—

għad-dannu mġarrab minnu bħala riżultat ta’ ksur tad-drittijiet fundamentali tiegħu taħt l-Artikoli 1, 2, 3, 4, 18, 19(1), 19(2) u 21 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”) matul u wara l-espulsjoni kollettiva tiegħu mill-Greċja li damet mit-28 sad-29 ta’ April 2020 fil-Baħar Eġew;

—

għas-sentimenti ta’ inġustizzja u ta’ frustrazzjoni tiegħu bħala konsegwenza tal-fatt li l-awtur jew il-koawtur tal-espulsjoni kollettiva fil-konfront tiegħu fit-28 u fid-29 ta’ April 2020 kien aġenzija tal-Unjoni Ewropea.

1.

L-ewwel motiv, ibbażat fuq il-fatt li Frontex approvat it-tnedija ta’ Operazzjoni ta’ Intervent Rapidu fil-Fruntieri tal-Baħar Eġew bi ksur tal-Artikolu 46(5) tar-Regolament 2019/1896 (1), bi żball manifest ta’ evalwazzjoni, użu ħażin ta’ poter, u peress li naqset milli taġixxi bid-diliġenza dovuta, ma osservatx il-prinċipju ta’ amministrazzjoni tajba. B’mod partikolari, id-Direttur Eżekuttiv ta’ Frontex approva illegalment it-tnedija tal-Operazzjoni ta’ Intervent Rapidu fil-Fruntieri tal-Baħar Eġew, bi ksur tal-Artikolu 46(5) tar-regolament fundatur tal-aġenzija, peress li ma eżerċitax id-diskrezzjoni tiegħu sabiex jevalwa l-applikabbiltà stess ta’ din id-dispożizzjoni għas-sitwazzjoni estremament instabbli li kellha tiġi rregolata. Sussidjarjament, id-Direttur Eżekuttiv wettaq żball manifest ta’ evalwazzjoni, għamel użu ħażin mill-poter tiegħu u naqas mid-dmir ta’ diliġenza fl-aġir tiegħu meta qies li l-Artikolu 46(5) ma kienx applikabbli għas-sitwazzjoni li kellha tiġi rregolata. Iż-żewġ aspetti tad-danni morali ma kinux iseħħu mingħajr l-ommissjoni jew l-aġir illegali attribwibbli lil Frontex.

2.

It-tieni motiv, ibbażat fuq il-fatt li Frontex wettqet ommissjoni illegali li tista’ tagħti lok għal responsabbiltà mhux kuntrattwali, meta naqset milli taġixxi skont l-Artikolu 46(4) tar-Regolament 2019/1896, bi ksur tal-obbligi pożittivi tagħha skont l-Artikolu 80 ta’ dan ir-regolament u l-Artikoli 1, 2, 3, 4, 18, 19(1), 19(2) u 21 tal-Karta (2), il-prinċipju ta’ amministrazzjoni tajba, u b’użu ħażin ta’ poter u żball manifest ta’ evalwazzjoni.

Id-Direttur Eżekuttiv ta’ Frontex b’mod illegali naqas milli jeżerċita d-diskrezzjoni tiegħu fir-rigward tal-Artikolu 46(4) tar-regolament fundatur tal-aġenzija qabel, matul u saħansitra wara l-operazzjoni ta’ pushback tat-28 u tad–29 ta’ April 2020. Sussidjarjament, id-Direttur Eżekuttiv wettaq żball manifest ta’ evalwazzjoni, għamel użu ħażin mill-poter tiegħu, u naqas mid-dmir ta’ diliġenza fl-aġir tiegħu, meta qies li l-Artikolu 46(4) ma kienx applikabbli għas-sitwazzjoni li kellha tiġi rregolata. Iż-żewġ aspetti tad-danni morali ma kinux iseħħu mingħajr l-ommissjoni illegali kkontestata min-naħa ta’ Frontex.

3.

It-tielet motiv, ibbażat fuq il-fatt li Frontex wettqet att illegali li tista’ tagħti lok għal responsabbiltà mhux kuntrattwali, f’dak li jirrigwarda l-operazzjoni ta’ pushback tat-28 u tad–29 ta’ April 2020, permezz tal-ksur tad-drittijiet fundamentali tar-rikorrent taħt l-Artikoli 1, 2, 3, 4, 6, 18,19(1), 19(2) u 21 tal-Karta.

L-espulsjoni kollettiva illegali tar-rikorrent fit-28 u fid-29 ta’ April 2020 hija attribwibbli lil Frontex, li hija “l-awtur reali” tagħha, peress li din ġiet eżegwita b’mod konformi mal-Pjan Operattiv legalment vinkolanti tal-Operazzjoni ta’ Intervent Rapidu fil-Fruntieri tal-Baħar Eġew, imħejji mid-Direttur Eżekuttiv ta’ Frontex. Sussidjarjament, Frontex hija responsabbli abbażi tal-assistenza u tal-għajnuna tagħha fit-twettiq tal-espulsjoni kollettiva illegali eżegwita fit-28 u fid–29 ta’ April 2020. Iż-żewġ aspetti tad-danni morali ma kinux iseħħu mingħajr l-aġir illegali kkontestata tal-aġenzija.