EUR-Lex Access to European Union law
This document is an excerpt from the EUR-Lex website
Document C2007/315/20
Case C-143/06: Judgment of the Court (Second Chamber) of 8 November 2007 (reference for a preliminary ruling from the Landgericht Hamburg (Germany)) — Ludwigs-Apotheke München Internationale Apotheke v Juers Pharma Import-Export GmbH (Free movement of goods — Articles 28 EC and 30 EC — Articles 11 and 13 of the EEA Agreement — Imported medicinal products not authorised in the importing State — Prohibition of advertising — Directive 2001/83/EC)
Kawża C-143/06: Sentenza tal-Qorti tal-Ġustizzja (it-Tieni Awla) tat- 8 ta' Novembru 2007 (talba għal deċiżjoni preliminari tal-Landgericht Hamburg — il-Ġermanja) — Ludwigs — Apotheke München Internationale Apotheke vs Juers Pharma Import-Export GmbH (Moviment liberu tal-merkanzija — Artikoli 28 KE u 30 KE — Artikoli 11 u 13 tal-Ftehim ŻEE — Prodotti mediċinali importati bla awtorizzazzjoni fl-Istat ta' importazzjoni — Projbizzjoni ta' reklamar — Direttiva 2001/83/KE)
Kawża C-143/06: Sentenza tal-Qorti tal-Ġustizzja (it-Tieni Awla) tat- 8 ta' Novembru 2007 (talba għal deċiżjoni preliminari tal-Landgericht Hamburg — il-Ġermanja) — Ludwigs — Apotheke München Internationale Apotheke vs Juers Pharma Import-Export GmbH (Moviment liberu tal-merkanzija — Artikoli 28 KE u 30 KE — Artikoli 11 u 13 tal-Ftehim ŻEE — Prodotti mediċinali importati bla awtorizzazzjoni fl-Istat ta' importazzjoni — Projbizzjoni ta' reklamar — Direttiva 2001/83/KE)
ĠU C 315, 22.12.2007, p. 12–13
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
22.12.2007 |
MT |
Il-Ġurnal Uffiċjali ta’ l-Unjoni Ewropea |
C 315/12 |
Sentenza tal-Qorti tal-Ġustizzja (it-Tieni Awla) tat-8 ta' Novembru 2007 (talba għal deċiżjoni preliminari tal-Landgericht Hamburg — il-Ġermanja) — Ludwigs — Apotheke München Internationale Apotheke vs Juers Pharma Import-Export GmbH
(Kawża C-143/06) (1)
(Moviment liberu tal-merkanzija - Artikoli 28 KE u 30 KE - Artikoli 11 u 13 tal-Ftehim ŻEE - Prodotti mediċinali importati bla awtorizzazzjoni fl-Istat ta' importazzjoni - Projbizzjoni ta' reklamar - Direttiva 2001/83/KE)
(2007/C 315/20)
Lingwa tal-kawża: Il-Ġermaniż
Qorti tar-rinviju
Landgericht Hamburg
Partijiet fil-kawża prinċipali
Rikorrenti: Ludwigs — Apotheke München Internationale Apotheke
Konvenuta: Juers Pharma Import-Export GmbH
Suġġett
Talba għal deċiżjoni preliminari — Landgericht Hamburg — Interpretazzjoni tat-tielet inċiż ta' l-Artikolu 86(2) tad-Direttiva tal-Parlament Ewropew u tal-Kunsill 2001/83/KEE tas-6 ta' Novembru 2001 dwar il-kodiċi tal-Komunità li għandu x'jaqsam ma' prodotti mediċinali għall-użu mill-bniedem (ĠU L 311, p. 67), kif emendata mid-Direttiva tal-Parlament Ewropew u tal-Kunsill 2004/27/KE, tal-31 ta' Marzu 2004, li temenda d-Direttiva 2001/83/KE dwar il-kodiċi tal-Komunità li ghandu x'jaqsam ma' prodotti mediċinali għall-użu mill-bniedem (ĠU L 136, p. 34) — Kamp ta' applikazzjoni — Leġiżlazzjoni nazzjonali li tipprojbixxi importatur milli jibgħat lil spiżeriji listi ta' prezzijiet għall-prodotti mediċinali li, għalkemm mhumiex awtorizzati fis-suq nazzjonali, jistgħu jiġu importati.
Dispożittiv
Projbizzjoni għar-reklamar bħal dik stabbilita mill-Artikolu 8 tal-liġi dwar ir-reklamar fis-settur tas-saħħa (Heilmittelwerbegesetz) m'għandiex tiġi evalwata fid-dawl tad-dispożizzjonijiet dwar ir-reklamar tad-Direttiva tal-Parlament Ewropew u tal-Kunsill 2001/83/KEE tas-6 ta' Novembru 2001 dwar il-kodiċi tal-Komunità li għandu x'jaqsam ma' prodotti mediċinali għall-użu mill-bniedem, kif emendata mid-Direttiva tal-Parlament Ewropew u tal-Kunsill 2004/27/KE, tal-31 ta' Marzu 2004, iżda fid-dawl ta' l-Artikoli 28 KE u 30 KE u ta' l-Artikoli 11 u 13 tal-Ftehim dwar iż-Żona Ekonomika Ewropea tat-2 ta' Mejju 1992. L-Artikolu 28 KE u l-Artikolu 11 tal-Ftehim dwar iż-Żona Ekonomika Ewropea jipprekludu tali projbizzjoni safejn tapplika għat-tqassim, fost l-ispiżjara, ta' listi ta' prodotti mediċinali mhux awtorizzati li l-importazzjoni tagħhom minn Stat Membru ieħor jew Stat terz firmatarju tal-Ftehim dwar iż-Żona Ekonomika Ewropea hija awtorizzata biss eċċezzjonalment, li fihom biss informazzjoni dwar l-isem kummerċjali, id-daqsijiet ta' l-ippakkjar, id-dożi u l-prezz ta' dawn il-prodotti mediċinali.