Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62015TN0742

    Kawża T-742/15 P: Appell ippreżentat fis-16 ta’ Diċembru 2015 minn DD mis-sentenza mogħtija fit-8 ta’ Ottubru 2015 mit-Tribunal għas-Servizz Pubbliku fil-Kawżi magħquda F-106/13 u F-25/14, DD vs FRA

    ĠU C 111, 29.3.2016, p. 26–27 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    29.3.2016   

    MT

    Il-Ġurnal Uffiċjali tal-Unjoni Ewropea

    C 111/26

    Appell ippreżentat fis-16 ta’ Diċembru 2015 minn DD mis-sentenza mogħtija fit-8 ta’ Ottubru 2015 mit-Tribunal għas-Servizz Pubbliku fil-Kawżi magħquda F-106/13 u F-25/14, DD vs FRA

    (Kawża T-742/15 P)

    (2016/C 111/32)

    Lingwa tal-kawża: l-Ingliż

    Partijiet

    Appellant: DD (Vjenna, l-Awstrija) (rappreżentant: L. Levi and M. Vandenbussche, avukati)

    Partijiet oħra fil-proċedura: Aġenzija tal-Unjoni Ewropea għad-Drittijiet Fundamentali (FRA)

    Talbiet tal-appellant

    —

    tannulla parzjalment is-sentenza fil-Kawżi magħquda F-106/13 u F-25/14 tat-8 ta’ Ottubru 2015;

    —

    konsegwentement:

    —

    tannulla ż-żewġ deċiżjonijiet tal-FRA (it-twissija kkontestata u t-terminazzjoni tal-kuntratt) mhux biss għal raġunijiet proċedurali, iżda wkoll għal raġunijiet invokati fil-motivi invokati fir-rikors fl-ewwel istanza;

    —

    tagħti lill-appellant kumpens adegwat għad-danni morali kkawżati minn illegalità u irregolarità manifesta tal-investigazzjoni amministrattiva u tad-deċiżjoni li tinħareġ it-twissija. Dawn id-danni morali qed jiġu stmati ex aequo et bono għal EUR 15 000;

    —

    tagħti lill-appellant kumpens adegwat għad-danni morali kkawżati mill-proċedura u d-deċiżjoni ta’ terminazzjoni tal-kuntratt irregolari. Dawn id-danni morali qed jiġu stmati ex aequo et bono għal EUR 50 000;

    —

    tikkundanna lill-FRA tbati l-ispejjeż kollha marbuta ma’ dan l-appell

    Aggravji u argumenti prinċipali

    Insostenn tal-appell tagħha, l-appellant jinvoka żewġ aggravji.

    1.

    L-ewwel aggravju jallega li t-Tribunal għs-servizz pubbliku wettaq żbalji ta’ liġi meta eżamina biss t-talba proċedurali ta’ assenza ta’ smigħ li wassal għall-annullament kemm tad-deċiżjoni ta’ twissija kif ukoll tat-terminazzjoni tal-kuntratt, u billi rrifjuta li jeżamina l-motivi l-oħra kollha invokati fir-rikors fl-ewwel istanza. L-appellant jallega li t-Tribunal għas-Servizz Pubbliku wettaq żball ta’ liġi u għamel eżami mhux sħiħ tal-fatti, kiser l-Artikolu 47 tal-Karta tad-drittijiet Fundamentali u kiser l-obbligu ta’ motivazzjoni, kiser il-prinċipju tal-amministrazzjoni tajba tal-ġustizzja, kiser il-prinċipju tal-aspettattivi leġittimi u wettaq żball manifest ta’ evalwazzjoni.

    2.

    It-tieni aggravju jallega li t-Tribunal għas-Servizz Pubbliku wettaq żbalji ta’ liġi meta ċaħad it-talbiet tal-appellant għal danni mhux materjali kemm fir-rigward tad-deċiżjoni tat-twissija u kif ukoll id-deċiżjoni ta’ terminazzjoni ta’ kuntratt.

    —

    It-Tribunal għas-Servizz Pubbliku wettaq żbalji ta’ liġi fir-rigward taċ-ċaħda tat-talba għal danni mhux materjali kkawżati mill-investigazzjoni amministrattiva, wettaq żnaturament tal-provi, għamel eżami mhux sħiħ tal-fatti, għamel evalwazzjoni manifestament żbaljata, kiser il-kunċett ta’ evidenza fir-rigward tal-eżistenza ta’ dannu bħala kundizzjoni għal responsabbiltà mhux kuntrattwali, għamel applikazzjoni żbaljata tal-prinċipju tad-drittijiet tad-difiża u tal-Artikolu 86(2) tar-Regolamenti tal-Persunal tal-Unjoni Ewropea, kiser l-obbligu ta’ motivazzjoni, kiser l-prinċipju tal-aspettattivi leġittimi u kiser l-Artikolu 15 tad-Direttiva 2000/43/KE (1).

    —

    It-Tribunal għas-Servizz Pubbliku wettaq żball ta’ liġi billi ċaħad it-talba għal kumpens tad-dannu morali kkawżat mid-deċiżjoni ta’ twissija, wettaq żnaturament tal-provi, wettaq żball manifest ta’ evalwazzjoni, wettaq eżami mhux sħiħ tal-fatti, wettaq żball ta’ liġi fil-kuntest tal-evalwazzjni tad-dannu, kiser l-obbligu ta’ motivazzjoni u kiserl-Artikolu 15 tad-Direttiva 2000/43/KE.

    —

    It-Tribunal għas-Servizz Pubbliku wettaq żball ta’ liġi fir-rigward iċ-ċaħda tat-talba għad-danni mhux materjali kkawżati mid-deċiżjoni tat-terminazzjoni, żnaturament tal-provi, wettaq eżami mhux sħiħ tal-fatti, wettaq żball manifest ta’ evalwazzjoni, wettaq żball ta’ liġi fil-kuntest tal-evalwazzjoni tad-danni, kiser l-obbligu ta’ motivazzjoni, kiser il-prinċipju tal-aspettattivi leġittimi u kiser l-Artikolu 15 tad-Direttiva 2000/43/KE.

    (1)  Direttiva tal-Kunsill 2000/43/KE tad-29 ta’ Ġunju 2000 li timplimenta l-prinċipju tat-trattament ugwali bejn il-persuni irrespettivament mill-oriġini tar-razza jew etniċità (ĠU Edizzjoni Speċjali bil-Malti, Kapitolu 20, Vol. 1, p. 23).

    Top