Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62014CN0219

Kawża C-219/14: Talba għal deċiżjoni preliminari mressqa mill-Employment Tribunals, Birmingham (ir-Renju Unit) fis- 6 ta’ Mejju 2014 – Kathleen Greenfield vs The Care Bureau Ltd

ĠU C 223, 14.7.2014, p. 8–8 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

14.7.2014   

MT

Il-Ġurnal Uffiċjali tal-Unjoni Ewropea

C 223/8

Talba għal deċiżjoni preliminari mressqa mill-Employment Tribunals, Birmingham (ir-Renju Unit) fis-6 ta’ Mejju 2014 – Kathleen Greenfield vs The Care Bureau Ltd

(Kawża C-219/14)

2014/C 223/11

Lingwa tal-kawża: l-Ingliż

Qorti tar-rinviju

Employment Tribunals, Birmingham (ir-Renju Unit)

Partijiet fil-kawża prinċipali

Rikorrenti: Kathleen Greenfield

Konvenut: The Care Bureau Ltd

Domandi preliminari

1)

Il-prinċipju ta’ “pro rata temporis”, imsemmi fil-Klawżola 4(2) tal-Ftehim Qafas dwar ix-xogħol part-time, għandu jiġi interpretat fis-sens li jeżiġi li dispożizzjoni tad-dritt nazzjonali (bħar-Regulations 13, 13A u 14 tar-Regolamenti dwar il-ħin tax-xogħol) ikollha l-effett, fil-każ ta’ żieda fis-sigħat tax-xogħol ta’ impjegat, li l-ammont ta’ leave diġà akkumulat jiġi aġġustat proporzjonalment għas-sigħat tax-xogħol il-ġodda, bir-riżultat li l-ħaddiem li jżid is-sigħat tax-xogħol tiegħu jkollu dritt li l-leave miksub jiġi kkalkolat mill-ġdid abbażi tas-sigħat addizzjonali tiegħu?

2)

Il-Klawżola 4(2) tal-Ftehim Qafas dwar ix-xogħol part-time jew l-Artikolu 7 tad-Direttiva dwar il-ħin tax-xogħol għandhom jiġu interpretati fis-sens li jipprekludu li dispożizzjoni tad-dritt nazzjonali (bħar-Regulations 13, 13A u 14 tar-Regolamenti dwar il-ħin tax-xogħol) ikollha l-effett, fil-każ ta’ żieda fis-sigħat tax-xogħol ta’ impjegat, li l-ammont ta’ leave diġà akkumulat jiġi aġġustat proporzjonalment għas-sigħat tax-xogħol il-ġodda, bir-riżultat li l-ħaddiem li jżid is-sigħat tax-xogħol tiegħu jkollu dritt li l-leave miksub jiġi kkalkolat mill-ġdid abbażi tas-sigħat tax-xogħol il-ġodda?

3)

Jekk id-domandi (1) u/jew (2) jingħataw risposta affermattiva, il-kalkolu mill-ġdid japplika biss għall-porzjon tas-sena ta’ referenza għall-kalkolu tal-leave li matulha l-impjegat ħadem sigħat addizzjonali jew għal perijodu ieħor?

4)

Fil-kalkolu tal-perijodu ta’ leave meħud minn ħaddiem, il-Klawżola 4(2) tal-Ftehim Qafas dwar ix-xogħol part-time jew l-Artikolu 7 tad-Direttiva dwar il-ħin tax-xogħol għandhom jiġu interpretati fis-sens li jeżiġu li dispożizzjoni tad-dritt nazzjonali (bħar-Regulations 13, 13A u 14 tar-Regolamenti dwar il-ħin tax-xogħol) ikollha l-effett li jiġi adottat approċċ differenti skont jekk tiġix ikkalkolata allowance kumpensatorja tad-dritt għal leave annwali fi tmiem ir-relazzjoni tax-xogħol jew jiġix ikkalkolat id-dritt għal leave annwali li jkun għad fadal fil-każ li tinżamm ir-relazzjoni tax-xogħol?

5)

Jekk id-domanda (4) tingħata risposta affermattiva, x’inhi d-differenza fl-approċċ li għandu jiġi adottat?
Top