—

tannulla r-Regolament Delegat tal-Kummissjoni (UE) 2020/550 tat-12 ta’ Frar 2020 li jemenda l-Annessi II u IV tar-Regolament (UE) Nru 978/2012 tal-Parlament Ewropew u tal-Kunsill dwar l-irtirar temporanju tal-arranġamenti msemmija fl-Artikolu 1(2) tar-Regolament (UE) Nru 978/2012 fir-rigward ta’ ċerti prodotti li joriġinaw mir-Renju tal-Kambodja parzjalment, b’mod partikolari fir-rigward tal-irtirar temporanju tal-preferenzi SĠP għall-kodiċi doganali kollha li qegħdin jaffettwaw lill-membri tal-GMAC, jiġifieri l-kodiċi SA msemmija fit-tabella fis-subparagrafu (1) tal-Artikolu 1, u l-kodiċi SA kollha msemmija fit-tabella fis-subparagrafu (2) tal-Artikolu 1, minbarra l-kodiċi SA 1212 93;

—

tikkundanna lill-Kummissjoni għall-ispejjeż rispettivi tagħha u dawk sostnuti mir-rikorrenti.

1.

L-ewwel motiv, ibbażat fuq l-allegazzjoni li r-Regolament ikkontestat jikser il-prinċipju ta’ proporzjonalità u r-rekwiżit ta’ konsistenza bejn il-politiki u l-attivitajiet tal-Unjoni. Il-Kummissjoni allegatament naqset milli tevalwa b’mod xieraq il-proporzjonalità tal-irtirar parzjali temporanju tal-preferenzi doganali għas-setturi tal-ħwejjeġ, żraben u oġġetti tal-ivvjaġġar tal-Kambodja.

2.

It-tieni motiv, ibbażat fuq l-allegazzjoni ta’ ksur tad-drittijiet proċedurali tar-rikorrenti minħabba n-nuqqas tal-Kummissjoni li tipprovdi raġuni xierqa skont l-Artikolu 296(2) TFUE, li jikkorrispondi ma’ ksur tad-dritt għal amministrazzjoni tajba.