekk kif dawn id-diffikultajiet ikunu evidenti, li jiġu identifikati ċessjonijiet jew miżuri oħra li jistgħu jittieħdu fir-rigward tas-suq jew tas-swieq ikkonċernati jekk iċ-ċessjoni primarja ma tirnexxix. |
Il-miżuri ta' mġiba
(83) |
Il-miżuri ta' mġiba jimmiraw li jiżguraw li l-għajnuna tintuża biss biex tiffinanzja r-ritorn lejn il-vijabbiltà fit-tul u li din ma tiġix abbużata biex jittawlu distorsjonijiet fl-istruttura tas-suq li jkunu serji u persistenti jew biex il-benefiċjarju jiġi protett mill-kompetizzjoni sana. |
(84) |
Il-miżuri ta' mġiba li ġejjin għandhom jiġu applikati fil-każijiet kollha sabiex jiġi evitat li l-effetti tal-miżuri strutturali jiddgħajfu, u, fil-prinċipju, għandhom jiġu imposti għal kemm idum il-pjan ta' ristrutturar:
|
(85) |
F'ċirkostanzi eċċezzjonali, jista' jkun meħtieġ li l-benefiċjarji jintalbu biex ma jadottawx komportament kummerċjali li jkollu l-għan li jespandi malajr s-sehem tas-suq tagħhom marbut ma' prodotti jew swieq ġeografiċi speċifiċi billi joffru kundizzjonijiet (pereżempju fir-rigward ta' prezzijiet u kundizzjonijiet kummerċjali oħrajn) li ma jistgħux jiġu offruti minn kompetituri li ma jingħatawx għajnuna mill-Istat. Restrizzjonijiet bħal dawn jiġu applikati biss fejn ma jkunx hemm rimedju ieħor, kemm strutturali u kemm ta' mġiba, li jista' jindirizza b'mod adegwat id-distorsjonijiet tal-kompetizzjoni identifikati u fejn miżura bħal din fiha nnifisha ma tirrestrinġix il-kompetizzjoni tas-suq ikkonċernat. Għall-finijiet tal-applikazzjoni ta' dan ir-rekwiżit, l-Awtorità tqabbel il-kundizzjonijiet offruti mill-benefiċjarju ma' dawk offruti minn kompetituri kredibbli li jkollhom porzjon sostanzjali tas-suq. |
Il-miżuri ta' ftuħ fis-suq
(86) |
Fil-valutazzjoni kumplessiva tagħha, l-Awtorità tikkunsidra l-impenji possibbli mill-Parti Kontraenti marbutin mal-adozzjoni ta' miżuri, jew mill-Parti Kontraenti nnifisha jew mill-benefiċjarju, li jkunu mmirati biex jippromwovu swieq aktar miftuħin, sodi u kompetittivi, pereżempju billi jiffavorixxu d-dħul u l-ħruġ. Dan jista' jinkludi, b'mod partikolari, miżuri biex jinfetħu ċerti swieq li huma direttament jew indirettament marbutin mal-attivitajiet tal-benefiċjarju għal operaturi oħra fiż-ŻEE, skont il-liġi taż-ŻEE. Inizjattivi bħal dawn jistgħu jissostitwixxu miżuri oħrajn li jillimitaw id-distorsjoni tal-kompetizzjoni, li normalment jintalbu mingħand il-benefiċjarju. |
3.6.2.2.
(87) |
Il-miżuri għal-limitazzjoni tad-distorsjonijiet tal-kompetizzjoni għandhom jindirizzaw kemm it-tħassib dwar il-perikli morali u kemm id-distorsjonijiet possibbli fis-swieq fejn jopera l-benefiċjarju. Il-firxa ta' dawn il-miżuri tiddependi fuq diversi fatturi, bħalma huma b'mod partikolari: d-daqs u n-natura tal-għajnuna u l-kundizzjonijiet u ċ-ċirkostanzi taħt liema ngħatat; id-daqs (38) u l-importanza relattiva tal-benefiċjarju fis-suq u l-karatteristiċi tas-suq ikkonċernat; u kemm jibqa' tħassib dwar il-perikolu morali wara l-applikazzjoni ta' miżuri dwar il-kontribuzzjoni proprja u l-qsim tal-piżijiet. |
(88) |
B'mod partikolari l-Awtorità tikkunsidra d-daqs fejn xieraq, permezz ta' approssimazzjonijiet, u n-natura tal-għajnuna, kemm f'termini assoluti u kemm f'dak li għandu x'jaqsam mal-assi tal-benefiċjarju u mad-daqs tas-suq kollu. |
(89) |
Rigward id-daqs u l-importanza relattiva tal-benefiċjarju fis-suq jew fis-swieq tiegħu, kemm qabel u kemm wara r-ristrutturar, l-Awtorità se tivvalutahom sabiex tevalwa l-effetti probabbli tal-għajnuna f'dawn is-swieq meta mqabbla mar-riżultati li probabbli joħorġu li kieku ma tingħatax l-għjanuna mill-Istat. Il-miżuri se jkunu mfasslin apposta għall-karatteristiċi tas-suq (39) biex jiġi żgurat li tinżamm il-kompetizzjoni effikaċi. |
(90) |
Rigward it-tħassib dwar il-perikli morali, l-Awtorità se tivvaluta wkoll il-livell tal-kontribuzzjoni proprja u tal-qsim tal-piżijiet. Gradi ogħla tal-kontribuzzjoni proprja u tal-qsim tal-piżijiet minn dawk meħtieġa fit-taqsima 3.5.2, billi jiġi limitat l-ammont ta' għajnuna u ta' periklu morali, jistgħu jnaqqsu l-firxa tal-miżuri meħtieġa sabiex jiġu limitati d-distorsjonijiet tal-kompetizzjoni. |
(91) |
Minħabba li l-attivitajiet ta' ristrutturar jistgħu jheddu li jdgħajfu s-suq intern, miżuri li jillimitaw id-distorsjonijiet tal-kompetizzjoni li jgħinu biex jiżguraw li s-swieq nazzjonali jibqgħu miftuħin u kuntestabbli ser jiġu kkunsidrati b'mod pożittiv. |
(92) |
Il-miżuri li jillimitaw id-distorsjonijiet tal-kompetizzjoni ma għandhomx jikkompromettu l-prospetti tar-ritorn tal-benefiċjarju lejn il-vijabbiltà, li jista' jkun il-każ jekk miżura tqum ħafna flus biex tiġi implimentata jew, f'każijiet eċċezzjonali tkun sostanzjata kif suppost il-Parti Kontraenti kkonċernata, jekk tnaqqas l-attività tal-benefiċjarju sal-punt li r-ritorn tiegħu lejn il-vijabbiltà jiġi kompromess, u lanqas ma għandhom jiġu askapitu tal-konsumaturi u l-kompetizzjoni. |
(93) |
L-għajnuna biex jitkoprew il-kostijiet soċjali tar-ristrutturar tat-tip deskritt fil-punti 32 sa 35 trid tkun identifikata b'mod ċar fil-pjan ta' ristrutturar, billi l-għajnuna għall-miżuri soċjali esklużivament għall-benefiċċju tal-impjegati li jingħataw is-sensja mhix ser tiġi kkunsidrata bl-iskop li tiġi ddeterminata l-firxa tal-miżuri li jillimitaw id-distorsjonijiet tal-kompetizzjoni. Għall-ġid ta' kulħadd, l-Awtorità ser tiżgura, fil-kuntest tal-pjan ta' ristrutturar li l-effetti soċjali tar-ristrutturar fil-Partijiet Kontraenti apparti dak li jagħti l-għajnuna, jinżammu f'livell minimu. |
3.6.3.
(94) |
Fejn qabel tkun ingħatat għajnuna mhux skont il-liġi lill-impriża f'diffikultà, li fir-rigward tagħha l-Awtorità tkun adottat deċiżjoni negattiva b'ordni ta' rkupru, u fejn dan l-irkupru ma jkunx sar bi ksur tal-Artikolu 14 fil-Parti II tal-Protokoll 3 (40), il-valutazzjoni ta' kull għajnuna li skont dawn il-linji gwida għandha tingħata lill-istess impriża tieħu inkonsiderazzjoni l-ewwel nett l-effett kumulattiv tal-għajnuna li ngħatat qabel kif ukoll tal-għajnuna l-ġdida, u t-tieni l-fatt li l-għajnuna li ngħatat qabel ma tkunx tħallset lura (41). |
3.6.4.
