29.9.2016   

MT

Il-Ġurnal Uffiċjali tal-Unjoni Ewropea

C 357/33

1.

Fil-21 ta’ Settembru 2016, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Randstad Holding n.v. (“Randstad”, il-Pajjiżi l-Baxxi) takkwsita fis-sens tal-Artikolu 3(1)(b) tar-Regolament dwar l-Għaqdiet il-kontroll ta’ Monster Worldwide, Inc. kollha kemm hi (“Monster”, l-Istati Uniti tal-Amerika) permezz ta’ offerta pubblika mħabbra fid-9 ta’ Awwissu 2016.

2.

L-attivitajiet kummerċjali tal-impriżi kkonċernati huma:

—   għal Randstad: il-provvista ta’ servizzi ta’ impjieg temporanju (temporary employment services, “TES”), servizzi ta’ impjieg permanenti (permanent employment services, “PSE”) u servizzi oħra relatati mar-riżorsi umani;

—   għal Monster: il-provvista ta’ reklamar online għal xogħol u servizzi ta’ reklutaġġ online.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301) bl-email lil COMP-MERGER-REGISTRY@ec.europa.eu jew bil-posta, bin-numru ta’ referenza M.8201 — Randstad Holding/Monster Worldwide, f’dan l-indirizz: