This document is an excerpt from the EUR-Lex website
Document 62016TN0726
Case T-726/16: Action brought on 13 October 2016 — VFP v Commission
Kawża T-726/16: Rikors ippreżentat fit-13 ta’ Ottubru 2016 – VFP vs Il-Kummissjoni
Kawża T-726/16: Rikors ippreżentat fit-13 ta’ Ottubru 2016 – VFP vs Il-Kummissjoni
ĠU C 462, 12.12.2016, pp. 33–34
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
12.12.2016 |
MT |
Il-Ġurnal Uffiċjali tal-Unjoni Ewropea |
C 462/33 |
Rikors ippreżentat fit-13 ta’ Ottubru 2016 – VFP vs Il-Kummissjoni
(Kawża T-726/16)
(2016/C 462/43)
Lingwa tal-kawża: l-Ingliż
Partijiet
Rikorrenti: Vlaamse Federatie van Persverkopers VZW (VFP) (Antwerpen, il-Belġju) (rappreżentanti: P. de Bandt, J. Dewispelaere u J. Probst, avukati)
Konvenuta: Il-Kummissjoni Ewropea
Talbiet
|
— |
tiddikjara r-rikors ammissibbli; |
|
— |
tannulla d-deċiżjoni tal-Kummissjoni Ewropea tat-3 ta’ Ġunju 2016, Għajnuna mill-Istat SA.42366 (2016/N) – il-Belġju – għajnuna mill-Istat sabiex bpost tipprovdi servizzi pubbliċi matul il-perijodu 2016-2020 (1); |
|
— |
tirreferi l-każ lura lill-Kummissjoni għal iktar investigazzjoni u għal deċiżjoni ġdida; |
|
— |
tikkundanna lill-Kummissjoni għall-ispejjeż tar-rikorrenti; u |
|
— |
tieħu azzjonijiet oħra jew azzjonijiet addizzjonali hekk kif jista’ jkun meħtieġ. |
Motivi u argumenti prinċipali
Insostenn tar-rikors tagħha, ir-rikorrenti tinvoka motiv uniku li huwa bbażat fuq il-fatt li l-Kummissjoni Ewropea kisret id-drittijiet proċedurali tagħha billi adottat id-deċiżjoni kkontestata u ma fetħietx il-proċedura formali prevista mill-Artikolu 108(2) TFUE.
F’dan il-motiv uniku huwa spjegat li, sa fejn il-Kummissjoni ltaqgħet ma’ diffikultajiet serji fir-rigward tal-kompatibbiltà eventwali mas-suq intern tal-kumpens għal dan is-servizz ta’ interess ekonomiku ġenerali (“SGEI”) ta’ distribuzzjoni tal-istampa, hija kellha l-obbligu skont il-liġi li tadotta d-deċiżjoni li tiftaħ il-proċedura ta’ investigazzjoni formali. Dan il-motiv uniku huwa maqsum f’erba’ partijiet. B’mod partikolari, qed jiġi argumentat li l-eżistenza tad-diffikultajiet serji jirriżultaw minn serje ta’ indizji konsistenti rigward (i) it-tul tal-eżami preliminari u taċ-ċirkustanzi speċjali li taħthom ingħatat l-għajnuna (l-ewwel parti), (ii) il-fatt li l-analiżi tal-Kummissjoni tal-kwalifika tad-distribuzzjoni ta’ gazzetti u ta’ perjodiċi rikonoxxuti bħala SGEI ma huwiex biżżejjed (it-tieni parti), (iii) il-fatt li l-analiżi tal-Kummissjoni tal-benefiċjarji tad-distribuzzjoni tal-istampa ma hijiex kompluta (it-tielet parti) u (iv) il-fatt li l-analiżi tal-Kummissjoni tad-distorsjoni tal-kompetizzjoni u tal-iżvilupp tal-kummerċ hija inkompleta u insuffiċjenti (ir-raba’ parti).