(95) |
L-Awtorità tista' timponi kwalunkwe kundizzjoni u obbligu li tikkunsidra neċessarji biex tiżgura li l-għajnuna ma toħloqx distorsjoni fil-kompetizzjoni sa punt li jmur kontra l-interess komuni, fil-każ li l-Parti Kontraenti kkonċernata ma tkunx ħadet l-impenn li tadotta dispożizzjonijiet bħal dawn. Pereżempju, tista' tirrikjedi li l-Parti Kontraenti tieħu ċerti miżuri hi stess, timponi ċerti obbligi fuq il-benefiċjarju, jew tieqaf milli tagħti tipi oħra ta' għajnuna lill-benefiċjarju tul il-perjodu ta' ristrutturar. |
3.7. Transparenza
(96) |
Il-Partijiet Kontraenti jiżguraw il-pubblikazzjoni tal-informazzjoni li ġejja fuq websajt komprensiva dwar l-għajnuna mill-Istat, f'livell nazzjonali jew reġjonali:
Tali rekwiżit jista' jitneħħa fir-rigward tal-għotjiet ta' għajnuna individwali inqas minn EUR 500 000. Għal skemi ta' għajnuna fil-forma ta' benefiċċju fuq it-taxxa, l-informazzjoni dwar l-ammonti ta' għajnuna individwali (43) tista' tiġi pprovduta fil-firxiet li ġejjin (f'EUR miljuni): [0,5–1]; [1-2]; [2-5]; [5-10]; [10-30]; [30 u aktar]. Din l-informazzjoni trid tiġi ppubblikata wara li d-deċiżjoni tal-għoti tal-għajnuna tkun ittieħdet, trid tinżamm għal mill-inqas 10 snin u trid tkun disponibbli mingħajr restrizzjonijiet għall-pubbliku ġenerali. (44) Il-Partijiet Kontraenti ma jeħtiġilhomx jippubblikaw din l-informazzjoni msemmija hawn fuq qabel l-1 ta' Lulju 2016 (45). |
4. L-għajnuna għar-ristrutturar f'żoni megħjuna
(97) |
Fuq il-bażi tal-Artikolu 61(3)(a) u l-Artikolu 61(3)(c) tal-Ftehim ŻEE, l-Awtorità tista' tikkunsidra l-għajnuna mill-Istat mogħtija biex tippromwovi l-iżvilupp ekonomiku ta' ċerti żoni żvantaġġjati fiż-ŻEE bħala kompatibbli mal-funzjonament tal-Ftehim ŻEE. L-Awtorità għaldaqstant se tikkunsidra l-bżonnijiet tal-iżvilupp reġjonali meta tivvaluta l-għajnuna għar-ristrutturar f'żoni megħjuna. Il-fatt li impriża f'diffikultà tinsab f'żona megħjuna madankollu, ma jiġġustifikax approċċ permissiv fl-għajnuna għar-ristrutturar: fuq perjodu taż-żmien medju u twil, reġjun ma jiġix megħjun billi l-kumpaniji jiġu sostnuti b'mod artifiċjali. Barra minn hekk, sabiex jiġi promoss l-iżvilupp reġjonali huwa fl-aħjar interess tar-reġjun stess li japplika r-riżorsi tiegħu b'tali mod li jiġu żviluppati l-attivitajiet li huma vijabbli u sostenibbli. Fl-aħħar nett, id-distorsjonijiet tal-kompetizzjoni jridu jiġu minimizzati anki fil-każ tal-għajnuna lill-impriżi f'żoni megħjuna. F'dan il-kuntest, iridu jiġu kkunsidrati wkoll l-effetti negattivi possibbli ta' riperkussjoni li jistgħu jseħħu fiż-żona kkonċernata u f'żoni oħra megħjuna. |
(98) |
Għaldaqstant, il-kriterji elenkati fil-Kapitolu 3 huma applikabbli bl-istess mod għaż-żoni megħjuna, anki meta jitqiesu l-bżonnijiet għall-iżvilupp reġjonali. Madankollu, fiż-żoni megħjuna, u sakemm ma jiġix speċifikat mod ieħor fir-regoli dwar l-għajnuna mill-Istat f'settur partikolari, l-Awtorità tapplika d-dispożizzjonijiet tat-taqsima 3.6.2 dwar il-miżuri li jillimitaw id-distorsjonijiet tal-kompetizzjoni sabiex jiġu limitati l-impatti sistemiċi negattivi għar-reġjun. Dan jista' jinvolvi, b'mod partikolari, rekwiżiti inqas restrinġenti f'termini ta' tnaqqis fil-kapaċità jew ta' preżenza fis-suq. F'każijiet bħal dawn issir distinzjoni bejn iż-żoni li huma eleġibbli għall-għajnuna reġjonali skont l-Artikolu 61(3)(a) tal-Ftehim ŻEE u dawk li huma eleġibbli skont l-Artikolu 61(3)(c), biex jiġu kkunsidrati l-problemi reġjonali l-aktar gravi fiż-żoni ta' qabel. Meta ċ-ċirkostanzi speċifiċi taż-żoni megħjuna jirrikjedu li jsir dan, pereżempju fejn benefiċjarju jaffaċċja diffikultajiet partikolari biex jiġbor finanzi ġodda mis-suq minħabba li jkun jinsab f'żoni megħjuna, l-Awtorità tista' taċċetta kontribuzzjoni li tkun anqas minn 50 % tal-kostijiet ta' ristrutturar skont il-punt 64. |
5. L-għajnuna lill-fornituri tas-SIEĠ f'diffikultà
(99) |
Fil-valutazzjoni tagħha tal-għajnuna mill-Istat lill-fornituri tas-SIEĠ f'diffikultà, l-Awtorità tikkunsidra n-natura speċifika tas-SIEĠ u, b'mod partikolari, l-bżonn li tiġi żgurata l-kontinwità fis-servizz skont l-Artikolu 59(2) tal-Ftehim ŻEE. |
(100) |
Il-fornituri tas-SIEĠ jistgħu jitolbu l-għajnuna mill-Istat sabiex ikomplu jipprovdu s-SIEĠ b'kundizzjonijiet li jkunu kumpatibbli mal-vijabbiltà tagħhom fuq terminu twil. Għaldaqstant, għall-finijiet tal-punt 47, ir-ritorn lejn il-vijabbiltà fit-tul jista' jkun ibbażat b'mod partikolari fuq is-suppożizzjoni li kull għajnuna mill-Istat li tissodisfa r-rekwiżiti ta' kompatibbiltà tal-Qafas tas-SIEĠ (46), tad-Deċiżjoni dwar is-SIEĠ (47), tar-Regolament (KE) Nru 1370/2007 tal-Parlament u tal-Kunsill (48), tar-Regolament (KE) Nru 1008/2008 tal-Parlament u tal-Kunsill (49), u tal-Linji gwida dwar l-Avjazzjoni (50) jew tar-Regolament tal-Kunsill (KEE) Nru 3577/92 (51) u tal-Linji Gwida Marittimi (52), se tibqa' disponibbli għal kemm idum l-inkarigu fis-seħħ qabel il-perjodu ta' ristruttturar jew matulu. |
(101) |
Meta l-Awtorità tivvaluta l-għajnuna lill-fornituri tas-SIEĠ f'diffikultà skont dawn il-linji gwida, hija ser tikkunsidra l-għajnuna kollha mill-Istat li tkun ingħatat lill-fornitur inkwistjoni, inkluż kwalunkwe kumpens għall-obbligi ta' servizz pubbliku. Madankollu, billi l-fornituri tas-SIEĠ jistgħu jġibu porzjon kbir mid-dħul normali tagħhom mill-kumpens tas-servizzi pubbliċi, l-ammont totali tal-għajnuna ddeterminat b'dan il-mod jista' jkun kbir ħafna meta mqabbel mad-daqs tal-benefiċjarju u dan, rigward ir-ristrutturar tiegħu, jista' jagħti sovrastima tal-piż li jiswa lill-Istat. Għaldaqstant, meta tiġi ddeterminata l-kontribuzzjoni proprja meħtieġa fit-taqsima 3.5.2.1, l-Awtorità ser tinjora kwalunkwe kumpens tas-servizz pubbliku li jissodisfa r-rekwiżiti ta' kumpatibbiltà tal-Qafas tas-SIEĠ, tad-Deċiżjoni dwar is-SIEĠ jew tar-Regolament (KE) Nru 1370/2007 jew tar-Regolament (KE) Nru 1008/2008 u l-Linji Gwida dwar l-Avjazzjoni, jew ir-Regolament tal-Kunsill (KEE) Nru 3577/92 u l-Linji Gwida Marittimi. |
