a)

li jipprekludi leġiżlazzjoni nazzjonali li tipprovdi obbligu għall-operaturi ta’ servizzi ta’ komunikazzjoni elettronika li jżommu u li jipproċessaw id-data ta’ traffiku msemmija f’din il-leġiżlazzjoni fil-kuntest tal-provvista ta’ dan in-network jew ta’ dan is-servizz, matul perijodu ta’ erba’ jew tnax-il xahar, skont il-każ, sabiex jieħdu l-miżuri xierqa, proporzjonati, preventivi u ta’ rimedju b’mod li jiġu evitati l-frodi u l-użu illeċitu tan-networks tagħhom u sabiex jiġi evitat li l-utenti finali jsofru dannu jew inkonvenjenza, kif ukoll sabiex tiġi stabbilita frodi jew l-użu illeċitu tan-network jew tas-servizz jew li jkunu jistgħu jiġu identifikati l-awturi u l-oriġini tagħhom;

b)

li jipprekludi leġiżlazzjoni nazzjonali li tippermetti lil dawn l-operaturi li jżommu u jipproċessaw id-data ta’ traffiku kkonċernata lil hinn mit-termini msemmija iktar ’il fuq, f’każ ta’ frodi speċifika identifikata jew ta’ użu illeċitu tan-network speċifiku identifikat, għaż-żmien neċessarju għall-analiżi tagħha u għar-riżoluzzjoni tagħha jew għaż-żmien neċessarju għall-ipproċessar ta’ dan l-użu illeċitu;

c)

li jipprekludi leġiżlazzjoni nazzjonali li, mingħajr ma tipprevedi l-obbligu li tintalab opinjoni preliminari jew li tiġi nnotifikata awtorità indipendenti, tippermetti lil dawn l-operaturi li jżommu u li jipproċessaw data oħra minbarra dik imsemmija fil-liġi, sabiex tiġi pprovata frodi jew l-użu illeċitu tan-network jew tas-servizz, jew li jiġi identifikat l-awtur jew l-oriġini tagħhom;

d)

li jipprekludi leġiżlazzjoni nazzjonali li, mingħajr ma tipprevedi l-obbligu li tintalab opinjoni preliminari jew li tiġi nnotifikata awtorità indipendenti, tippermetti lil dawn l-operaturi li jżommu u li jipproċessaw għal żmien ta’ tnax-il xahar id-data ta’ traffiku li jqisu neċessarja sabiex jiġu ggarantiti s-sigurtà u l-funzjonament tajjeb tan-networks u tas-servizzi ta’ komunikazzjonijiet elettroniċi tagħhom, u b’mod partikolari sabiex jinkixef u jiġi analizzat ksur potenzjali jew reali għal din is-sigurtà, inkluż l-identifikazzjoni tal-oriġini ta’ dan il-ksur u, fil-każ ta’ ksur speċifiku tas-sigurtà tan-network, għall-perijodu neċessarju sabiex jiġi pproċessat?

a)

li jipprekludi leġiżlazzjoni nazzjonali li tippermetti lill-operaturi tan-networks mobbli li jżommu u jipproċessaw id-data ta’ lokalizzazzjoni, mingħajr ma l-leġiżlazzjoni tiddeskrivi preċiżament liema data hija koperta, fil-kuntest tal-provvista ta’ dan in-network jew ta’ dan is-servizz, matul perijodu ta’ erba’ jew tnax-il xahar, skont il-każ, meta dan ikun neċessarju għall-funzjonament tajjeb u għas-sigurtà tan-network jew tas-servizz, jew sabiex jinkixfu jew jiġu analizzati l-frodi jew l-użu illeċitu tan-network;

b)

li jipprekludi leġiżlazzjoni nazzjonali li tippermetti lil dawn l-operaturi li jżommu jew jipproċessaw id-data ta’ lokalizzazzjoni lil hinn mit-termini ċċitati iktar ’il fuq, f’każ ta’ ksur speċifiku, ta’ frodi speċifika jew ta’ użu illeċitu speċifiku?