Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2009/263/14

Notifika minn qabel ta' konċentrazzjoni (Każ COMP/M.5535 – Renesas Technology/NEC Electronics) Test b’relevanza għaż-ŻEE

ĠU C 263, 5.11.2009, p. 25–25 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

5.11.2009   

MT

Il-Ġurnal Uffiċjali tal-Unjoni Ewropea

C 263/25

Notifika minn qabel ta' konċentrazzjoni

(Każ COMP/M.5535 – Renesas Technology/NEC Electronics)

(Test b’relevanza għaż-ŻEE)

2009/C 263/14

1.

Fis-27 ta’ Ottubru 2009 il-Kummissjoni rċeviet notifika ta’ konċentrazzjoni proposta skont it-tifsira tal-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Renesas Technology Corp. (“Renesas”, il-Ġappun), ikkontrollata b’mod konġunt minn Hitachi Ltd. (“Hitachi”, il-Ġappun) u Mitsubishi Electric Corporation (“Mitsubishi”, il-Ġappun) tidħol f’amalgamazzjoni sħiħa fit-tifsira tal-Artikolu 3(1)(a) tar-Regolament tal-Kunsill mal-impriża NEC Electronics Corporation (“NEC-EL”, il-Ġappun), ikkontrollata minn NEC Corporation (“NEC”, il-Ġappun) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

għal Renesas: tfassil, manifattura u bejgħ ta’ soluzzjonijiet għal semikondutturi inklużi prodotti ta’ mikrokontrolluri, u system-on-chip u LCD drivers għal applikazzjonijiet ta’ telefon ċellulari, awtomobilistiċi u awdjo viżivi,

—

għal NEC-EL: tfassil, manifattura u bejgħ ta’ soluzzjonijiet għas-semikondutturi inklużi mikrokontrolluri, prodotti ta' system-on-chip u LCD drivers għal applikazzjonijiet aħħarija varji, inklużi prodotti awtomobilistiċi, industrijali u elettronika għall-konsumatur.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament (KE) Nru 139/2004. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l’operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301 jew 22967244) jew bil-posta, taħt in-numru ta' referenza COMP/M.5535 – Renesas Technology/NEC Electronics, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1.

Top