(102) |
Sakemm l-assi jkunu neċessarji biex jiġu fornuti s-SIEĠ, jista' ma jkunx prattikabbli li tintalab iċ-ċessjoni ta' assi bħal dawn permezz ta' miżuri biex jiġu limitati d-distorsjonijiet tal-kompetizzjoni għall-finijiet tat-taqsima 3.6.2. F'każijiet bħal dawn, l-Awtorità tista' titlob li jittieħdu miżuri alternattivi biex jiġi żgurat li l-kompetizzjoni ma tiġix mgħawġa b'tali mod li tmur kontra l-interess komuni, b'mod partikolari billi tiġi introdotta, malajr kemm jista' jkun, il-kompetizzjoni ġusta għas-SIEĠ inkwistjoni. |
(103) |
Meta fornitur tas-SIEĠ ma jkunx jista' jikkonforma mal-kundizzjonijiet ta' dawn il-linji gwida, l-għajnuna inkwistjoni ma titqiesx kumpatibbli. F'każijiet bħal dawn madankollu, l-Awtorità tista' tawtorizza l-ħlas ta' għajnuna bħal din skont il-ħtieġa, sabiex tiġi żgurata l-kontinwità tas-SIEĠ, sakemm fornitur ġdid jingħata s-servizz. L-Awtorità tawtorizza biss l-għajnuna meta l-Parti Kontraenti kkonċernata turi, abbażi ta' raġunijiet oġġettivi, li l-għajnuna hija strettament limitata għall-ammont u t-tul taż-żmien indispensabbli sabiex fornitur ġdid jingħata s-servizz. |
6. L-iskemi ta' għajnuna għal ammonti iżgħar ta' għajnuna u benefiċjarji iżgħar
6.1. Il-kundizzjonijiet ġenerali
(104) |
Jekk il-Partijiet Kontraenti jixtiequ jipprovdu għajnuna skont dawn il-linji gwida lil SMEs jew lil impriżi pubbliċi iżgħar, din l-għajnuna għandha normalment tingħata taħt skemi. L-użu tal-iskemi jgħin sabiex jiġu limitati d-distorsjonijiet tal-kompetizzjoni marbuta mal-periklu morali, billi jippermetti lil Parti Kontraenti biex tagħmel stqarrija ċara ex ante dwar liema huma l-kundizzjonijiet li taħthom tista' tiddeċiedi li tagħti l-għajnuna lill-impriżi f'diffikultà. |
(105) |
L-iskemi jridu jispeċifikaw l-ammont massimu ta' għajnuna li tista' tingħata lil impriża partikolari bħala parti minn operazzjoni biex tingħata l-għajnuna għas-salvataġġ, l-għajnuna għar-ristrutturar jew appoġġ temporanju għar-ristrutturar, inkluż meta l-pjan ikun immodifikat. L-ammont totali massimu ta' għajnuna mogħti lil kull impriża ma jistax ikun aktar minn EUR 10 miljun, inkluża kull għajnuna li tinkiseb minn sorsi oħra jew skemi oħra. |
(106) |
Għalkemm il-kompatibilità ta' dawn l-iskemi ġeneralment tiġi vvalutata abbażi tal-kundizzjonijiet stipulati fil-Kapitoli 3, 4 u 5, huwa xieraq li f'ċerti rigwardi jiġu previsti kondizzjonijiet issimplifikati, sabiex il-Partijiet Kontraenti jkunu jistgħu japplikaw dawn il-kundizzjonijiet mingħajr ma jerġgħu jirrikorru għand l-Awtorità, u sabiex jitnaqqas il-piż fuq l-SMEs u impriżi pubbliċi iżgħar li jridu jagħtu l-informazzjoni meħtieġa. Minħabba d-daqs żgħir tal-ammonti ta' għajnuna u l-benefiċjarji involuti, l-Awtorità tikkunsidra li l-potenzjal ta' distorsjonijiet sinifikanti fil-kompetizzjoni huwa aktar limitat f'dawn il-każijiet. Għalhekk, id-dispożizzjonijiet tal-Kapitoli 3, 4 u 5 japplikaw għal dawn l-iskemi mutatis mutandis, ħlief meta stipulat mod ieħor fit-Taqsimiet 6.2, 6.3, 6.4 u 6.5. Dan il-kapitolu jinkludi wkoll dispożizzjonijiet dwar l-appoġġ temporanju għar-ristrutturar u dwar it-tul ta' żmien u l-evalwazzjoni tal-iskemi. |
6.2. Għan ta' interess komuni
(107) |
Filwaqt li l-falliment ta' SME individwali (53) x'aktarx ma jinvolvix il-livell ta' tbatija soċjali jew il-falliment tas-suq meħtieġ għall-finijiet tal-punt 44, hemm tħassib akbar b'rabta mal-SMEs minħabba li l-valur jista' jintilef meta l-SMEs li jkollhom il-potenzjal li jirristrutturaw, biex b'hekk jerġgħu jsiru vijabbli fit-tul, ma jkollhomx iċ-ċans li jagħmlu dan minħabba problemi ta' likwidità. Għaldaqstant, fir-rigward tal-għoti tal-għajnuna skont skemi, huwa biżżejjed li Parti Kontraenti turi li l-falliment tal-benefiċjarju x'aktarx jinvolvi tbatija soċjali jew il-falliment tas-suq, b'mod partikolari li:
|
(108) |
B'deroga mill-punt 50, il-benefiċjarji fl-iskemi mhux se jkunu meħtieġa li jippreżentaw stħarriġ tas-suq. |
6.3. L-adegwatezza
(109) |
Ir-rekwiżit stipulat fil-punt 55(d) jiġi kkunsidrat milħuq dejjem jekk l-għajnuna għas-salvataġġ tingħata għal mhux aktar minn sitt xhur, tul liema perjodu għandha ssir analiżi dwar il-pożizzjoni tal-benefiċjarju. Qabel it-tmiem ta' dan il-perjodu:
|
(110) |
B'deroga mill-punt 57, il-Partijiet Kontraenti mhux ser ikunu meħtieġa li jivvalutaw jekk ir-remunerazzjoni stabbilita skont il-punt 56 tirrappreżentax parametru referenzjarju xieraq. |
6.4. Il-proporzjonalità tal-għajnuna/għajnuna limitata għall-minimu
(111) |
B'deroga mill-punt 64, il-Partijiet Kontraenti jistgħu jikkunsidraw li kontribuzzjoni proprja tkun adegwata jekk tammonta għal mill-inqas 40 % tal-kostijiet għar-ristrutturar fil-każ ta' impriżi ta' daqs medju, jew għal 25 % tal-kostijiet għar-ristrutturar fil-każ ta' impriżi żgħar. |
6.5. L-effetti negattivi
(112) |
Parti Kontraenti li għandha l-intenzjoni li tagħti għajnuna għas-salvataġġ, għajnuna għar-ristrutturar jew appoġġ temporanju għar-ristrutturar, trid tivverifika jekk jitħarisx il-prinċipju ‘tal-ewwel u tal-aħħar darba’ stipulat fit-Taqsima 3.6.1. Għal dan l-għan, il-Parti Kontraenti trid tispeċifika jekk l-impriża kkonċernata tkunx diġà rċeviet għajnuna ta' salvataġġ, għajnuna għar-ristrutturar jew appoġġ temporanju għar-ristrutturar fl-imgħoddi, inkluża kull għajnuna ta' din ix-xorta mogħtija qabel id-dħul fis-seħħ ta' dawn il-linji gwida u kull għajnuna oħra mhix notifikata. Jekk dan ikun il-każ, u fejn ikunu għaddew anqas minn 10 snin minn meta tkun ingħatat l-għajnuna għas-salvataġġ jew l-appoġġ temporanju għar-ristrutturar jew minn meta jkun intemm il-perjodu ta' ristrutturar jew minn meta tkun twaqqfet l-implimentazzjoni tal-pjan ta' ristrutturar (skont liema minn dawn ikun seħħ l-aktar tard), ma tistax tingħata aktar għajnuna għas-salvataġġ, għajnuna għar-ristrutturar jew appoġġ temporanju għar-ristrutturar ħlief:
|
(113) |
Il-miżuri li jillimitaw id-distorsjonijiet tal-kompetizzjoni x'aktarx ikollhom impatt sproporzjonat fuq l-impriżi ż-żgħar, b'mod partikolari minħabba l-piż li fihom dawn il-miżuri biex jitwettqu. Għalhekk, b'deroga mill-punt 76, il-Partijiet Kontraenti mhumiex obbligati li jesiġu miżuri bħal dawn minn impriżi żgħar, ħlief meta jkun stipulat mod ieħor mir-regoli dwar l-għajnuna mill-Istat f'settur partikolari. Madankollu, l-impriżi ż-żgħar normalment ma għandhomx iżidu l-kapaċità tagħhom waqt il-perjodu ta' ristrutturar. |
6.6. Appoġġ temporanju għar-ristrutturar
(114) |
F'ċerti każijiet, jista' jkun possibbli għal impriża li tlesti r-ristrutturar mingħajr ma tkun teħtieġ l-għajnuna għar-ristrutturar, dejjem jekk jirnexxielha tikseb appoġġ itwal ta' likwidità minn dak li jkun disponibbli bil-kundizzjonijiet tal-għajnuna għas-salvataġġ. Il-Partijiet Kontraenti jistgħu jwaqqfu skemi li jippermettu l-appoġġ ta' likwidità għal perjodu itwal minn sitt xhur (imsejjaħ ‘appoġġ temporanju għar-ristrutturar’), bil-kundizzjonijiet stabbiliti hawn taħt. |
(115) |
L-appoġġ temporanju għar-ristrutturar irid jissodisfa l-kundizzjonijiet li ġejjin:
|
(116) |
Ir-remunerazzjoni għall-appoġġ temporanju għar-ristrutturar għandha tiġi stabbilita għal rata li ma tkunx aktar baxxa mir-rata ta' referenza fil-Linji Gwida dwar ir-Rata ta' Referenza għal impriżi dgħajfa li joffru livelli normali ta' kollateralizzazzjoni (bħalissa IBOR ta' sena flimkien ma' 400 punt bażi) (54). Biex jiġu pprovduti inċentivi għall-ħruġ, ir-rata għandha tiżdied b'mhux inqas minn 50 punt bażi ladarba jkunu għaddew 12-il xahar minn meta jkun seħħ l-iżborż tal-ewwel pagament parzjali lill-benefiċjarju (jitnaqqas kull perjodu immedjatament preċedenti ta' għajnuna għas-salvataġġ). |
(117) |
L-appoġġ temporanju għar-ristrutturar għandu jkun ristrett għall-ammont meħtieġ biex il-benefiċjarju jibqa' jopera n-negozju għal 18-il xahar; fid-determinazzjoni ta' dan l-ammont għandu jiġi kkunsidrat ir-riżultat tal-formula stabbilita fl-Anness I; kull għajnuna li taqbeż ir-riżultat ta' dak il-kalkolu tista' tingħata biss jekk tkun debitament iġġustifikata permezz ta' pjan ta' likwidità li jistabbilixxi l-ħtiġijiet ta' likwidità tal-benefiċjarju għat-18-il xahar li ġejjin. |
6.7. It-tul ta' żmien u l-evalwazzjoni
(118) |
L-Awtorità tista' titlob lill-Partijiet Kontraenti biex jillimitaw it-tul ta' żmien ta' ċerti skemi (normalment għal erba' snin jew anqas) u biex iwettqu evalwazzjoni ta' dawn l-iskemi. |
(119) |
Se jkunu meħtieġa evalwazzjonijiet għal skemi fejn id-distorsjonijiet potenzjali jkunu partikolarment għoljin, jiġifieri skemi fejn ikun hemm riskju ta' restrizzjonijiet sinifikanti fil-kompetizzjoni jekk l-implimentazzjoni tagħhom ma tiġix rieżaminata f'waqtha. |
(120) |
Minħabba l-objettivi u sabiex ma jiġux imposti piżijiet sproporzjonati fuq il-Partijiet Kontraenti fir-rigward ta' proġetti ta' għajnuna iżgħar, dan japplika biss għal skemi ta' għajnuna li jkollhom baġits kbar jew li jkollhom karatteristiċi ġodda, jew meta jkunu antiċipati bidliet sinifikanti fis-suq, fit-teknoloġija jew bidliet regolatorji. L-evalwazzjoni trid ssir minn espert indipendenti mill-awtorità tal-Istat li tawtorizza l-għajnuna, abbażi ta' metodoloġija komuni (55), u trid ssir pubblika. L-evalwazzjoni għandha tiġi ppreżentata l-Awtorità fil-ħin sabiex tkun tista' ssir valutazzjoni dwar il-possibilità ta' estensjoni tal-iskema tal-għajnuna, u f'kull każ meta tiskadi l-iskema. L-għan preċiż tal-evalwazzjoni u kif din għandha ssir se jiġu definiti fid-deċiżjoni li tapprova l-miżura ta' għajnuna. Kwalunkwe miżura ta' għajnuna sussegwenti b'għan simili trid tqis ir-riżultati tal-evalwazzjoni. |
7. Il-proċeduri
7.1. Il-proċedura aċċellerata għall-għajnuna għas-salvataġġ
(121) |
Sa fejn jista' jkun possibbli, l-Awtorità ser tistinka biex tieħu deċiżjoni fi żmien perjodu ta' xahar fir-rigward tal-għajnuna għas-salvataġġ li tikkonforma mal-kundizzjonijiet kollha stipulati fil-Kapitolu 3 u mar-rekwiżiti kumulattivi li ġejjin:
|
7.2. Il-proċeduri relatati mal-pjanijiet ta' ristrutturar
7.2.1.
(122) |
Il-benefiċjarju jrid jimplimenta kompletament il-pjan ta' ristrutturar u jrid josserva kull obbligu ieħor stipulat fid-deċiżjoni tal-Awtorità li tawtorizza l-għajnuna. L-Awtorità tikkunsidra bħala użu skorrett tal-għajnuna kull nuqqas ta' implimentazzjoni tal-pjan jew meta ma jitwettqux l-obbligi l-oħra, mingħajr ħsara għall-Artikolu 23 fil-Parti II tal-Protokoll 3 jew għall-possibbiltà ta' azzjoni fil-Qorti tal-EFTA l-Artikolu 1(2) fil-Parti I tal-Protokoll 3. |
(123) |
Fejn l-operazzjonijiet ta' ristrutturar ikopru diversi snin u jinvolvu ammonti sostanzjali ta' għajnuna, l-Awtorità tista' titlob li l-ħlas tal-għajnuna għar-ristrutturar jinqasam fi ħlasijiet parzjali u kull ħlas parzjali jista' jsir suġġett għal:
|
7.2.2.
(124) |
Fejn l-għajnuna għar-ristrutturar tkun ġiet approvata, il-Parti Kontraenti kkonċernata tista', waqt il-perjodu ta' ristrutturar, titlob lill-Awtorità tapprova l-bidliet fil-pjan ta' ristrutturar u l-ammont ta' għajnuna. L-Awtorità tista' tippermetti bidliet bħal dawn meta jissodisfaw il-kundizzjonijiet li ġejjin:
|
(125) |
Jekk il-kundizzjonijiet imposti mill-Awtorità jew l-impenji mogħtija mill-Parti Kontraenti ma jibqgħux daqstant restrinġenti, l-ammont tal-għajnuna għandu jitnaqqas b'mod korrispondenti jew jistgħu jiġu imposti kundizzjonijiet oħra. |
(126) |
Jekk il-Parti Kontraenti kkonċernata tintroduċi bidliet fi pjan ta' ristrutturar approvat mingħajr ma tinforma lill-Awtorità kif xieraq, jew jekk il-benefiċjarju ma jimxix mal-pjan ta' ristrutturar approvat, l-Awtorità tibda l-proċedimenti skont l-Artikolu 4(4) tal-Parti II tal-Protokoll 3, kif inhu previst fl-Artikolu 16 tal-Parti II tal-Protokoll 3 (l-użu skorrett tal-għajnuna), mingħajr ħsara għall-Artikolu 23 tal-Parti II tal-Protokoll 3 u għall-possibbiltà ta' azzjoni fil-Qorti tal-EFTA skont l-Artikolu 1(2) tal-Parti I tal-Protokoll 3. |
7.2.3.
(127) |
Meta l-għajnuna għar-ristrutturar tiġi eżaminata skont dawn il-linji gwida, l-għoti ta' kull għajnuna oħra tul il-perjodu ta' ristrutturar, anki jekk ikun skont skema li diġà tkun ġiet awtorizzata, għandu ċans li jinfluwenza l-valutazzjoni tal-Awtorità rigward il-firxa tal-miżuri meħtieġa biex jiġu limitati d-distorsjonijiet tal-kompetizzjoni. |
(128) |
Għaldaqstant, in-notifikazzjonijiet għall-għajnuna għar-ristruttruar iridu jindikaw kull tip ta' għajnuna oħra li hemm ippjanata li tingħata lill-benefiċjarju tul il-perjodu ta' ristrutturar, sakemm ma tkunx koperta mir-regola de minimis jew mir-regoli ta' eżenzjoni. L-Awtorità tikkunsidra din l-għajnuna meta tivvaluta l-għajnuna għar-ristrutturar. |
(129) |
Kull għajnuna li tingħata tul il-perjodu ta' ristrutturar, inkluża l-għajnuna mogħtija skont skema approvata, trid tkun innotifikata individwalment lill-Awtorità, saħansitra anki jekk din tal-aħħar ma tkunx ġiet infurmata dwarha fi żmien id-deċiżjoni tagħha dwar l-għajnuna għar-ristrutturar. |
(130) |
L-Awtorità tiżgura li l-għoti tal-għajnuna skont l-iskemi approvati ma jkunx jista' jikkawża l-ksur tar-rekwiżiti ta' dawn il-linji gwida. |
8. Ir-rappurtar u l-monitoraġġ
(131) |
Skont il-Protokoll 3, il-Partijiet Kontraenti għandhom jippreżentaw rapporti annwali lill-Awtorità. Dawn ir-rapporti annwali jiġu ppubblikati fuq il-websajt tal-Awtorità. |
(132) |
L-Awtorità, meta tadotta deċiżjoni skont dawn il-linji gwida, tista' timponi obbligi addizzjonali ta' rappurtar rigward l-għajnuna mogħtija sabiex jiġi vverifikat jekk id-deċiżjoni li tkun approvat l-miżura tal-għajnuna tkunx ġiet rispettata. F'ċerti każijiet, l-Awtorità tista' tirrikjedi l-ħatra ta' fiduċjarju ta' monitoraġġ, fiduċjarju ta' ċessjoni jew it-tnejn li huma, biex jiżguraw konformità ma' kull kundizzjoni u obbligu marbut mal-approvazzjoni tal-għajnuna. |
9. Miżuri xierqa kif imsemmija fl-Artikolu 1(1) tal-Parti I tal-Protokoll 3
(133) |
Skont l-Artikolu 62(1) tal-Ftehim ŻEE u l-Artikolu 1(1) tal-Parti I tal-Protokoll 3, l-Awtorità tipproponi li l-Partijiet Kontraenti jemendaw, fejn meħtieġ, l-iskemi ta' għajnuna eżistenti tagħhom sabiex iġibuhom konformi ma' dawn il-linji gwida sa mhux aktar tard mill-1 ta' Frar 2015. L-Awtorità ser tagħmel l-awtorizzazzjoni ta' kull skema futura kundizzjonali fuq il-konformità ma' dawn id-dispożizzjonijiet. |
(134) |
Il-Partijiet Kontraenti huma mistiedna jagħtu l-approvazzjoni espliċita u bla kundizzjoni tagħhom għall-miżuri xierqa proposti fil-punt 133 fi żmien xahrejn mid-data tal-pubblikazzjoni ta' dawn il-linji gwida fuq il-websajt tal-Awtorità. Fin-nuqqas ta' risposta minn xi Parti Kontraenti, l-Awtorità tassumi li l-Parti Kontraenti inkwistjoni ma taqbilx mal-miżuri proposti. |
10. Id-data tal-applikazzjoni u t-tul ta' żmien
(135) |
L-Awtorità ser tapplika dawn il-linji gwida b'effett mid-data tal-adozzjonisal-31 ta' Diċembru 2020. |
(136) |
In-notifiki rreġistrati mill-Awtorità qabel id-data tal-adozzjoni se jiġu eżaminati fid-dawl tal-kriterji fis-seħħ fi żmien in-notifika. |
(137) |
L-Awtorità ser teżamina l-kompatibilità mal-funzjonament tal-Ftehim ŻEE ta' kwalunkwe għajnuna għas-salvataġġ jew għar-ristrutturar mogħtija mingħajr l-awtorizzazzjoni tagħha u għalhekk li tkun qed tikser l-Artikolu 1(3) tal-Parti I tal-Protokoll 3 abbażi ta' dawn il-linji gwida jekk ftit mill-għajnuna jew l-għajnuna kollha tingħata wara l-pubblikazzjoni tagħha fil-websajt tal-Awtorità. |
(138) |
Fil-każijiet l-oħra kollha, ser twettaq l-eżami abbażi tal-linji gwida li kienu japplikaw fiż-żmien ta' meta ngħatat l-għajnuna. |
(139) |
Minkejja d-dispożizzjonijiet tal-punti 136, 137, u 138, l-Awtorità ser tapplika d-dispożizzjonijiet tal-Kapitolu 5 mid-data tal-adozzjoni meta teżamina l-għajnuna lill-fornituri tas-SIEĠ f'diffikultà, irrispettivament minn meta din l-għajnuna tkun ġiet innotifikata jew mogħtija. |
(140) |
Meta, bis-saħħa tal-paragrafu 9 tal-Qafas tas-SIEĠ, l-Awtorità teżamina skont dawn il-linji gwida kwalunkwe għajnuna mogħtija lil fornitur tas-SIEĠ f'diffikultà qabel il-31 ta' Jannar 2012, se tqis li din l-għajnuna hija kompatibbli mal-funzjonament tal-Ftehim ŻEE jekk tikkonforma mad-dispożizzjonijiet tal-Qafas tas-SIEĠ, bl-eċċezzjoni tal-paragrafi 9, 14, 19, 20, 24, 39 u 60. |
ANNESS I
IL-FORMULA (56) GĦALL-KALKOLU TAL-AMMONT MASSIMU TA' GĦAJNUNA GĦAS-SALVATAĠĠ JEW TA' APPOĠĠ TEMPORANJU GĦAR-RISTRUTTURAR GĦAL PERJODI TA' SITT XHUR
Din il-formula hija bbażata fuq l-introjtu operatorju tal-benefiċjarju (EBIT, il-qligħ qabel l-imgħax u t-taxxa) irreġistrat fis-sena qabel ma ngħatat/ġiet nnotifikata l-għajnuna (muri b't). Ma' dan l-ammont reġa' ġie miżjud id-deprezzament. Imbagħad il-bidliet fil-kapital operatorju jridu jitnaqqsu mit-total. Il-bidla fil-kapital operatorju tiġi kkalkolata bħala d-differenza bejn l-assi kurrenti u l-obbligazzjonijiet kurrenti (57) għall-perjodi magħluqa ta' kontabbiltà l-aktar reċenti. Bl-istess mod, kull dispożizzjoni fil-livell ta' introjtu operatorju trid tiġi indikata b'mod ċar u r-riżultat ma għandux jinkludi dispożizzjonijiet bħal dawn.
Il-formula timmira li tistma l-fluss tal-flus operattiv negattiv tal-benefiċjarju fis-sena ta' qabel l-applikazzjoni għall-għajnuna (jew qabel l-għoti tal-għajnuna fil-każ tal-għajnuna mhux notifikata). Nofs dan l-ammont għandu jżomm lill-benefiċjarju fin-negozju għal perjodu ta' sitt xhur. Għaldaqstant, ir-riżultat tal-formola jrid jiġi diviż bi 2 għall-finijiet tal-punt 60. Għall-finijiet tal-punt 117 ir-riżultat tal-formula jrid jiġi mmultiplikat b'1,5.
Din il-formula tista' tiġi applikata biss meta r-riżultat ikun ammont negattiv. Jekk twassal għal riżultat pożittiv, jeħtieġ li tiġi ppreżentata spejgazzjoni ddettaljata li turi li l-benefiċjarju huwa impriża f'diffikultà kif inhu definit fil-punt 20.
Eżempju:
Qligħ qabel l-imgħax u t-taxxi (EUR miljun) |
(12) |
|
Deprezzament (EUR miljun) |
2 |
|
Karta bilanċjali (EUR miljun) |
31 ta' Diċembru, t |
31 ta' Diċembru, t – 1 |
Assi kurrenti |
||
Flus jew ekwivalenti |
10 |
5 |
Kontijiet riċevibbli |
30 |
20 |
Inventarji |
50 |
45 |
Spejjeż imħallsin minn qabel |
20 |
10 |
Assi kurrenti oħra |
20 |
20 |
Assi kurrenti totali |
130 |
100 |
Obbligazzjonijiet kurrenti |
||
Kontijiet pagabbli |
20 |
25 |
Spejjeż akkumulati |
15 |
10 |
Dħul diferit |
5 |
5 |
Obbligazzjonijiet kurrenti totali |
40 |
40 |
Kapital operatorju |
90 |
60 |
Bidla fil-kapital operatorju |
30 |
[– 12 + 2 – 30]/2 = – EUR 20 miljun.
Billi r-riżultat tal-formula huwa ogħla minn EUR 10 miljun, il-proċedura aċċellerata deskritta fil-punt 121 ma tistax tintuża. Barra minn hekk, f'dan l-eżempju, jekk l-ammont tal-għajnuna għas-salvataġġ jaqbeż l-EUR 20 miljun jew l-ammont tas-sostenn temporanju għar-ristrutturar jaqbeż is-EUR 60 miljun, l-ammont ta' għajnuna jrid jiġi adegwatament iġġustifikat bil-preżentazzjoni ta' pjan ta' likwidità li jistabbilixxi l-ħtiġijiet ta' likwidità tal-benefiċjarju.
ANNESS II
Mudell indikattiv ta' pjan ta' ristrutturar
Dan l-Anness jistabbilixxi tabella indikattiva ta' kontenuti għal pjan ta' ristrutturar, biex tassisti lill-Partijiet Kontraenti u lill-Awtorità fit-tħejjija u r-rieżami tal-pjanijiet ta' ristrutturar tagħhom bl-aktar mod effiċjenti possibbli.
L-informazzjoni stabbilita hawn taħt hija mingħajr preġudizzju għar-rekwiżiti aktar dettaljati stabbiliti fil-linji gwida li jikkonċernaw il-kontenut ta' pjan ta' ristrutturar u l-kwistjonijiet l-oħrajn li għandhom jintwerew mill-Parti Kontraenti kkonċernata.
1. |
Deskrizzjoni tal-benefiċjarju |
2. |
Deskrizzjoni tas-suq jew is-swieq fejn jopera l-benefiċjarju |
3. |
Prova tat-tbatija soċjali li l-għajnuna timmira li tipprevjeni jew il-falliment tas-suq li timmira li tindirizza, tqabbil ma' xenarju alternattiv kredibbli li ma jinvolvix għajnuna mill-Istat, li turi kif tali objettiv jew objettivi ma jintlaħqux, jew kieku jintlaħqu fi grad inferjuri, fil-każ tax-xenarju alternattiv. |
4. |
Deskrizzjoni tas-sorsi tad-diffikultajiet tal-benefiċjarju (inkluża valutazzjoni tar-rwol ta' kull nuqqas fil-mudell tan-negozju tal-benefiċjarju jew fis-sistema ta' governanza korporattiva li ħolqu dawn id-diffikultajiet, u kemm dawn id-diffikultajiet setgħu ġew evitati permezz ta' azzjoni ta' ġestjoni xierqa u f'waqtha) u analiżi SWOT |
5. |
Dekrizzjoni ta' pjanijiet possibbli biex jiġu rrimedjati l-problemi tal-benefiċjarju u t-tqabbil ta' dawn il-pjanijiet f'termini tal-ammont tal-għajnuna mill-Istat meħtieġa u r-riżultati antiċipati ta' dawn il-pjanijiet |
6. |
Deskrizzjoni tal-intervent mill-Istat, id-dettalji kompluti ta' kull miżura mill-Istat (inkluża l-forma, l-ammont u r-rimunerazzjoni ta' kull miżura) u t-turija li l-istrumenti tal-għajnuna mill-Istat magħżulin huma xierqa għall-kwistjonijiet li huma maħsuba biex jindirizzaw |
7. |
Ħarsa ħafifa lejn il-proċess biex jiġi implimentat il-pjan preferut bil-għan li jkun hemm ritorn lejn il-vijabbiltà tal-benefiċjarju fuq terminu twil fi żmien raġonevoli (fil-prinċipju, ma għandux jaqbeż it-tliet snin), inkluża skeda ta' azzjonijiet u kalkolu tal-kostijiet ta' kull azzjoni |
8. |
Pjan ta' direzzjoni ta' negozju li jistabbilixxi l-projezzjonijiet finanzjarji għall-ħames snin li ġejjin u li juri r-ritorn lejn il-vijabbiltà fuq terminu twil |
9. |
Prova li reġa' hemm vijabbiltà kemm f'xenarju ta' referenza kif ukoll f'xenarju pessimistiku, preżentazzjoni u ġustifikazzjoni abbażi ta' stħarriġ tas-suq tas-suppożizzjonijiet użati u analiżi tas-sensittività |
10. |
Miżuri proposti ta' kontribuzzjoni proprja u ta' qsim tal-piżijiet |
11. |
Miżuri proposti biex jillimitaw id-distorsjonijiet tal-kompetizzjoni |
(1) Dawn il-linji gwida jikkorrispondi għal-linji gwida tal-Kummissjoni Ewropea dwar l-għajnuna mill-Istat għas-salvataġġ u r-ristrutturar ta' impriżi mhux finanzjarji f'diffikultà adottati fid-9 ta' Lulju 2014 (ĠU C 249, 31.7.2014, p. 1).
(2) Id-Deċiżjoni Nru 4/94/COL (ĠU L 231, 3.9.1994, p. 1 u s-Suppliment ŻEE Nru 32, 3.9.1). Il-validità ta' dawn il-linji gwida l-ewwel ġiet estiża sal-31 ta' Diċembru 1998 u minn hemm 'il quddiem sal-31 ta' Diċembru 1999.
(3) Id-Deċiżjoni Nru 329/99/COL (ĠU L 274, 26.10.2000, p. 1 u s-Suppliment ŻEE Nru 48, 26.10.2000, p. 14).
(4) Id-Deċiżjoni Nru 305/04/COL (ĠU L 107, 28.4.2005, p. 28 u s-Suppliment ŻEE Nru 21, 28.4.2005, p. 1).
(5) Id-Deċiżjoni Nru 433/09/COL (ĠU L 48, 25.2.2010, p. 27 u s-Suppliment ŻEE Nru 9, 25.2.2010, p. 12).
(6) Id-Deċiżjoni Nru 438/12/COL (ĠU L 190, 11.7.2013, p. 91 u s-Suppliment ŻEE Nru 40, 11.7.2013, p. 15).
(7) Il-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar il-modernizzazzjoni tal-għajnuna mill-Istat tal-UE (State Aid Modernisation -SAM), COM(2012) 209 finali.
(8) Komunikazzjoni mill-Kummissjoni: EWROPA 2020 — Strateġija għal tkabbir intelliġenti, sostenibbli u inklussiv, COM(2010) 2020 finali.
(9) Il-Komunikazzjoni mill-Kummissjoni lill-Parlament Ewropew, lill-Kunsill u lill-Kumitat Ekonomiku u Soċjali Ewropew: Approċċ Ewropew ġdid għall-falliment u l-insolvenza tan-negozji, COM(2012) 742 finali. Ara wkoll ir-Rakkomandazzjoni tal-Kummissjoni tat-12.3.2014 dwar approċċ ġdid għall-falliment u l-insolvenza tan-negozji, C(2014) 1500 finali, b'mod partikolari l-Premessa 12.
(10) Għall-finijiet ta' dawn il-linji gwida, ‘SME’, ‘impriża żgħira’ u ‘impriża ta' daqs medju’ għandhom it-tifsiriet mogħtija lil dawn it-termini fir-Rakkomandazzjoni tal-Kummissjoni 2003/361/KE tas-6 ta' Mejju 2003 dwar id-definizzjoni ta' impriżi mikro, żgħar u ta' daqs medju (ĠU L 124, 20.5.2003, p. 36). Il-Linji Gwida tal-Awtorità dwar għajnuna għal impriżi mikro, żgħar u medji (SMEs), adottat bid-Deċiżjoni 94/06/COL (ĠU L 36, 5.2.2009, p. 62), jinkorporaw id-definizzjoni stipulata fir-Rakkomandazzjoni tal-Kummissjoni. ‘Impriża kbira’ tfisser impriża li mhijiex SME.
(11) Għall-finijiet ta' dawn il-linji gwida, biex ma jkunx hemm diskriminazzjoni bejn impriżi ta' sjieda pubblika u dawk ta' sjieda privata, ‘impriżi pubbliċi iżgħar’ huma unitajiet ekonomiċi b'setgħa indipendenti ta' deċiżjoni u jikkwalifikaw bħala impriżi żgħar jew ta' daqs medju skont ir-Rakkomandazzjoni 2003/361/KE li kieku ma kienx għall-fatt li 25 % jew aktar mill-kapital jew mid-drittijiet tal-vot huma direttament jew indirettament ikkontrollati, b'mod konġunt jew individwalment, minn korp pubbliku jew aktar.
(12) Id-Deċiżjoni tal-Kunsill 2010/787/UE tal-10 ta' Diċembru 2010 dwar Għajnuna mill-Istat biex jiġi ffaċilitat l-għeluq ta' minjieri tal-faħam li mhumiex kompettitivi (ĠU L 336, 21.12.2010, p. 24).
(13) ĠU L 336, 21.12.2010, p. 24.
(14) Ir-Regolament tal-Kunsill (KE) Nru 1407/2002 tat-23 ta' Lulju 2002 dwar l-għajnuna mill-Istat lill-industrija tal-faħam (ĠU L 205, 2.8.2002, p. 1).
(15) Id-Deċiżjoni tal-Kummissjoni Nru 3632/93/KEFA tat-28 ta' Diċembru 1993 li tistabbilixxi r-regoli tal-Komunità dwar għajnuna mill-Istat lill-industrija tal-faħam (ĠU L 329, 30.12.1993, p. 12).
(16) Ara d-Deċiżjonijiet tal-Kummissjoni fil-każijiet N 175/10 — is-Slovenja, SA 33013 — il-Polonja, N 708/07 — il-Ġermanja, SA 33033 — ir-Rumanija u SA 33861 — l-Ungerija.
(17) Kif definit fid-Deċiżjoni 2010/787/UE.
(18) Kif definit fl-Anness II tal-Linji Gwida dwar l-għajnuna reġjonali mill-Istat għall-2014-2020, id-Deċiżjoni Nru 407/13/COL (ĠU L 166, 5.6.2014, p. 44, u s-Suppliment taż-ŻEE Nru 33, 5.6.2014, p. 1).
(19) Linji Gwida dwar l-applikazzjoni, mill-1 ta' Diċembru 2013, tar-regoli dwar l-għajnuna mill-Istat għal miżuri ta' appoġġ favur il-banek fil-kuntest tal-kriżi finanzjarja (‘Il-Linji Gwida tal-2013 dwar il-Banek’), Id-Deċiżjoni Nru 464/13/COL (ĠU L 264, 4.9.2014, p. 6)..
(20) Regoli speċifiċi ta' dan it-tip jeżistu għas-settur tal-merkanzija ferrovjarja — ara l-Linji Gwida dwar l-għajnuna mill-Istat għal impriżi ferrovjarji, id-Deċiżjoni Nru 788/08/COL (ĠU L 105, 21.4.2011, p. 32, u s-Suppliment taż-ŻEE Nru 23, 21.4.2011, p. 1).
(21) Dan huwa l-każ b'mod partikolar għat-tip ta' kumpaniji msemmijin fl-Anness I tad-Direttiva 2013/34/UE tal-Parlament Ewropew u tal-Kunsill tas-26 ta' Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta' ċerti tipi ta' impriżi, u li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19).
(22) Fejn ikun relevanti, ‘il-kapital azzjonarju’ jinkludi kull primjum azzjonarju.
(23) Dan jirreferi b'mod partikolari għat-tipi ta' kumpaniji msemmijin fl-Anness II tad-Direttiva 2013/34/UE.
(24) Sabiex jiġi ddeterminat jekk kumpanija hix indipendenti jew jekk tiffurmax parti minn grupp, il-kriterji stabbiliti fl-Anness I tar-Rakkomandazzjoni 2003/361/KE se jiġu kkunsidrati.
(25) Fid-deċiżjoni tagħha fil-Kawża Franza vs il-Kummissjoni C-241/94, UE:C:1996:353 (Kimberly Clark Sopalin), il-Qorti tal-Ġustizzja kkonfermat li s-sistema ta' finanzjament fuq bażi diskrezzjonali mill-awtoritajiet Franċiżi, permezz tal-Fond Nazzjonali tal-Impjieg, probabbli kienet ser tqiegħed ċerti impriżi f'sitwazzjoni aktar favorevoli minn oħrajn u għaldaqstant tikkwalifika bħala għajnuna skont l-Artikolu 107(1) tat-Trattat dwar il-Funzjonament tal-Unjoni Ewropea. Id-deċiżjoni tal-Qorti ma titfax dubju fuq il-konklużjoni tal-Kummissjoni li l-għajnuna kienet kumpatibbli mas-suq intern.
(26) Biex ma jkunx hemm dubji, dan ma jżommx lill-Partijietn Kontraenti milli jinnotifikaw individwalment l-għajnuna għall-SMEs jew għal impriżi pubbliċi iżgħar. F'każijiet bħal dawn, l-Awtorità se tivvaluta l-għajnuna skont il-prinċipji stabbiliti f'dawn il-linji gwida.
(27) Ara pereżempju l-Kawża l-Ġermanja vs il-Kummissjoni, C-156/98 UE:C:2000:467, il-paragrafu 78 u l-Kawża Régie Networks vs Rhone Alpes Bourgogne, C-333/07 UE:C:2008:764, il-paragrafi 94-116.
(28) Mudell indikattiv ta' pjan ta' ristrutturar huwa stipulat fl-Anness II.
(29) Regoli dwar ir-rati applikabbli: ir-rati ta' referenza u ta' skont (‘Linji Gwida dwar ir-Rata ta' Referenza’), id-Deċiżjoni Nru 788/08/COL.
(30) Biex ma jkunx hemm dubji, in-nota dwar ir-remunerazzjoni għall-għajnuna għas-salvataġġ tat-tabella tal-marġini ta' self li tinsab f'din il-komunikazzjoni ma tapplikax għall-għajnuna vvalutata skont dawn il-linji gwida.
(31) Din il-kontribuzzjoni ma trid tinkludi l-ebda għajnuna. Dan mhuwiex il-każ meta pereżempju, s-self ikollu sussidju ta' rata ta' mgħax jew ikun appoġjat minn garanziji tal-gvern li jkollhom elementi ta' għajnuna.
(32) Ara pereżempju d-Deċiżjoni tal-Kummissjoni fil-Kawża SA.32698 Air Åland.
(33) Għal dan l-għan, is-sitwazzjoni tal-karta bilanċjali tal-impriża trid tiġi stabbilita meta tingħata l-għajnuna.
(34) Fir-rigward tal-għajnuna mhix notifikata, l-Awtorità tikkunsidra fil-valutazzjoni tagħha l-possibbiltà li l-għajnuna tkun ġiet iddikkjarata kumpatibbli mal-funzjonament tal-Ftehim taż-ŻEE bħala xi ħaġa differenti minn għajnuna għas-salvataġġ jew għar-ristrutturar.
(35) Ċirkostanza imprevedibbli hija waħda li bl-ebda mod ma setgħet ġiet antiċipata mill-maniġment tal-benefiċjarju meta kien qed jitfassal il-pjan ta' ristrutturar u li mhix minħabba negliġenza jew żbalji min-naħa tal-maniġment tal-benefiċjarju jew minħabba deċiżjonijiet tal-grupp li minnu jagħmel parti.
(36) Ara l-Kawżi Konġunti L-Italja u SIM 2 Multimedia vs Il-Kummissjoni, C-328/99 u C-399/00, UE:C:2003:252; Kawżi Konġunti, Il-Greċja et vs Il-Kummissjoni, T-415/05, T-416/05 u T-423/05, UE:T:2010:386; Il-Kawża Ryanair vs Il-Kummissjoni, T-123/09, UE:T:2012:164 (ikkonfermata fuq appell mill-Qorti Ewropea tal-Ġustizzja fil-Kawża C-287/12 P, UE:C:2013:395).
(37) Pereżempju, il-bejgħ ta' portafoll jew ta' assi individwali jista' jkun possibbli, u għalhekk għandu jsir fi żmien sinifikattivament aktar qasir mill-bejgħ ta' negozju bħala negozju avvjat, b'mod partikolari meta dan in-negozju jrid l-ewwel jitneħħa minn entità akbar.
(38) F'dan ir-rigward l-Awtorità tista' tikkunsidra wkoll jekk il-benefiċjarju huwiex impriża kbira jew ta' daqs medju.
(39) B'mod partikolari, il-livelli ta' konċentrazzjoni, ir-restrizzjonijiet fil-kapaċità, il-livell tal-profittabbiltà u l-ostakoli għad-dħul u l-espansjoni jistgħu jiġu kkunsidrati.
(40) Il-Protokoll 3 tal-Ftehim bejn l-Istati tal-EFTA dwar it-twaqqif ta' Awtorità tas-Sorveljanza u Qorti tal-Ġustizzja (‘Protokoll 3’).
(41) Il-kawża Textilwerke Deggendorf vs Il-Kummissjoni et, C-355/95 P, UE:C:1997:241.
(42) Bl-eċċezzjoni tas-sigrieti kummerċjali u ta' informazzjoni kunfidenzjali oħra f'każijiet iġġustifikati kif dovut, u suġġett għall-approvazzjoni tal-Awtorità (Kapitolu dwar is-sigriet professjonali fid-deċiżjonijiet tal-għajnuna mill-Istat, Deċiżjoni Nru 15/04/COL (ĠU L 154, 8.6.2006, p. 27, u suppliment taż-ŻEE Nru 29, 8.6.2006, p. 1).
(43) L-ammont li għandu jiġi ppubblikat huwa l-ogħla benefiċċju tat-taxxa permess u mhux l-ammont imnaqqas ta' kull sena (pereż. fil-kuntest ta' kreditu ta' taxxa jiġi ppubblikat l-ogħla kreditu ta' taxxa permess aktar milli l-ammont effettiv li jista' jiddependi fuq id-dħul taxxabbli u ta' kull sena jista' jvarja).
(44) Din l-informazzjoni tiġi ppubblikata fi żmien 6 xhur mid-data tal-għotja (jew, għal għajnuna fil-forma ta' vantaġġ tat-taxxa, fi żmien sena mid-data tad-dikjarazzjoni fiskali). F'każ ta' għajnuna mhux skont il-liġi, il-Partijiet Kontraenti se jkunu meħtieġa jiżguraw il-pubblikazzjoni ta' din l-informazzjoni ex post, mill-inqas fi żmien 6 xhur mid-data tad-deċiżjoni tal-Awtorità. L-informazzjoni tkun disponibbli f'format li jippermetti li jsir tiftix għad-dejta, tista' tkun estratta, u tista' faċilment tiġi ppubblikata fuq l-Internet, pereżempju f'format CSV jew XML.
(45) Ma hemmx bżonn li tiġi ppubblikata informazzjoni fuq għajnuna mogħtija qabel l-1 ta' Lulju 2016 u, għal għajnuna fiskali, il-pubblikazzjoni tal-għajnuna mitluba jew mogħtija qabel l-1 ta' Lulju 2016.
(46) Qafas għall-għajnuna mill-Istat fil-forma ta' kumpens għal servizz pubbliku (‘il-Qafas SGEI’), id-Deċiżjoni Nru 12/12/COL (ĠU L 161, 13.6.2013, p. 12, u s-Suppliment taż-ŻEE Nru 34, 13.6.2013, p. 1).
(47) L-applikazzjoni tar-regoli tal-għajnuna tal-Istat għal kumpens mogħtija għall-provvista ta' servizzi ta' interess ekonomiku ġenerali (‘id-Deċiżjoni SGEI’), id-Deċiżjoni Nru 12/12/COL.
(48) Ir-Regolament (KE) Nru 1370/2007 tal-Parlament Ewropew u tal-Kunsill tat-23 ta' Ottubru 2007 dwar servizzi pubbliċi tat-trasport tal-passiġġieri bil-ferrovija u bit-triq u li jħassar ir-Regolamenti tal-Kunsill (KEE) Nri 1191/69 u 1107/70 (ĠU L 315, 3.12.2007, p. 1), inkorporat f'punt 4(a) tal-Anness XIII tal-Ftehim ŻEE bid-Deċiżjoni tal-Kumitat Konġunt Nru 85/2008 (ĠU L 280, 23.10.2008, p. 20, u s-Suppliment taż-ŻEE Nru 64, 23.10.2008, p. 13).
(49) Ir-Regolament (KE) Nru 1008/2008 tal-Parlament Ewropew u tal-Kunsill tal-24 ta' Settembru 2008 dwar regoli komuni għall-operat ta' servizzi tal-ajru fil-Komunità (ĠU L 293, 31.10.2008, p. 3), l-Artikoli 16, 17 u 18, inkorporat f'punt 64(a) tal-Anness XIII tal-Ftehim ŻEE bid-Deċiżjoni tal-Kumitat Konġunt Nru 90/2011 (ĠU L 262, 6.10.2011, p. 62, u s-Suppliment taż-ŻEE Nru 54, 6.10.2011, p. 78).
(50) Linji Gwida dwar l-għajnuna mill-Istat għall-ajruporti u l-linji tal-ajru, id-Deċiżjoni 216/14/COL.
(51) Ir-Regolament tal-Kunsill (KEE) Nru 3577/92 tas-7 ta' Diċembru li japplika l-prinċipju ta' libertà li jiġu pprovduti servizzi għat-trasport marittimu fi ħdan l-Istati Membri (ĠU L 364, 12.12.1992, p. 7), inkorporat f'punt 53(a) tal-Anness XIII tal-Ftehim ŻEE bid-Deċiżjoni tal-Kumitat Konġunt Nru 70/1997 (ĠU L 30, 5.2.1998, p. 42, u s-Suppliment taż-ŻEE Nru 5, 5.2.1998, p. 175).
(52) Linji gwida dwar l-għajnuna mill-Istat għat-trasport marittimu, id-Deċiżjoni Nru 62/04/COL (ĠU L 240, 13.9.2007, p. 9, u s-Suppliment taż-ŻEE Nru 43, 13.9.2007, p. 1).
(53) għall-għanijiet ta' Kapitlu 6, ‘SME’ tinkludi impriżi pubbliċi iżgħar.
(54) Biex ma jkunx hemm dubji, in-nota dwar ir-remunerazzjoni għall-għajnuna għas-salvataġġ tat-tabella tal-marġini ta' self li tinsab f'din il-komunikazzjoni ma tapplikax għall-għajnuna vvalutata skont dawn il-linji gwida.
(55) Metodoloġija komuni bħal din tista' tiġi pprovduta mill-Awtorità.
(56) Mal-EBIT għandu jingħadd id-deprezzament fl-istess perjodu flimkien mal-bidliet fil-kapital li jdur tul perjodu ta' sentejn (is-sena ta' qabel u ta' wara l-applikazzjoni), diviż bi 2 biex jiġi determinat ammont tul sitt xhur.
(57) Attivi kurrenti: fondi likwidi, ammonti riċevibbli (kontijiet tal-klijent u d-debitur), assi kurrenti oħra u spejjeż imħallsin minn qabel, inventarji. Obbligazzjonijiet kurrenti: dejn finanzjarju, kontijiet tan-negozju pagabbli (il-kontijiet tal-fornitur u tal-kreditur) u obbligazzjonijiet kurrenti oħra, dħul diferit, obbligazzjonijiet oħra akkumulati, obbligazzjonijiet ta' taxxa.